عندنا محمود عبد العزيز ومحمد ميرغني وزارعين جرجير وعندنا مصانع يعني ناكل مما نزرع ونلبس من ما نصنع حقو نطالب بالانفاصل نحنا زاتنا عذبونا ناس عمر الفاروق ووليد الشفت بذكريات بحري اها كمان الجامعات في والريد برضو في والدنيا عايزه كدا محمود عبد العزيز + جرجير + مصانع + ريد = بحري سر الهوى المافي شنو تاني على قول قيقراوي ومن هنا نطالب بدوله برانا كدى تعال يا طارق ميرغني ( ابوالفن ) نشوف لينا نشيد وطني كارب علمنا طبعا معروف اخضر لون مزارعنا وابيض لون ضمائرنا ومرسوم عليهو مصانع وكرة قدم وقبة حمد وخوجلي . . اكيد لكل واحد فيكم ذكريات في بحري ياناس المنبر فيها من له صديق ومن له صديقة ومن له حبيبة ذاتو اها وكلامي دا كمان للناس البتجي تحضر الحفلات في بحري وتتلصص على الجكس البديع فيها بالله احكو لينا ومتعونا بيها لان اي شيء في بحري له طعم ومذاق خاص اكيد ليكم انطباعات جميلة وياريت تعسكوها لينا ...
12-20-2011, 11:21 AM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
ناس الضهاري ممكن يشاركو ولا دولة حناكيش ساي من شاكلة طارق ميرغني وكدا؟
هم ناس الضهاري ديل زاتم ملح بحري ياااااخ تقول شنو في كل بيت في بحري ممكن يكون فيهو 15 نفر وديل بكون منهم 5 بتكلمو عربي سليم ورغما عن ذلك تلاقيهم تاني يوم عرسو من الحلة وكسرو ا رقبا وعيالهم جارين في الشارع وطوالي تصبح جنسيتهم تصبح بحراوية ولغتهم بحراوية ... اها بعد شوية بجيب صور اصحابك كمان اديني فرصة اشوف الارشيف بتاعي بس ياشيقا بحري فيها حركة رهيبة ومصاهره بين ناس الحي لما انت تستغرب قصة تمشي تعرس من بعيد دي في بحري قليلة جدا ...
12-21-2011, 07:39 AM
عبدالكريم أحمد الامين
عبدالكريم أحمد الامين
تاريخ التسجيل: 08-04-2008
مجموع المشاركات: 6343
يا وليد بحري دي اشرقت بها شمس وجدي ,,, بحري الزوق بحري الطيبة بحري الإنسانية بحري الفن بحري الكورة بحري الإجتماعيات بحري الطب بحري الهندسة بحري الحنان بحري الجمال بحري العلم بحري ..... الخ,,, وفي بحري بالتحديد ياناس عشقت الريد,,, والزوق الإنسانية خلقوها في الشعبية ,,, ياخ انا بحري دي لو ما كنت منها برضو كنت حا اطلب اللجوء السياسي فيها ,,, يا سلااااااااااااااااااااام ياخ بحري دي فعلا سر الهوى وغير بحري ما لي دواء بالجد يا وليد فتحت بوست فتح علينا ابواب من ذكريات جميلة لم ولن تبارح قلوبنا وعقولنا ما حيينا ،،، بس نعمل شنو بجيك راجع بالمزيد ...
