|
|
|
 Re: اليوم الحار ومابندار يوم الهندسة والمعمار (Re: صلاح ليون)
|
حنتكلم عن أشهر البنشات الموجودة في الجامعة
بالتحديد البنشات المن البلاط .. يعني كراسي ما معانا
عايزين نشوف اماكنه الاستراتيجية وماذا تعني..
بتطل على شنو .. وبتحسسك بشنو لما تقعد فيها..
ولما يكون في بنش بترتاح ليهو وتجي ماشي عليهو..
وطق يجي واحد يقعد فيهو .. احساسك بيكون شنو..
وحنبدأ بسيد البنشات .. وهو قائد الأسطول..
آخر بنش في المين يقابل المكتبة ويواجه العلوم
في الصورة دي..
ومن بعدها حنتكلم على البنش الفي كافتريا هندسة
وبيطل على الميدان الغربي .. كانك مدي ضهرك للهندسة
وتترقب ما هو جديد وآتي من بقية الجامعة..
وياريت لو يقدر مراسلنا من الخرطوم هشام
يجيب لينا صور ليهو..
| |
 
|
|
|
|
|
|
|
|
Re: اليوم الحار ومابندار يوم الهندسة والمعمار (Re: الخطاب مساعد الماحي)
|
اها فتكم بعافية
انا ماشي المشوار التالت .. والله يستر القى حاصل بوراي شنو
المهم ابقوا عشرة .. ونصة نهار دخلوا الشفع من الهجيرة
وما تفتحوا الباب الا تسالوا دة منو
وخليكم في البنشات منتظرين الليون (ما يبقى زي انتظار الضب اللي يوم الليلة)
ومن هسي خلوا لي معاكم 9449
ودعتكم الله
| |
|
|
|
|
|
|
|
|
 Re: اليوم الحار ومابندار يوم الهندسة والمعمار (Re: طارق الكوتش)
|
صباحاتكم خير،،
الليون قلت لى أبتديتوا بالرومانسية؟؟
كدة أحسن،،
الصباح دة الراس بكون تقيل و محتاج ظبطة،،،
خلوا الاكشن نص اليوم،،،،
بالنسبة للأثر النفسى للبنشات،
أنا غايتو حدى كنت بقعد فى البنش لما رجلى توجعنى من الجزمة.... اقصد الوقفة،،،
لكن إنتو ممكن تحكوا تجاربكم،
و أنا أحلل ليكم.... تحليل نفسى،،،
إيه رأيكم؟؟؟
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
هالة: | Quote: أنا غايتو حدى كنت بقعد فى البنش لما رجلى توجعنى من الجزمة.... اقصد الوقفة،،، |
لا انت حالتك صعبة .. كيف كنت بتقعدي .. وتقصدي الوقفة
برضو حنتطرق للحتة دي .. لما الواحد يكون واقف والتاني قاعد
يعني الكلام يكون طالع من الاسفل للأعلى أو بالعكس..
دي فيها أثر نفسي كبير جدير بالدراسة حقتنا
| |
|
|
|
|
|
|
|
|
 Re: اليوم الحار ومابندار يوم الهندسة والمعمار (Re: صلاح ليون)
|
يا ليون،،
Quote: لا انت حالتك صعبة .. كيف كنت بتقعدي .. وتقصدي الوقفة
برضو حنتطرق للحتة دي .. لما الواحد يكون واقف والتاني قاعد
يعني الكلام يكون طالع من الاسفل للأعلى أو بالعكس..
دي فيها أثر نفسي كبير جدير بالدراسة حقتنا |
فهمتنى غلط ياخى،،
أنا كنت بقيف إنتظارا للناس تمرق من المحاضرات،
و بقعد لما أكون دايرة (أنقل) المحاضرة fresh كدة يعنى،،،
و بث،،،،،
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: صلاح ليون)
|
طيب نبدأ بالبنش الأول في الدراسة .. بنش قائد الأسطول
والبنش ده لما تكون في سنة أولى نادراً ما تحظى بالجلوس عليه
بيكون ليك زي الحلم كده .. مليان طيلة اليوم صباحاً ومساءً
يعتبر اقرب بنش للمكتبة ولكنه أبعد ما يكون عن الاكاديميات
وهو أبعد بنش في المين من البوابة الرئيسية يعني أمان في حالة
المظاهرات وخاصة عندما الاقتحام من الاحتياطي المركزي يكون من الباب
بتاع المين أو الباب الرئيسي ..
