شرطة العذاب العام

Quote: الجلد ينفذه شخص واحد ، و اخر مشهر ( يحسب الجلدات بصوت عالي)..و في هذا الفيديو يقوم بالجلد اكثر من شخص..و هذا ينفى ان يكون ذلك عقوبة قانونية و انما هي جريمة و تعدي على امرأة عزلاء.. العسكري الذي نفذ معظم الجلد تجاوز الحد في كثير من المواضع ( الضرب على اماكن حساسة: الرأس.. البطن..و اجزاء امامية من الجسد)..!

Quote: الجاهل ده ما عارف انو قانون الخصوصية في علمانيتو بيحظر نشر فديو زي ده بدون اذن صاحبو لكن نقول شنو

Quote: اها يا الاخ وليد رايك شنوا فى كلامى دة

Quote: محزن ومؤلم...

(عدل بواسطة عبدالغني كرم الله on 12-09-2010, 05:43 AM)

Quote: اشراقة لا اشك بتاتا في نواياك وكمان ما بشك في نوايا سمرية فسمرية لو هي سمرية زميلتي في عكس الريح قديما فهي صديقة اعرفها جيدا واعرف نواياها واحسب انه بتعرف نوايياي حسن نيتكم ما بنفي غلطكم في حالة انو الفلم ده منشور ومتداول بدون اذن البت وموافقتها انت ما عارفه موقفها هي واسرتها من نشر الفلم ده بكون شنو ؟ وحا تتقبلو كيف ؟ هل حا تعبره نوع من العدالة ليها ولاالمزيد من الاثخان ونكا الجراح موقفي من قضايا المرأة واحد لا يتزحزج سابقا سمرية دي ذات نفسها تعرضت على منبر تاني لتعدي على خصوصيتها واتهاما في نفسها من اتهمها صديق لي موقفي كان واضح حينها ياه نفس موقفي الهسع ده ما عندكم حق تنشروا فلم البت دي وتتداولوه بحجة تعرية النظام بدون موافقة البت ورضاها ومباركتها لانه احتمال من وجهة نظرها هي واسرتها الفلم ده يكون تعريه للبت واسرتها اكتر من تعرية النظام والتشهير به انا طالب الاستذان اولا ادوكم الموافقة 100% ما ادوكم ليها ما تستغلوا البت دي في مجابهة النظام بدون موافقتها واحتمال مع اعتراضها اقل شي عتموا صورتها في الفديو هو القصد التشهير بالنظام ولا التشهير بالبنت ؟ ودي الذي تعلمين

Quote: القضية الآن اصبحت قضية رأي عام

Quote: أسجل إدانتي وألمي وأسفي لما تعرضت له هذه المسكينة .. وأتمني أن ألايصل بنا الحد الي هذا الدركـ من المهانة .. جميعاً من أجل إلغاء قوانين النظام العام .

Quote: احترمك جدا يا مسلمي ..

(عدل بواسطة قلقو on 12-09-2010, 09:55 AM)
(عدل بواسطة قلقو on 12-09-2010, 01:03 PM)

Quote: عليك بعد ما تنشر .. كل نفسك شوية يا ناشط وعتم على وجهها لحدي ما تشوف هي موافقة ولا ما موافق

Quote: الى ذلك الحين جانبو وليد نقدر موقفك الانسانى النبيل وندين من قام بالتشهير الفتاة بجلدها فى مكان عام فى الشارع

(عدل بواسطة وليد محمد المبارك on 12-10-2010, 07:41 AM)

Quote: في البدء انا لست سمرية التي تعرفها بعكس الريح ، وليس لدي حساب باسم سمرية في منتديات عكس الريح ، ولا اعرفكـ الا عبر موقع سودانيز اونلان ...

Quote: وجة سلاح كلمتك ضد القانون وضد القاضي وضد الجلاد...وضد من صور بعين الرضا ر مطبيقا أمر اللة.... ولا تقتل ناقل الخبر.....

Quote: على لسان استاذ عمراحمد البشير ابو شام المحامي: معلومه و للاضافه ومن مبدأ وسنة "من رأى منكم منكرا فاليغيره" افيدكم بانى قد اتصلت برئيس الجهاز القضائى لمنطقة امدرمان والجهات المختصه والتى اخذت علما مسبقا وقامت بمحاسبة القاضى ورجال الشرطه وتم فصلهم من الخدمه ونسعى الان لاصدار منشور قضائى بمنع جلد النساء إلا فى حالة الاقرار بالزنى وبالطريقة المتفق عليها من جمهور الفقهاء والائمه الاربعه ونسأل الله العون والثبات فى التقويم والاصلاح ما استطعنا لذلك سبيلا وذلك من ابجديات اثقال المهنه فى الدفاع عن الحقوق والحريات والتطبيق السليم للقانون.

Quote: عليك الله فكونا من شعارات الشيوعيين ديل وخلونا واقعين .......

Quote: لو زانيه تنضرب اكتر من كده وتستاهل .......شنو انسانسه وما انسانيه الزانية والزاني اجلدوا كل واحد منهما مئة جلده ولا تأخذكم بهما رأفة في دين الله رأفه ماف والناس ديل يقولو وحشيه ..........دي شنو الكومنتات دي احساس ما مسلمين ............وبعدين وليشهد عزابهما طائفه من المؤمنين ...... يعني لو اترجم زاني ولا زانيه كانو حيقولو شنو عليك الله فكونا من شعارات الشيوعيين ديل وخلونا واقعين ....... لو عندكم راي ولا مزكرة اعتراض المفترض تعترضو فيهو كتير واخطر من تنفيذ حكم اسلامي ولا في الشريعه وبس في القران وبي نص صريح

Quote: الاخ على سلام وتحية طيبة.. اعلم تماما ان هذه اية من ايات القران الكريم وهى الاية رقم (2) من سورة النور (الزَّانِيَةُ وَالزَّانِي فَاجْلِدُوا كُلَّ وَاحِدٍ مِّنْهُمَا مِئَةَ جَلْدَةٍ وَلا تَأْخُذْكُم بِهِمَا رَأْفة فِي دِينِ اللَّهِ إِن كُنتُمْ تُؤْمِنُونَ بِاللَّهِ وَالْيَوْمِ الاخِرِ وَلْيَشْهَدْ عَذَابَهُمَا طَائِفَةٌ مِّنَ الْمُؤْمِنِينَ) (صدق الله العظيم) هذه العبارة وردت فى جريمة الزنا ولعله من نافلة القول ان نقول ان العقوبة فى جريمة الزنا لم تقع منذ عهد الرسول والى الان غير مرة واحده وهى قصة المراة التى جاءت واعترفت على نفسها وامرها الرسول ان تذهب لتضع حملها وفعلت وبعد ذلك امرها ان ترجع و ترضع صغيرها عامين ..الخ ماتعرف ويعرف الجميع وكان المقصود من ذلك ان تتراجع المراة عن الاعتراف لان الرسول يقول ادرأوا الحدود بالشبهات.. وكما تعرف ان جريمة الزنا ثبوتها من الاستحاله بمكان لانه لايمكن ان يرى اثنان فى وضع مكحل فى مرواد ابدا، وكان ذلك من حكمة الدين السمح دين الرحمة والرافة والرقة..وليس الدين الذى لايعرفه من يطبق العقوبة بهذه الفظاظة.. ما يمارس فى السودان الان يا اخى الكريم تحت اسم الدين لايمت للدين بصله هذا اذلال للناس وتخويف وترويع للبشر... اذا لامجال لايراد الاية اصلا ...

(عدل بواسطة عمار يس النور on 12-10-2010, 12:31 PM)