|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
وهاكم دي كمان ،،
ما يلللا نجضم الكورة نخلى الجامعة مبهورة.... وفى ميكانيكا تلقانا نجضم زى كفر غانا نجضم زى كفر غانا عشان مدنية دى معانا كلالى كتير معديانا كلالى كتير معديانا وزراعية تتعلى وكيمائية تتجلى وكيمائية تتجلى ثقتنا كتيرة فى الله ثقتنا كتيرة فى الله والمساح شرف لينا والمساح شرف لينا تعدينا الجوا عينينا تعدينا الجوا عينينا
_________________________ منقول: (على ما اذكر اللحن مستعار من يللا نفارق الحلة نجاهد فى سبيل الله)
| |
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
ودي قصيدة (ياريت) بتاعت الخير المساح .. بأفتش فيها لي زمن ،،
يـاريت سالوني عن صبي ..أنكرت ما قريت شافوهو متخبي في البورد بقول ربيت ربيت .. ربيت .. ربييييت حاولت اكتب ليك واطلع الفي الراس كتبت ليك كتير لمن مليت كراس .. فرحت قلت خلاص يا ود ضمنت الباص ضحكت عملت جضوم زي ناس كمال ترباس رقصت كشفت كتير لمن بقيت رقاص و يوم النتيجة عديل .. كهرب صباعي الماس يا ريتني اقدر ابوح و اقول يا دكتور لمتين اقدر اباصي و اغور؟ لا بيتنا سابع دور لا فيهو موية و نور و انا كل يوم مشرور حاضن عمود النور
__________________ على لحن أغنية يا ريت بتاعت كمال ترباس
| |
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
Quote: دي حالة أخير منها الإعتكاف ،،
ومافي زول يجي يقول لي وينك وتعال ومختفي
ثمح؟ |
معليش يا هندسة اليوم كنا بعيدين من النت لكن إستمتعت بزبارة لطيفة من الثنائي سحر وآمنة.. ونسة بس تقول فلم كرتون.. بطني وجعتني من الضحك.. ياخ الجماعة ديل شخصيات في غاية الطرافة.. فضل نلاقي التالتة..
بكرة موعدنا الساعة سيعة إلا ثلاثة إلا نص
| |
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
هذا ايميل من ابو هريرة
نرجو الدعم
Quote: الاخ الفاضل حمد كل الود واجمل التحايا حقا لا ادري كيف اشكرك علي خارطه الطريق الي الكنز:منبر اليوم الحار والذي ان دل علي شئ فانما يدل علي تميز كليه الهندسه وحقا :الجامعه هندسه او لا جامعه همتكم معي لاصبح من الاعضاء لك ودي وتقديري اخوك ابوهريره احمد ابراهيم هندسه زراعيه _دفعه 88 |
يلا همتكم لتجديد الدماء
| |
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
سلاااام للجميع
مشتاقة ليكم والله لكن يعلم الله ظروف قاهرة
بالجد انا زعلانة انى ماقدرتا اجى اللمة وماحتصدقوا لو قلتا ليكم انى كنت بتجهز وطالعة
لكن للاسف جانى تلفون غير لى رنامجى كله...حزينة جد انه كانت فرصة جميلة اتعرف عليكم
اتمنى انها تتكرر...وبدوون عواارض المرة الجاية
تحياتى للجميع...وتحية خاصة للناس الحضرو اللمة وبالجد كان نفسى اكون معاكم
تحية خاصة للكوتش..من حسن حظى انى اتعرفتا عليك وقدرتا الاقيك يازول يارائع
| |
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
امنة كيف احوالك
ناس وردية النهار
ابراهومة ,, مع الكورة
ما عهدناك هكذا
,,,
كنا بنتمنى انو الناس كلهم يجو احتفالا بالكوتش
لكن كل واحد عندو ظروفو
,,,,
العريس اختفى في ظروف غامضة
الليون اظهر ,, ولاااااااا ( خلي ابراهيم يكمل الباقي )
| |
|
|
|
|
|
|
Re: اليوم الحار ومابندار يوم الهندسة والمعمار (Re: Hisham Magzoub)
|
السلام عليكم
وصباح الخير
ايميل من الاخ ابو هريرة
Quote: الرائع جدا حمد التحيات الزاكيات شكرا علي دعمكم اللامحدود..وشكر من خلالك لامنه,وتهاني,وابراهيم محمد الحسن النيه الا اكون كالدماء التي جددتموها..واطمئن امنه بان اسمها غير مكتوب بضمانتي...وانتظروني |
ولا ازكي على الله احد
انا مع ابو هريرة
| |
|
|
|
|
|
|
Re: اليوم الحار ومابندار يوم الهندسة والمعمار (Re: Tahani abdalla Attia)
|
الاخوة / ات العزيزين/ ات جدا
امس البتاع ده قطع وانا ما جايب خبر
الحمد لله بقا عندي بير
وما فيش حد احسن من حد يا ابراهيم الفنان ( الف..ان )
تهاني حضورك دايما بسعدنا
هشام مجذوب
الروح القيادية مهمة للمهندس وهي اساس النجاح في المواقع بالذات
واظن هندستك ما فيها كلام طالما طلعت من د علي زروق ورفاقه
لازم تكون نجيض ( وطبعا دي بتكون واضحة لمن سافرت كندا )
...
