والقصه من واقع احد المواطنين الجنوبيين وهو يعبر بعربى جوبا..عن تشنجات الرئيس البشير...وانفراط تماسكه وفقدانه السيطره الذاتيه والقياديه والرئاسيه..وهو ينبهل بالتهديد والوعيد للذين خرجوا فى مظاهرة اليوم ضد ارتفاع الاسعار..وهو يتبجح وكانه الاوحد فى زمانه وهو يتوعد بانزال العقاب ..وكانه هو رب الكون...وسبحان الله فى عليائه تبرأ وتقدس من كل تشبيه. فى عليائه.. الواحد القهار... ولكن ظلم الانسان لاخيه الانسان قد فاق حدود الوصف..!!
والله...حكايه..وحكايه... زول دا مالو..رئيس دا مالو بحب جنجال..ودشمان...وموت..!!
هو ازرائيل ولا سنو..!! كل يوم كلام كتير وفارغ....وبف...بف... وهو حكايه بتاعو .سنو بالله..كلمونا يا جماعه..امكن انتم يا مندكروا تعرفو رئيس بتاع شمال وهو بتاع جماعه اخوان ..ونسنس تجمع ..مشروع هدارى ..ونقنق بتاع حكم وسريعه..والله حيرنا.. مره حرب مع جنوب..ولا خلاص دشمان خلص هناك....وسمعنا موت وجلجال ونيران فى دارفور ..ونسوان وخرابيط ومشاكل.. والله رئيس دا بحب مساكل ..ايمكن فى بيته مع اثنين مريم دشمان وكواريك.وطلاق وحلف ونوم بدون عشاء..والله خساره.. هو ما قادر يحل دشمان داخل بيته مع اثنين مريم..كيفن بيقدر يحل دشمان بلد.زومساكل ومساكل..كيف بالله...
حرب فى شرق وحرب فى دارفور...وداير يحارب قوات دوليه ..واليوم بيقول كمان يحارب معارضه مرقت اليوم عشان اسعار زادت... وقل هو بيساوى ويقص رسين بتاع جماعه طلعوا فى مظاهره..وكيفن حريه....وقانون ..وحق..وعدل..وسوا .سوا..وفى مجلس وفى انتخابات..وقانون طوارىء خلاص..باح.باح..ايمكن يجبوا راجع..والله مصيبه..ودا ضد اتفاق سلام.. انا قلت رئيس دا ...مساكل داخل بيتو...خلاه مش مظبوط,,,وراسو قوى سويه.. بيفتكر كل الدنيا لازم يبقى مساكل....خلاص خليه يخرب... .واه..واه...!!
كيف بالله رئيس واحد يحارب هنا..وهنا..وهنا..امكن حرب كلام ساكت.. والله صلعه بتاعو راح يطق من دشمان وجلجال.. وهو داير يدخل كل ناس فى جلالى..وداخل حراسه وسجن..كل السعب..يعنى بكره ما فى مواطن بره فى السوارع.يعنى بلد خلا...والله....! لكن بيحكم منو ناس دقون بس... وناس مجلس ومؤتمر وطنى..وجماعه بيرفع اصبعه فوق ززفوق ..دا كل السعب السودانى...ناس دقون...وكل واحد عنده صلب كبير .زتقول .زمريم .زسمينه.زامكن صلب بتاع جماعه بتاعين دقون ز..دا عملوه من اكل الحرام من خزينه بتاع حكومه...والله دى حكومه مافى..وحكومه ساكت..وحكومه ننرنر...ونرنر...وكله.زبيخدم كلو..ومين يتكلم..فى دفاع سعبى..وفى قوات امن..وفى جماعه نسنس ...وياكلوا كل سىء..كل سىء.. والله مندكورو دا ..
لعب ساكت...
وبكره..نشوف..ونشوف .كضب بتاع رئيس دا...والله جو.جو ساكت ... هو قوى مافى ...
سادتى.... هل شاهدتم الفيديو كليب .انه بين السطور...!!
(عدل بواسطة عصمت العالم on 08-30-2006, 05:42 PM) (عدل بواسطة عصمت العالم on 08-30-2006, 05:44 PM) (عدل بواسطة عصمت العالم on 08-30-2006, 05:55 PM) (عدل بواسطة عصمت العالم on 08-30-2006, 06:44 PM) (عدل بواسطة عصمت العالم on 08-30-2006, 06:53 PM)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة