هنا نتحاور ونتعرف على العضو ساره الطيب ... مرحبا بالجميع

Quote: من خلال المداخلات فى منبر اليوم الحار بكل بوستاته > هؤلاء فى كلمات - بصراحه من اجل الفائده العامه للمنبر : ( التركيز على المتداخلين بشكل منتظم بعد التهكير ) حمد محمد احمد ابراهيم محمد الحسن هاله كزن هشام مجذوب صلاح الليون د. تهانى عبدالله فوزى عبد الفتاح سنا مضوى طارق الكوتش

حمد محمد احمد: شخص طيب ويتصرف بتلقائية وعلى طبيعته وحساس، يهتم بكل الناس ويتفقد أحوالهم... حريص على التواصل، وكثيرا يشد من أزري ويشجعني... وكتر 1000 خيرو بفرمل ناس الكورة سعياً وراء إستمرارية المنبر وعشان الناس الما بتحب الكورة ماتزعل وتمتنع عن التواصل...

ابراهيم محمد الحسن: أعتقد إنو شخصية إجتماعية جداً وذوق (على قولو) بدلديل إنو بصر على التواصل اليومي رغم الظروف... اهتمامو بالمواضيع الجادة باين مشروع دعم المكتبة.... وفاءه وتقديره للناس بظهر في بوست تكريم شيخ الحبر..... طبعا الطيور على ابيارها تقع، يبدو إنو إنسان رائع زي تهاني... بس عيبو بحب مواضيع الكورة

هاله كزن: باين إنها إنسانة إجتماعية جداً وبتحب الناس، وبصراحة بتشد من أزري كتير...وفي نفس الوقت يبدو انها إنسانة طموحة.... ربنا يوفقا وتكمل الدكتوراة وعقبالنا... هالة عملية جداً ودا واضح من بوست دليل المهندسين وبوست مهندسيننا ناس السوق....

هشام مجذوب: يظهر عليه شخصية مرحة، روحو حلوة، نشيط، وبتاع برامج...عندو مهارة عالية في ال Analysis والإستنتاج بتعمل تغيير ظريف في المنبر...
متواصل مع الناس بصورة مستمرة، رغم أدوار الرملة الراجياهو في الموقع بس شكلو زول مستهبل كدة ومروج إشاعات ما عارفة لي... ولا أنا غلطانة يا هشام مغلوب؟

صلاح الليون: أنا بحس إنو زول هادئ كدة ومن أنا بقيت عضو شايفة مشاركاتو خفيفة... (الحاضر الغائب الليون )...قبل ما إجي السودان كان مشغوول بالأسواق (مع العلم بأننا لم نرى الهدايا حتى الان (وش كاواي) ) وبعد جاء السودان إختفى عدييييييييييل

د. تهانى عبدالله: بت أهلي دي الزيها منو كمان... طبعا يا جماعة تهاني هي العضو الوحيد الذي تعرفت عليه على الطبيعة... وهي إنسانة راقية، فاهمة، نشيطة، طيبة،تلقائية، صباح خير، ومحبوبة بين الجميع... تحس الفرحة في عيونا عندما تراك وأبدا ما جاني إحساس إنو دي أول مرة أقابلها...
وأنا معجبة جداً بإهتمامها بوضوع دعم المكتبة

فوزى عبد الفتاح: إستعانة بصورته ...يظهر عليه إنو أكثر شخص هادئ ومسالم في المنبر بس ماعندو مداخلات كثيرة بعد ما أنا بقيت عضو في المنبر عشان أحكم عليهو..

سنا مضوى: لم تتحفنا بمشاركات كثيرة حتى نتعرف عليها بصورة جيدة شكلها مشغولة شديد مع الاولاد والضحية... بتشاركني الإهتمام بمواضيع التنمية البشرية وتطوير الذات ودي نقطة إلتقاء بينا وأنا حاسة إنها نوع الناس القلبهم حار...
Keep in touch يا سنا خلينا نعرفك اكتر...

طارق الكوتش: شخصية مرحة، حاضر الذهن، وصاحب أفكار نيرة Creative... يجيد كسر الروتين وعمل البرامج التي تغير الموود... وطبعا هو صاحب الفضل في تعريفي على أعضاء المنبر... وصاحب الفضل في ال password.... مدينة لك بالكثير ياهندسة...
بس عيبو إنو الكوره ونتائجها بتأثر على نفسياتو وموودو شدييييد لدرجة إنو بيخفي كم يوم بعد المباراة...





........................................................................................................
كل هذه الشخصيات يجمعها حب الهندسة وكلية الهندسة... وأحي فيهم جميعا روح الإصرار على التواصل بغض النظر عن السنين و المسافات وعلى الرغم من مشغوليات الجميع.... فلكم فائق تقديري وإحترامي...
وأنا حقيقي سعيدة جداً ولي الشرف بالتعرف على مهندسي العصر الذهبي...

(عدل بواسطة sara Eltayeb suliman on 12-05-2008, 12:20 PM)
(عدل بواسطة sara Eltayeb suliman on 12-07-2008, 06:57 PM)