|
|
 Re: عايز أبقى شاعر حُر..تبقوا معاي؟ (Re: محمد حيدر المشرف)
|
المهم ..
أعرف يقينا ان سيناريو اليابسة لعاطف خيري ّيستحق أن يضاف للمدارس الشعرية ..
بيد أنى اتفق نوعا ما مع الخفة الممارسة هنا عند استحضار ّ( أقصى شاشة الاصغاء ) لذات العاطف !!
وغالبا ما يكون ذلك عائدا لمشكلة شخصية أعانيها!. أو إحتمال !!
| |
  
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: وليد محمد المبارك)
|
من غير شغل
(مجاراة لشاعر دبي الكبير وليد )*
عواطلي وليك نَفِس تطلب!!
كرسي شنو البتقعد فيو
صلبك ما فِتِر منو
تزحزح في النهار والليل
تقابض الغاشي والماشي
وتقلع حق عشاك كمان؟؟
أهنديييك سارة بت التوم واقفة بتشكي لأمك..
وداك عباس بتاع الفول، لحستو وهسي زعلان منك..
عضام ياتي التكد فيها
هي نفسك فاتحة للعضة؟؟
وأول مرة أعرف زول
عواطلي وبيلعب الكورة..
كمان قال كيفو في التمباك
مفروض ياخ تسفو تراب ..
ويحجزوا ليك كرسي كمان؟؟
وزول زيّك عديم إحساس
بيحس بالقشة كان مُرّة؟؟
وقال الحفلة جاييها ، وقاشر من بلاد بره
ناس الحفلة ناقشينك
وناس الحلة شامينك..
أرجل زول ؟؟ من القال ليك..
شغل ياتو البنلقاو ليك؟؟
تنوم والناس تفتش ليك؟؟
فّكر في البيت وفي أبوكا
يمين مفروض يصلبوكا
وفي أقرب كوشة يرومكا..
--------
* قالوا دبي نفعت معاك يا أخو
شكلك ناوي تطبع ديوانك وترجع.
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: Salah Abdulla)
|
بتمسكلى ..
بعد حولت كل العمر رصيد ..
بتسمكلى ..!!
بعد بدلت ليك بالآيفون ودافع فرق ..
بتمسكلى ..!!
ياجلدة عفنة مالا التسكت مسج ..
ول ما بتعرفى تكتبى ..!!
وشابكانى اقلبو لى بالإنجليزى ..
يقلب شباشب مركبك ..
بتمسكلى ..
والله زهجت منك ومن نغمتك ..
وكرهت حتى الإتصال ..
وكرهت نضمك والغلاط ..
يا غالاطة !!
فترت من تحويل الرصيد ..
وتعبت من كشط الكروت ..
عشان تشحنى ..!!
يا بليدة وما تفهمنى ..
قلت ليك تلفونى خط
خط ..
خط ..
خط ..
ما بحول رصيد ..
إتفكفكى !!
..
ــــ
صلاح أبودية
حلة الجراد 1988م
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: سفيان بشير نابرى)
|
هل من مرحب..؟؟
عضو جديد و فرحان..
وما مصدق إني أخيرا لاقيتكم يا حبان..
أخوكم عوض باشري أم قريفان..
عدد الردود سبعة..عدد القراء تسعة..
تلاتة ردود حقت عوض عبارة عن شكرا لي تلاتة ترحيبات إضافة إلى المشاركة الأم..
خمسة قراءات لعوض ممنيا نفسه أن تكون في إحداها ترحيبة من عزاز..
عذرا سادتي ليس للموضوع علاقة بدول الهلال الخصيب..
فأرض الشام لها حاليا من ربيع الثورات نصيب..
مع العلم أن عوض أضاف هذا البوست قبل إسبوعين ونيف..
ويقبع حاليا في أرشيف الربع الثاتي من هذا الصيف..
عوض رجل عالم ومثقف لا يهتم بالكم بل بالكيف..
كتب عن إنشطار الذرة..وعن يوم البعث..وسر ألوان الطيف..
قرأنا هذه المواضيع مجتمعة في يوم واحد ولحظة واحدة..
هو ذات اليوم الذي عرفنا فيه بأن هناك من يدعى عوض..
شاشة سوداء يعلوها عنوان عريض بلون زينب مفاده أن منو العوض وعليهو العوض..
أحححيا يا عوض صحي إنت مت؟؟كانت هذه ومضة معزية..