ابراهيم هشام الكوتش
ابو هريرة ده دفعة 88 لازم تكونو بتعرفوهو
| |
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
ابو هريرة
ايميل
Quote: الرائع ابو مهاد لك الود مشاركه من خلالك: لاادري لمن الابيات: قلبي يحترق... حين يمضي الوقت فنفترق.... ونمد الايدي...يجمعها حب... وتفرقها طرق احسست انها تعبر عن رائعي اليوم الحار النشطين جاءتني فكره ان نوثق للرائعين في الكليه من خلال الدفعات:مثلا دفعه 88 كره القدم:اسامه عابدين(مدنيه) وايمن وكوكا(زراعيه) اجتماعيا:نصر الدين دروب والخديوي خضرميا:(وتعني الذين من تواضعهم ابت انفسهم الا ان يشاركو الدفعات االتاليه!!)ممثلا لهم مصطفي كدوده ومحمد طاهر(ادروب) اكاديميا: التيمان(راجع سلسله حاجه سعيده,ويمكن سؤال الحبر عنهم وطبعا اكاديميا خليتا في الاخر,لانو انا كنت زول سواسيو ساكت(وسواسيو دي تقدير ثيرد!!) يعني باختصار كده:مسؤول عن الدفه في مركب الدفعه وممكن استصحاب نماذج: دروب عندو القصيده العصماء القالها في الاكستنشن يستنكر فيها صعوبه الامتحانات,ويدين قيام اسبوع علوم(انشاء الله في زول عندو!!!!!!!! عموما محاوله:عشان ما اكون من الدماء الجددتوه يا ابوخليل في انتظار رايكم
|
الكلا م ده ليكم يا 87 و 88
لأنو انتو انشط ناس
| |
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
صلاح مختار Quote: الفراش إترفع غير البروفايل لو سمحت. |
نحن فراشنا 5 يوم واترفع لكن نعمل شنو للجماعه ديل كل ما تقرب ساعة الرفع تحصل الانبراشه يظهر موعودون ببكاء كامل الدسم هذا الموسم و المواسم القادمه بس انتوا لو دايرين تشيلوا الفاتحه تعالوا لى بهناك فى المنبر العام ... سمح اصلوا ناس المنبر الحار الحمر ديل وقت الجد هرابيييين واسألوا اخونا طاخ على فكره بهناك برضو هراريب بس حوش البكى فسيح .... وحى العرب سوكرتا
حى العرب شنو ؟
| |
|
|
|
|
|
|
Re: اليوم الحار ومابندار يوم الهندسة والمعمار (Re: صلاح ليون)
|
سلام للجميع
امنة
Quote: بيري العزيز حمد حمدلله على سلامة النت |
التشكرات يا امنة
...
الكوتش الحمد لله على سلامتك
Quote: شكرا ايها الاصحاب للاستقبال والسؤال و الترحاب |
منتظرنك وقريبين
.....
عصام
مرحب بك وسط العشيرة
...
ابراهيم الارقام المميزة وكمان على الطابر
وفي الدقيقة 45 وانت خلاص ماشي ( احييك )
لكن لقيت ابو تلاته شنبات مشغول
| |
|
|
|
|
|
|
|