ام درمان واسطورة ثقافة الوسط!!!.

Quote: طيب يا وليد .. لو النوباوي فات محل الفوراوي بحاولوا يتفاهموا باللغة البسمعوها في الرادي .. ولو في جوبا الماداوي لاقا اللاتوكا برضو بتفاهموا باللغة السمعوها في الرادي.. ولا كلامي ما صاح !!!!!!!!!!!!!!!!!!!!!!!!!؟. طيب خلي دا يا وليد في الجامعات زمن اركان النقاش لقيت ليك كادر اتجاه اسلامي او جبهة ديمقراطية او كفاح طلبة او جمهوري بتكلم رطاني ؟..رغم انو الجامعة تحتمل كل التصنيفات الجهوية .. انا اقول ليك كلام ..كنا في الاتجاه الاسلامي بنطالب انو نتيح فرصة لذوي الثقافات الاخرى في منابرنا ولكن كنا نواجه تعنتا كبيرا خصوصا ..ودا عشان رسالتنا تصل بوضوح حسب ادعاءات المسؤولين .. في بعض الحالات بتتاح الفرصة لديل بس عشان نثبت انو انحنا منفتحين ..

Quote: لو واحد فيهم مشى منطقة التاني بتكلم بياتو لسان ؟؟؟ لو واحد فيهم مشى منطقة البجا بخاطب الناس كيف ؟! عرفت ليه بقول ليك امدرمان اوجدت الحد الادنى من التوافق وانك انت البتنظم سااااااااااااكت ما انا

يعني السؤال سالتو ليك انت
وجاوبت ليك عليه انا في اخر سطر
وقلت ليك دي ياها ميزة امدرمان انها خلت السودان الفيه كم لسان ده، حد ادنى للمفاهمة
عشان ما يكون كلام طير الباقير القلتها فوق ديك

انت مفتكر كترت الالسن في حيز جغرافي معين مصدر قوة ؟
ما بكون مصدر قوة الا اذا كان تنوع في اطار وحدة
والوحدة دي شكلتها امدرمان

اتخيل معاي في اجتماع فيه 20 شخص بتكلموا كلا بلسان مختلف واصر كل انسان يخاطب الناس بلسانو
اتخيل معاي الحا يحصل شنو ويمكن يطلع من الاجتماع ده بشنو

اللغة العربية لسان زي بقية الالسن
ميزتها الوحيدة انو الاسلام اداها بعد تاني وكت خلاها لغة التعبد ليه
لو ما الميزة دي يمكن كان تنقرض

لكن دي ميزة خلتها غصب عنك وعني وعن العاجباهم والما عاجباهم تصبح لغة دائمة
لاذم اي مسلم ملتزم يستخدمها خمسة مرات في اليوم على الاقل
والكلام ده فرضا

بس لا اكتر ولا اقل
وده الشي الخلاها اللسان المناسب للتخاطب في دولة قبل انشطارها نسبة الاسلام فيها 70%
وبعد انشطارها ارتفعت لاعلى من 90 %

ياتو لهجة او لغة او لكنة في السودان عندها الميزة دي ؟

هو ما هوى ومزاج ونقة يا صهيب
هي اسباب منطقية مقبولة ومبررة

ما لب لب لب سااااااااااااااااااااااي


_____________
بالنسبة لي سوالك عن اعمامنا
انا رائي فيهم مسجله في المنبر ده من قولت تيت
وده ما عنده علاقة بي اثنية ولا اتجاه

ده عندو علاقة بشخصياتهم هم
ديل مكنكشين فيها اكتر من 40 سنة ما عاوزين يفكوها لاي اي زول من اي اتجاه او اثنية

هم البداية اي نعم ودي شي بقى خلاص
مفروض يحصل احلال وابدال من قبل 30 سنة
ما حصل
لو كان حصل كان حا تلقى القيادات الان من جميع السودان
بس هم يفكوها

في الاول

(عدل بواسطة وليد محمد المبارك on 12-28-2011, 01:29 AM)