|
|
 Re: هنا نتحاور ونتعرف على العضو هشام مجذوب ,,,, مرحبا بالجميع (Re: Hisham Magzoub)
|
ساره
Quote: طيب... أول سؤال متماشي جدا مع روح الصداقة وعن الصداقة...
اتكلم لينا بصورة عامة عن أصدقاءك في فترة الجامعة...
ومن هو أول صديق ليك في الجامعة؟ |
كما ذكرت اننا قد دخلنا الجامعه مجموعه كبيره
من مدرسة الخرطوم القديمه ودى عملتلينا
اشباع صداقى
فالمجموعه التى ذكرتها سابقا"
من طلاب القديمه يمثل اغلبهم اصدقاء بالنسبه لى
وصداقتنا مستمره حتى الان وجزء منها اضيف اليه شراكة العمل
فطيلة الفتره الاولى من ايام الجامعه
كانت علاقات الثانوى مستمره معنا مع اضافة اصدقاء جدد بالتدريج
ونسبه لعددنا الكبيره كنا مصدر جذب للاقليات
| |
 
|
|
|
|
|
|
|
|
Re: هنا نتحاور ونتعرف على العضو هشام مجذوب ,,,, مرحبا بالجميع (Re: sara Eltayeb suliman)
|
اكتشفت فى خلال وجودى فى امريكا
ان السودانيين مابعرفو يهاجرو
الواحد جسمه فى امريكا وقلبو فى السودان
البعض يصرح بان له اهداف معينه وسيرجع بعض تحقيقها
والبعض يعلن على الملا بانه قد وصل الى ارض الميعاد
احدهم قال لى انه حلمه انو يدفن فى الثلج (هو الان مغترب فى الرياض)
واحد قال مفروض الواحد كل صباح يصلى ركعتين لله شكرا" انه فى امريكا (حاليا" مؤانسنا فى السودان)
اخوانا الاسيويين الواحد من اول يوم فى بلاد الفرنجه
ببدا يخت فى برنامج متكامل لحياته وحياة ابناءه وابناء ابناءه
| |
|
|
|
|
|
|
|
|
|
Re: هنا نتحاور ونتعرف على العضو هشام مجذوب ,,,, مرحبا بالجميع (Re: Hisham Magzoub)
|
LAND OF DREAM
هذه المقوله كانت بحق تنطبق على فترة التسعينات
كانت الفرص متوفره لدرجة اللخمه
ممكن تبدا سمستر فى الحاجه الجيتليها من السودان
فجاءه تسمع بانو ناس البوينج راغبين فى اى زول بعرف كاتيا (برنامج بتاعMODELING 3D
وبدو الزول 100000 $ فى السنه
طوالى تبدا تفتش الكاتيا بلقو وين
وقبل ما تلقى الكاتيا تسمع انو ناس الاوركل سوقهم مولع وبتعينو قبال ما يكملو الكورس
تقوم تفك الكاتيا وتمسك فى الاوركل
الواحد بعد فتره يكتشف انو راسو بدا يزغلل
| |
|
|
|
|
|
|
|
|
|
Re: هنا نتحاور ونتعرف على العضو هشام مجذوب ,,,, مرحبا بالجميع (Re: Hisham Magzoub)
|
| Quote: الواحد يجيبليه كلام مشرم ويقوليك فهمتنى غلط |
ياخي صعب أفهمك ،،
مشكلتك ما من أمدر ،،
هسع اقوم اشغل ليك (أمدرمان لذيذة خلاص) ،،
بعدين ،،
Quote: وبعدين هسى الجاب سيرة المريخ
حقو الناس تكون متحفظه لحدى ما
نشوف الباقيه عليكم الليله |
هيييييييييييييييع ،،
مهما كانت الباقية ،،
نحن كمان بنتحول؟؟
ده في دمائنا ياخ ،،،
أمبارح قالو الخرطوم لونها كان أحمر ،،
صحي ؟
_
______________
الليييييييلة ،،
فتحنا سيرة البحر ،،
| |
|
|
|
|
|
|
|
|
|
Re: هنا نتحاور ونتعرف على العضو هشام مجذوب ,,,, مرحبا بالجميع (Re: Hisham Magzoub)
|
ليون
Quote: بس بعد ده افتح باب النقاش وخلي روحك
وبالك يسعوا كتتير ، واول سوال من عندي
انو تتكلم لينا عن دكتور أثر في حياتك
المهنية بشكل كبير؟؟؟؟؟؟؟؟؟؟؟؟؟؟؟؟؟؟؟ |
وجيت لقيت باب النقاش فاتح فاتح و...
وبالى اوسع مما تتخيل
بالنسب للسؤال حول دكتور اثر فى حياتى
ما فى دكتور محدد لكن
ممكن اقول دكتور مدثر سليمان ادانى دافع احضر فى ال
Construction Management
ودكتور عبدالله خوجلى الذى كان صديقا" لكل الطلبه
والمشرف على مشروعى بتاع التخرج د يحى الحاج
امكن خلانى اميل لمادة ال Soil
دكتور يحى كان اول سنه يجى من امريكا بعد عمل الدكتوراه
وكان فى علميه شديده فى تناولنا للبروجكت
وخلانا نعمل الاناليسيس بالكمبيوتر
رغم ندرة وصعوبة التعامل بالكمبيوتر فى ذلك الوقت
كان هناك معمل واحد وفيه اجهزه بعدد اصابع اليد الواحده وكانت بنتيوم 2
وواجهتنا صعوبه كبيره فى انو نعمل رنينق للبرنامج
مما اضطرنا وبمساعدة دكتور يحى بالاستعانه باجهزة قسم الكهرباء
ومن هنا باوجه صوت شكر لكل المنتمين لهذا القسم
واخص بالشكر الكهربجيه المعانا فى البورد
| |
|
|
|
|
|
|
|
|
|
Re: هنا نتحاور ونتعرف على العضو هشام مجذوب ,,,, مرحباً بالجميع (Re: صلاح ليون)
|
Quote: ياخي في شبه ، وكان صاحبنا زهير ادم الرومانسي
الله يطراهو بالخير بيقول قمة السعادة في المعاناة |
ياليون انا ما نكرت انو فى شبه
انا بقول شبه متعدى
يعنى نحن رغم سمستر بنقوم نعدى الميدان الغربى
ونبدا حملتنا بالاداب اواقتصاد وجزء بعدى منطقة ال
junction
وبمشى علوم او بزنس
وفى واحدين بعدو السور ويركبوا مواصلات با مشو غربا" للمجمع
او مشو شمالا" لشمبات او تربيه
يعنى الجكس ما بتكسر فينا ونحن قاعدين فى المكتيه
لابد من تحركات ايجابيه ولابد من نظهر عليهم ونقول
نحن رغم سمستر جيناكم
فى اللحظه دى بتبدا عملية التكسير
| |
|
|
|
|
|
|
|
|
|
Re: هنا نتحاور ونتعرف على العضو هشام مجذوب ,,,, مرحباً بالجميع (Re: Hisham Magzoub)
|
هشام ،،
Quote: يعنى الجكس ما بتكسر فينا ونحن قاعدين فى المكتيه
لابد من تحركات ايجابيه ولابد من نظهر عليهم ونقول
نحن رغم سمستر جيناكم |
حليل زمن موسم الهجرة إلى الغرب ...
لما (الناس) كانو بيجوا لغاية كافتريا هندسة ،،،
لشراب الليمون البارد ،،
ولمآرب أخرى ....
وشباب هندسة عاملين فيها تقيلين ....
ياخي ده الكسير العلى أصولو ..