بينقل ليك تفاصيل ووجوه الناس الجاية من علوم وشايلة زادها أو تعلو
في وجوههم خيبة الأمل .. أو الناس الماشة علي علوم
يوجد أثر نفسي كبير لما تشوف ليك زول طابق كتبو وماشي على المكتبة
بيخليك تنغمس اكتر في الجنبك .. هرباً من جحيم التفكير في القراية
كان أكثر رواده من الحناكيش ..
ونواصل..
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: صلاح ليون)
|
نواصل ..
نحكي ليكم واحدة آكشن..
قلنا بنش نهاية المين كان صعب تلقى فرصة فيهو
ما بتذكر في اولى حظينا بيهو وللا لا .. لكن لما
بقينا سناير وفي تانية كانت لينا جلسة أكشنية فيهو
بعد المظاهرات واللبع والكبع بواسطة الاحتياطي المركزي
في واحدة من العكات بتاعة الجامعة .. وطبعا بعد وضع زي ده
الجامعة ما بيكون فيها إلا الطير والقرود .. اتذكر جينا
انا ومعاي منو ما متذكر .. لقينا البنش فاضي واخدنا قعدتنا..
اتاريهو دائماً بيكون في تمشيط بعد المظاهرة .. وجالسين في أمانة
الله إلا اسمع ليك صوت من وراي .. انت يا زول قاعد تسوي شنو ..
وجيبو بطاقتكم الجامعية .. وعاملين فيها شفوت يعني وللا شنو..
وقمنا على حيلنا ويا فرحة بالبنش ما تمت .. ولما بتاع الأمن
جا جنبي وبيعاين للبطاقة .. وقلنا خلاص حيلمنا في اقرب بوكسي
اقوم ألقاهو ليك صديق الطفولة .. قاري معاي الابتدائي ورحل بعد
داك من جنبنا يعني لي زي 8 سنوات كده منقطع عنو ..
وهاك يا سلامات وصرف ناس الأمن المعاهو وقعد معاي في البنش زاتو
واخدنا عشرة ونسة لغاية بالليل في حماية ضابط الأمن (الصادق)
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Hala Hassan)
|
ليون
| Quote: أو الناس الماشة علي علوم |
انا و عماد حسين كنا بنمشى علوم عشان نشرب
قهوة من خالتك رقية ( تحت السلم بتاع جيلوجيا )
ياخ ده عندها قهوة مباااااااااااااااااالغة
اها
بنمر بالبنش ده رايح جاى > والاحساس البجينى
كان بتمثل انو ناس البنش ديل قاعدين فى الصقيعة
( اشرح الصقيعة يا ليون للحناكيش )
انت الحناكيش ديل شنو ؟؟؟؟
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
تعديل ما معانا يا إبراهيم
Quote: لا من الشاريييين ،،
ولا من المشرورييين ،،
من الخالطيييين ،، |
اكيد اتشريت .. إنشاء الله حتى من زميلك يعني ما شرط تكون زميلة
اليوم ده الفهم الخطأ فيهو مرفوع يا شباب .. فخليكم شفافين
أها من الخالطين دي ما تجي وتعملها لينا خالط كتاب .. زي الكوتش
فوق قال قهوة قال وكمان عماد .. لكن كويس زكرنا بي ست الشاي ديك
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
الناس البتسأل عن الحناكيش..
