Quote: وهذا لنوضيح حجم المشكلة التى نجو منها والى اللقاء فى قصةعمر الحضرى مع عبدالله ابراهيم
مرة فى ليكشر عبدالله ابراهيم وكعادته كتب example فى السبورة و قال انا عايز واحد يطلع يحل ال example دة وطبعاكالعادة برضو مافى زول رفع يدو عشان يحل وبدا عبدالله ابراهيم يقوم فى الناس واى واحد يقوم للحل بتهزا للاخر فمن ضمن الناس ال قامو يحلو فى السبورة صديقنا عمر الحضرى. المهم انو فى نص ال ليكشر عبدالله ابراهيم بدا يحل فى المثال بنفسه وفى الحقيقة المسالة كانت معقدة وطويلة جدا وعبدالله ابراهيم اخد فيها زمن طويل جدا وبعد انتهى من الحل عمر الحضرى رفع يدو وقال لى عبدالله ابراهيم لو جابو ليك المسالة دى فى امتحان بتحلها فى كم من الزمن قام عبدالله ابراهيم عاين لى حضرى وسكت شوية وقال ليهو انا بحل المسالة دى فى 6 شهور او اقول ليك ممكن تاخد معاى سنة لكن بجيب ليك فى الامتحان وزمنها 20 دقيقة ولو ما حليتها بسقطك
Quote: عليك الله سلام شديد للفرده عمر حسين وقول ليهو دايرين ايميلك و يرد على الاسئله الوارده فى الرساله السابقه ويحكى لينا قصة طارق فصمه مع سلمى السنى وقصة ياسر راشد مع البطانيه وقصة حمد خوجلى مع الامتحان الطلب فيهو اكتر من كراس وقصة المر مع الريح كاريكا وقصص الميدان الشرقى وخصوصا لما كان رئس اللجنه الرياضيه وده طبعا للتوثيق
الان عمر حسين بحكى وحا ننزل فى ما بعد
06-28-2008, 05:22 PM
Hisham Magzoub
Hisham Magzoub
تاريخ التسجيل: 06-08-2008
مجموع المشاركات: 1426
فى طريق العودة مريت على الامارات وكسبت توقيع لاعب حريف يلا يا حبر ورينا همتك فى تسجيلو ومنحه الباسورد التحايا لكل المهندسين بالبورد من الباشمهندس النحرير استشارى تخطيط الطرق بأبوظبى عبد الماجد الكج وانتظروا مداخلاته وحكاويه
يلا يا ابراهيم استلم الوردية انا خارج للتو من المطار
06-29-2008, 07:53 AM
ابراهيم محمد الحسن
ابراهيم محمد الحسن
تاريخ التسجيل: 11-08-2006
مجموع المشاركات: 8154
Quote: ابراهومه صباح الخير الفايل المرفق ده وصلنى في رساله من الفرده حامد عجبان فيهو صور مهمه جدا يجب نشرها انا ما عارف حامد ما رسلها ليكم ليه ........ ياربي الزول ده يكون مقاطع ولا شنو ...
بهاء الدين
والله يا بهاء الصور فعلا مبالغة ومهمة جدا .. الآن جهزتهم للتحميل .. بعدين ياخي الراجل مرسل الصور للأبوبكر عثمان وخليل .. بس الظاهر مشغولين .. يعني ما مقاطع
06-29-2008, 08:51 AM
ابراهيم محمد الحسن
ابراهيم محمد الحسن
تاريخ التسجيل: 11-08-2006
مجموع المشاركات: 8154
السلام عليكم عدنا بعد غيبة بعد نتائج الشهادة الثانوية (بدون تعليق) المهم البت إسراء نجحت و الحمدلله و لكن ما النتيجة المتوقعة شكرا ليكم علي شعوركم ووقفتكم معي يا ابراهيم انت ما فقدتني أنا في الصور بتاعة مصر و بتاعة التخريج مافي بس متأكدة عندك صور تخريج القسم بتاعة التور لو حلوة... نزلها
06-29-2008, 12:03 PM
ابراهيم محمد الحسن
ابراهيم محمد الحسن
تاريخ التسجيل: 11-08-2006
مجموع المشاركات: 8154
د. تهاني ألف مبروك لإسراء وربنا يوفقها .. بخصوص صور مصر طبعا إفتقدناك لأنك ما سافرتي معانا .. وبتاعت التخريج حا أراجعهم تاني .. وبكرة إنشاء الله حا أحاول أنزلهم ..