مع تحياتي لأستاذة عواطف (السمت هومي،،)
| |
|
|
|
|
|
|
|
|
|
Re: هنا نتحاور ونتعرف على العضو هشام مجذوب ,,,, مرحباً بالجميع (Re: ابراهيم محمد الحسن)
|
يا هشام| Quote: نعدى الميدان الغربى |
والله يا هشام ضحكتني ضحك ياخي ده مفهوم جديد للغة
يعني شبه متعدي جدا دي مفروض تضاف لدروس البلاغة
اوكي فهمتك في دي ، لكن الرحالة ديل ما بشتنتهم وفضحتهم:
Quote: وبمشو علوم او بزنس
وفى واحدين بعدو السور ويركبوا مواصلات با مشو غربا" للمجمع
او مشو شمالا" لشمبات او تربيه |
قلت لي إنتشار على مستوى عال ، ما كان ناقص إلا تجيب سيرة الكان
بيمشوا الفرع والاحفاد ..
إبراهيم:Quote: لما (الناس) كانو بيجوا لغاية كافتريا هندسة ،،،
لشراب الليمون البارد ،،
ولمآرب أخرى |
لا ده الظاهر كان شغل تقيل ..
نحنا من ما جينا لقينا الخفيف الفوق داك..
| |
|
|
|
|
|
|
|
|
|
Re: هنا نتحاور ونتعرف على العضو هشام مجذوب ,,,, مرحباً بالجميع (Re: صلاح ليون)
|
ابراهيم
Quote: حليل زمن موسم الهجرة إلى الغرب ...
لما (الناس) كانو بيجوا لغاية كافتريا هندسة ،،،
لشراب الليمون البارد ،،
ولمآرب أخرى ....
وشباب هندسة عاملين فيها تقيلين ....
ياخي ده الكسير العلى أصولو .. |
الناس الكانو بجو للكافتيريا كان عندهم مشكلة تسويق فى مناطقهم
وناس هندسه البعدو الميدان الغربى
كانت بتحاول تمشى تعزل من مناطق الانتاج
قبال ما يدخلو السماسره
| |
|
|
|
|
|
|
|
|
|
Re: هنا نتحاور ونتعرف على العضو هشام مجذوب ,,,, مرحباً بالجميع (Re: Hisham Magzoub)
|
حاج علاء
Quote: نحنا كنا ساكنين في حي أمبكول في عطبرة..وبنجي نعوم في نهر عطبرة ونقطع
الكبري نصطاد طيور(بالنبل طبعا)... |
طيب ما كان تمشو السودنه ما فيها طيور راقيه
ولا طيور الدامر فيها البركه
| Quote: دي أنا ما فهمتها..كيف يعني؟؟ |
الجمله دى لقيتها وين
| Quote: يعني لو مشينا الكلية بنلقاها منحوتة وقاعدة هناك؟؟ |
انت علاقتك شنو بالفن التجريدى
يا خى انت اى جمله عندك ليها تجريدات مذهله
| |
|
|
|
|
|
|
|
|
|
Re: هنا نتحاور ونتعرف على العضو هشام مجذوب ,,,, مرحبا بالجميع (Re: حسن زمراوي)
|
حسن
Quote: هشام ياعجوز:
معقولة إنت أصغر مني في السن !!!! مابصدق
أنا كنت قايلك دفعة عمر زمراوي أخوي !!!!
بوست جميل وزكرتنا أيام Peoria الحلوة
واصل ... والسلام |
يا اخوى
عشان الواحد بيدخل ويمرق معاكم تفتكرو قدركم
الواحد مشكلتو مخو اكبرمن سنوفبيقدر يجارى الكبار الزيكم فى الكلام
والحاجه دى دائما" تعملى مشاكل
والناس تفتكرنى اكبر منها
| |
|
|
|
|
|
|
|
|
|
Re: هنا نتحاور ونتعرف على العضو هشام مجذوب ,,,, مرحبا بالجميع (Re: Hisham Magzoub)
|
Quote:
فممكن تصور عينات للعروس
وترسلها باليميل
عشان يدوك الابروفال
وقبل ما يرسلها للعروس
لازم يرسل كوبي للبوست ..
