|
|
|
 Re: اليوم الحار ومابندار يوم الهندسة والمعمار (Re: ابراهيم محمد الحسن)
|
يا هومي نحنا شمتنا فيكم وشردتوا لما نحنا غلبناكم بالثلاثة لكن إنتو فرحانين عشان غلبونا ناس تانين مش إنتو.. يعني نظام يا عمو دقو لي...
أما أنتم فلما ... تلحسو كوعكم يا طيشاب
الهلال على أسوأ الفروض حيكون الرابع (يعني جزء من المربع الذهبي الأفريقي) أما الطيشاب فلا عزاء لهم.
قال طويناها حمراء قال.. بطيييييييييخ
كوتش... مرحبا بك في السسودان يا سيد البلد..
طاخ
| |
 
|
|
|
|
|
|
|
|
Re: اليوم الحار ومابندار يوم الهندسة والمعمار (Re: طارق أحمد خالد)
|
ط ا خ
والله بحيي فيك الصمود
ذكرتني سنة 96 في الجامعة في واحدة من المظاهرات
انا وصاحبي شايلين لينا واحد مصاب ..
وقف كومر بتاع الاحتياطي المركزي .. وبقوا كلهم بضربوا فينا عشان ننزلوا
ونحنا كمان حلفنا .. ما بنرميهو .. ولا بنجري
قطعناها في حنانا..واكلنا الخبت داك كلو لمن هم فتروا
فيا حليلك
تموت متل الشجر واقف
تموت واقف على حيلك
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: علاء الدين محمد بابكر)
|
Quote: وحا تكونو ياتو ضلع من المربع ،،
اليمين ولا الشمال؟
الفوق ولا التحت ؟ |
ما فارقة يا هومي.....
حتى لو الضلع التحت
المتأكدين منو إنو:
1. الطيش هو البطيخ
2.هومي جعجع وتوعد وأرغي ,ازبد بعد أن تخيل أن البطيخ قادر على هزيمة سيد البلد
3. البطيخ إتهزم من سيد البلد في 11/9 بنتيجة 3/1 سنظل نذكرها كلما احتفلت أمريكا في هذا اليوم
4. هومي جعجع وتوعد وأرغي ,ازبد بعد أن تخيل أن البطيخ قادر على هزيمة سيد البلد
5. بعد أن وقعت الواقعة...أبراهيم شرد لحدي ما العاصفة تهدأثم يعود ليحتفل بفوز مازيمبي على الهلال لبفرح بأنجاز عجزهو وبقية البطيخاب عن تحقيقه
6. سيد البلد أكمل المجموعات ب 10 نقاط والبطيخاب أكملوها ي 3 نقاطدون فوز واحد وهزيمة مذلة من سيدهم وسيد البلد
7. دي فقط بمناسبة ال 7 أب (حتى لا تنسوا)
8. الجري دا ما حقي.. حق أبراهيم والبطيخاب..
9. مرحبا بك يا كوتش يا سيد البلد ولا تهمك شماتة الشامتين يكفيك أنك هازمهم وقاهرهم ومنكد عيشتهم
هاك البكا الما خمج...
طاخ ..... طراخ...... طاااااخ
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
ط ااااا خ ،،
Quote: 2.هومي جعجع وتوعد وأرغي ,ازبد بعد أن تخيل أن البطيخ قادر على هزيمة سيد البلد
3. البطيخ إتهزم من سيد البلد في 11/9 بنتيجة 3/1 سنظل نذكرها كلما احتفلت أمريكا في هذا اليوم
4. هومي جعجع وتوعد وأرغي ,ازبد بعد أن تخيل أن البطيخ قادر على هزيمة سيد البلد |
رقم 2 ورقم 4
مكرر
ما عهدناك ما مركز ،،
لكن ،،
وده شئ طبيعي ،،
سببه حالة عدم التوازن السببها ليكم سيد (اللبن) ،،
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
قلتوا كدي ونشرتو الغسيل هنا.. ثمح تب انعدلوا
امنة
| Quote: غايتو يا بطيخاب ما عندكم اي علاقة بالصفوة |
ليه ما عارف ؟؟ لكن الكلام الجايي دة كان ما لاقاكم اسمعوه:
- كما تدين تدان
- التسوي بايدك .. يغلب اجاويدك
- ما اشبه الليلة بالبارحة
- رد (الجميل) دايما صعب
- الصقر ان وقع .. كترت البتابت عيب
- البيتو من قزاز .. ما يفلع الناس بالحجار
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: طارق أحمد خالد)
|
يا خوانا انتو دة المنبر الحار بتاع المهندسين..
