|
Re: اليوم الحار ومابنداريوم الهندسة والمعمار (Re: صلاح ليون)
|
حمد،، ألف سلامة وربنا يواليك بالعافية وتسلم يا هندسة
دكتورتنا تهاني،، منووووووووورة البوست الليلة
هومي،، شكراً على المجهود الرائع
اللماح،، سلامات ...بركة في ابراهيم البخليك تظهر
الليون،، كيفك .. الليلة صاحي متأخر ولا بقت من ناس نصة نهار..؟؟
البقية ،،، ويييييييييييينكم؟؟؟؟؟؟؟
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
سلام يا ابراهيم نحنا ماشين على وليد القاروود عشان مناسبة غداء لي سفر محمد الخاتم .. والذ حاجة نحنا ماشين عليهو وهو قاعد في المنبر العام عامل ليهو بوست عن دوري ابطال افريقيا .. وشايفو وصلكم النهائي..
بعدين نجيب صور .. حسب التساهيل
صلاح مختار .. اوجه الشبه بين الخرطوم و النوم
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
ايميل من اليسع عبد المنعم ،،
Quote: شكر وعرفان بعد التحية والسلام الأعزاء :- ابراهيم كوتش حمد هالة د. تهانى امنه والبقية الكرام نشكركم على هذا الشعور الراقى بمباركتكم لنا المولود وعفبال الأفراح مع دوام الصحة والعافية ولكم حبى
اليسع عبدالمنعم ( ابوسامر / محمد ) |
| |
|
|
|
|
|
|
Re: اليوم الحار ومابنداريوم الهندسة والمعمار (Re: Amna Mohamed Arh)
|
اول حاجه السلام عليكم جت وعساكم بخير
تانى حاجه الف سلامه للاخ حمد وحمدالله على سلامة الناس الجات من السفر وثالث شئ انا عند وعدى عزيزتى تهانى
______
طبعا انا حسب وعدى ليكم حأكون متواجد من الآن وحتى عيد الفطر القادم وحيكون البث 24 / 24 * 7 ..... بس خليكم معانا عشان نتعرف على - طارق الكوتش اكثر - نوثق - نفرح - نتذكر - نكرم اهل الوفاء و العطاء - وكل الجديد المثير الخطر
وده كلو حصريا فقط على راديو و تلفزيون الكوتش : CRT
راجعين راجعين
| |
|
|
|
|
|
|
Re: اليوم الحار ومابنداريوم الهندسة والمعمار (Re: Amna Mohamed Arh)
|
سلام حار لكل ناس اليوم الحار
حمدا لله على سلامة العائدين
صلاح مختار نشاط شديد بس تلغرافات الاسم المعتمدأبو عنقريب ده أنا ما حبيته حبيت أكثر أبو مهاد بس لو الباشمهندس حمد عندو رأي ممكن يكلمني
شكرا آمنة إنتي النور زاتو!! (بس ما النور جابر)
ط أ خ : كل سنة و إنتو طيبين و عقبال مئة شمعة
هلولة: المنبر العام شاغلك شديد عن اليوم الحار طلي بجاي شوية
| |
|
|
|
|
|
|
Re: اليوم الحار ومابنداريوم الهندسة والمعمار (Re: Amna Mohamed Arh)
|
صباح الخير على ناس هندسة الرجاله وكمان لعشاق البركس و الكافتريات و الخلط المجان وتحيه خاصه جدا لناس اقتصاد و آداب وعلوم و احباب البنبان واحلى تمريره من برنس الهندسه طق طق النديان الفنان السهران يبعثها عبر الاثير لاهل الدراسات الاضافيه و ناس الهلال الحبان
وراجعين بدون كسل او لف ودوران بس خليكم منتظرين مع الكتاحه تحت شجر الوديان
| |
|
|
|
|
|
|
Re: اليوم الحار ومابنداريوم الهندسة والمعمار (Re: Amna Mohamed Arh)
|
آمنة ازيك.. وكمان نسأل عن إبراهيم.. عايزين منو طلب لو بيقدر.. يا ابراهيم انا كنت عامل باكاب للبوستات التوثيقية المليانة بالصور .. مثل زيارتنا للكباشي وأمواج و البوستات حقات التعريف والبوستين الجديدن حقين الدوحة والسعودية.. لكن للاسف الكمبيوتر ضربو فايروس ابن ستين كلب وانا عامل الباكب في ال D وكنت بس منتظر اكمل بوست التعارف حقي وبعدين اعملو في سي دي واكسترنال هاردديسك وطبعا زي ما انت شايف هسه بعد الأرشفة الفاتت دي والهاكر وترتيبات بكري الاخيرة معظم الصور راحت من البوستات ..
