والخبر من شبكه السوداني والتعليق مننا يقول الخبر ادهشت الاستاذه فاطمه حسن زوجه وزير الاعلام عبد الله علي مسار العاملين بالوزاره الذين وجدوها داخل مكاتبهم بصحبه مجموعه من الرجال والنساء حضروا معها وظلوا يطوفون الوزاره ..... فاطمه تم تعيينها مديره لمكتب الوزير الجديد) انتهي الخبر
طبعا استغرشت جدا واستغرشت دي ناتجه من الاندهاش والاستغراب يعني عادي الوزير ممكن يعين اخوه او مرته او صاحبه مدير لمكتبه طيب مدير المكتب القديم بيكون مشي وين لو قلت بينتقل مع الوزير السابق اها في حالتنا دي الوزير السابق مشي الشارع حاجه تانيه الجيش الجرار المكون من رجال ونساء والكان بيتفقد الوزاره مع السيده فاطمه ديل يا ربي بيكونوا السواق الجديد والمراسله الجديد وبتاع الكمببوتر الجديد واللبيس الجديد والطباخ الجديد طيب القديمين راح يمشوا وين كده نحاول نعاين للنص المليان من الكوب احتمال الوزير ما داير يكلف خزينه الدوله قروش عشان كده جاب زوجته لتعمل تطوعا واحتمال تكون اصلا شغاله في الوزاره ولمن زوجها بقي وزير جابها جنبه بعدين وجودها معاه راح يقلل كثره ذهابه للبيت اثناء ساعات العمل الرسميه
غايتو تعيش كتير تشوف كتير
12-15-2011, 08:40 AM
صلاح الدين نزلاوى صلاح الدين نزلاوى
تاريخ التسجيل: 11-10-2011
مجموع المشاركات: 959
Quote: كده نحاول نعاين للنص المليان من الكوب احتمال الوزير ما داير يكلف خزينه الدوله قروش عشان كده جاب زوجته لتعمل تطوعا واحتمال تكون اصلا شغاله في الوزاره ولمن زوجها بقي وزير جابها جنبه بعدين وجودها معاه راح يقلل كثره ذهابه للبيت اثناء ساعات العمل الرسميه
غايتو تعيش كتير تشوف كتير
اذا صح الخبر
يمكن تكون هى خايفة يزوج مديرة المكتب ولا السكرتيرة عشان كده أصّرت تكون بالقرب منه لأغراض المراقبة
والله اعلم
12-15-2011, 08:52 AM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11825
الاخوان صلاح ومحمد الشيخ طبعا اخوكم فكر في قصه المراقبه دي وكيف انها ممكن تكون سبب لكن استبعد الفكره باعتبار ان اغلب هؤلاء الوزراء من ذوي الدفع الثنائي ومرات الثلاثي والرباعي زاتو ونحن لينا الله وعيشه السوق
12-15-2011, 09:15 AM
أيمن الطيب أيمن الطيب
تاريخ التسجيل: 09-19-2003
مجموع المشاركات: 5845
يا فدياس ياخي زيتنا في بيتنا انت مالك ياخ حاسد انتا وللا بغران؟؟
Quote: حاجه تانيه الجيش الجرار المكون من رجال ونساء والكان بيتفقد الوزاره مع السيده فاطمه ديل يا ربي بيكونوا السواق الجديد والمراسله الجديد وبتاع الكمببوتر الجديد واللبيس الجديد والطباخ الجديد طيب القديمين راح يمشوا وين
ديل بكونوا جايين يتفقدوا العفش يعني زي نظام لمن الزول يرحل في بيت جديد بجوا الناس يباركوا ويتفرجوا فالوزارة بقت زي البيت الجديد
12-15-2011, 09:48 AM
صلاح الدين نزلاوى صلاح الدين نزلاوى
تاريخ التسجيل: 11-10-2011
مجموع المشاركات: 959
Quote: طبعا اخوكم فكر في قصه المراقبه دي وكيف انها ممكن تكون سبب لكن استبعد الفكره باعتبار ان اغلب هؤلاء الوزراء من ذوي الدفع الثنائي ومرات الثلاثي والرباعي زاتو
ديل وزراء ولا بلدوزرات ثم ثانيا المفروض الوزراء يشيلو هم المواطنين ، حسع ديل يشيلوا هم الاربعة وعيالهم ولا همنا