Salamat, I have been following your discussions and glad to see all these names and memories. I saw a number of names from Class of 83 including Hisham Civil, Zafir Abdo, Tahani Abbas, Mohamed Abdelgalil etc... but many are missing like Khalid Elshahir, Abdalla Alrosee, etc...
Anyway, my interest is in supporting engineering college, I had an early effort some years ago but found no response from Sudan. I would like to assist with this effort and coordinate with you. Keep me posted on progress and any possible way to help.
Salam
Khalid (eltom)
PS. I will try to call you to discuss in more detail at your number 00249122027690
شكرا لك على الايميل وانا فى انتظار المكالمة التلفونية
06-29-2008, 01:48 PM
Hisham Magzoub
Hisham Magzoub
تاريخ التسجيل: 06-08-2008
مجموع المشاركات: 1426
شكرا لكل الزملاء على تهنئتهم لنا بمولودنا الجديد وترحيب بالقادمين الجدد لليوم الحار وخصوصا المهندسات شقيقات الرجال الذين لم يرهبهم يوما سمسترا ولم يكن يوما من زبائن الاسعاف والكلينك ولا الميديكال ريبورت لكن التحايا والتقدير ويااخت هالة بلغى سلامى الحار للعزيز ياسر وادينا فكرة عن احواله
06-30-2008, 06:09 AM
ابراهيم محمد الحسن
ابراهيم محمد الحسن
تاريخ التسجيل: 11-08-2006
مجموع المشاركات: 8154
البوست في الصفحة الثانية وعلى وشك يمشي الثالثة !!!! الظاهر أحسن نكملها صور .. الحبر .. كل كده بتسجل حكاوي عمر حسين ؟ .. بعدين وين كبار البورد على رأي الحبر .. ناس أبو سمرة وبمبو .. أبو سمرة مسجل غياب .. ما عهدناك كده .. ولا الزمن جار .. ولا لعبك بقى بتكتيك .. جيت فكيت مشروع دعم الكلية وزغت .. وخليت الشباب شغالين ..
06-30-2008, 07:59 AM
ابراهيم محمد الحسن
ابراهيم محمد الحسن
تاريخ التسجيل: 11-08-2006
مجموع المشاركات: 8154
والله يا شباب في كمية صور جاهزة .. بس طالما اليوم آخر يوم للأرشفة فقلت أحسن أخليها بكرة عشان تنزل في الجزء الثاني من اليوم الحار .. والله حقو نطالب الأخ بكري أبو بكر إنه يستثني البوست ده من الأرشفة وينزله كامل .. عشان المتابعة من الناس الجدد ..