ما قادر افهم ده سؤال استنكاري وللا استفساري
الحناكيش في عهدنا كانو .. شهادة لندن .. وبعضا من الشهادة العربية وآخرين
الحنكشة والحنكوش والحنكوشة هي من المصطلحات الكانت شائعة في عصرنا داك
ما عارف هسه بيسموهم شنو ؟؟
نعم البنش كان في الصقيعة يالكوتش أي بمعنى اللعب على المكشوف في حالة انك خالط
والحاجة دي ليها محاسنها ومساوئها لكنه يظل البنش الليدر ..
في حاجة تانية عن البنش ده .. قبل ما نمشي لي أشهر بنش في الهندسة
وهو لما تكون مدي ضهرك للهندسة ومقابل للميدان الغربي .. كأنك بتستقبل
كل الداخلين للهندسة وبتودع المارقين منها .. وده كانت لينا فيهو جلسات وجلسات
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
يا سلام على الصورة يا إبراهيم..
طبعا البنش بتاع بحثنا هو عكس اتجاه ده .. لكن
لاحظ للكراسي البيضاء المن غير مساند ديك
مع إنو قلنا ما حنتكلم عنها لكن لينا فيها قعدات
حقو نقولها كده على الماشي ..
طبعا في زمنا كان البيسفو بيحاولو جاهدا دس الحاجة دي
ولما نجي نقعد في الكراسي ديك كانو بيتداولو مصطلح (كاسك ياوطن) كناية عن كيس الصعود
أها مرة جالسين مجموعتين في الكراسي البيضاء ديك أتذكر منهم ياسر جعفر ومحمد كرار
ولوي علي نمر وآخرين من السفيفة درجة أولى .. أها قام واحد من المجموعة الأولى كورك
للتانيين وقال ليهم بصوت عالي كاسك يا وطن .. وداك من هناك شال الكيس وعايز يجدعو
في اللحظة دي جات زميلة من الدفعة دافرة من جهة الكافتريا وكانت بتهم صاحبنا العايز
يفك الكيس وهو شايفها .. وبالله عمل ليك فرامل لدرجة الكيس وقع في نص المسافة بين
الجماعتين .. والزميلة جات ووقفت مع المجموعة الأولى الطالبين .. وهي اضانا كانت
خفيفة وكانت سمعة حكاية كاسك ياوطن البي صوت عالي دي .. اها قامت قالت ليهم كاسك يا وطن
دي شنو .. انقر المجموعة التانية بي صاحبنا سيد الكيس ما قامو فرتقوا وخلو الكيس مرمي
في واطاتو .. وكل واحد قام جاري على اتجاه.
ونواصل..
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: صلاح ليون)
|
| Quote: الناس الدايرة تكون أقرب شى للمين و حاسين بطعم الغربة،،،، |
لا ده فهم مختلف تماماً ..
انتي ما سمعتي بالجنشن Junction ..
طيب ده كان وين والبنش البيوصفو بيهو ..
كيف ما يكون أهم بنش .. وكيف يحسو بي طعم الغربة
وهم في نقطة تلاقي زي دي
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: صلاح ليون)
|
نجي للبنش الجوكر حق الهندسة..
بنش هام للغاية بالذات في فترة التسجيلات
أو الفترة الأولى لي فتح الجامعة ..
بنش يُعتبر نافذتك لعوالم أخرى من الجامعة
وفي نفس الوقت ممكن لو التفت لليمين تشوف المكان المخصص للحناكيش (آي تاني)
وطربيزة البنغ بونغ في الجهة الأخرى من الكافتريا..
ونواصل..
