|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
Quote: فوجئ طلاب جامعة الخرطوم بمجمع الوسط صباح امس بافواج هائلة من النحل تهاجمهم وهم في طريقهم الي قاعات الدرس .. وقد اصيب بعض الطلاب والطالبات بحالات هيسترية وإغماء وتم اسعافهم بسرعة فائقة من بعض الطلاب والعاملين ، بينما ذهب بعضهم الي مستشفى الجامعة للإطمئنان اكثر على صحتهم بعد هجوم النحل على اجسادهم . هذا واضطر اساتذة الجامعة لالغاء محاضراتهم الصباحية نسبة للتدافع الطلابي من الخارج الي قاعات الدرس فرارا من النحل الهائج . وعزا بعض الطلاب والاساتذة هياج النحل امس الي القرود التي تبحث عن العسل في الخلية ، وبحسب صحيفة الوطن طالبوا ادارة الجامعة بالتدخل لحل هذه المشكلة بعد ان كثرت حالات هياج النحل وهجوم القرود على الطلاب والطالبات والاستيلاء على ممتلكاتهم والعبث بها مما يؤثر على سير الدراسة وتحصيل الطلاب . |
| |
|
|
|
|
|
|
Re: اليوم الحار ومابنداريوم الهندسة والمعمار (Re: طارق الكوتش)
|
كلية الهندسة و المعمار : : : علمنى حبك ان اتصرف كالصبيان ان ارسم وجهك بالطبشور على الحيطان يا امرأة قلبت تاريخى انى مذبوح فيك من الشريان الى الشريان علمنى حبك كيف الحب يغير خارطة الازمان علمنى انى حين احب تكف الارض عن الدوران علمنى حبك اشياء ما كانت ابدا فى الحسبان وقرأت اقاصيص الاطفال دخلت قصور ملوك الجان وحلمت بان تتزوجنى بنت السلطان تلك العيناها اصفى من ماء الخلجان تلك الشفتاها اشهى من زهر الرمان وحلمت بانى اخطفها مثل الفرسان وحلمت بانى اهديها اطواق الؤلؤ والمرجان علمنى حبك يا سيدتى ما الهزيان علمنى كيف يمر العمر ولا تأتى بنت السلطان ادخلنى حبك سيدتى مدن الاحزان وانا من قبلك لم ادخل مدن الاحزان لم اعرف ابدا ان الدمع هو الانسان ان الانسان بلا حزن ذكرى انسان
| |
|
|
|
|
|
|
Re: اليوم الحار ومابنداريوم الهندسة والمعمار (Re: صلاح ليون)
|
البوست حالتو عجيبة انتو ما كنتو مدورين تش قبل ما انتهي من معارك الكهرباء والتلفونات مالكم هسه لما جيتكم عملتو نايمين وين المهندسين/ات .. المشغولية والمشغوليات والفي الاجازات
هشام مجذوب ازيك ياخي ود الخاتم جا ماري بالدوحة ترانسيت ومشى الهند وإنشاء الله في الرجعة عندو دخلة للدوحة حنوثقه بإذن الله
وهالة منتظرين صورك اللندنية بس ما تكرهينا لندن كفاية باريس
الكوتش .. المخرج .. التفت إلى معارك الاخلاق والقلق ... يا كوتش ما قلته معاوية عابدين معاكم .. وين الصور والخبر..
البرالمة.. لا تعليق..
| |
|
|
|
|
|
|
Re: اليوم الحار ومابنداريوم الهندسة والمعمار (Re: صلاح ليون)
|
صباح الخير لكل الناس وتحيه خاصه للعريس ليون
وهاكم الايميل ده من طارق عجبنا
Quote: العبقري حمد حماد المشهور بكوسو (85) إحد عباقرة كلية الهندسة ظل طول حياته يشرح للكل من كهربائية و مدنية و ميكانيكية و ........ من البرالمة الى السنائر لا يبخل بعلمه لأحد و أتذكر في سنة 1986 اتى اليه بعض الطلاب من كلية الاقتصاد يحملون معهم مراجعهم لكي يشرح لهم مادة على ما أتذكر هى ( Knowledge of the management of the economy )و يقال ايضاً انه شوهد بكلية الاداب يشرح لهم |
لكل الشكر ياعجبنا ونتمنى منك دوام المشاركه وحمد حماد عضو معانا هنا بس فقد كلمة السر مؤخرا ونتمنى منه ارسال ايميل لبكرى لاستردادها ليتحفنا بابداعه
| |
|
|
|
|
|
|
Re: اليوم الحار ومابنداريوم الهندسة والمعمار (Re: صلاح ليون)
|
Quote: إنفلونزا المهندسين
ظهرفايروس جديد في منطقة الخليج العربي هذا الفايروس لا يصيب إلا المهندسين و يسبب لهم مرض اسماه المختصيين بإنفلونزا المهندسين أعراضه: • إنخفاض حاد في الرواتب • فقدان الحوافز و البونص • هبوط عام في النشاط الهندسي • خمول في مستوى العمل • فقدان اعصاب متواصل المسبب : فايروس يدعى ازمة عالمية طريقة العدوى و الإصابة : يهاجم هذا الفيروس شركات الإعمار التي بدورها تنقل المرض لشركات المقاولات و الشركات الإستشارية عن طريق عدم الدفع و بالتالي ينتقل الفايروس ليجد مرتعا له في جسم المهندس أعراض تفشي المرض : ظهور الريش بدلا من الشعر على جسم المهندس و هذا يدل على انه سوف يطير من شركته أي سيتم تفنيشه الرغبة المتواصلة في تناول شراب ريد بول لانه ايضا يعطي المهندس اجنحة تساعده على الطيران من شركته أى التفنييش ايضا هلوسة المهندس طوال اليوم بكلمات غير مفهومة مثل قوائم تفنييش او تخفيض رواتب او اجازات مفتوحة .....الخ مراحل المرض النهائية: خمود الفيروس بجسم المهندس أي عودته لبده إيد ورا و إيد قدام الوقاية : للأسف لا توجد طريقة للوقاية من المرض العلاج: أيضا للأسف إلى هذه اللحظة لم يتم العثور او إكتشاف دواء لهذا المرض
نسأل الله الصحة و العافية
مع تحياتي
مامون حامد |
منتظرين المزيد من التفاصيل عن هذا المرض ولنا عوده طك طرك مراسل قناة الكوتش الاخباريه فى منطقة الشرق الاوسط
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: الاخ العزيز الكوتش
كيف الحال والاحوال ومتاسف جدا لعدم المراسلة وطبعا انت عارف طوابير الشغل المهم كيف احوالك واخبارك وان شاء الله تكون جاي البلد قريب.
طبعا كنت بفتش فى صوري القديمة لقيت صورنا بتاعة الجامعة وفيها ناس قداااااااااااااام واستغربت انك ما ظاهر فى الصور المهم شوفها تاني بالراحة احتمال اكون انا ماشايفها كويس (انت قايل بتشوف العين؟) وطبعا الناس القدام الظاهرين فيهم: عمر الفاروق- عايد-دفع الله-عمر الفكي- مبارك-ابوالسباع-ياسر-حمد خوجلي- عاصم-بكري-ابراهيم-الدقس- عماد-فوزي-محجوب- انشتاين- شبو-ود الحاكم- محمد عوض-وعمك الحبر...... الخ
المهم اخليك مع الذكريات
وما تقطع رسايلك
اخوك /عبدالله |
شكرا انشتاين على هذه الرساله ونتمنى منك و من غيرك من اصحاب الزمن الجميل المراسله و دعمنا بالصور القديمه و الحديثه لاحياء منبر اليوم الحار ... والان هاكم الصور التى وردت الينا من الاخ عبدالله انشتاين 87 ميكانيكا :
| |
|
|
|
|
|
|
Re: اليوم الحار ومابنداريوم الهندسة والمعمار (Re: طارق الكوتش)
|
عبدالله انشتاين ياخ شكرا كتييييييييير على هذه الصور الرائعه التى ادمعت عيناى
اما عدم ظهورى فى الصور فده برجع لمواعيد التصوير يعنى لو الصباح بكون نائم ولو مواعيد فطور بكون فى معهد الدراسات الاضافيه ولو وقت قيلوله بكون مع عماد حسين فى علوم بنشرب قهوه ولو عند العصر و المساء بكون فى استاد الهلال مع المر و عمر حسين ولو باليل بكون فى اقتصاد مع عزالدين عبيد و البعيو و فصمه و ولو باليل خالص بلعب كتشينه فى البركس مع الحبر و محجوب جكس والنور جابر وباقى اليوم مع اليسع و هشام عبد العال وبثرى او فى المكتبه بطلع على العلم
يعنى اجيب ليكم وقت للتصوير من وين ؟؟؟
| |
|
|
|
|
|
|
Re: اليوم الحار ومابنداريوم الهندسة والمعمار (Re: طارق الكوتش)
|
سلاااام وتحية ياناس اليوم الحار ومشتاقيين ومتلوميين والله
Quote:
ويا جماعة الموضوع ما فتنة لكن بالجد شنو الحكايات،،،
ولو جن بي جاية في وقت ياريت يفهمونا سبب الانقطاعات،،،
|
امنة ازيك ياخى مشتاقيين وكده...وبقول ليك كان عرفت الحال مابتكوينى
Quote: صباح البمبان تعالوا من الطفشان الشوق للحلقان سحر ساره آمنه تهانى هاله ابراهيم علاء هشام ليون
وبقية الحيران منتظرين لفك العطشان التوقيع اخوكم الحيران
|
الكوتش جينا وجينا ومشتاقين والله
ودايما كعادتك سيد الراى والفهم....
Quote: البرالمة.. لا تعليق.. |
الليون لكن مابلغتا معانا..ليه السفهان ده؟؟
مشتاقين وكده
تحياتى الحارة لى كل ناس اليوم الحار فردن فردن.....معليش اعذرونا ياجماعة من الغيبة لكن متابعيين والله عبر الاثير
| |
|
|
|
|
|
|
Re: اليوم الحار ومابنداريوم الهندسة والمعمار (Re: Sahar Tageldeen Elsheikh)
|
هو ياسحر انا كان كتبته تعليق ما كان السفهان حيبقى غليان فخليناها كده مفتوحة بس نعتب عليكم في انكم مفروض تكونو اكثر حيوية ونشاط من العجائز الاكبر مننا ديل ((انا وهشام مجذوب طبعا وسط .. ازيك يا هشام))
الكوتش .. الصور جميلة والله والزمن برضو جميل.. لكن الاسباب الكتبتها دي في حال كونك مافي الصورة ياخي كتيرة مع انو مافي زول سالك كنت وين .. لكن براك قاعد تورط في نفسك وجبته ليها امممممم ومعهد الدراسات الوظائفية اقصد الإضافية وكده،،
ابراهيم .. كيفك مع القلق
البرالمة .. ازيكم .. كيفنكم
| |
|
|
|
|
|
|
Re: اليوم الحار ومابنداريوم الهندسة والمعمار (Re: صلاح ليون)
|
ده إيميل من الأخ ياسر ود سميرة ،، الذي إفتقدناه كثيرا ،، وآسف لتأخير النشر .. حيث وصل الإيميل في فترة الإنقطاع ،،
Quote: حنين السلام عليكم بردا وسلاما يغشاكم هندسة التى اهوى..وأنتم تغيبنا الايام..فالايام دول..فتهيجننا اللوعة ويقودنا الشوق وحب قديم حنين شديد خلانى ادخل سودانيز ومنبر اليوم الحار يمكن عشان اطمئن انو الجميع بخير..يمكن لانى حنيت لى ايام هندسة يمكن لانى بريدكم بجد..بس الأ كيد انو العرفكم يوم محال ينساكم حبيت اسلم عليكم واقول يارب انتوا دايما بخير جد فاقدكم ..بس محكوم علينا ان نفارق من نحب سلاما جميلا
ياسر ود سميرة ،، |
| |
|
|
|
|
|
|
Re: اليوم الحار ومابنداريوم الهندسة والمعمار (Re: صلاح ليون)
|
السلام عليكم يا اروع ناس التحية لكم جميعاوانتم نذكرونا بالزمن الرائع فى الجامعة وكلية الهتدسة الحبيبة لما اكتب ليك غنايا بتغزل الكلمات نشيدك اذكر الماضى وقساوتو ال ادى للحاضر حلاوتو وزينت ايامو عيدك جابنى ليك الشوق وجيتك ادينى من اشراق جديدك
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
من قفشات الحبر في الدوحة قلنا نجيبا هنا ونوثقها في العام عشان الناس البتدخل هنا وبس.. .......................................... الحبر لما مشى يلعب كورة في اسباير كان معاهو كمية من اهلو وناس الدوحة وطبعا هو كان بيروج للهلال عند الاجيال الجديدة وبيلمع في صورة الهلال للناس القدام وخلال الماتش كان عامل فيها هيثم .. وكل ما يمسك الكورة الناس المشجعين يكوركو الحبر الحبر وتحصل جوطة شديدة حتى لمة مجموعة من الجنسيات الاخرى لمشاهدة لمسات الحبر اها.. جا فاول من النوع العايز شوتة موزة ديك .. وطبعا الحبر قام تصدى للشوتة وقال حاوريكم ((هيثم)) بيعملها كيف ويلا الناس دي اتلمت مشجعين ولاعبين عشان يشوفو المهارة الفائقة دي اها.. قام الحبر وتوووش شات الكورة طبعا بدل ما تمشي على القون الموزة لفت شديد وطلعت اقرب للجدعة .. والحبر طبعا صافي الذهن وما بتلفت.. قال للجماعة .. لا طلعت هيثم طمبل.. هههههههههههههههههههههه
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
بشرى ساره
الحبر تعهد للجميع بالمواصله المنتظمه فى اليوم الحار والمتابعه الدقيقه له اول باول و المشاركه الفعليه وكمان كل مشاكله حلت تماما والتى تتمثل فى الآتى - الشغل الكتيير جدا > حصر الشغل وترتيبه بشكل يساعد على الاهتمام بالصحه و الهلال و اليوم الحار - عدم توفر لابتوب يحمله معه اينما ذهب > والآن الحبر امتلك لاب توب من النوع الحديث هدية من رجل فضل عدم ذكره ليواصل الحبر ابداعه ويربط خريجى هندسة كما عهدناه ويتواصل مع الجميع من اجل هندسة الروعه
وبرضو وعد الحبر الجميع بالمواصله بكل شوق و هنالك مجموعة من سلسلة حاجه سعيده جاهزه للنشر
اذا انتظروا الحبر من جديد لاعبا و زعيم وامين عام اليوم الحار
تخريمه ابراهيم رئيس جمهورية الحبر زعيم و امين عام صلاح ليون وزير الكهرباء علاء سفير السودان بباريس حمد امين شئون المرأه القرود وزير الرياضه
ممكن الكوتش امين مال ؟
| |
|
|
|
|
|
|
Re: اليوم الحار ومابنداريوم الهندسة والمعمار (Re: طارق الكوتش)
|
Quote: رسالة حب لكل أخوتى خرجى كلية الهندسة والمعمار من جامعة الخرطوم من اخيكم المهندس :عباس ماس (الباوقة) أخوتي الاحبة في الله أسعد الله أوقاتكم قد تغيب الدنيا بعضنا وتبعدنا مسافات ومسافات لكن قلوبنا معلقة بشجرة المحبة التي تعلوها كلمة الله
أخوتي الافاضل قد لا نتمكن كلنا من التواصل مع كل من رحلوا ولا مع كل من غابوا وعادة ما يقتصر التواصل مع عدد قليل جداً
كون علاقتنا ومحبتنا كامنه لوجه الكريم عز وجل سنفتح هنا ساحة للطمأنان عن كل من غاب وتركنا وسنطلق عليها
رسائل شوق ومحبة
نوصل رسالة ممن غابوا عنا لكنهم لم ينسون أخوتهم ويرسلون لهم مع بعضنا رسائل محبة
أن فكرة هذه الساحة تأتي ككوابل اتصال بين أحبتنا في خارج السودان واخوتهم المتواجدون داخل السودن
اتمنى ومن كل قلبي أن نشعل شموع محبتنا في كل ركن من أركان المنتدى
الاسم: عباس محمد خلف الله محمد من مواليد الباوقة (التكاوين شمال ) ولاية نهر النيل الكلية : الهندسة قسم الميكانيكا دفعة 1984
العنوان : دولة الامارات العربية المتحدة دبى مكتب شديد للاستشارت الهندسية ص.ب:19779 دبى موبايل :00971505410046 E. mail :[email protected]
ودمتم بحفظ الله وعين رعايته ودمتم ســـــــــــــالمين |
شكرا عباس الباوقه عباس ماس عباس ماث على التواصل ونتمنى منك ان تكون بخير
ومنتظرنك بالجديد والذكريات و التوثيق
احتراماتى
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
رسالة صباحية من الباشمهندس إيريا ،،
Quote: الأخ إبراهيم
شاكرين علي الصور الجميلة القديمة وسبحنا معها في دنيا جميلة من البسمات والذكريات وعوالم لطيفة بعيدة عن الغربة والدنيا الصعبة وفات عليك ان تذكر الشخص الذي يجلس بين النور جابر والحارث ،، وهو الباشمهندس التجاني عبدالقادر مدنية 87
وهو شخصية لذيذة ولطيفة ونادرة ومميزة ويملك لسان جميل وحلو وتحس حينما تتحدث معه انك قابلت زهير بن ابي سلمي وعمرو بن كلثوم والنعام ادم وربما محمد نعيم سعيد ومشهور بالإجتماعيات والكرم الفياض ولنا معه ذكريات أبدية يحفظها كلها أسامة سيد الرايحة الذي لا تروح منه اي حاجة خاصة في الذكريات..والتجانـي يعمل حاليا في دولة الأمارات بالقرب من بركة واحمد شبو وإبن فرس وهولاء كانوا رفاقه الميامين ولازالوا ولازلنا نتمني ان نبلغهم ونسترجع معهم احلي الأيـام.
