شرطة مباحث ربك تفبرك بلاغ ضد المحامي عز الدين احمد ادريس لاشانة سمعته

Quote: افادة حول تعذيب المواطن ن خ ب انا اسمى ن خ ب ابلغ من العمر 31 سنة اسكن ربك حى العمارة تلفونى 0911140731 عازب واعمل بالاعمال الحرة الحاصل فى يوم 13/6/2011 تم القبض على بواسطة افراد من تيم مباحث ربك وعددهم 5 افراد اعرف منهم الصول بشير والنزير من افراد مباحث ربك اقتادونى الى القسم الاوسط بشرطة ربك بعد ان قاموا بتفتيش منزلنا حوالى الساعة الثامنة صباحا وهناك اتحروا معاى بتهمة اننى سرقت منزل جارنا ويدعى منتصر اسماعيل وقاموا بالافراج عنى بالضمان يوم 14/6 بعد ان قاموا بالقبض على قريبى ادم واحتجزوه بالحراسة وادم هذا استدعوه بواسطة التلفون وجاء من الخرطوم ووعندما اتضح لهم انه غير موجود بالبلد لفقوا ليه تهمة سكر واتقدم الى المحكمة التى افرجت عنه وشطبت البلاغ لعدم حضور الشاكى بتاريخ 11/9 /2011 تم القبض على مرة اخرى بواسطة تيم من افرادالمباحث فى الجبلين حيث قصدتها لعمل فى نفس اليوم الصباح وكان التيم مكون من فيصل ونجم الدين وشوقى ادم حسن واسامة والنزير يقودون بوكس شرطة ربك الاسود ووصلنا القسم الاوسط شرطة ربك حوالى الساعة 3ظهرا وهناك ادخلونى الحراسة . ظللت بالحراسة الى الثامنة والنصف مساء حيث اتىى النزير واقتادنى من الحراسة الى مكتب المباحث بالقسم الاوسط ووجدت كل الاشخاص القبضونى اضافة الى اخرين لا اعرف اسمائهم وقالوا لى تعترف انا قلت ليهم ماعملت حاجة مابعترف بالكضب وقالوا لى اقيف وارفع يديك امامك وظللت فى هذا الوضع الى السادسة صباحا كلما تعبت يدى وقمت بانزالها يضربونى فى راسى ورقبتى بايديهم صايحين ارفع راسك وجابونى راجع وكان موجود فى الحراسة لما اخدونى عباس الرازى وبشير مبلول وسالونى بايت وين ووريتهم الحاصل وظللت بقية اليوم فى الحراسة الى بعد صلاة المغرب وبعد الصلاة اقتادونى الى مكتب المباحث وهناك جابوا شخصين لا اعرف اسمائهم ضربوهم امامى وقالوا لى امبارح اديناك جرعة بسيطة الليلة حنزيد الجرعة وكل يوم بنزيدها الى ان تعترف وقلت ليهم ماعندى حاجة اقولها ليكم مابعترف وقاموا طوالى جابوا سلبة وعمود زى النوع البستخدم فى فندق فلاتة وربطوا يدينى مع كرعينى ونزلوا لى راسى فى ركبتى وادخلوا العمود تحت تحت كرعينى ويدينى مربوطة تحته وعلقونى وقالوا دى الطيارة قامت وبدوا يتناوبوا فى ضرب باطن قدمى بالخرطوش الاسود ويكبوا موية فى اقدامى وكان معاهم شخصين اخرين من افراد المباحث واحد يدعى مرتضى وواحد يدعى الباقر بشارة وبعد كل نص ساعة كده ينزلونلاى يقولوا لى نطط ولما الضرب كتر على وتعبت قلت ليهم بعترف ولما نزلونى قلت ليهم بعترف الصباح وقاموا اتصلوا بالرائد مختار رئس قسم المباحث وادونى التلفون اتكلم معاى قال لى عايز تعترف قلت ليه نعم لكن انا حسه تعبان بعترف بكرة وشال منى التلفون فيصل اتكلم معاه الرائد قلت ليهم ودونى الحراسة انا تعبان قالوا لى مابنرجعك الحراسة بنوديك تبيت فى مكان تانى وساقونى وكنت تعبان الى حراسة قسم السكة حديد وقالوا للمناوب واسمه حافظ انحنا عايزين نبيت الزول ده هنا والصباح نجى نسوقه قال ليهم الزول ده تعبان مابستلمه وقال لى مالك قلت ليه الناس ديل ضربونى ومشوا اقنعوا واحد تانى اسمه على قام استلمنى ودخلنى الحراسة وفى الصباح حوالى الساعة الثامنة جوا الى الحراسة واستلمونى وودونى القسم بعربية منتصر الشاكى قالوا لى اعترف قلت ليهم ماعملت حاجة مابعترف قالوا لى انت بتلعب بينا ونحنا ماشفع والليل بجى وطوالى دخلونى مكتب الرائد مختار وقام قال لى انت ماتعترف وتريح نفسك فى عبد القادر قال شافك سرقت الحاجات من منزل منتصر وانا قلت ليه ماسرقت قام نادى ناس تيم المباحث قال ليهم فطروه وماتدخلوا الحراسة خلوه فى مكتبكم وقعدت فى مكتبهم الى حوالى الساعة الثامنة والنصف جوا كلهم وقاموا قالوا لى اقعد على ركبك فى الواطة وارفع يدينك وظللت فى هذا الوضع الى العاشرة مساء وقمت وقعت رجعونى الحراسة هناك بشير مبلول وعباس الرازى قالوا لى انت تعبان ننادى ناس النبطشية يودوك المستشفى قلت ليهم لونمت برتاح والصباح يدينى كانت متشنجة ورجلينى وقاموا ناس عباس وبشير صاحوا فيهم الزول ده تعبان قاموا جو ساقونى ودونى مستشفى الشرطة بكوستى وهناك قالوا للدكتور الزول ده عنده ملاريا انا قلت ليه انا ماعندى ملاريا انا ضربونى الناس الجابونى ديل وانا من امبارح حابس بول قام ادانى علاجات حبوب ودربات اخدتها هناك والساعة12 ظهرا رجعونى الحراسة فى ربك وفى المساء عندى قريبى رائد فى البوليس جاء قال ليهم تطلعوا اورنيك للزول ده وطلعوا لى اورنيك ودونى المستشفى رقدت هناك حوالى 13 يوم فى التقرير الطبى اتضح انه عندى ثلاثة اضلع مكسورة والم فى الرقبة والم فى عضلة الفخذ اليمنى . بعد ماطلعت من المستشفى رجعونى الحراسة وقام اتحرى معاى لاول مرة المتحرى فى البلاغ وقعدت بعد داك فى الحراسة 9 ايام وتم الافراج عنى بالضمان العادى المحامى بتاعى عزالدين احمد ادريس قام بعمل شكوى ضد افراد المباحث واخدوا اقوالى فيها ووبتحرى فيها الرائد اسمه سيد