06-30-2008, 10:42 AM
ابراهيم محمد الحسن
ابراهيم محمد الحسن
تاريخ التسجيل: 11-08-2006
مجموع المشاركات: 8154
اتصل على الليلة صديق من الزمن الجميل اخر مرة شفتو قبل 19 سنة وهو يحى كل ناس البوست وخريجى الهندسة العملاقة وقال لى قول لهشام سفل ال سماك هشام سفل منو(هشام خليل سمتو امو وهشام طه سماهو ابوهو وهشام السر سماهو عمو) منو ال سمى هشام سفل وبرضو قال لى قول لى هشام سفل احكى لينا قصة بلعة السفة فى المين رود وفى سؤال اخير من الرجل الذى طلب اخفاء اسمه مؤقتا لى هشام سفل وخالد الشهير بقول ليكم بناتكم سميتوهم علا على منو التحية لهذا العملاق وفى انتظار الاجابة من هشام سفل او من الشهير على الايميل [email protected]
Quote: Elsalam Alikum Eng. Alhibr, I would like to send my Salam to all U of K engineers and professional throughاليوم الحار ومابنداريوم الهندسة والمعمار and to be member to provide help to the department of engineering in U of K. I send numerous ACI Journal to the department before through someone I know as Individual effort. Now , I will be happy to provide any kind of support through your group. Dr. Abdelgadir Ahmed Abbas ( Civil 88)Calgary, Canada
لك التحية يا دكتور عبدالقادر والله انا سعيد جدا بان ترسل لى هذا الايميل لانى زمن طويل ما شغتك ولك الشكر والتقدير وتحياتنا عبرك لكل من معك وخلى حسن العبيد يتابع البوست
06-30-2008, 05:50 PM
Hisham Magzoub
Hisham Magzoub
تاريخ التسجيل: 06-08-2008
مجموع المشاركات: 1426
السلام عليكم ورحمة الله ابدأ بتهنئة احمد التجاني على المولود الجديد والتهنئة جات متأخرة (زي الولادة دي) ونرجو يا احمد ان ينفع الله به امته ويعوض الناس العملو ابوهو
والتهنئة برضو موصولة للدكتورة تهاني على نجاح الدكتورة الصغيرة
انا في غاية السعادة للاقبال الجميل على دعم الكلية ودة طبعا لانو هندسة ريادة وهتدسة قيادة والجامعة هندسة او لا جامعة المخوفني وده انا قلتو ليك يا عمر الحبر انو الشغلانة تبقى ونسة ساكت انا شايف انو الكلام كتر والفعل معدوم عشان كده انا شايف انو كلام عماد عايد صح انتو ناس بروفيشنال حقو تتعاملو مع الشغلانية كمشروع ويتولى البعض ادارتو اولويات الادارة ياحبر تحيد المطلوب للتنفيد من ناحية المواد والعنصر البشري مع عمل جدول زمني تحدد فيه المراكز وكبفبة التواصل والمطلوب من كل مركز مع الحد الزمني للتنفيد وانا شايق انو النوايا جميلة لكن يا حبر النوايا براها ما بتقضي غرض
انا بتوقع انو يكون للمشروع شكل محدد مع مطلع الاسبوع القادم ليبدأ الجميع في التنفيد كل حسب الدور المرسوم له وانا على استعداد للعمل معك في تحقيق الموضوع
ياخليل تتذكر باتريك بتاع العلوم الكان مقطع صفق الجامعة
سلام للجميع
07-01-2008, 06:19 AM
ابراهيم محمد الحسن
ابراهيم محمد الحسن
تاريخ التسجيل: 11-08-2006
مجموع المشاركات: 8154
أولا .. سلام للجميع في أول يوم بعد الأرشفة .. وسعيد جدا انه البوست انتقل بكامل صفحاتو وما اتأرشف .. الظاهر الواسطة جابت فائدة يا حبر ثانيا .. الناس المختفين كتااار .. ما خليل براه كيكي من يوم لبس ثوب د. إشراقة مصطفى ما ظهر تاني .. الحصل عليه شنو؟ رغم إنه بيظهر في بوستات تانية (المراقبة حاصلة يا كيكي) أبو سمرة .. بركة الجيت ...
Quote: انا في غاية السعادة للاقبال الجميل على دعم الكلية ودة طبعا لانو هندسة ريادة وهتدسة قيادة والجامعة هندسة او لا جامعة المخوفني وده انا قلتو ليك يا عمر الحبر انو الشغلانة تبقى ونسة ساكت .. انا شايف انو الكلام كتر والفعل معدوم عشان كده
والله نحن مهيئين والكل مستعد .. بس منتظرين ناس الداخل يتحركو لأنه الكورة في ملعبهم .. أمس في محادثة مع دكتور التـــاج .. وقال تابع البوست بسرعة كده .. ومتحمس لمشروع الدعم .. أرجو إنه الناس تستعجل شوية عشان الفترة دي فترة إجازات في الخليج والناس بتسافر .. يعني عندكم عمر حسين أهو مسجل مع ناس السعودية .. وهو الآن في السودان .. أعمل حسابك يا عمر دعمك محسوب مع ناس السعودية ..
07-01-2008, 06:28 AM
ابراهيم محمد الحسن
ابراهيم محمد الحسن
تاريخ التسجيل: 11-08-2006
مجموع المشاركات: 8154
دي في مناسبة خاصة .. عز زنقة السمستر والمشاريع .. - وليد عريبي - مهدي - إبتسام محمود - عبادة السراج - معتز عريس - طارق حمزة - عفاف عثمان حسين - إبراهيم
Quote: انا في غاية السعادة للاقبال الجميل على دعم الكلية ودة طبعا لانو هندسة ريادة وهتدسة قيادة والجامعة هندسة او لا جامعة المخوفني وده انا قلتو ليك يا عمر الحبر انو الشغلانة تبقى ونسة ساكت
انشاء الله الليلة يا ابوسمرة انا حا اقابل د.تهانى وطارق احمد خالد وعثمان صديق فى هذا الخصوص وحا نشوف رؤساء الاقسام عملو شنو بالنسبة لتحديد احتياجاتم واذا ما عملو حاجة حا نشوف نعمل شنو لكن لن نتوقف ابدا انشاء الله
07-01-2008, 09:42 AM
ابراهيم محمد الحسن
ابراهيم محمد الحسن
تاريخ التسجيل: 11-08-2006
مجموع المشاركات: 8154
أحمد التجانى، أولا ألف مبروك على المولود الجديد، و إنشالله يتربى فى عزكم، قول اميين...
ثانياً،
Quote: وترحيب بالقادمين الجدد لليوم الحار وخصوصا المهندسات شقيقات الرجال الذين لم يرهبهم يوما سمسترا ولم يكن يوما من زبائن الاسعاف والكلينك ولا الميديكال ريبورت لكن التحايا والتقدير ويااخت هالة بلغى سلامى الحار للعزيز ياسر وادينا فكرة عن احواله
الف شكر لترحيبك الحار، و الظاهر ما تم ذكره فوق ده، تكون جينات وراثيةو لا كدة ولا شنو يا إبراهيم و تهانى، بتعرفوا عننا إننا يوم رجفنا؟؟(وجه Giggling)
أما عن أخبار ياسر، فموجود و بكثرة فى السودان، و كلمتو أكتر من مرة عن البوست، بس الكسل حاصل....
يقال ان اخونا حسن بابكر مشى لى واحدة بتقرا الكف اسمها حاجة سعيدة بت عبدالقادر ودار بينهما الحوار الاتى(الكلام دة ايام السمستر الراجل ما قارى ومزنوق وعايز يهرب من الواقع) حسن بابكر: السلام عليكم يا حاجة سعيدة حاجة سعيدة:اهلا يا ولدى حسن بابكر:انا اسمى حسن بابكر يا حاجة وبقرأ فى كلية الهندسة جامعة الحرطوم وسمعت بيك كتير وقلت اجيك تقرى لى كفى وتورينى ال بحصل لى شنو فى الامتحانات حاجة سعيدة: هو السمستر قرب يا ولدى حسن:انتى كمان عارفة اننا شغالين بنظام السمستر حاجة سعيدة:انا من كترت ناس هندسة البجونى هنا عارفة موادكم كلها من اولى لى خامسة والدكاترة البدرسوها وكمان يا ولدى مرات قبل ما اقرا الكف اعرف الزول كان فيهو عمار ولا ما فيهو انا يا ولدى واعوذ بالله من كلمة انا شدة ما اتمرست فى المجال دة فكرت اعمل لى بورد فى بيتى دة لكن قلت مالى شايلة وش القباحة خليها ال اشيلوها ناس كليتكم حسن: اها يا حاجة اقرى لى كفى حاجة سعيدة: مد لى ايدك ويا ولدى لازم تعرف انا بقول الحقيقة والشى ال بشوفو يعنى ما بقطع من راسى وبرمى الكلام زى الدراب عشان كدى يا ولدى كان قلت ليك اى حاجة ما تزعل منى حسن: مافى مشكلة يا حاجة بس شوف لى موقفى فى السمستر دة شنو حاجة سعيدة: بسم الله ,اول حاجة يا