عشان نطمئن على ذوقه ويسمع آراء الناس هنا .. |
يا ليون الظاهر الناس ديل عاملين عليك رقابة شديدة
و ألذ حاجة قصة الكوبي للبوست
ضحكت ضحك شديد
وجاني احساس ذي البوست ده عين علي تحركات جميع البورداب
يعني الواحد يحسب حساب لكل حاجة
و يخلي الكوبي دائما أجمل
| |
|
|
|
|
|
|
|
|
|
Re: هنا نتحاور ونتعرف على العضو هشام مجذوب ,,,, مرحبا بالجميع (Re: Hisham Magzoub)
|
- اشياء لها دور كبير فى حياة هشام مجذوب ؟
- وبماذا تنصح خريج هندسه الآن :
العمل داخل السودان ، الاستمرار فى الدراسه داخل السودان , العمل خارج السودان واين ( امريكا , الخليج
..... ) , الاستمرار فى الدراسه خارج السودان , العرس , الخدمه الوطنيه , .....
- من خلال منبر اليوم الحار هؤلاء فى كلمات :
علاء بندق
صلاح مختار
هاله كزن
تهانى عبدالله
حمد محمد احمد
صلاح اليون
ابراهيم محمد الحسن
ساره الطيب
طارق الكوتش
- اذا طلب منك ان تهدى كلية الهندسه هديه ... تهديها شنو ؟ ولمن تسلمها ؟
- موقف محزن شديد اثر كثيرا فى هشام مجذوب ؟
- احلى احلى طرفه مرت عليك و انت طالب بكلية الهندسه ؟
- المجموعه الاولى بها ( ابراهيم محمد الحسن + صلاح اليون + طارق الكوتش + حمد محمد احمد + القرود + هاله كزن + ساره الطيب )
المجموعه التانيه بها ( شريط لهاجر كباشى + كورة + سياره + عنقريب + صحن شيه + ميسو + كتاب )
اهايا هشام دايرين نعرفك متابع > ضع من المجموعه الاولى ما يناسبها من المجموعة الثانيه ؟
راجعين
| |
|
|
|
|
|
|
|
|
|
Re: هنا نتحاور ونتعرف على العضو هشام مجذوب ,,,, مرحبا بالجميع (Re: Hisham Magzoub)
|
Quote: - وبماذا تنصح خريج هندسه الآن :
العمل داخل السودان ، الاستمرار فى الدراسه داخل السودان , العمل خارج السودان واين ( امريكا , الخليج
..... ) , الاستمرار فى الدراسه خارج السودان , العرس , الخدمه الوطنيه , ..... |
بالنسبه للدراسه
حبذا لو الواحد قرا المرحله الجامعيه فى السودان
لانها بتمثل اساس العلاقات المستقبليه
وكمان فى الجامعه بتتشكل شخصية الانسان الناضجه
فافضل ان تتشكل فى السودان
والافضليه للتحضير فى الخارج
العمل
طبعا" محل ما الرزق سبح الواحد ممكن يعمل
طبعا" الافضل العمل فى السودان ان وجد
العمل خارج السودان بتيح للواحد مجالات ما متوفره هنا
وكمان بدى خبره مؤسسه على انظمة عمل مختلفه
وبعلم الانسان الانضباط فى العمل وبزيد روح المسؤليه
اهم حاجه فى الكلام دا تحديد اهداف للغربه
ومراقبةهذه الاهداف ومدى تحققها بصوره دوريه
واذا كان هناك شعور بان مردود الغربه قلب فى الاتجاه السالب
فاحسن الواحد يشيل نعلاته فى يده ويفر
| |
|
|
|
|
|
|
|
|
|
Re: هنا نتحاور ونتعرف على العضو هشام مجذوب ,,,, مرحبا بالجميع (Re: ابراهيم محمد الحسن)
|
Quote: - من خلال منبر اليوم الحار هؤلاء فى كلمات :
علاء بندق |
الحاج علاء الدين بندق
اول مره التقى به كان استشارى على فى التكييف فى موقع عمل
واحد مبدع فى مجاله استفدت منو كثيرا" وخلانى فى مستوى جيد فى معرفتى بهذا المجال
كان فاكهة وفكاهة الموقع
طيب سريع البديهه
يعرف الكثير من اشياء كثيره
مثقف جدا"
تاكدت من المواصفات اعلاه بعد لقيانا فى هذا البورد
اتمنى له المزيد من كل شئ
| |
|
|
|
|
|
|
|
|
|
Re: هنا نتحاور ونتعرف على العضو هشام مجذوب ,,,, مرحبا بالجميع (Re: طارق الكوتش)
|
Quote: - من خلال منبر اليوم الحار هؤلاء فى كلمات :
صلاح مختار |
الرجل الهادئ الرزين
تجمع بيننا منطقة غرب الدامر
اظن انه من النوع الذى يحسب كل جمله تخرج منه
(سمعت ان هذه واحده من صفات الراحل الطيب صالح دائما" يصمت لفتره قبل ان يرد على السؤال)
تراه يتابع الاحاديث بتروى قبل ان يدلى بدلوه
التقينا بعد الجامعه فى الدار الاستشاريه
كان استشاريا" بحق
يهابه المقاولون
اتمنى ان يملأ الارض بالخوازيق
| |
|
|
|
|
|
|
|
|
|
Re: هنا نتحاور ونتعرف على العضو هشام مجذوب ,,,, مرحبا بالجميع (Re: Hisham Magzoub)
|
Quote: من خلال منبر اليوم الحار هؤلاء فى كلمات :
تهانى عبدالله |
انسانه راقيه جدا"
تشرفت بزيارتها مرتين فى قسم الكهرباء بالجامعه
تعامل الطلبه بمنتهى الروعه والاحترام
وجدت فى مكتبها ورقه تحدد فيها ساعات تواجدها فى المكتب
ليعرف الطلبه متى يجدوها
لها صبر كبير لتوصيل المعلومه
هذه العاده لم تكن موجوده على زماننا
مشكلتها ان قرايبها كثر
لها الامنيات بمزيد من التقدم العلمى
| |
|
|
|
|
|
|
|
|
|
Re: هنا نتحاور ونتعرف على العضو هشام مجذوب ,,,, مرحبا بالجميع (Re: ابراهيم محمد الحسن)
|
Quote: من خلال منبر اليوم الحار هؤلاء فى كلمات :
حمد محمد احمد |
نسبه لقصر المده فى علافتى بحمد
فقد تعارفنا من خلال هذا البوست
والتقينا مرتين الاولى كانت فى ذلك اللقاء المشهور
والذى فقد فيه عمر الحبر اللاب توب اليابانى
فى مطعم جاد
واللقاء الثانى فى قرية الكباشى
فى ضيافة عمر الحبر
هذه اللقاءات لم تكن كافيه لتكوين فكره كامله عن حمد
ولكن دعونى الجا للظن مع بعض الحقيقه
اظن حمد كان فى الجامعه مجتهد فى دراسته مما اثر على علاقاته الاجتماعيه
واظن ايضا" انه لم يكن عنده علاقات جازيه (من الجاز)مما حدا به لعمل الوزنه لاحقا"
وكل دا ادى به للتركيز فى مهنته
والدليل مثابرته على متابعة اعماله
حتى لو اضطر الى انو يقييل (وحادثة العنقريب انموذجا")
| |
|
|
|
|
|
|
| |
Hisham Magzoub
sara Eltayeb suliman
ابراهيم محمد الحسن
Tahani abdalla Attia
صلاح ليون
طارق أحمد خالد
علاء الدين محمد بابكر
حسن زمراوي
حمد محمد احمد
Amna Mohamed Arh
فيس بوك
تويتر
انستقرام
يوتيوب
بنتيريست