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
شاكوش عمر الحبر ،،
عمر الحبر طبعا معروف عنه صداقاته الكتيرة ،،
وعلاقاته الممتدة إلى خارج حدود كلية الهندسة ،،
ومرة ،،
وعن طريق واحدة من الشلل بتاعتو ،، اتعرف على زميلة من آداب ،،
وكان بيقابلها كتير ،،
وبيخلطها ،،
قصدي بيقعد معاها في واحد من بينشات آداب ،،
وكانت خلطة بريئة ،،
زمالة وصداقة ،، وكدة ،،
على الأقل من جانب عمر الحبر ،،
لكن،،
الظاهر الحسناء كان لها رأي آخر ،،
مرة قال وهو موصلها للداخلية ،،
قالت ليه : تتخيل ناس فلانة وفلانة بيقول عننا شنو؟
(فلانة وفلانة ديل من شلتهم ،،)
هو : والله ما عارف ،، بيقولو شنو؟
هى : بقولو عننا مجكسين بعض ،، ومرطبتين
هو : ياخي بالغوا ،،
البنات ديل جنوا ولا شنو ؟
سمعنا تحت تحت إنه تلك الحسناء اختفت من الجامعة نهائيا ،،
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
Quote: لؤى ومحمد كرار كانوا فى مجموعة واحده
وهل البنيه دفعتكم ؟
وبعداك انت برضو فحطه ؟
بس عشان نقدر نفهم منو صاحب الكيس ؟ |
ياكوتش .. خلي الكيس في حالو..
ونواصل عن البنشات .. وذكريات الجامعة
ونقول كما قال البحتري
تأبى المنازل أن تجيب مسائلا ** حالت ولست عن الصبابة حائلا
خلفت مدامعنا الندى في ربعها** فتناثرت طلا عليه ووابلا
أذكرننا من الشباب مدبجاً ** والدهر غراً والحبيب مواصلا
أيام يجمع للجمال محافلا ** ملء العيون وللغرام محافلا
حركات أغصان يُميّلها الصبا** هيفاً فتتبعها القلوب موائلا
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
طيب بنش الهندسة (نافذتك إلى عوالم أخرى) ده كان من البنشات
المفضلة لدي .. يعني بنطلع من أي محاضرة وجري عليهو ..
آثارو النفسية الايجابية كثيرة..
1/ هوا طلق ونسيم عليل يجيك من ناحية الميدان الغربي لما نجيلتو تكون خضرة
وحتى في عز أيام الصيف كان بيكون بارد
2/ موقع استراتيجي يكشف لك الوافدين الجدد على الهندسة
3/ يطل على معمار وطلة جانبية على الجزء الآخر من الكافتريا
4/ ........
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
Quote: طيب بنش الهندسة (نافذتك إلى عوالم أخرى) ده كان من البنشات
المفضلة لدي .. يعني بنطلع من أي محاضرة وجري عليهو ..
آثارو النفسية الايجابية كثيرة..
1/ هوا طلق ونسيم عليل يجيك من ناحية الميدان الغربي لما نجيلتو تكون خضرة
وحتى في عز أيام الصيف كان بيكون بارد
2/ موقع استراتيجي يكشف لك الوافدين الجدد على الهندسة
3/ يطل على معمار وطلة جانبية على الجزء الآخر من الكافتريا
4/ ........ |
5/...............
اعتقد انو البنش دا انتقل الي رحمة مولاه
| |
|
|
|
|
|
|
|
|
 Re: اليوم الحار ومابندار يوم الهندسة والمعمار (Re: صلاح ليون)
|
تعرف يا ليون برضو فى بنش فى هندسة كنت
بعتبره جوكر من الجواكر > البنش الضهروا
على الشجرة تماما و مواجهة الكافتريا
وكش السجائر برضو تماما( بدون اى حاجز )
>
يعنى تكون قاعد فيهو و شغال ملح شئ سندوتشات
وشئ بيبسى بعدين الناس بتكون ماشايفاهو
وهم ماشين الكافتريا او الكش وبتفاجأوا
وهم راجعين و محملين بوجود هشام عبد العال
وطارق الكوتش و يوسف متوكل و احيانا اليسع
وعاطف جلى و بثرى
>
مره من المرات قاعدين فيهو انا و يوسف متوكل
وهشام عبد العال قام ظهر لينا كبيده من ضهروا
وهو متوجه للكشك بعد شويه صوت نااااااعم من
خلفنا و ماشايفنا > كبيده انا عايزه لولى ببا
اها كبيده اتلفت قام شاف ليك الثلاثى سلم
وقال : فى زول منكم نادانى
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: صلاح ليون)
|
| Quote: انتي ما سمعتي بالجنشن Junction .. |
صلاح ليون سلام ياخ..