تحياتي : ياسر العيلفون
12-21-2011, 08:31 AM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
Quote: يا لله ياناس بحري قالوا بتحبوا يلا حبونا يا حليل بحري وزمان بحري زمن الحنان والحب الاول
ياخي انا عارف جكس بحري دا من زمان قالو بطلع العقارب من الجحور اوعى تكون ضربت عقرب ضربة قوية بس . . عندي واحد صاحبي ادوهو شاكوش لقيتو متكيف وبضحك ضحك شديد براهو انا قلت خلاص صاحبي جنّه قلت ليهو الحاصل شنو قال : انا متكيف من الشاكوش عشان هي بت سمحة شديد وانا زاتي كان ما مجنون احب لي واحده سمحه زي دي بعدين ياخي الشاكوش لما تديك ليهو بت سمحة بتعمل ليك شُهره وباقي الجكس بفكر فيك بعد داك ههههههه برضو سياسة صاح
12-22-2011, 08:01 AM
يحي ابن عوف
يحي ابن عوف
تاريخ التسجيل: 05-25-2002
مجموع المشاركات: 6335
Quote: ياخي انا عارف جكس بحري دا من زمان قالو بطلع العقارب من الجحور اوعى تكون ضربت عقرب ضربة قوية بس
عندي واحد صاحبي ادوهو شاكوش لقيتو متكيف وبضحك ضحك شديد براهو انا قلت خلاص صاحبي جنّه قلت ليهو الحاصل شنو قال : انا متكيف من الشاكوش عشان هي بت سمحة شديد وانا زاتي كان ما مجنون احب لي واحده سمحه زي دي بعدين ياخي الشاكوش لما تديك ليهو بت سمحة بتعمل ليك شُهره وباقي الجكس بفكر فيك بعد داك ههههههه برضو سياسة صاح
ههههههههههههههههههههههههههه سلام ياوليد عبد اللطيف
الشاكوش ولله في ده الزمن بقى راحة ما زي حق زمان ياوليد حليل الحُب و حليل أيامو حليل زمن اليحبك يحبك بكل جوارحو وأحاسيسو والتهبت العواطف وارتفعت الحرارة واصلا النار شرارة وتبدأ القصة برسائل والصور والخط شبك بحري ليها طعم خاص لا ازال اذكر حدائق البلدية وكيف كنآ نقضي فيها اجمل الاوقات الحب كانت الامسيات رائعة وجميلة في مركز شباب بحري وين احمد الريئس وعماد أحمد الطيب .؟ محمد الكابلي ويحيى الفنان التشكيلي و و و.؟
يا حليل بحري
12-21-2011, 10:10 AM
Emad Ahmed
Emad Ahmed
تاريخ التسجيل: 08-12-2009
مجموع المشاركات: 12705
يخيم بحري السواد هذه الايام لرحيل نجم من نجومها وهو الراحل المقيم الكابتن حافظ عبيد لاتكبي حلة خوجلي وحدها بل تبكي كل اركان بحري على هذا الفقد العظيم اللهم تقبلة قبولا حسنا ....
نعم أخي وليد فقد توشحت بحري يوم أمس بحزن عميق لرحيل الكابتن حافظ عبيد إلى جوار ربه وبكته بحري كلها بالدمع السخين فقد كان الفقيد إنسان بكل ماتحمل من معاني رفيعة. ألف رحمة نور تتنزل على قبره الطاهر وانا لله وانا اليه راجعون.
12-22-2011, 11:01 AM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
Quote: يا وليد بحري دي اشرقت بها شمس وجدي ,,, بحري الزوق بحري الطيبة بحري الإنسانية بحري الفن بحري الكورة بحري الإجتماعيات بحري الطب بحري الهندسة بحري الحنان بحري الجمال بحري العلم بحري ..... الخ,,, وفي بحري بالتحديد ياناس عشقت الريد,,, والزوق الإنسانية خلقوها في الشعبية ,,, ياخ انا بحري دي لو ما كنت منها برضو كنت حا اطلب اللجوء السياسي فيها ,,, يا سلااااااااااااااااااااام ياخ بحري دي فعلا سر الهوى وغير بحري ما لي دواء بالجد يا وليد فتحت بوست فتح علينا ابواب من ذكريات جميلة لم ولن تبارح قلوبنا وعقولنا ما حيينا ،،، بس نعمل شنو بجيك راجع بالمزيد ...
ياسر العليفون ابكي براحة سمح ماتلم فوقنا الناس دا نحنا حالتو لسه مادقشنا بيك على ناس العيلفون ناس مبارك حسن بركات وود الرضي والجاغريو ح تعمل شنو يعني ح تفرش لينا هنا عديييييل تخيل زمان الواحد ماكان محتاج يطلع بره بحري فيها المياه والخضرة والوجه الحسن المافي شنو على قول قيقا
الاخ طارق ميرغني كل سنه وانت طيب وربنا يحقق امانيك اناموجود في السودان وجاي الدوحه شهر2 وسوف اكون معكم في شهر3 ياذن الله تحياتي للاستاذه فوزيه وقول ليها تجهزالكوارع وخالد المجرب واولاده وكل الاخوه بالرياض مع كل الود
انا زاتى ما عرفتو والله يا طروقى الشوق اطنان حديد قريد ون الاخ وليد صاحب الخيط البودى الصبابى بحرى كل سنه وانت طيب بحرى فيها هوى غير اسمج لى ان احى عبرك صديقى العزيز هشام درماس
حسان بحري كتب فيهم عدد كبير من الأعنيات نذكر منها :
رائعة محمد وردي (جميلة ومستحيلة) بس مابوريك إسم الحي.
أيضا من أغنيات الحقيبة (في الخوجلاب)
مـاكنت رايق وساكن في صفاء وتأمين
فـي الـخوجلاب ياقلبي مني شالك مين
للشاعر أبو صلاح.