فياخي لو عندك باكاب للبوستات رسلها لي على [email protected] والكلام طبعا في الاول لي ابراهيم لاني متأكد بيكون عامل حسابو وكمان لو في اي زول تاني عندو نسخة من البوستات دي يرسلها لي ..
| |
|
|
|
|
|
|
Re: اليوم الحار ومابنداريوم الهندسة والمعمار (Re: صلاح ليون)
|
ليون ،، صباح الخير ،،
إنت قصدك البوستات نفسها ،، ولا الصور ؟
إذا كان بتتكلم عن باكب للبوستات ،، فهي موجودة في المنبر ،، تعرف ،، أنا بأعمل باكب دوريا لكل المنبر ،، بس للأسف ،، لما يحصل هكر ،، كل الصور بتضيع منه تلقائيا .. يعني الحل الأمثل نعمل حفظ للصور وحدها في الجهاز ..
عموما ،، إذا كنت بتقصد الصور ،، أنا عندي صور (الكباشي / أمواج) حا أرسلها ليك ... ا
| |
|
|
|
|
|
|
Re: اليوم الحار ومابنداريوم الهندسة والمعمار (Re: طارق أحمد خالد)
|
ط ا خ ،، ألف حمدا على السلامة ،، وعودا حميدا ،، وتهانينا على إكمال المشروع ،، نتمنى ليكم التوفيق و المزيد من التقدم ،،
بس ،،
انتو أكملتو المشروع ،، ونحن بدينا المشروع ،، (سبحان الله ،،)
عليه ،، أفترح إنه الناس الكانو مختفين ومسجلين غياب تام ،، يجوا يمسكوا الراية ،، عشان نحن حا ندخل في حالة البيات الصيفي بتاعكم (حتى حين ،،)
لكن حا أكون أحسن منكم ،، وما حا أختفي خالص ،، إنما حا أكون متفرج ،،،
وإذا استدعى الأمر ،، ممكن نتدخل في الأوقات المناسبة ..
ثمح ،،
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
ط ا خ ،،
Quote: أكملت المشروع وسط ظروف صعب:ة مرض زوجتي ووالدتي في آن واحد.. المتنفس الوحيد كان عيد ميلاد شهد وطعم النجاح في المشروع. |
ألف لا بأس على الوالدة والمدام ،،، ربنا يواليهم بالعافية ،،
Quote: شكرا لكل من سأل عني أو شمشر بالفيس بوك.. |
قصدك منووووو ؟ سريع ،، سريع
| |
|
|
|
|
|
|
Re: اليوم الحار ومابنداريوم الهندسة والمعمار (Re: Amna Mohamed Arh)
|
سلام للناس النشيطة، و سلام للناس الكسلانة برضو،،
سلام للعائدين (وبقوة)،، و سلام للقاعدين (و بخرخروا)،،،،
السلام الخاص، لحمد، طولت و طولنا منك،، حقك علينا،،
إبراهيم، ليك حق تزعل، لكن أتعودنا على كرمك، نعمل شنو؟؟
تهانى،، المنبر العام و حاجات تانية، لكن دايما فى البال،،
امنة، بالله أفتحى لينا صفحة هنا لكتاب الوش، عشان نتابع معاكم،، فى كسل اكتر من كدة؟؟
طارق الكوتش، بجيك،،
ولطارق أحمد خالد،، أولا،، الف مبروك إكتمال المشروع،، وإنشالله يكون فاتحة خير عليكم،،، بالجد 220 يوم؟؟ حسستنى إنو ما استفدت اى حاجة من الزمن الفات دة،،
غايتو الله كريم،،
تانيا،، كل سنة و إنتو طيبين و الأمورة بخير،،
و اخيرا و ليس اخرا، الف لا بأس على زوجتكم المصون و الوالدة، ربنا يرفع عنهم ويواليهم بالعافية،،
| |
|
|
|
|
|
|
Re: اليوم الحار ومابنداريوم الهندسة والمعمار (Re: طارق أحمد خالد)
|
ناس اليوم الحار سلام
طاخ - حمدالله على السلامه و الشوق بحر آمنه - اداء ضعيف بس مقبول الى حين هاله- منتظرك ليون - العرس متين تهانى - عند وعدى
ابراهيم:- من بعدك الفريق اصبح خلا والبطيخ استوى والناس بليلو شلفطوه الشلفطا والحفره بقت مدخنه والجماعه شغالين وصفنا
علاء - جاهز ؟ حمد - بعادك طال هشام- رجعت من كندا صلاح - يالماح المحنى وتفنن
والبقيه الغائبه الحاضره فى قلوبنا قرود كيكى ساره سحر وديدى ابوسمره حبر احمد التجانى : : : الخ :- منتظرين عودتكم على احر من الجمر
تخريمه ياناس السودان : - ايامكم فى السلك ومطركم من فوق ووصيفكم تحت
راجعين راجعين راجعين قطع شك راجعين
| |
|
|
|
|
|
|
Re: اليوم الحار ومابنداريوم الهندسة والمعمار (Re: Hala Hassan)
|
كوتش:
جاهز..جاهز..هو أنا يهمني؟؟ (وش ما عارف جاهز لشنو!!)
Quote: الشيطان البتكلم برااااااااه من الصباح... |
Quote:
امنة،، واصلى ما تتعبى،،، |
عليك الله ياهالة..شفتي ليك شيطان بتعب؟؟
يا كوتش:
Quote: بس خليكم منتظرين مع الكتاحه تحت شجر الوديان |
ما قالو الكتاحة عند ناس ابراهيم.. والله مني ومن ناس السعودية أوقف (القلابات) بالصف..تتملي من غير (لوودر)..
| |
|
|
|
|
|
|
Re: اليوم الحار ومابنداريوم الهندسة والمعمار (Re: علاء الدين محمد بابكر)
|
ط أ خ
Quote: يا حمد ركز شوية.. بتي ما أختي ياخ..
|
ابراهيم
Quote: أفترح إنه الناس الكانو مختفين ومسجلين غياب تام ،، يجوا يمسكوا الراية ،،
|
ليك يا ط ا خ
Quote: ألف لا بأس على الوالدة والمدام ،،، ربنا يواليهم بالعافية ،،
|
شكرا هالة شديد
Quote: السلام الخاص، لحمد، طولت و طولنا منك،، |
ط ا خ نحن لاقنك وين
Quote: غياب تام.. يعني إذا حضرت الشياطين؟؟؟ |
الكوتش يا صديقي
امنة حاشاك الشيطنة
Quote: يعني ما عاجبك الشيطان البتكلم برااااااااه من الصباح...
|
التحايا للجميع
حاج علاء انا باكل كدايس ؟؟!!!!
| |
|
|
|
|
|
|
Re: اليوم الحار ومابنداريوم الهندسة والمعمار (Re: Amna Mohamed Arh)
|
آمنة:
Quote: مردودة لك يا ابتاه |
اعملي حسابك..انتي عارفة انو (ابتاه) بياع:
Quote: وَإِذْ زَيَّنَ لَهُمُ الشَّيْطَانُ أَعْمَالَهُمْ وَقَالَ لاَ غَالِبَ لَكُمُ الْيَوْمَ مِنَ النَّاسِ وَإِنِّي جَارٌ لَّكُمْ فَلَمَّا تَرَاءَتِ الْفِئَتَانِ نَكَصَ عَلَى عَقِبَيْهِ وَقَالَ إِنِّي بَرِيءٌ مِّنكُمْ إِنِّي أَرَى مَا لاَ تَرَوْنَ إِنِّيَ أَخَافُ اللَّهَ وَاللَّهُ شَدِيدُ الْعِقَابِ |
| |
|
|
|
|
|
|
Re: اليوم الحار ومابنداريوم الهندسة والمعمار (Re: علاء الدين محمد بابكر)
|
صباح الخير،،،
ط ا خ ،،، المشروع مش خلص؟؟
الكوشت،،، 24\24*7....!!!؟؟
هالة،، ما خلصتي مشاكل الصحة لسة...؟؟
ابتاه... وردية ليل بس ولا شنو..؟؟
ابو مهاد،، طلة سريعة...!!
اللماح،، ....؟؟؟
د.تهاني،،، ويييييييينك..؟؟
ابراهيم،،، واضح انو فرقتك ما بتسد وين يا ريس...؟؟
البقية... سلامات و.... no comment
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
قصة الكديسة: كعادتها يوميا بعد المغرب بتجي تتحاوم في الريفيرا وتمني نفسها بأكلة (ترم العضم) من أكل الكوش.. في الليلة ديك..لبدت في طرف الحديقة وبدت تقييم الداخلين.. دخلو اتنين مجكسين..قالت أه..حسي هناية دي تقول عايزة ايسكريم..وهو عصير ويقعدو يكضبو علي بعض لامن الليل يفوت..نشوف غيرهم.. جا راجل ماشي قداام ومرتو وراهو بمسافة وشايلة واحدة وكارة شلة.. قالت..أه..حسي دة يطلب قهوة..والعيال شيبسي بالكتشب..والمرة تلحس باقي الصحن.. جاء عمر نوري..ووراهو محمد جعفر..يا سلام..جروو تلاتة ترابيز علي بعض.. الله..الله.. اتسحبت حبة..حبة..وشافت ليها حتة قعدت تراقب من قريب.. جا الحبر..سلامات وضحك..ياسر..وفخرالدين الفاتح..ياالللاااه.. العدد زاد..ورجال بس..ديل يدخلو ايدينم لأكواعم في شوربة الجداد..ويمصمصو العضام..ويجدعو وأنا ألقف.. يا سلام..والسمك..والمشاوي..الليلة دي أكلة ما فايتاها تب. الونس طالت..ظهر علاء ومعاهو مرتو..أها كلو ولا النسوان..الرجال ديل حسي يخجلو من المطايب.. رقدت..وبدت تتصنت.. انتو (حمد) ما جايي؟؟ قال بجي بعد شوية.. ننتظروا.. اتساءلت..يا الله (الأكل) حا يرجو بيهو (حمد).. اتمددت في كسل وانتظرت (حمد).. (حمد) جاء..والجماعة ديل ما حركو اللعب.. اللمين وأسامة.. في شنو يا خوانا.. بدت تتصنت للونسة.. انا والله الأيام دي مخفف وعامل ريجيم.. التاني قال والله انا بقيت خايف من القاووت.. التالت قال انا زاتي بقيت بفضل الخضارات..ده شنو يا خوانا؟؟ قام واحد قال ليهم انتو سمعتو بالصينيين النضفو الحلة من الكلاب؟ سألوه كيف يعني؟ قال والله ما خلو ليهم (كلب) الا أكلوه!! بدت تتململ.. ديل شنو ديل البياكلو الكلاب ديل.. قام واحد قال والله ديرهم يتبسطو منك بس جيب ليهم (جريو) معاك.. قام واحد قال (جريو) ليه..الكديسة دي مالها؟ والأنظار اتجهت ناحية الكديسة.. وقفت..رجعت لورا..وصرخت (نجااااااو)..وفكت الجري..
. . دي قصة الكديسة يا (حمد)
| |
|
|
|
|
|
|
Re: اليوم الحار ومابنداريوم الهندسة والمعمار (Re: طارق الكوتش)
|
الله يديك العافية يا علا .. والله ضحكتنا لكن دي بالجد جد حاصلة ..
Quote: قام واحد قال ليهم انتو سمعتو بالصينيين النضفو الحلة من الكلاب؟ سألوه كيف يعني؟ قال والله ما خلو ليهم (كلب) الا أكلوه!! |
زكرتني أيام بناء المستشفى الصيني الفي امبدة ياخي ديك أيام الناس ضربت فيها عصفورين بي حجر كانت تجارة رابحة والنتيجة أمبدة نضفت من الكلاب
| |
|
|
|
|
|
|
Re: اليوم الحار ومابنداريوم الهندسة والمعمار (Re: علاء الدين محمد بابكر)
|
مرحب بالجميع
التحيه للناس المواصله والناس المنقطعه برضو
التحيه من الاخوان هناك ليكم بحيوكم من تورونتو الكريهه حسن العبيد 88 معتز الدرديرى 88 عماد احمد عيسى (الفذ) 88 حمد حماد 85 عبدالقادر احمد عباس 88 ايهاب فريد 88 هشام مجذوب المدثر 87
ونترحم على والدة اخونا حسن العبيد والتى توفت يوم الجمعه الماضيه
وياعلاء الجو دا جبتو معاى من كندا
| |
|
|
|
|
|
|
Re: اليوم الحار ومابنداريوم الهندسة والمعمار (Re: علاء الدين محمد بابكر)
|
Quote: دي قصة الكديسة يا (حمد) |
في الخلاء بتاع القضارف ومناطق الزراعة المطرية عموما
الناس بتاكل الكدايس عادي
القصة مبتكرة وفيها سرد جميل ولذيذ
Quote: حمد ،، الكديسة كانت قافلة عليك ،،
|
انا كنت قايل انا القافل عليها
دي قفلت على كرت ميت
Quote: الجو طبعا (الربيع ليوم واحد)..وماممكن تقعد ليهو قدام كمبيوتر..
|
والله الجو جميل لكن الشغل ما بتخلى
كلمة اخيرة
المحبة الصادقة بيننا
كنز اعتز به
| |
|
|
|
|
|
|
Re: اليوم الحار ومابنداريوم الهندسة والمعمار (Re: Amna Mohamed Arh)
|
سلام للكل،،،
امنة، ما قلنا ليكى ما تزهجى، الموضوع دة بيجيب جوايز،، (طبعا مسئول منها الكوتش)،،،،
يا علاء الدين، قصة حمد و الكديسة دى دايرين نمنتجها و نعملها مسلسل فى رمضان،، شوية سسبنس و (اكشن) كدة بالله،، عارفاك ما بتغلب،،
هشام مجذوب، حمدالله على السلامة، حدد جبت معاك شنو بالظبط،، الجو و لا الهبوب للأحمر؟؟؟
إبراهيم،،
لكن رقم قياسى بالجد،، عملتها كيف دى؟؟
ط.أ.خ ما سبقك عليه،،،
الكوتش،، المرة دى،،،،،، منتظرنك،،،
| |
|
|
|
|
|
|
Re: اليوم الحار ومابنداريوم الهندسة والمعمار (Re: علاء الدين محمد بابكر)
|
ابو كديس
هو ماركة لحجر بطارية كما قلت ياهشام العائد ( الحمد لله على السلامة )
وبعد داك بقت الكلمة تطلق لاي حاجة دلالة على اقصى درجة مثلا
مقلب ابو كديس
او يقول اخر مرضت مرض من النوع ابو كديس الخ الخ
والكديس مدلل في بلاد الفرنجه
ويؤكل في بلادنا
كان عندنا جيران ( قسم الله وزوجته بردالنسمة ) لديهم شجار يومي
ليس في لحم الكديس ولكن في من ياكل راس الكديس
واخرين معروفين بناس ( الدبلي ) بتشديد الباء
يوزعون اشراكهم لكل من له( حمام) في منزله طمعا في كديسة سمينة
وحال الكدايس كحال البشر
يختلف من بلد لبلد !!!!!!!!
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
Quote: ياخي ما تاخد الموضوع جد ،، علاء الدين ده بيهزر ساكت ،، |
ابراهيم..صباح الخيرات تعرف انو الموضوع فعلا كان هزار ساكت.. لكن لمن (حمد) قلبو جد..وطلع فعلا في السودان في ناس بياكلو الكدايس.. أنا بديت أحس انو نظرة الكدايس البيتلمو في حيطتنا بدت تتغير.. يكونو حسو انو نظرتي ليهم بقت (غير؟؟).. . . تخريمة.. السماء متلبدة وراء الغيوم.. الله يستر علي الكورة.. شايف الكوتش وخليل مولعنها بهناك..الحقهم
| |
|
|
|
|
|
|
Re: اليوم الحار ومابنداريوم الهندسة والمعمار (Re: صلاح ليون)
|
ودي مداخلة من البوست أعلاه وفقط للتوثيق: الزمان : عشية السبت 18/7/2009 المكان : حفرة امدرمان (او ما يدعى بالرد كاسل) المسرحيه : الرعب الجاكم وما خلاكم البطل : القاطره البشريه المرعبه (سادومبا)
لقاء الهلال والمريخ في دوري المجموعات بطولة الاندية الأفريقية ويا ابراهيم طبعا انت من هسه محضر اعذارك وعامل مشغول وبتداخل من حين لي آخر لكن شفته لما تجي إنشاء الله حتلقى الخلفية بتاعة البوست دي كلها زرقاااااا
| |
|
|
|
|
|
|
|