ولا دي الشجرة الجنب القبة الخضراء البيتلمو فيها العواطلية
ويتشاكلو في كورة أريتها نافعة..
الفريقين بقو الأجانب الفيهم أكتر من أولاد البلد، بقوا عاملين زي (المواقع)
شي هنود وشي مصريين وشي وشي..
انتو يا خوانا ما دام العندنا في الشغلانية دي بس (الفنايل )..ما تجو نسلفهم
(للفاينال) بتاع كاس العالم..
أكان غلبت الفنايل الحمرا تكون غلبت القلعة..
وكان غلبت الفنايل الزرقاء تكون غلبت المقبرة..
لكن الجوا الفنايل منو..ما لازم..
وبالطريقة دي نكون ضمنا كاس العالم..
واحتمال دي الطريقة الوحيدة يا خليل النضمن بيها انو (الهلال والمريخ) ياخدو الكاس..
ولا أقول ليكم ..انتو الفانلة زاتها ما تعملوها زي جلاليب الأنصار..
النص القدام أزرق..والنص الورا أحمر..
والفريق التاني يلبس العكس..
سؤال للتصويت:
بالطريقة دي الإتنين حا يغلبوا..
ولا الإتنين يتغلبوا..ودة الإحتمال الأكبر..
.
.
بالمناسبة يا خوانا..
الشجرة القلت ليكم عليها كانت جنب مكتبة القبة الخضراء..
حاليا عملو جنبها (مرحاض عمومي)............
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: الخطاب مساعد الماحي)
|
السلام والاكرام
اساسا المنبر ده مفتوح عشان الكورة
مش لفرق القمة لكن لفريق الهندسة وذكريات الكورة في الجامعة
لكن كل ما نلفى الموضوع سخن بنقعد نتفرج
عاوزين كلام ايجابي وتحليل مفيد
مثلا لماذا انهزم الهلال ؟؟
لماذا خرج المريخ ؟؟
الكلام المفيد والواقعي ممكن يقدم الناس
زي كلام حاج علاء الدين ده لازم ياخد حقو
هو كلام ساخر لكن وراءه ما وراءه
التحايا لكم جميعا
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: صلاح ليون)
|
Quote: الكوتش ده بالله اتبنو يا ناس السودان
شوفو عامل شنو مع اجازتو البادية باكبر خيبة امل وهزيمة |
الكوتش سيد البلد في أحسن حال يا ليون.. السودان نور بي وجودو
ما تخاف على الفرسان.. الشراد ليس من شيمتنا بل خصلة لازمة للجماعة أصحاب الهروب الكبير (الكلام ليك يا المطير عينيك)
اليوم كنا نتحدث مع بعض والبرامج الجاية أكيد أحلى (كية للمابينا)
تحياتنا للجميع
طاخ
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
الحمد لله رب العالمين على نعمة الصحة والعافية
عدنا من المستشفى وبدأت الكلى في العمل بعد أن تجاوزت بدايات الفشل........
معنويات الوالدة عالية والحمد لله
شكرا لكم جميعا...
بعد دا يا هومي بنفضى ليك بعد أن زال هم المرض والتعب والتحية لك مثنى وثلاث ورباع و (سباع).. وبركة غلب الهلال المرقك من جحرك بعد الهروب الكبييير الذي واكب زلزال 11 سيتمبر..
طاخ
| |
|
|
|
|
|
|
| |
ابراهيم محمد الحسن
Amna Mohamed Arh
طارق أحمد خالد
الخطاب مساعد الماحي
صلاح ليون
علاء الدين محمد بابكر
حمد محمد احمد
طارق عجبنا
فيس بوك
تويتر
انستقرام
يوتيوب
بنتيريست