الريد والحب في بحري وحسان بحري ليهم سماحة فريدة وزي ماكتب ابو صلاح ( في الخوجلاب ) وطبعا قالو دي كانت حفلة ومافيها ( رتاين ) فاندهش ابو صلاح بنور جمال البنات في هذه الحفلة انت ياعماد زوجة الشاعر ابو صلاح التانية موش كانت ساكنة المزاد بحري دي محطة لازم نقف بها ويحدثنا عنها اولاد المزاد اضافة الى ابو الفن طارق ميرغني
الشاعر ابو صلاح
شوف العين قالت ده لا لا
صدت من تيها ودلالا
ريدتك ساكنة الجوف خِلا لا
والأعضاء امتزجت خِلالا
وبراق سنك شقَّ لالا
ولحظك صاب أحشاي قلالا..
Quote: رائعة محمد وردي (جميلة ومستحيلة) بس مابوريك إسم الحي.
عليك بحري كان تقولو الحي دا وين وهنا ياملك التوثيق
01-01-2012, 11:01 AM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
مهما تغيب عليها تلقى الشوق اليها ومهما نقول عليهاكلماتنا ما بتوفيها
وانا بحب بحري وهواها البحري وناس بحري وشوارع بحري حتى زحمة المنطقة الصناعية وريحة مصانع الزيت ويااااا حليل صفارة النقل النهري والمخازن في الصباحية البدرية. شكرا يا وليد بوست في الصميم ولا اقول ليك بوست في الانكِل بلغة الدافوري
Quote: ههههههههههههههههههههههههههه سلام ياوليد عبد اللطيف
الشاكوش ولله في ده الزمن بقى راحة ما زي حق زمان ياوليد حليل الحُب و حليل أيامو حليل زمن اليحبك يحبك بكل جوارحو وأحاسيسو والتهبت العواطف وارتفعت الحرارة واصلا النار شرارة وتبدأ القصة برسائل والصور والخط شبك بحري ليها طعم خاص لا ازال اذكر حدائق البلدية وكيف كنآ نقضي فيها اجمل الاوقات الحب كانت الامسيات رائعة وجميلة في مركز شباب بحري
كان زمان اهلنا بقولو كان ... الحب حلال ما كان حرام كان زمان حديث الحب مناجى... ومجلس الحب احترام وداك زمن ما بحيى مين تاني البعيدو... العمر ساقو ومشابو واللي كان كان وين زمان ..
01-01-2012, 10:56 PM
عبدالرحمن إبراهيم محمد
عبدالرحمن إبراهيم محمد
تاريخ التسجيل: 10-02-2009
مجموع المشاركات: 2591
لا حولالالالالالالالالالالالالالالالالالالالالالالالالالالا
انت يا بدر الدين فاضى من ساس يسوس .. _______________
كدا يا ولــى بادياً تبادى خلينا نقعد فى الخور ونسترجع امس الذى ولى وسنعيده هنا وهنا فى هذه الاتكاءة ..
اول حاجة نزل لينا
يا شباب بحرى ما قالو بتحبو
وثانى حاجة دا بوســت 2012 م حق ناس بحرى
وخلينا نفتش الصور والناس والحى واجى اصنقر هنا دا ..
السلام لاهل بحرى وناس بحرى وشباب بحرى وسمحين بحرى والسلام لى عبد المنعم كومى ( باره ) عز الدين كارلوس عادل تسعــة جمال فرفور عبد الله الكردفانى وكمان وكمان سلام
01-02-2012, 06:19 AM
معاوية محمد الحسن
معاوية محمد الحسن
تاريخ التسجيل: 03-22-2008
مجموع المشاركات: 1590
وليد كل عام وانتم بخير وحليل أيام رأس السنة فى كازينو النيل الازرق وفندق قصر الصداقة وماتنسي برضو من ابداعات بحري فى الرياضة كباتن المريخ والهلال فيصل العجب وهيثم مصطفي من عندنا نحن أل بحري
وفى الحب قيل من لم يتزوج بحراوية فلم يعصم نصف دينه
01-02-2012, 07:50 AM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
حمزة الكوبي ... سلامات وكل سنة وانت طيب ود شمبات اها ناس شمبات ديل اهل الشي ذاتو في بحري ( الخُضرة والماء والوجه الحسن ) كفاية فيها الفنان خضر بشير وثنائي شمبات ( اولاد شمبات ) وفيها غزالي وفيها كابوس ومتوكل عبد السلام ونجم الدين (والشيخ زين العابدين) وشيخ شمبات ...... الخ
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة