|
Re: اليوم الحار ومابنداريوم الهندسة والمعمار (Re: Amna Mohamed Arh)
|
وصلتني الرسالة التالية من الأخت تهاني عبد الله :
Quote: إتوفى مساء السبت أحمد ولد عبد المنعم أخو جمال ،، في حادث حركة .. وهو طالب في رابعة علوم كيمياء جامعة الخرطوم.. إنا لله وإنا إليه راجعون ،، |
نسأل المولى عز وجل للفقيد الرحمة والمغفرة ،، وأن يسكنه فسيح جناته مع الصديقين والشهداء ،، وأن يلهم آله وذويه الصبر وحسن العزاء ،،
تعازينا الحارة للأخت تهاني وزوجها جمال ،، ولجميع أفراد الأسرة الكريمة ،،
| |
|
|
|
|
|
|
Re: اليوم الحار ومابنداريوم الهندسة والمعمار (Re: الخطاب مساعد الماحي)
|
Quote: نسأل المولى عز وجل للفقيد الرحمة والمغفرة ،، وأن يسكنه فسيح جناته مع الصديقين والشهداء ،، وأن يلهم آله وذويه الصبر وحسن العزاء ،،
تعازينا الحارة للأخت تهاني وزوجها جمال ،، ولجميع أفراد الأسرة الكريمة ،، |
ربنا يصبركم ويصبر أهلو يا دكتورة..انا لله وانا اليه راجعون.. . . . الأخ ابراهيم..احسن الله عزاءكم في بن عمك..
| |
|
|
|
|
|
|
Re: اليوم الحار ومابنداريوم الهندسة والمعمار (Re: علاء الدين محمد بابكر)
|
الأخوة الذين هناك..وأيضا الذين هنا..إزييكم كلكم.. وان شاء الله رمضانكم (خلص) كما نحن والحمدلله.. كنا (نسترق السمع)..من (هنا) ومن (هناك) ومرات في (وش الكتاب).. ولكن يأبي كي بوردنا أن يتحفنا بحرف.. قد يكون (صلاح) و(الخطاب) قد فكوا قليلا من (طيننا)، ولكن............ ........... اليكم جميعا (مهندسين ومهندسات) خالص الأشواق..
| |
|
|
|
|
|
|
Re: اليوم الحار ومابنداريوم الهندسة والمعمار (Re: sara Eltayeb suliman)
|
صباح الخير الناس دي بتمشي وين؟؟
يا كوتش .. معقول الغيبة دي كلها والاعتكاف دة عشان الجماعة ديل يغلبوا.. ياخي بمشي حالهم.. نعم هي صعبة عليهم.. بل هي مستحيلة(طبعا من غير دعواتكم والاعتكاف) لكن لو موضوع الهزيمة الوشيك دة حا يمنع الكتير من البورد.. انا ذااااتي بدعو معاكم انو ربنا يستركم بالتعادل..
| |
|
|
|
|
|
|
Re: اليوم الحار ومابنداريوم الهندسة والمعمار (Re: الخطاب مساعد الماحي)
|
وتتوالى الأحزان .. عاصفة ،، إيميل من الأخ إيريا :
Quote: توفيت والدة مصطفي وعمر بوب مساء امس بدنقلا ويصل عمر بوب قادما من الدوحة للمنتظرين بالمطار |
Quote: الأخوان عمر ومصطفي أحزننا مصابكم الجلل وأحزننا أكثر توالي الفقد عليكم وأحزننا أكثر من ذلك عدم وجودنا بقربكم للقيام بالواجب وثبتنا بل كان عزاؤنا الوحيد أنكم قمم شوامخ وجبال كبيرة ترفعت عن كل صغائر هذا الكون وانكم علي اقوي المصائب قادرون وصامدون ..