بالغت معاي في بنش الجنكشن دة..
في زمانا كان وظيفيتين شهيرتين في الجامعة هم:
شيخ البركس، وغفير الجنكشن..
غفير الجنكشن مقره هذا البنش الحبيب..
وانا كنت شهير بغفير الجنكشن لفترة طويلة، ووصل بينا الحال
انو في فترة البريك الربع ساعة في المحاضرة في الهندسة بنجي الجنكشن..
عندي صور حا انزلها ليك..
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
رجعنا لكم
يا الكوتش: Quote: تعرف يا ليون برضو فى بنش فى هندسة كنت
بعتبره جوكر من الجواكر > البنش الضهروا
على الشجرة تماما و مواجهة الكافتريا
وكش السجائر برضو تماما( بدون اى حاجز )
>
يعنى تكون قاعد فيهو و شغال ملح شئ سندوتشات
وشئ بيبسى بعدين الناس بتكون ماشايفاهو
وهم ماشين الكافتريا او الكش وبتفاجأوا
وهم راجعين و محملين بوجود هشام عبد العال
وطارق الكوتش و يوسف متوكل و احيانا اليسع
وعاطف جلى و بثرى |
لا حقيقة ده كان بنش استراتيجي من ناحية تموينية
ويكثر فيهو مصطلح خمّس السيجارة أو فكها..
لكن كبيدة بالغ .. عمل فيها ميت
الناس القالت عايزة تجيب صور ..
علاء والكوتش .. في الانتظار .. حاولو كمان وكمان
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Sahar Tageldeen Elsheikh)
|
ياسحر مرحب بيكي:Quote: صباح الخيييير على كل الحاضرين والمشاهدين والراميين اضانوم
متابعييين ياليون
جنس فت غايتو |
عايزين تأكدو لينا هل البنش بتاع هندسة الاتكلمته عنو
اصبح من المراحيم .. عشان نعمل حداد عليهو ..
منتظرين مراسلنا هشام بعد ما يجي ويدينا الأكيدة..
تاني عايزين نتكلم عن بنشات ..
* الدبرسة (خلف الكافتريا وواحد تاني هناك بعد منطقة الحناكيش)
* بنشات الخلط الرايق (ما بين معمار ومكتب المدير ..ما عارفو يكون بقى شنو)
* بنشات الانتظار والوداع .. وانت مارق من بوابة الهندسة
* بنشات تلقي الترس والمساعدات الاكاديمية (بمحاذاة المكتبة لغاية ما تدخل تحت التور)
| |
|
|
|
|
|
|
|
|
 Re: اليوم الحار ومابندار يوم الهندسة والمعمار (Re: طارق الكوتش)
|
Quote: * بنشات الخلط الرايق (ما بين معمار ومكتب المدير ..ما عارفو يكون بقى شنو)
* بنشات تلقي الترس والمساعدات الاكاديمية (بمحاذاة المكتبة لغاية ما تدخل تحت التور) |
خابرهم بلحيل و عندى فيهم شمارات بالكيلو و الرطل
اها
عاد خليكم قريبين و لكن تعالوا بيغادى
( الكلام الفوق ده حق عمكم رجب .... اجيبوا ليكم بالدرب ؟ )
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Hisham Magzoub)
|
انا اعتقد بان البنش الوصفو ليون بانو المقابل والمواجه
والموجود فى نهاية المين رود جهة المكتبه
هو اهم بنش فى الجامعه كلها من سنترها لشمباتها لمجمعها ومرورا" بتربيتها
يمتاز هذا البنش بوقوعه فى ملتقى طرق استراتيجيه
كان يمثل لنا قى سنة البرليم افضل مكان لعمل المقصات الناجحه
كنا نجتمع فيه بعد خروجنا من ال OLT
تجلس فيه فى شكل طابقين حتى كنا نخشى ان يسقط بنا
نستقبل فيه القادمين من جهة علوم وبالذات ناس ال GLT
كانو يمثلون اجمل منتجات الجامعه
(سؤال لا يخلو من البراءه ماهى علاقة الاحياء بالجمال ؟)
و........اواصل
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Hisham Magzoub)
|
او هشام مجذوب.. كيفك ياخي
إن شاء الله الراوند بتاعك ناجح..