مات عوض فماتت الإنسانية..!!كانت هذه ريحانة قد كتبت مرثية..
وتبعتهن ملكة كوش ونازك وبت الأهلية..
هي لكن يا عوض إنت ذاتك بتبالغ..ديل عرفتهن بتين وكيف يا راجل يا شايب
تراكا لااابد بي تحت شي فيس وشي ياهو و شي ما ياهو وشي إسكايب..
بينما صاحب الحوش بالدف ضارب وشيمته بشر الصابرين..
وآخرون يسردون نوادرا وقصص عن كيف التقوه وعن روعته بينما هم فقط معزون..
عضوة جديدة هل من مرحبة..؟؟
متابعاكم من زمان وبي محسن انا معجبة..
عذرا ليس للموضوع علاقة بي الكلوروفيل..
فذلك تجده في زرع أخضر جميل..
البوست نزل هسسسة دي مش؟؟
كدي بس أعمل ريفرش..
عدد الردود جغلومية..عدد القراء..خورتومية..والأعمى شايل الأطرش..
وينك يا رايعة..يا لجمال يراعك..مدهشة..وأي زول بي وردتو الحمرا يخش..
ده غير الوشوش الخدرا البي سبب وبلا سبب..
حيييينا تفصل يا كبير؟؟؟
الحالة ما عرفو الإسم..
والحالة ما شافو الشكل..
مش بت؟أكيييد عسل..
وحلللك لما نكتشف إنها شينة..
بتكون أدت الغرض ونحن زاتنا بنكون خلاص مشينا..
الغريبة إنها تكتب بإسم الفراش الحاير..
فأحتار الاخرون وتكبكب الشباب الباير..
هم أريتم لو شباب ..عجااايز وملك الموت حولهم طايير..
كتبت عن أثر الديانة والفير..
فشاركناها اللوفلي..مش أخير؟
كتبت عن أثر الطلح..
فحرقنا أجسادنا بل كتبنا الدلكة بسووها كيف والحلة لو زايدة ملح..
هي دقيقة النحدسكم قبل ما أنسى..
مش الفراشة طارت..
وجماعتنا إحتارو في كنكوجم..
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: عمر الفاروق)
|
تحية يا عمر و تحايا لضيوفك
سنة الفين و ستة اخدت لي غيبة اسبوعين من المنبر لما رجعت
لقيت المنبر كلو بقى سياسيين بما فيهم ناس الكورة و الغنا
هسه غبت من المنبر ثلاثة اسابيع ورجعت لقيت المنبر كلو بقى شعراء احرار
ياخي ابو شنب ذاااااتو بقى شاعر وانا كنت قايلو بتاع غنا ساي!!
يا اخوانا الحكاية شنو؟
و الله الواحد لو بضمن انو يغيب ويجي يلقاكم بقيتوا
بتاعين مظاهرات والله تاني شهر ما تشوفوني!!
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: elsawi)
|
| Quote: ياخي ابو شنب ذاااااتو بقى شاعر وانا كنت قايلو بتاع غنا ساي!! |
أووووووووه الصاوي، سحارة الغنا السمح
أسبوعين شنو ياخ أنا لي سنتين ما (قريتك)..
سمعت بي سبعة صنايع والبخت ضايع!! ياهو ده أنا زاتو
وبعدين نحن جواكر ياخ ، وين ما تختنا نشتغل..
وبيني بينك عايزين نخت أصحاب الدواوين في حتة ضيقة
يا يكتبوا صاح يا كمان يريحونا ويرحمونا شوية ياخ..
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: elsawi)
|
Quote: و الله الواحد لو بضمن انو يغيب ويجي يلقاكم بقيتوا
بتاعين مظاهرات والله تاني شهر ما تشوفوني!! |
مرحب بيك يا الصاوي
دا ما كلو تسخيت للمظاهرات
وبعدين كمان شفن الثورة اتاخرت قلنا نبدا بالثورة الثقافية
وناس الانقاذ ديل ملحوقين.
شايفة خريطتك بتاعة السودان لسة كاملة انت لسة شغال بالقديم
ولا ما مقتنع . الله يستر علي الفضل دا ما يتقرم بجنبة تانية.
تحياتي للاسرة ودمت بخير.
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: سفيان بشير نابرى)
|
هلا هلا الصناجة نابري
والله يا نابري
الجو مُرتاح في البلد دي
والمافي شنو ؟
اما عن تجربتي الشعرية فاحثك انها ، وليدة معاناة الترف الصباحي ، حين يكون الناس منشغلين باشيائهم الحياته كالاستحمام وبعض من افعال خالصة ... يا صديقي الشعر حالة مازوخية .. يُعذب الانسان فيها نفسه .. ويصلُح في نفس الوقت ان يكون علاج لنفس الحالة ..!!
بالدارجي كده.. بفلق ويداوي
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: عمر الفاروق)
|
تمردت يوما رفضت الكباري
تمرغت يوما بحسن اختياري
كتبت حديثا لا باختياري
وقلت كلاما شمارا شماري
بكيت كثيرا فرحت كثيرا
بانك تقهم في تنظير النظير
وقفت كثيرا بين السطور
فما ظللتني حروف حديثك
ولادثرتني معاني المقال
فبين السطور حرور حرور
وبين السطرور قنابير عنزة
.................وبعض حمير
قفا نبكي هيا مت بين السطرو
رقراق حروفك وشمس الضحى
خلني بين نايم وزولا صحا
حروفك بقن بارمات شعورن
رافاعت قزازن
لابسات كعوبن ماشات دروبن
دروبن خطر
ـــــــــــــ
شايفة سفيان
متشحتف لي طرقة كسرة
وحلة خدرة
في منقد قاعد برة الحفرة
وصاج جوة الراكوبة
وجارة تنادي بالنفاج
ياناس الخدرة
انا جايبة السلطة
وحبة روب
وبصلة خدرة
يلا نغني
عاشت الكسرة
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: القلب النابض)
|
د. سناء سلام و تحية،
| Quote: فضل الظهر نص يدخل في باب ادب السيرة الذاتية |
هنالك تشابه كبير بين إسلوبك النقدي و المدرسة النقدية العفوية التي أسسها حلاق الجامعة.
بعدين مالك ما "نقدتي" قصيدتي في الصفحة السابقة.
تحياتي لعمر المجذوب و الاولاد
عمار
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: عمار يس النور)
|
وجع السؤال
--------
رديت عليك من غير سؤال
وجاوبت للهم الفرح
ختيت علي كل الاسي
وفرهدت بيك دنيا المحال
وانا انتظار.....
وانت السحابة الشايلة هم الدنيا فوق
ترسم ترقرق تدي للارض الذبول
في كل كون....ومع السكون
لاقيت سحابات الشجن
تنسج خيوط كل المحال
بي كل ارادة وارتحال
واتذكرك لحظات نغم
في نمة في شاي الصباح
بي رقة بي كل اندياح
واسرح بعييييييييييييييد
وانتي الخيال الخاطر الهم النزف
ياامسيات كل الاسف
مابين سؤالك والجواب
يتفتح الشارع حلم....
واناجي دربك يامحال
القاكي بين مليون ارض والف باب
اه.... ياعذاب
لامن الاقكي خطاكي تمرح في مسامي وتنتشي
والشهقة....نازلة وتنكفي
والطفلة حنة ونخلتين
والجنة ناره سعيره حي
يبداء السؤال.... من غير سؤال
وانا في انتظارك ياسهاد
راجي السؤال بعد السؤال
يتفتكت الخاطر يباب......
ارسل كمان كمين جواب
ارسل كمان كمين جواب
ارسل كمان كمين جواب........!!!!!
أ
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: haroon diyab)
|
اكيد مجنون
-----------
رحلتي الذكري والنسيان
وجافيتي العمر اخضر
وفرهد في سماكي نغم
تخضري نور صباحي الهم
فياوجعني ملاني فرح
ويانسمة بتسد الضوء
وبين لحظة مدامع نور
شع من الفؤاد مسدار
الاقي الفرحة تتلاشي
وامشي وراك يامشوار
--
ايا صيف الشتاء الحارق
ويابرد الهجير الصي
علي بحر الظلام ...
بلقاك
حلم...
برجاك
حقيقة وزيف
وبترجاك
لقانا يطول
وبستناك
علي الجندول
وبتحاشاك
من القول
وبتحداك
في كل زول
وبهوي سواك.....؟
اكيد مجنون
| |
|
|
|
|
|
|
| |
محمد حيدر المشرف
سارة علي
سارة عيسى أحمد
عمر الفاروق
وليد محمد المبارك
صلاح أبودية
سفيان بشير نابرى
elsawi
سناء الصباغ
القلب النابض
عمار يس النور
haroon diyab
فيس بوك
تويتر
انستقرام
يوتيوب
بنتيريست