ولدى عندك ال سانيترى نمرتك فيها 8 حسن : يا حاجة انا قارى ال سانيترى كويس ما ممكن اجيب 8 بس حاجة سعيدة: يا ولدى ما تقاطعنى انا بقول الشى البشوفو وكان ماك مقتنع سجل كلامى وتعال لى بعد البورد حسن: خلاص يا حاجة تمى كلامك كلو حاجة سعيدة: عينى باردة ياولدى نمرتك فى الماث 43 , ال هاى وى مباصى لكن ساقط كورس ويرك وفى ال اريقبشن نمرتك 30 لكن دكتور المادة ود حلال تماها ليك 40 , الاسترينقس نمرتك 7 ,الدكتور النحيف ودقنو شايبة ولونو اسمر دة منو يا ولدى حسن بابكر: دة دكتور زروق يا حاجة, مالو حاجة سعيدة :هو ما مايل يا ولدى لكن يوم امتحانو جيب معاك ثيرموس موية كبير وجك والله يا ولدى اليوم داك تشرب ما تروى ونمرتك فى مادتو 4 , ايدك دى مالها سودت كدى بقيت ما شايفة حاجة كدى ادينى كفك التانى حسن: هاك يا حاجة لكن طمنينى شوية حاجة سعيدة: اطمنك بالكضب يا ولدى , بسم الله واللهم اجعلو خير وياربى تستر حسن:فى شنو يا حاجة سعيدة خوفتينى حاجة سعيدة: والله يا ولدى انا ذاتى خفت اول ما مسكت ايدك التانية ظهر لى عبدالله ابراهيم و عاد ال نكلمك ياولدى امتحان عبدالله ابراهيم جاييكم زى الساطور فى نص الراس وحسب ال شايفاهو دة انت كان ورقتك صححتا ليك امك ما بتزيد من 3 . يا ولدى عندك اصحابك اتنين واحد طويل والتانى جنبو انشاف قصير ولابس نظارة ديل منم حسن: الطويل دة هشام سفل يا حاجة لكن ابونظارة امكن طارق عبدالرحيم؟ حاجة سعيدة: صدقت الطويل هشام لكن التانى مو طارق , طارق عبدالرحيم مهذب وود ناس لكن دة مقرم وبتاع شوشرة حسن: عرفتو يا حاجة دة خالد الشهير حاجة سعيدة:بس ياهو, شفت الاتنين ديل يا ولدى كان ما بعدت منهم الترابة دى فى خشم امك الراجياك وكان تمرق من رابعة ابقى انا ما سعيدة بت عبدالقادر, انت يا ولدى ما تصاحب ملهم ومحمد هارون ديل يا ولدى كان ترس ساكت بمرقوك من السمستر حسن: كدى يا حاجة شوفى لى باقى المواد حاجة سعيدة: باقى المواد كلها يا ولدى نمرك فيها بين ال 3 وال7 ومن غير مجاملة يا ولدى انت كان تمرق من رابعة السنة دى يعيبن شعراتى ديل وبعد الحالة دى ابيع المريسة فى سوق ام دفسو حسن: كتر خيرك يا حاجة مع السلامة حاجة سعيدة: ودعتك الله يا ولدى حاجة سعيدة: يا حسن يا ابوعلى,( ياربى الولد دة ما بسمع) حسن:ايوة ايوة, فى حاجة يا حاجة سعيدة انا وصلت الشارع برة وسمعتك بتنادينى حاجة سعيدة: مافى حاجة يا ولدى لكن انت نسيت جزمتك ولبست شبشب محاسن بتى حسن: لا حولا والله يا حاجة الواحد مخو جايط عليك الله ادعى لى حاجة سعيدة: الله يزيل منك الفلس ويهون ليك الترس, وراجية ربى الكريم يكفيك شر عبدالله ابراهيم, وانشاء الله يا ولدى الله يقلل ليك النوم الكتير وابعد منك الشهير وعوض النذير ويحميك من الحساد ويقربك من ايهاب وخالد حماد ويسهل ليك امتحان عكود ويصبرك يوم زحمة البورد........ امين حاجة سعيدة: عليك الله يا ولدى وكت الله جابك دايرة اوصيك , كان لاقيت عمر الحبر ومحمد الحسين قول ليهم حاجة سعيدة قالت عايزاكم وكان ابو يجو قول ليهم ما بتتخرجو الا يجوكم التيمان حسن:التيمان ديل منم حاجة سعيدة:التيمان ديل يا ولدى اولاد د.ابوبكر عبدالوهاب عميد كليتكم وهم هسى حلاتم فى المتوسط يعنى الثانوى العامو يا ولدى هنيئا لى ال بحضر زمنم واتهنى بى ترسم