للأخوان والزملاء بالسودان يصل المهندس عمر بوب في الثانية بعد ظهر هذا اليوم بتوقيت السودان قادما من الأمارات
لتقديم العزاء له قبل سفره إلي دنقلا ويصل مصطفي بوب في وقت لاحق
|
| |
|
|
|
|
|
|
Re: اليوم الحار ومابنداريوم الهندسة والمعمار (Re: Tahani abdalla Attia)
|
سنغادر بإذن الله البلاد متوجهين إلى ماليزيا
مع الرحلة العلمية لطلاب السنة الرابعة
فجر الأحد المقبل
و إن شاء الله نتواصل من هناك
و إلى اللقاء
إعــــــــــــلان هـــــــــــــــــــــام
في إطار تكوين مركز التميز في جامعة الخرطوم تسعى الجامعة لحصر خريجيها
الذين حصلوا على شهادات تميز من الجامعات العالمية.
الرجاء دلّنا على كل خريج/ة من خريجي/ات كلية الهندسة جامعة الخرطوم
حاصل على شهادات تميز.
| |
|
|
|
|
|
|
Re: اليوم الحار ومابنداريوم الهندسة والمعمار (Re: Hisham Magzoub)
|
الاخوان مصطفى وعمر
احسن الله عزاءكم
وللفقيدة الرحمة والمغفرة
.......
ابراهيم
انت اجزت قبل يوم السبت
حاول تخش من البيت
......
د تهاني
السلامة تصحبكم في رحلتكم العلمية
....
صدف امس الخميس ان تقابلت مع المهندسين
احمد محي الدين 87 مدنية وابوهريرة 88 زراعية
واعتدال محمد احمد 89 مدنية
وبدانا نقلب في صفحات اليوم الحار وبدات الذكريات تنساب
كانت لحظات مشحونة بعبق الماضي
قرانا جزء من حاجة سعيدة ضحكو حتى نزلت الدموع ( شيخ عمر الموهبة )
ووعدوا بالمتابعة
.....
علاء الدين الحمد لله على سلامتك والبورد
شايفك ظاهر في الافطار الجماعي
ورينا انطباعك شنو ( نجي ولا ما نجي ؟ )
| |
|
|
|
|
|
|
Re: اليوم الحار ومابنداريوم الهندسة والمعمار (Re: Hisham Magzoub)
|
هشام مجذوب
Quote: شنو يادكتوره مافيها مبروك |
الغريب بعد ما اتصلت على تلفونيا من مطار ابوظبى وبعد السلام و التحيه ... طناش طناش طناش ... بعداك قالت .. عملناها ظاهره انا وبيرى مش كده ياكوتش واحد سافر ماليزيا و التانى اخد اجازه ... وانا ولا قلت حاجه
بس
خليكم قراب قراب عيديه من النوع البعجب وحصريا فقط على قناة الكوتش المشفره : فيلم الهروب بطولة الصفوى : ابراهيم محمد الحسن وتشاركه البطوله البير النجمه : د تهانى عبد الله وبالالوان
بس
خليكم قراااااب
وياريت شوية اعلانات يا طاخ
فيلم الهروب سوف يقدم اول و ثانى و ثالث ايام العيد والاشتراك بثلاثة آلاف جنيه بالقديم ويمكنكم للاشتراك الاتصال على البريد : [email protected]
| |
|
|
|
|
|
|
Re: اليوم الحار ومابنداريوم الهندسة والمعمار (Re: Tahani abdalla Attia)
|
سلامات يا باش مهندس حمد شغلتنا بعض مشاغل دنيانا.. فابتعدنا بدون قصد فلك العتبى..
نلبي دعوتك بمشاركتك هذه القصيدة ..والجميع جموع الطيور المهاجرة خير من يتنشقها للشاعر عزمي احمد خليل.. ودونكم القصيدة:
Quote: إحباط الغربة/ للشاعر عزمي أحمد خليل
يمه جيت راجع عشانكم وغربتي مليت دروبها حزن دائم ودمعه كابه وكل حاجه كمان غريبه وناس قدر ما تحب عيونها ما بتلاقي عيون حبيبه شوق معذب وذكرى مره وسيره ما بنقدر نسيبها كل حاجه هنا بدراهم وبي طرق قاسيه وصعيبه بلدي أعظم وناسها اصدق وعيشتهم في الدنيا طيبه وان غلت في بلادنا حاجه حتى كان قمره بنجيبها أصلو عيشة الغربه قاسيه وحتى ناسها كمان عجيبه
*** عزنا وعزة بلدنا فتنا منها وانخدعنا موج سراب ودانا ليها ونحن سرنا وانقطعنا قلنا رايحين قلتي لا لا ويمه قولك ما سمعنا ودابو قولك جانا واقع إلا قبلو كمان وقعنا ونحن مما فتنا دارنا في العيون يوم ما ارتفعنا التمن يا يمه غالي ونحن ليهو الروح دفعنا هم كبير ودرب خطير وسكه تب ماليها معنى لا دراهم لا مظالم نحنا بس للعز رجعنا
***
الحياه لحظات قصيره يمه وين نلقاها تاني وين بنلقى رضا الحبايب صبحوا يا حليلهم أماني وبلدي مما فت منو ديمه سيرتو معذباني والمكان الرحت ليهو أصلو يوم ما كان مكاني ما قدرته أحس بفرحه والجمال غيركم عماني وعقدة الذنب بي فراقكم يمه والاحباط شقاني شلته دمعي وباقي شمعي وجيت أفتش عن حناني ولو هربت أنا من بلادي كيف حاهرب من زمانى
*** يمه جد الغربه ذله والشقى اليوم هو المهاجر يومو حسره وليلو آهات وعيشتو هم ما ليهو آخر حتى ناس بلدي الهناك البسالمك يمه نادر وحتى أقرب اقربائك لا بيحن ليك لا بيزاور كل واحد يقضي ليلو ساهي في أوهامو ساهر مره يحلم باللواري وهمو يصبح أغنى تاجر ولما يصحى يبكي تاني لما يشعر روحو خاسر أصلو دنيا الغربه سراً البيكشفو ما بيسافر
***
يمه أغفري لينا جينا لي بلدنا ولي ترابها كلمي النيلين تصفق والصداقه تضوى بابها والعصافير المهاجره خلى يبقى النيل شرابها وتوتي بي خضرة جروفها وضىء أماسيها ورحابها والمدن الزاهيه ترقص بكره بيرجعوا كل شبابها وكل واحد فات بلادو ضاق شقا الغربه وعذابها حس إنو بلادو أجمل مهما كل الغاليه جابها أصلو عزك في بلادك وفيها سيرة الموت حبابها
|
الحمد لله نحن غايتو رجعنا
| |
|
|
|
|
|
|
Re: اليوم الحار ومابنداريوم الهندسة والمعمار (Re: الخطاب مساعد الماحي)
|
مرجب بيك د تهاني
وانت في كوالا لمبور المدهشة
التحية لك وللاساتذة والطلبة المعاك وانتم سفراء لجامعة الخرطوم ولكلية الهندسة
.....
خطاب ما خذلتني كلو كلو
متوقع منك اكتر لانو الحس الشعري عندك عالي
وكذلك امنة
وبرضو لمست الحس الشعري عند صلاح مختار
والدوبيت وشعر البطانة عند هشام مجذوب
اما علاء الدين فتكفينا قصصه التي تسخن براسك حينما تقراها
يلا يا شباب
| |
|
|
|
|
|
|
Re: اليوم الحار ومابنداريوم الهندسة والمعمار (Re: Hisham Magzoub)
|
د. تهاني حمد الله على سلامة الوصول لكوالالمبور في تايم سكوير في الطابق الثاني في مكتبة بوردرز مكتبة خطيرة للكتب ولل CDs وفي أجهزة كمبيوترز ممكن تعملي بيها search عن الكتب العايزاها وبتوريك موجودة في ياتو رف. لو عايزة كتب أمشي ليها وبعملوا orders خلال 4 أسابيع في حالة عدم التوفر . في مكتبة MPH برضو مكتبة كويسة وكبيرة.
في الطابق الخامس في سينما ثلاثتية الأبعاد...