تحية لكل الأماراتيين وتحية خاصة للسكرتير الرياضي ميسرة الذي ظهر في إحـدي بوستات الكوتش.تحية لهم جميعا ولذكراهم العطرة وتحية كذلك لشيخهم الحارث مصطفي الذي يبني في السدود ويواصل الشمل مع المتبقين في السودان .. القاعدون...حاج مدثر الرشيد وحاج عثمان صديق واشرف منير ومعاوية عابدين وحاج فوزي عبدالفتاح وخالد وعزالدين ومحجوب والنور وابراهيم مرغني والغفاري صلاح مختار واسامة يونس وعمر الفاروق ابوبكر وأخرون كثيرون جميلون.
تحية كبيرة وشحمانة لسيد الكل وسفير الصداقة بين الدفعات الشيخ اللطيف عمر الحبر الذي سعدنـا بصوره مع عماد عائد وجمال وناظم وتحية لكل القطريين بمافيهم القرود وكيكي وعجبـان وبهاء وكل من نسينا ان نذكرهم ولن ننساهم وتحية خاصة من واقع الصور لعائد وقريتر وناجي وبشري الفاضل وعاصم وتحية كذلك لعباس عوض الله ولرفاقه الجزولي وشيخ السماني ووديدي .. وياوديدي يحل عليكم في السودان هذي الأيام المهندس الكبير كبر علي الحسين الرجاء القيام بالواجب.. تحية للجميع واشواق جميلة وماالدنيا إلا عبير من ذكري حلوة ودامت صداقتكم ومحبتكم ودمتم .. ونسال الله لكم التوفيق.
أخيكم محمد الطيب سليم
|
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
وختامه مسك ،،
في ختام جولته الخليجية ،، التي خصصها للقاء الأخوة المهندسين ،، من أجل مزيد من النقاش والتفاكر في آليات إستمرارية التواصل ، وصل بحمد الله الزعيم عمر الحبر إلى جدة ،،
وفي هذا الإطار ، أمضى الزعيم يوم أمس ناااائماً ،، للإستجمام من الأرهاق الذي سببته له كثرة الإحتفالات من الأخوة في الدوحة والأمارات ...
إيذانا وأستعدادا لبرامج جدة ... والتي سيبدأها بأداء شعيرة العمرة مساء اليوم بإذن الله ،،
هذا ،، وفي النشرة أخبار أخرى متفرقة ...