07-01-2008, 11:12 AM
ابراهيم محمد الحسن
ابراهيم محمد الحسن
تاريخ التسجيل: 11-08-2006
مجموع المشاركات: 8154
نحن طبعا امتحنا هناك في قاعة بالقرب من مسجد الجامعة وانا كنت عامل فيها
مانديلا وحانقاطع وكدة
ونحن ماشين علي القاعة الكيزان شامتين فينا
صديقي ابراهيم جرايد شافني وقال لي( قسمالباري قسم الباري ما قلت بتقاطع)
والله يا ابوالقوق ذاكرتك حديدية حتى الالفاظ متذكرها زى ما هى كانت ايام عصيبةجدا وعدم نجاح المقاطعةتسبب فى تاخير عدد كبير من الناس من دفعهم وانا شخصيا المقاطعة هى السبب الوحيد ال اخرنى فى السنة ديك لانى باقى المواد باصيتا بدرجات عاليةرغم انى قاطعت مادة واحدةوباقى المواد كلهاA ,B حسب ما قال لى د.محجوب (سامع ناس فى البوست بقولو زننننننننننننننن) لكن دى الحقيقةوما عملو لى دروب لان ال اكستيرنال ما عندو حق الغياب لكن تاخيرى من فوائده العظيمة معرفة مرتضى حسن وهشاممجذوب وعمار ابشوك وباقى الدفعة الرائعة دى بمناسبة دروب دى وين نصر الدين دروب الرجل الظريف
Quote: بمناسبة دروب دى وين نصر الدين دروب الرجل الظريف
اخونا وحبيبنا نصر الدين Drop بعد اتخرج مباشرة اشتغل فى مصنع الكوكاكولا , لاقيتو مرة فى الكلية سلمت عليهو وقلت ليهو ما شاء الله ريحتك كوكاكولا قال لى قول ما شاء الله مع انى الليلة ما مشيت الشغل لكن دى بايتة معاى
صديقي ابراهيم جرايد شافني وقال لي( قسمالباري قسم الباري ما قلت بتقاطع)
فى اول امتحان لاقانى هشام توفيق وهو ماشىعلى الامتحان وقال لى الاخبار شنو الناس دخلو الامتحان , قلت ليهو دخل قليل من النساء والاطفال لكن الحمد لله ما لقانى يومى الداخل انا بشحمى ولحمى كانيكون فلم
Quote: انا في غاية السعادة للاقبال الجميل على دعم الكلية ودة طبعا لانو هندسة ريادة وهتدسة قيادة والجامعة هندسة او لا جامعة المخوفني وده انا قلتو ليك يا عمر الحبر انو الشغلانة تبقى ونسة ساكت
الليلة مشينا لى رؤساء لاقسام انا ودكتورة تهانى وسبب التاخير يا ابوسمرة انو الموضوع دة صادف امتحانات السمستر ورغم دة استلمنا جزء من احتياجات بعض الاقسام من الكتب وبكرة بعد الساعة 10 حا نستلم جزء وحا ننزلهم فور الاستلام وننتظر الباقى فى بداية الاسبوع القادم (نيتى سليمة وعايز الباص وما قريت غير الكراس)
ياسسسسسسلام طارق الكوتش بيننا انها اذن احدي هدايا الرب في هذه الدورة الجديدة مرحب بيك يا باشمهندس وحبابك الف في سودانيزاونلاين ونورت اليوم الحار الما بندار.. ويلا امسك اللفل والقامة واديها مع الثيودلايت كم فيس كده لفت ورايت ومتع الجمهور يا مساح ياجميل..
والجابك يجيب غازي تخيل الزول ده مشتاقين ليهو شوق السحابة لي شنو كده ماعارف
07-02-2008, 06:06 AM
ابراهيم محمد الحسن
ابراهيم محمد الحسن
تاريخ التسجيل: 11-08-2006
مجموع المشاركات: 8154
مرحب بالباشمهندس طارق ... ونورت اليوم الحار وأتمنى تواصل نشاطك في الكتابة كما بدأت .. على الأقل الواحد يلقى زول يساعده في رفع البوست وتحريكه .. عشان شايف الناس رخت شوية .. ولا شنو يا كيكي بتاع قراية الكبر .. وخليل برضو مسجل غياب من فترة
07-02-2008, 06:13 AM
ابراهيم محمد الحسن
ابراهيم محمد الحسن
تاريخ التسجيل: 11-08-2006
مجموع المشاركات: 8154
Quote: ابراهومه شكلكم راجين الحكم ييصففر, تحايا عطره للاخ المخضرم مهدي خوفو. ( خوفو دي طبعا من القدم بضم القاف والميم). واخرى ايضا للاخ طارق اين ما حل. بهاء الدين
Quote: يقال ان اخونا حسن بابكر مشى لى واحدة بتقرا الكف اسمها حاجة سعيدة بت عبدالقادر ودار بينهما الحوار الاتى(الكلام دة ايام السمستر الراجل ما قارى ومزنوق وعايز يهرب من الواقع)
عمر الحبر مؤكد امبارح كنت محشش انت عارف دخان قصتك دى يسطل
07-02-2008, 06:58 AM
Hisham Magzoub
Hisham Magzoub
تاريخ التسجيل: 06-08-2008
مجموع المشاركات: 1426
هالة حسن شنو حركات ناس كيكي دي ؟ نحن سجلناك عشان الأولوية تكون لبوست الهندسة .. شايفك بهناك في بوست (البت الشديدة) لا وكمان فاتحة بوست خاص لبوردابيات الخرطوم .. قلنا ليك الرقابة شديدة على الأعضاء .. إتصلح يا حكم ..