طاخ
| |
|
|
|
|
|
|
Re: اليوم الحار ومابنداريوم الهندسة والمعمار (Re: Mohamad Shamseldin)
|
Quote: طارق : أخر أخبار ابراهيم انو قرر يشجع قريق محلي بيلعب قي ميدان عقرب و بس .... و البرازيل .... و اللعبة الحلوة..... ...... كده أبوكباس ما يلمك فوقه .... |
يا محمددي حركات جيش منو.. يغتس لحدي ما تهدأ العاصفة وبعدين يجي يقول نهواك يا بطيخ في كل الظروف وهل يملك النهر أن يغير مجراه ووووووو.....
طبعا هو لا بد عشان يشوف باقي المبارياتز كان الهلا إنتفض يقوم يجي ناطي كأنو هو النفضو ويقول ليك واك واك
| |
|
|
|
|
|
|
Re: اليوم الحار ومابنداريوم الهندسة والمعمار (Re: طارق الكوتش)
|
العزاء موصول لصديقى عاطف جلى و اسرته الكريمة ونسأل الله ان يلهم الصبر و ربنا يتقبل الفقيد بواسع رحمته ويسكنه فسيح جناته مع الصديقين والشهداء
كل سنة والجميع بالف خير اعاده الله علينا و عليكم العيد سعيد بكل الخير وتقبل الله صيامنا وقيامنا ونسال الله لنا ولكم العافيه وربنا يحقق الاماني للكل و لنا عودة بعد ما يكمل كعك العيد اللذيذ
| |
|
|
|
|
|
|
Re: اليوم الحار ومابنداريوم الهندسة والمعمار (Re: Hisham Magzoub)
|
العيـــــــد جــــا.. كان يسمعهم يقولون (العيد قرب يجي).. صار يوميا ينتظره، ويتخيل شكله.. يا ربي بيلبس جلابية بيضا ويخت طاقية ويلف العمة زي بابا؟؟ ( ولا احتمال دة يكون زمان.. حسي قطع شك بيلبس بنطلون وقميص زي أخواني..) وجدهم يتابعون القنوات..ويقولون (في السعودية شافوه وفي مصر شافوه) سرح..وانتظر السودان..العيد خلاس جايي.. وجد أخاه ينظر الي الغرب.يبحث في السماء عن شئ.. انه يبحث عن العيد..هل هو ملاك يأتي من السماء؟ ولماذا لايأتي من الشرق؟ اتجاه الصلاة؟؟ تسلق الحائط وصار ينظر في كل الإتجاهات باحثا عنه.. (يا ولد أنزل ما تقع..بتسوي في شنو؟) يا بوي بفتش في العيد.. العيد بكرة..أنزل.. قفز والفرحة لاتسعه.. (يعني يا بوي بعد نومة واحدي).. (أيوة) انحشر سريعا داخل سريره والفرحة تمنعه النوم.. أراد أن ينوم..ليختصر الزمن..ويري العيد.. . . صحي علي صوت العصافير..وجد أمه تنظم في البيت وتفرش الملايات علي السراير.. (يا ماما العيد جا؟؟) (كدي قوم ألبس) (ألبس الهدوم الجديدة؟) (آآي) يا الله..العيد معناو خلاس..لازم يلقانا لابسين.. سريعا..ألبسته أمه الجديد..أمسكه أباه من يده وقال له (أرح) (وين) (صلاة العيد) (لكن لو جا وما لقانا؟) هناك..وجد الناس ..يتجمعون للصلاة..والأطفال يلعبون.. والإبتسامة علي كل الوجوه.. صار ينظر في الجميع ويبحث عنه وسطهم..
انتهت الصلاة..وبدأت التهنئات..والضحكات..والقلدات.. ويسمعهم يهنئون بعضهم البعض..عيد مبارك عليكم.. عيد مبارك عليكم.. عيد مبارك عليكم ..كلكم يا ناس اليوم الحار.. عندها استدرك أن العيد قد فاته وذهب الي اليوم الحار..عيد مبارك عليكم..يا ناس اليوم الحار.............
| |
|
|
|
|
|
|
|