Quote: يمتاز هذا البنش بوقوعه فى ملتقى طرق استراتيجيه
كان يمثل لنا قى سنة البرليم افضل مكان لعمل المقصات الناجحه |
مش عليك الله ..
مرحب بيك وانت بتضيف ميزة جديدة للبنش ده..
ياخي مقصات دي كانت غايبة عني..
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: صلاح ليون)
|
وده برنامج الاشراف على اليوم الحار بالكامل يا شباب
الجمعة ساره و عمر موسى
السبت خطاب و طارق الكوتش
الاحد هاله و ابراهيم
الاتنين طاخ و سحر و تهانى
التلاتاء ليون وهشام و قدورة
الاربعاء حمد و آمنه وابو هريرة
الخميس صلاح مختار وعلاء الدين
واى اعضاء قادمين جدد او قديمين يختاروا قروبهم
والناس فى اليوم الما يومهم يقوموا يعملوا دعم
لوجيستى للآخرين بشكل جيد ومداخلات فعاله ان امكن
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
لهذا البنش وظيفه عظيمه
كان يستقبل اصحاب المواعيد فى ال Junction
لقد قمت بحساب عدد الطرق المتلاقيه فى هذا البنش
لقيتها حوالى 6 طرق
1- الطريق الرئيسى القادم من باب المين ودا بجيبليك الناس فرش من خارج الجامعه
وغالبا" مايكونو مصحوبين بالروائح الجميله
2- الطريق القادم من السدست ودا بيتفرع منو الهاى وى الجاى من اداب
3- الطريق الجاى من جهة النادى الجغرافى ودا بجيب ناس ليون وكوتش
4- الطريق القادم من المكتبه المين ودا خاص بالعلماء
5- الطريق المن اجلو اتعمل البنش طريق علوم
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Hisham Magzoub)
|
هشو يا ابداع
Quote: لقد قمت بحساب عدد الطرق المتلاقيه فى هذا البنش
لقيتها حوالى 6 طرق
1- الطريق الرئيسى القادم من باب المين ودا بجيبليك الناس فرش من خارج الجامعه
وغالبا" مايكونو مصحوبين بالروائح الجميله
2- الطريق القادم من السدست ودا بيتفرع منو الهاى وى الجاى من اداب
3- الطريق الجاى من جهة النادى الجغرافى ودا بجيب ناس ليون وكوتش
4- الطريق القادم من المكتبه المين ودا خاص بالعلماء
5- الطريق المن اجلو اتعمل البنش طريق علوم |
السادس وين ؟
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
Quote:
3- الطريق الجاى من جهة النادى الجغرافى ودا بجيب ناس ليون وكوتش |
مرة من المرات وانا ماشى باليل بالطريق اعلاه و الكهرباء كانت قاطعة اسمع
ليك اصوات ما غريبة على مسامعى كانت جالسة فى البنش المواجه 102 بالآداب وهى تهتف بصوت ناعم >
انتوا تلاته ونحن تلاته و عايزين خلطة
وانا راجع بنفس الطريق والكهرباء لازالت قاطعة اسمع ليك اصوات اخرى وفى نفس البنش
تهتف باصوات ناعمة > امين تعال متبوعة باصوات خشنة من نفس المجموعة > حمد امش
الدائر يعرف مكونات المجموعة الاولى و/ او المجموعة التانية مع بعض التفصيل
ينتظر عم رجب يوم السبت القادم
| |
|
|
|
|
|
|
| |
صلاح ليون
حمد محمد احمد
ابراهيم محمد الحسن
الخطاب مساعد الماحي
Hisham Magzoub
Amna Mohamed Arh
علاء الدين محمد بابكر
فيس بوك
تويتر
انستقرام
يوتيوب
بنتيريست