بالأمس مر يوم الثلاثين من يونيو وهذا التاريخ لن ينساه ناس ثالثة كهرباء 89 ليس لذكرى الانقلاب لكن لإنه كان يوم الامتحان الآخير (power)ودكتور معتصم الله يطراه بالخير الجامعة فاضية كل الناس انتهت امتحاناتهم عدا ثالثة كهرباء لان موادهم سبعة فى هذا السمستر صباح الجمعة خارجين من البركس ماشين على الكلية شاهندنا حركة غير عادية فى الكوبرى ومنطقة سلاح الأسلحة ويعد داك هاك يا مارشات فى الكلية لم يحضر الا د. سامى شريف وبعد داك مافى حل يغير اننو يقول لينا أمشو بيوتكم ما فى امتحان وطبعا اصبحت الحالة صحيبة ما بين امتحان معلق وانقلاب ولكن يبدو ان د. معتصم رأف بحال الناس وكانت نتائج الامتحان من افضل نتائج كهرباء رغم ان المادة تعتبر من المواد العضم
07-02-2008, 08:20 AM
ابراهيم محمد الحسن
ابراهيم محمد الحسن
تاريخ التسجيل: 11-08-2006
مجموع المشاركات: 8154
- عز الدين عبيد ( وينك يا مان نفتقدك كثيرا في اليوم الحار) - هالة حسن - آمنة الطيب - سوسن آدم - إبراهيم (شايل إسراء الداخلة الجامعة) - صلاح مختار (مداخلة واحدة وتكب الزوغة؟)
07-02-2008, 09:12 AM
ابراهيم محمد الحسن
ابراهيم محمد الحسن
تاريخ التسجيل: 11-08-2006
مجموع المشاركات: 8154
سلام كتيييييير لكل عشاق البوست تحايا للزميل طارق الكوتش و معليش للغياب عن الساحة بس السمستر وظروفو مراقبة و مشاريع التخرج و تصحيح و ... و زي ما قال الحبر و الله ده برضو السبب الرئيسي في تأخر قائمة الكتب و لكن دي قائمة أولى من قسم الميكانيكا
1. Fluid Mechanics, by F.M. White 2. Introduction to Fluid Mechanics R.W Fox and A.T McDonald 3. Fundamental of Heat & Transfer F.P Incropera and D.P. DeWitt 4. Heat Transfer J.P Holman 5. Heat &Mass Transfer W.M Kays & M.E Crawford 6. Heating, Ventilating, and Air Conditioning Analysis & Design, F.C. McQuiston &J.D. Parker 7. Numerical Heat Transfer & Fluid Flow S.V. Patankar 8. Experimental Methods for Engineers; J.P.Holman
07-02-2008, 10:33 AM
ابراهيم محمد الحسن
ابراهيم محمد الحسن
تاريخ التسجيل: 11-08-2006
مجموع المشاركات: 8154
إبراهيم البير ليك تحياتي كهرباء تمااااااااااام بس قائمتها لسه ما جاهزة اليومين ديل في تغيير في رئاسة القسم (د. إدريس أحمد علي خلفا ل د. فائز محمد الصادق) في صور تانية في الهوتميل أرفعها و دي قائمة تانية من ناس الميكانيكا
1. Applied Thermodynamics Eastop & McConkey (many يعني عايزين منه كمية) 2. Engineering Thermodynamics, Work and Heat Transfer, Roger and Mayhew (many) 3. ASHRAE: All Volumes (Latest) 4. Heat Transfer, Holman (many) 5. Fundamental of Heat & Mass Transfer (many) 6. ASTM Handbook 7. Advanced Flexible Manufacturing Systems 8. Integrated Manufacturing Systems 9. Factory Organization & Production Control. 10. Total Quality Control 11. Tribology Handbook 12. Theory Lubrication 13. Engineering Economics
طبعاً يا إبراهيم حفلة الطابق الخامس دى فى التور بعد نهاية اسبوع المهندس و ختام كافتيريا السطح، ليها معاى زكريات كتيييرة، أذكر كل الترتيبات المصاحبة لقيام الكافتيريا، إبتداءً من الفكرة و صيانة الأسانسير(ماتم كتير)و نظافة غبار 15 سنة أو يزيدوتجهيزالأكل و الشراب.....
حقيقة ، كان واحد من المشاريع الـ بعتز بيها شديد.
07-02-2008, 11:15 AM
ابراهيم محمد الحسن
ابراهيم محمد الحسن
تاريخ التسجيل: 11-08-2006
مجموع المشاركات: 8154
سلام يا ناس هندسة جيت اسلم على احمد التجانى عشان من بورداب جده وكمان كيكى عشان اخو زميلنا صلاح الامين فى الزقازيق وعشان بوستيكم بشبه بوستينا ... وبسأل سيد الهندسة خليل من تلاتة من ناسكم ** جهاد محمد ادم ** منير عوض الطيب ** هشام سرحان ديل دفع متفرقة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة