ام درمان واسطورة ثقافة الوسط!!!.

Quote: التاريخ بقول كده فعلوه ملوك السلطنة الزرقا مع العرب الاقحاح في البطانة اقرا تاريخ شغبة وابنها حسين قائل : كسرناك يا لوح .. وجدعناك يا دواية حين نظمت امه فيه : مَتَيـنْ يـا حِسينْ أَشُـوفْ لوحَكْ مَعَلَقْ ويومــاً كَـاتِلُنْ ويومــاً مَفَلَّــقْ حِسين مَـا رِكَـبَ الفي شَـايتُو غَـلَقْ قـاعِــد ليْ الزَكـا ولقـطَ المَحَلـقْ يا حِسينْ أَنـا مَاني أُمَكْ وإتْ مَاكْ وَلَدِي بَطنَـك كَرَشَّـتْ غـيْ البَنَـاتْ نَـاسِي ودِقْـنَكْ حَمَسَّتْ جِـلدَكْ خَـرِشْ مَا فِي لاكْ مَضرُوبْ بيْ حَـدْ السِّيفْ نَكَمِـدْ فِي ولاكْ مَضروبْ بيْ لسان الصَيد نَفَصِد فِي اقرا تاريخهم مع عجيب المانجلك وكيف بسبب التعالي تم اجتياح منطقة البطانة كلها بسبب شعرا كتب في ابنة الملك كان عندي بوست هنا كتبته قبل خمسة سنوات عن شغبة وتاريخها الغريبة بحثت عن البوست ده ما لقيتو في اون لاين مع اني كتبتو هنا ده ولقيتو منقول بضبانتو في عدد كبير جدا من المنتديات وحتى معمول بيه بدون ما يتغير حرف صفحة لشغبة في الفيس بوك !!!!!!!!!!! شوف الاضطهاد البتمارسو قائل الشرق ضد بعضها على مر التاريخ وقبل ما تكون امدرمان بتعرف الخاسة ؟ بتعرف التكارين ؟ ونفس الشي بمارس بصورة اقسى في الغرب وراجع تاريخ ممالك دارفور خصوصا تاريخ السلطان على دينار ياخ قالوا في ناس طالعين فوق قمم جبل مرة يعتقدون ان السلطان على دينار لسع موجود وقاعد تحت في المنبر ده قبل ايام كان مرفوع بوست عن اتهام قبيلة النوير ( على ما اعتقد) بتجارة الرق هسع في زمنا ده الجغرافيا بتقول كده مصادر المياة في شرق السودان ومسارات الرعي في غربه والنيل وساكنيه وما دار حولها على مر التاريخ من احداث من يتحكم وكيف يتحكم وماذا يفرض من يسيطر عليها الكمبوهات ( جمع كمبو ) في الجزيرة وسنار والقضارف .. وسكانها الذين ينتجون ويحصد غيرهم .. تجارة الرقيق الكانت متاصلة فينا قبل وصول العرب ياخ نحن دفعنا المفروض علينا في اتفاقية البقط بشرا الوكت داك العرب لسع ما نشروا ثقافتهم والمسلمين ما دخلو قلب السودان وصولا لمجمع البحرين مهدية شنو الجاي تحاكم بيها امدرمان يا صهيب ارجع وراء شوية شوف الارث العاوز تحاكموا ده مصدروا وين الكلام ده لاعندو علاقة بدين ولا عنده علاقة بلغة باخ نحن عندنا قبايل بتحتفي بالهمته والهجر وتغني ليه قبايل لا تزوجك الفتاة الا بعد خطفها قبايل لو ما دفعت المهر من قلع وسرقة ما بزوجوك ولا بعتبروك راجل العملة الصعبة عندنا قبل المهدية وامدرمان كانت البشر وبعدد عبيدك يقاس غناك يظهر انو معرفتك بالتاريخ محدودة يا صهيب عشان كده بديت محاكمتك من سنة 1885 وجليت القبليها وسط ايه الانت جاي تقول عليه