مع ملاحظة اننى مصّر على موضوع المراقبة بالذات لو كان من ذوى الدفع الرباعى لان ذلك يعنى الاستغناء عن واحدة لاستقبال الجديدة
12-15-2011, 09:48 AM
هشام المجمر هشام المجمر
تاريخ التسجيل: 12-04-2004
مجموع المشاركات: 9533
ياجماعة خليكم واقعيين وكده ... الزول ده عاوز يحافظ على سرية العمل وكده ... وبعدين زوجتو بتقوم تشوت كل طاقم المكتب وتجيب طقم بما يتوافق مع وضعها الجديد ... يالله دي بشائر الجمهورية الجديدة ... تحياتي يا صاحب البوست وضيوفكم. الشفيع
12-15-2011, 10:54 AM
Kabar Kabar
تاريخ التسجيل: 11-26-2002
مجموع المشاركات: 18537
شباب واصحاب خلونا نسال هنا ولو اني متاكد اننا ما راح نلقي اجابه ما الحكمه من ان كل وزير ينقل يقوم يشيل معاهو مدير مكتبه و السواق وحرسه الشخصي كمان عشان سعادتو يعني بيرتاح ليهم نفسيا
بعدين ليه كل وزير او مسعول اول حاجه يعملها يغير العفش والعرببه ويمكن عفش البيت زاتو وين التقشف هنا يا وزير الماليه ولا بس فلاحتك في زياده اسعار البنزين
12-15-2011, 11:05 AM
james james
تاريخ التسجيل: 06-21-2002
مجموع المشاركات: 2726
يا فدياس لو ظللت متابعا لغرائب المؤتمرجية حتملأ كل هذا الفضاء بالبوستات .. أنسى المعارضة واخفاقاتها .. وركز جهدك في من يقوم بتسبيب الأذى للشعب .. خليك في الفاعل وأنسى الاسماء والحروف والافعال كلها .. ---------------------------------------- كويس يا فدياس يا ولدي ؟؟
استاذ فتحي صديق احسب ان الفساد لم يعد محصورا في اهل المؤتمر الوطني بل من الواضح كما ورد ان كل النخب السودانيه قد ادمنت الفشل والفساد من اكبر مراتب الفشل عليه ستجدني انشاء الله اشير للخلل اينما وجد ولن تتغيير قناعتي في ان المعارضين لا يريدون بنا خيرا انما يبحثون عن نصيبهم من الكعكه
بالمناسبه ولفائده القارئ غير المتابع ورد اعلاه ان هذا الوزير افضل من وزير الخارجيه علي كرتي في اشاره لتعيين كرتي لزوجته اميره قرناص سفيرا للسودان بايطاليا وهنا لا استطيع ان افتي لاني لا اعلم بالفعل سلطات الوزير في تعيين السفراء وهل يتم تعيينهم من رئاسه الجهوريه بتوصيه من الوزير ولا كيف عموما موضوع اميره قرناص ربما نعود له بشئ من التفصيل في موضع اخر
12-15-2011, 05:54 PM
Dr Salah Al Bander Dr Salah Al Bander
تاريخ التسجيل: 11-17-2006
مجموع المشاركات: 3070
مديرة المكتب البسيطة دى أخونا كرتي عينها سفيرة فى روما! الوزيرات ديل ما يعينن رجالن كمان ويريحونا الموضوع بسيط يا جني ... كان أول قرار لدكتور التجاني السيسي هو تعيين زوج أختو مديرا لمكتبه ... وأعرف واحد قريبنا بدرجة أعلى شوية من وزير أصرت زوجته الثانية أن تكون مديرة مكتبه الجديد أو يطلقها ... السبب إنها هي كانت سكرتيرته عندما تزوجها على زوجته الاولى ... وكان تبريره لأهل زوجته الاولى موضوع "الخلوة بالاجنبية" وأنو سكرتيرته زي "الباسطة" مغرية ولذيذة ... ولا يمكن حل الموضوع إلا بالزواج منها ... وعندما اقترح عليه أخو زوجته تغييرها بواحدة "شينة وطعمها مر" كان تبريره بأنها "كفاءاتها عالية وتحافظ على أسرار المكتب بصورة ممتازة" !
12-15-2011, 06:07 PM
jini jini
تاريخ التسجيل: 02-05-2002
مجموع المشاركات: 30716
Quote: مديرة المكتب البسيطة دى أخونا كرتي عينها سفيرة فى روما! الوزيرات ديل ما يعينن رجالن كمان ويريحونا
الموضوع بسيط يا جني ... كان أول قرار لدكتور التجاني السيسي هو تعيين زوج أختو مديرا لمكتبه ... وأعرف واحد قريبنا بدرجة أعلى شوية من وزير أصرت زوجته الثانية أن تكون مديرة مكتبه الجديد أو يطلقها ... السبب إنها هي كانت سكرتيرته عندما تزوجها على زوجته الاولى ... وكان تبريره لأهل زوجته الاولى موضوع "الخلوة بالاجنبية" وأنو سكرتيرته زي "الباسطة" مغرية ولذيذة ... ولا يمكن حل الموضوع إلا بالزواج منها ... وعندما اقترح عليه أخو زوجته تغييرها بواحدة "شينة وطعمها مر" كان تبريره بأنها "كفاءاتها عالية وتحافظ على أسرار المكتب بصورة ممتازة" !
عفيت منها خائفة تشرب من نفس الكأس لو انا منو المأمور يأت كلها باللوري. ستة ماموريات يعملها غضروف جني
12-15-2011, 06:11 PM
علاء الدين صلاح محمد علاء الدين صلاح محمد
تاريخ التسجيل: 12-30-2004
مجموع المشاركات: 4804
عين الرضا لا ترى فساد كرتي واخوان نسيبة وهل انحصر الفساد الانقاذي على مسار الانقاذ مليانة بالفسادين والمفسدين الفساد ينخر في هيكل الانقاذ واكسير حياة للاقناذ ولو لا الفساد لما كانت حكومة الوحدة الوطنية
12-15-2011, 07:24 PM
الصادق الزين الصادق الزين
تاريخ التسجيل: 09-18-2009
مجموع المشاركات: 2690
يعنى الوزير الحقيقى للاعلام هى السيدة الفضلى فاطمة حرم السيد عبدالله مسار مش احسن كان من البداية يجونا من الاخر! على بالايمان الوزارة كلها تديرها الشمارات ويا ويل الذين تغضب عنهم السيدة الوزيرة زوجة الوزير بلا صلاحيات!
اين الشفافية يا مؤمنيين؟
12-15-2011, 07:28 PM
فتحي الصديق فتحي الصديق
تاريخ التسجيل: 06-17-2003
مجموع المشاركات: 6072
Quote: احسب ان الفساد لم يعد محصورا في اهل المؤتمر الوطني بل من الواضح كما ورد ان كل النخب السودانيه قد ادمنت الفشل والفساد من اكبر مراتب الفشل عليه ستجدني انشاء الله اشير للخلل اينما وجد ولن تتغيير قناعتي في ان المعارضين لا يريدون بنا خيرا انما يبحثون عن نصيبهم من الكعكه
مع كل التقدير لرأيك يا فدياس ..فأنا أعني أن المؤتمر الوطني هو الممسك بزمام السلطة الان . ومظاهر الفساد الذي قام به منسوبوه أكبر من أن تعد وتحصى ..وبصفتك متابعا لأخباره أتمنى لو أنك وجهت قلمك (السنين) لتعرية هذا النظام ..لأنه وبأفعال منسوبيه يسبب الضرر البالغ لكل سوداني ... أما عن فساد المعارضين فذلك موضوع اخر لا أود الخوض فيه الان ..ولعلك توافقني أن هؤلاء كانوا تحت بصر الصحافة الحرة والبرلمان الحر والقضاء المستققل في أيام توليهم للحكم .. -------------------------------- كل السهام تجاه صدر النظام الذي فسد وأفسد وقنن للفساد ... فدياس ...هل أتاك حديث زوجة المعتصم عبدالرحيم ..رئيس تحرير الصحيفة التي تصدر من الوزارة التي يتولاها زوجها ؟؟
12-15-2011, 08:04 PM
Mohamed Yassin Khalifa Mohamed Yassin Khalifa
تاريخ التسجيل: 01-14-2008
مجموع المشاركات: 6316
الاخ فدياس والمتداخلين حسب علمي ان السيّدة فاطمة هي مدير مكتب الوزير من القصر حين كان مستشاراً للرئيس و(أعتقد) انه تزوجها وهي موظفة والقصة مافيها فساد كل القصة تنقلات عادية من القصر إلى وزارة الإعلام ومدير مكتب الوزير السابق ينتقل لإدارة تانية للعلم المهندس عبدالله علي مسار من أنزه المسئولين وإن كنت إختلفت معه سابقاً فقد عرفته شجاعاً ونزيهاً
12-15-2011, 11:20 PM
فدياس نجم الدين فدياس نجم الدين
تاريخ التسجيل: 05-19-2008
مجموع المشاركات: 2401
قريمان ادانه السلوك ايا كان فاعله هو ما اقصده هنا سواء بدر من مسار او كرتي او المعتصم عبدالرحيم المحسوبيه لا يجب ان تصل لدرجه تعيين الزوجه والاخوان والاخوات في هكذا وظائف شاكر عبورك الكريم
12-15-2011, 10:52 PM
فدياس نجم الدين فدياس نجم الدين
تاريخ التسجيل: 05-19-2008
مجموع المشاركات: 2401
كوز اتوفى زوجتو فرشت عليهو ثلاثة ايام بلياليها اليوم الرابع جات واحدة سايقه معاها اربعة شفع وقعدت تبكي المرحوم زوجة المرحوم قال ليها: ماعرفتك والله ... انتي منو ؟ فردت : انا زوجة المرحوم فقالت الزوجة مندهشة : كيف زوجتو وعندك اربعة اطفال وانا ماعارفة ؟ زوجي الله يرحمو من الشغل للبيت للجامع القريب وابعد مشوار بمشيهو للتلاوه فردت عليها : بسسسسس شفتي التلاوة دي .. دي انا زااااتي !!!
12-16-2011, 01:07 AM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8947
يبدو ان زميلنا عمر عثمان كان محقا عندما كتب بوست بعنوان وزير الاعلام ما براهو فاليوم وفي شبكه السوداني طلعنا تحت عنوان ( انا واخوي على الغريب ) بمكتب وزيره التعاون الدولي اشراقه سيد محمود نحت على لافته بنيه اللون اسم مجدي سيد محمود ( الشبكه ) قالت ربما حدث خطا فني في قلب اسم الوزيره ولكن المصادر اكدت ان الاسم على اللافته لشقيق الوزيره اشراقه الذي عين مديرا للمكتب . انتهى الخبر وبدورنا نعتزر للوزير مسار على شيل الحال ويبدو انها ########ه هايصه ومولد وصاحبه غايب اللهم الا اذا كان مرتبات ومخصصات هؤلاء المدراء يتحملها الساده الوزراء من حر مالهم لكن ان بقت من قروشنا انا شخصيا ما عافي ليكم حقي كلو كلو
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فدياس نجم الدين
صلاح الدين نزلاوى
MOHAMMED ELSHEIKH
أيمن الطيب
محمد جلال عبدالله
هشام المجمر
ABUHUSSEIN
مُحَمَّدٍ عِوَضٌ احْمَدُ
Al-Shaygi
Kabar
james
فتحي الصديق
تبارك شيخ الدين جبريل
nadus2000
Kostawi
أمير فتحي
jini
Dr Salah Al Bander
علاء الدين صلاح محمد
الصادق الزين
Mohamed Yassin Khalifa
Ahmed musa
Adam Omer
خالد العبيد
Mahjob Abdalla
د. ياسر عبد القادر
محمد مختار جعفر
الطيب رحمه قريمان
فيس بوك
تويتر
انستقرام
يوتيوب
بنتيريست