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
صباح الخير الحبر وكمل زياراتو ومعاوية عابدين كمان كان في الامارات وقبلها جانا قطر وود الخاتم حيكون معانا قريب.. وباريس كرهناها ولندن لسه خبرها ما جانا
إنتو يا جماعة .. صلاح مختار ده اصلو ما حيطلع من السودان شد حيلك يازول.. ومنتظرينك في جولة سريعة كده في الصيف ده .. غير شوية ياخي
| |
|
|
|
|
|
|
Re: اليوم الحار ومابنداريوم الهندسة والمعمار (Re: صلاح ليون)
|
السلام عليكم جميعا آسف للإنقطاع الإجباري نسبة لظروف المرض. الليون كان مفروض اكون معاكم يوم 12 مايو لكن ربنا ما سهل. إبراهيم شكرا للإتصال الدائم الحبر جوله مباركه الكوتش الحكايه عاوزه وزنه!! حمد خالص التحايا ساره,آمنه,سحر ليه القوه الثلاثيه ضعيفه الايام دي؟
| |
|
|
|
|
|
|
Re: اليوم الحار ومابنداريوم الهندسة والمعمار (Re: حمد محمد احمد)
|
ادناه ستجدون عينه من الشعر الذى يتغنى به مشجعى الهندسه
بالله ادونا رايكم فى التغيير الثقافى الذى حدث عند الاجيال الحاليه:
وين يا غالي :
تكل العجلة برررره....وقاعد للمضررررررة..أستغفففففر الله وين يا غالي يالشغلتا بالي قاعد في قانونو يالشغلتا بالي يشرب في ليمونو يالشغلتا بالي انا حبيت اشاغلو انا حبيت اشاغلو نفخ لي جضومو عاد سغيل سغالة عاد دغيل دغالة ..... قاعد في أدابو يالشغلتا بالي يحرق في شبابو يالشغلتا بالي أنا حبيت اشاغلو انا حبيت اشاغلو قفل لي كتابو عاد سغيل سغالة عاد دغيل دغالة .... قاعد في علومو يالشغلتا بالي يغسل في هدومو يالشغلتا بالي أنا حبيت اشاغلو أنا حبيت اشاغلو حمر لي عيونو عاد سغيل سغالة عاد دغيل دغالة ..... قاعد في هندسسسسستو يالشغلتا بالي بس تقول ارسسسسطو يالشغالتا بالي من بعيد فرزتو يالشغلتا بالي أنا حبيت اشاغلو أنا حبيت اشاغلو هززززز لي مسطرتو عاد ظريف ظرافة عاد لطيف لطافة وين يا غالي يالشغلتا بالي صلاة النبي فوقو اسكول جنوب السنتر صلاة النبي فوقو كلية أوضة وبنبر صلاة النبي فوقو الدومة قالو رئيسا صلاة النبي فوقو عضت أضاني كديسة صلاة النبي فوقو ... الطب ضواحي السنتر صلاة النبي فوقو كلية أوضة وعنبر صلاة النبي فوقو وجراحة قالو حضارة صلاة النبي فوقو تحلف تقول دي جزارة صلاة النبي فوقو اكنوم((اقتصاد))شمال السنتر صلاة النبي فوقو كافتيريا بس ما أكتر صلاة النبي فوقو برلوما ديمة مدبرس صلاة النبي فوقو لأنو ديمة مركلس صلاة النبي فوقو شمبات بهايم السنتر صلاة النبي فوقو لا عندو هم لا سمستر صلاة النبي فوقو كل همو بس في الدنيا صلاة النبي فوقو علاح حمير البندر صلاة النبي فوقو وانحنا غرب السنتر صلاة النبي فوقنا كلية ماليا السنتر صلاة النبي فوقنا وانحنا رغم سمستر صلاة النبي فوقنا الجكس فينا مكسسسسر صلاة النبي فوقنا وفريقنا لمن يلعب صلاة النبي فوقنا تحلف تقول مانشستر صلاة النبي فوقنا وفريقنا في الميدان صلاة النبي فوقنا تحلف تقول ميلااااااان آداب بلد العطالة آداب بلد العطالة شتات يا فردة أشوت فيهم خسارة شتات يا فردة ونمشي الأقتصاد شتات يا فردة هناك نقعد قعاد شتات يا فردة هناك نقعد قعاااد شتات يا فردة ونخلط ناس سعاد شتات يا فردة لمن كنت سغير لمن كنت سغير بلعب بي التراب ماما قالت لي أوعا تخش آداب ديل لا بدوهم عربي ولا حساب وجيبم ديما فااااضي صندق دعم الطلاب آداب آداب آداب اداب داب الترس الترس الترس يالضببة أدونا ورق يالضببة نمشي شارع المين يالضببة مرة تانية أقين يالضببة اتنين اتنين يالضببة وهناك خالطين يالضببة نمشي الأندرلاب يالضببة نفقد الأحباب يالضببة المقدرة عندو سماعة أنا ما بقدر ريحتو بلاعة أنا ما بقدر عندو سكينا انا ما بقدر طويلة سنينا انا ما بقدر قطعا شرحا انا ما بقدر غسلا ملحا أنا مابقدر شالا في كيسو أنا ما بقدر باعا بالكيلو انا ما بقدر دكترة دكترة دكترة اصلو عفنو كده انا ما بقدر أصلو وسخو كده انا ما بقدر .... عندو بسطونا أنا ما بقدر سودا في لونا أنا ما بقدر يجلد الشفع أنا ما بقدر قرايتو ما بتنفع أنا ما بقدر داكي لكاشرو انا ما بقدر ماشي قمايرو انا ما بقدر بوخو واصلنا انا ما بقدر كمل السنة انا مابقدر حاجة نفيسة انا ما بقدر ادينا مريسة انا ما بقدر تربية تربية تربية أصلو عفنو كدة انا ما بقدر أصلو وسخو كدة أنا ما بقدر ...... عندو مسطرة انا ما بقدر أمورو ميسرة أنا ما بقدر وجاهتو مأثرة أنا ما بقدر جكسويتو مكسرة أنا مابقدر مدينتو عممممرا أنا ما بقدر خطوطو جرجرا أنا ما بقدر وسمحة المقدرة أنا ما بقدر وكعععععبة الدككككترة نحن الكبار نحن الكبار قاعدين كنب أي امتحان بنقول صعب مافي امتحان ماشلنا صب سنة أولا سنة اولا عدينها نوم وعل اللكاااشر ما بنحوم ومرقنا الله من العلوم ووصلنا تانية بعد تعب ... سنة تانية ما خشينا لاب ولا فتحنا ولا كتاب كل المواد شتناها قاب وف دكاترة ما شافونا تب ... سنة تالتة لازمين البركس نايمين وناكل في العدس قافلين على البش والترس قصونا ليك زي العجب .... سنة رابعة مدتنا انتهت طلباتنا وصلت للسنت ولما القراية احسنت قصونا بالحظ الكعب .... ووصلنا خامسة بعد سنين ومربتين ومكسترين وحلفنا ما متخرجين لو مافي زول مسك الدرب البرلوما دي البرلومة قاعدة في بنشيها وبكريماتا سايطة جايطة وشيها وفي المنكير غمست ايديها داسة شناتا اوعى تدقس فيها النار يا الله سبب النار يا الله ودي البرلوما لابسة بالطو شدة ادينا البالطو نغسل بيو العدة النار يا الله سبب النار يا الله دي البرلوما في اليوم بتخلط مية وفي النتيجة لقو ليها صب كمية اربعين في اتنين قال بتعمل مية لقوها بليدة نزلوها تقنية حبيبى وين بلاقي
حبيبى وين فى جامعة الخرطوم بلاقى انا ما بنوم بلاقى بعد النجوم بلاقى خريج علوم حبيبى الحرفو نون بلاقى خاتى الظنون بلاقى برلوم قانون حبيبى الحرفو صاد بلاقى سبب السهاد بلاقى فى تانية اقتصاد حبيبى سبب العذاب بلاقى بليد فى الحساب بلاقى فاينال اداب حبيبى ملك القلب بلاقى غيرو ما بحب بلاقى فى خامسة طب حبيبى تحت الشجرة بلاقى بعالج البقرة بلاقى فى البيطرة حبيبى الليلة المسا بلاقى دة الما قسا بلاقى فى الهندسة حبيبى
حبيبى وين فى جامعة الخرطوم بلاقى
| |
|
|
|
|
|
|
Re: اليوم الحار ومابنداريوم الهندسة والمعمار (Re: Hisham Magzoub)
|
Quote: نحن الكبار نحن الكبار قاعدين كنب أي امتحان بنقول صعب مافي امتحان ماشلنا صب سنة اولا عدينها نوم وعل اللكاااشر ما بنحوم ومرقنا الله من العلوم ووصلنا تانية بعد تعب ... سنة تانية ما خشينا لاب ولا فتحنا ولا كتاب كل المواد شتناها قاب وف دكاترة ما شافونا تب ... سنة تالتة لازمين البركس نايمين وناكل في العدس قافلين على البش والترس قصونا ليك زي العجب .... سنة رابعة مدتنا انتهت طلباتنا وصلت للسنت ولما القراية احسنت قصونا بالحظ الكعب .... ووصلنا خامسة بعد سنين ومربتين ومكسترين وحلفنا ما متخرجين لو مافي زول مسك الدرب |
هسع بالله البرالمة ديل فيهم زول عارف شاعر القصيدة دي؟
ما أظن ،، ما أظن ....
ذي الحنكوشة السمعت الكاشف بيغني في واحدة من أغانيه ،، قالت لصاحبتها : ده منو البشتن أغنية فرفور ده ؟
غايتو يا عمر الحبر حقك ضاع ...
| |
|
|
|
|
|
|
|