|
|
 Re: يحيى قباني ............. (Re: عاطف عمر)
|
Quote: أشعر ببعض ضيق, لإلتحاق أولى مساهماتي بالصحفة الثانية,
فيحي يستحق مني {هرولة} المريد ... إلى المسيد, لكن حبان
يحي طلعوا بالكوم الما ردوم ... وشالوا وش الملاح والدواء كمان..
أما وش الدواء ... فدي نكته, تنسب إلى إمراة مسنة نقناقة, عندها
رأي في أي حدث وفي أي زول ... فقاموا الناس جابوا ليها سيرة
الدكاترة, أكان تعدم النقة فيهم, فقالت {جني وجن الدكاترة ديل}
قالوا ليها ماااالم؟ قالت: بشربو وش الدواء ....هههههههههه
فكدي ... أدونا فرقة يا حبان يحي,
... عاطف عمر, طلعت نجييييض,
... تقبل تحياتي البوازخ ... ولي عودة |
إنا لله
حيدر قاسم بجلالة قدره ؟؟
صاحب الرأى الأعمق والمفردة الأوسم ؟؟
ذلك الرجل الذي يضع حداً لخياراتي في القراءة عندما أرى إسمه في أى بوست ؟؟
حلم هذا أم علم ؟؟
مدد يا ود قباني
ثم
| Quote: ... عاطف عمر, طلعت نجييييض, |
ما تشوفني كدا
أخوك عزااااااااااااااااااال
| |
 
|
|
|
|
|
|
|
|
Re: يحيى قباني ............. (Re: عاطف عمر)
|
مداخلة متأخرة
ليعذرني الأحباب المتداخلين
فقد أنخت راحلتي
وجلست في مقاعد المتفرجين أستمتع بتفاعلكم الصادق مع حبيبنا المحتفى به وأستمتع بردوده الضافية عليكم
ليعذرني من قد لا أتشرف بالرد المباشر عليه فـ ردود حبيبنا يحيى لا مزيد عليها
قد أتداخل تعليقاً على بعض المداخلات ليس تفضيلاً إنما لإضافة معلومة أو تثبيتها أو توضيحها
| |
|
|
|
|
|
|
|
|
|
Re: يحيى قباني ............. (Re: عاطف عمر)
|
Quote: ليعذرني الأحباب المتداخلين
فقد أنخت راحلتي
وجلست في مقاعد المتفرجين أستمتع بتفاعلكم الصادق مع حبيبنا المحتفى به وأستمتع بردوده الضافية عليكم |
زي ما كان بقول عمنا احمد فؤاد نجم ...
ما ينفعش !!!
تفوت انحنا بي وراك طوالي ...
و ما قصرت مع اخوك نهائيا يا عاطف ...
كتر خيرك علي هذه الاريحيه ...
لك الود و تحياتي للعروسات و امهم يا صديق ...
| |
|
|
|
|
|
|
|
|
|
Re: يحيى قباني ............. (Re: يحي قباني)
|
Quote: انت وراي بي فرد سنه ... ما كده؟
عليك الله ما لحقت اللحمه المقلبه ... والسمك و المحاشي ... و الكبد في سُفَر البركس ؟ ههههه
امانة في ذمتك ... ما اكلت في رمضان شعيريه باللبن حاااره قبال الامساك في رمضان ؟
وامانه عليك ما أكلت الباسطة مع لبن كافوري كامل الدسم ؟
شنو عملتها عدس يا حبيبنا ...
الانهيار حصل و انتو في تالته او رابعه ...
قبال كده ما عندك كلام ... |
لا لا لا لا يا حبيبنا
وحياتك دا كلو إستمتعنا بيهو
وزى ما قال صديقنا عمر النور
( أول حاجة إتعلمتها في الجامعة دي أنو أكل السمك وشرب اللبن مع بعض لا يسببوا مرض البرص )
( العدس ) كان رمزاً .... كان إشارة فقط لسفرة الداخلية وليس كل المعنى
الداخلية والبركس والسفرة هذا بوست قائم بذاته يا يحيى
الشئ بالشئ يذكر
قالت لي كريمتي التي تدرس الجامعة في السودان
" يا بابا أنا صحيح بحب الجامعة وبحب الكلية ومستمتعة بالحياة الإجتماعية مع الزملاء والزميلات ، لكن برضو ما بنظر للجامعة نظرة التقديس الشايفاك إنت وأصحابك بتتكلموا بيها عن الجامعة وأيامكم فيها "
رددت عليها بجملة واحدة
" لأنك لم تعيشي تجربة الداخلية ........ "
وكان التفصيل في هذه النقطة فقط وكيف أن الداخلية كانت تجمع كل السودان في مكان واحد وكيف أن الطلاب كانوا يتقاسمون بأريحية وصفاء القمصان والدفاتر والمصاريف و.................
__________________
يا خوى أركز
أنا قاعد ليك في ( أرابيزك )
| |
|
|
|
|
|
|
|
|
|
Re: يحيى قباني ............. (Re: عاطف عمر)
|
سلامات يا هندسة...
مستر قبانى زول ذكى و لماح و كتاب.
مرة زعلتا منه من رد اتماسخ علي فيه. هو عرف انى زعلانة...لكن ما اشتغل بى...و واصل يتداخل معى عادى. بعد فترة نسيت الرد المسيخ و رجعنا للبرى تانى....
| |
|
|
|
|
|
|
|
|
|
Re: يحيى قباني ............. (Re: عاطف عمر)
|
الكريم عاطف عمر لك التحيه وعام سعيد تتحقق فيها كل امنياتك الطيبه
يحي هباني رجل احبه لله ..وما ان وجدت اسمه اسرع في الدخول لاقرأ له
متعه الله بالصحة والعافيه واطال له عمره ويحفظه...
| |
|
|
|
|
|
|
|
|
|
Re: يحيى قباني ............. (Re: عماد شمت)
|
سلامات يا هندسة.
مباااالغة قصتك مع د. عبد الله ابراهيم. ربنا يديه الصحة و العافية.
صحيح كفتريا هندسة العيشة فيها صعبة جداً. و تعرف لما مستر قباني اتماسخ علي، ده كان نفس الكلام اللي قلته ليه. قلت ليه انا قاعدة في كفتريا هندسة 5 سنوات، متعودة علي الحجات دي.
د. عبد الله ابراهيم لما درسنا كلاسه الشهير، كانت الآلات الحاسبة اللي بتحل المصفوفات طالعة جديد. و قمتا اتشالقتا في اخر ايام السمستر و قلت ليه عاوزين نستعمل الآلات دي في الامتحان. المهم شال واحدة عاين ليها كده، قال نسال باقي الناس. قامت واحدة صحبتي و قاعدة جنبي قالت ليه: يا دكتور ما اي زول عنده اله حاسبة ذي ده. أتلفت عاين لي و قال لي : اها ناس قريعتي راحت ديل نعمل فيهم شنو!!!
و انفجرت القاعة بالضحك.
| |
|
|
|
|
|
|
|
|
|
Re: يحيى قباني ............. (Re: smart_ana2001)
|
التحية للزول النيل يحى قباني ..
كنت أود أن اضع رابط موقع مكتبة الاغنية السودانية
ولكن قد سبقني الى ذلك احدهم ...
ويعتبر الموقع من عيون المواقع السودانية في توثيقه للأغنية السودانية
يكفي انه صفوة مريخابي ...
| |
|
|
|
|
|
|
|
|
|
Re: يحيى قباني ............. (Re: smart_ana2001)
|
Quote: Ummoayad Moayad
ونسة ارباب المعاشات بتاعت العصريات ديك ا. الجلسات بتكون عصرية والمزاج راااااااااااااايق بعد كباية شاي الغدا. . قباني لغته بسيطة وممتعة ومفيدة .. تحياتنا واحترامنا .. |
شفتو يا عاطف وقباني المحن الجبتوها لينا؟
| |
|
|
|
|
|
|
|
|
|
Re: يحيى قباني ............. (Re: محمد أبوالعزائم أبوالريش)
|
| Quote: مرة زعلتا منه من رد اتماسخ علي فيه. هو عرف انى زعلانة...لكن ما اشتغل بى...و واصل يتداخل معى عادى. بعد فترة نسيت الرد المسيخ |
| Quote: و تعرف لما مستر قباني اتماسخ علي، ده كان نفس الكلام اللي قلته ليه. قلت ليه انا قاعدة في كفتريا هندسة 5 سنوات، |
ده الحالة ( نستو ) يا عاطف ...!!!
| |
|
|
|
|
|
|
|
|
|
Re: يحيى قباني ............. (Re: عاطف عمر)
|
تجياتي وسلامات
صديقتنا الفيسبوكية العزيزة جداً أم مؤيد
| Quote: نهارك سعيد الباشمهندس عاطف . تداخلت في بوست سابق ابتدرته انت عن صديقك قباني . والظاهر كانت مداخلتي متل ما بنقول حامضة شوية او هكذا تبادر لحضراتكم مع ان عامل حسن النية موجود بين الكلام الا انه صنف عكس ما نويت له . لذلك ياليتكم ترجعو لنفس االبوست وتطلع على ردي . ( فتشت ليك عن تلفون عشان اتصل عليك واوضح موقفي بس ما حصلت عشان كدا انتهزت الفرصة هنا ..عزراً ) |
ياخ حرام عليك
مداخلتك من ( أحلى ) المداخلات وألطفها
ولو لاحظت أنا زى شوية كدا ( غرت ) من وصفك لحبيبنا يحيى بـ ( قباني لغته بسيطة وممتعة ومفيدة )
عشان كدا قلت
| Quote: صديقتنا أم مؤيد دي ( عافصا ) لينا كدا مالا ؟ |
يعني كنتا طمعانين إن شاء الله في جاه ود قباني نلوك
وأؤكد لك أن حبيبنا أبو الريش قد أخذ مداخلاتك على ذات النحو الفرايحي
بالجد بالجد
تعجبني على الدوام مداخلاتك وفي كل البوستات
| |
|
|
|
|
|
|
| |
عاطف عمر
يحي قباني
smart_ana2001
عماد شمت
الامين موسى البشاري
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست