|
Re: اليوم الحار ومابنداريوم الهندسة والمعمار (Re: khaleel)
|
من الحاجات الكانت منتشرة فى الجامعة استغلال السناير لعدم عدم معرفة البرالمة بالجامعة ويضحكو بيهم بما يسمى بالبرلمة فى واحدة دفعتنا فى علوم بعد خلصت اجرات التسجيل لما فيها واحد سينير قال ليها عملت شنوبالنسبة للتسجيل قالت ليهو خلصت قال ليها طيب كيستى ولا لسه(طبعا مصطلح الكيس كان شائع فى الجامعة للتعبير عن الارتباط العاطفى فيقال فلان كيس فلانة وفلانة كيسة فلان) فقالت ليهو الكيس دة شنو انا ما كيست فقال ليها تمشى للمسجل بعمل ليك الموضوع دة قامت الاخت الروسية(روسية ما جنسية زمان اهل العوض بسموهم الروس فى الجامعة فاذا قالو للزول روسى ابقى هو من اهل العوض)مشت للمسجل قالت ليهو انا ما كيست الراجل اندهش شوية وادرك الموضوع بعد داك وقال ليها يا بتى موضوع اليس دة بنعملو ليك بعدين
| |
|
|
|
|
|
|
Re: اليوم الحار ومابنداريوم الهندسة والمعمار (Re: عمر الحبر)
|
Quote: قبل ما اواصل يا ابوالقوق هاتفنى قبل دقائق من فرنسا عزيز كنت ابحث عنه كثيراوهو من عمالقة تيم هندسة هتف له ابوسمرة ومن خلفه عشاق الهندسة فى الشرقى(الله لى الله لى انا يا ليلى من بها الدين انا يا ليلى) فالتحية لهذا الرجل العملاق |
التحية للباشمهندس بهاء الدين .. بس حسب علمي انه بهاء الدين كان في الدوحة .. مشى فرنسا متين يا خليل وكيكي ؟
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: التحية للباشمهندس بهاء الدين .. بس حسب علمي انه بهاء الدين كان في الدوحة .. مشى فرنسا متين يا خليل وكيكي ؟ |
بها فى فرنسا لفترة مؤقتة تبع نفس شغلو بتاع قطر وحتى موبايلو بتاع قطر معاهو وشغال فهذا الرجل الراقى يستحق التحايا
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
الباشمهندس صلاح مختار يحييكمبحرارة ويحى كل خريجى كلية الهندسةالحبيبة اتصل على اليوم وقد سعدت كثيرا باتصاله وخاصة انه من الذين لم يغيرهم الزمن وهو من اصحاب الولاء الشديد لتلك المؤسسة العريقةوبعرف معنى ابام زمان فالتحية لهذا الرجل
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: لا نود ان نقطع حبل افكارك واصل |
ايام الاستعدادللامتحانات كانت دايما ايام دبرسة ويبحث الواحد فيها على اشياتنسيه قرف الامتحانات والتفكير فيها وطبعا كان فى ايامنا ديك صديق المبركاتى (المبركاتى على وزن المسحراتى)هذا الرجل ياتى دايما ايام الامتحانات وبكون فى فى منطقة ال junction جهة مدخل المكتبة المين وبقول انو جاى يبهج الطلبة فى وقت البريك (هو رجل نظبف جداو لبيس ويقال انو فصل من الجامعة فى وقت ماضى) هذا الرجل يحرف الاغانى بحاجات ليها علاقة بالجامعة فمثلا سارحة مالك يا برلومة ساهية وافكارك بعيدة بقرا فى عيونك حياتى وانتى مشغولة بتودا(التودا الاسم العلمى للضفضعة فى مادة التشريح) وكان برضو بغنى اتنين خالطين برالمة(على اغنية لزيدان ابراهيم ومجموعة من الاناشيد الوطنية وحقيقة كان لهذا الرجل صوت جميل
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: لا نود ان نقطع حبل افكارك واصل |
كان هناك ايضا عمر اومو وما ادراك ما عمر اومو هذا الشخص مفصول من كلية العلوم (ربما سنة 80 او قبلها تقريبا) لكنه لم يبرح البركس والجامعة ابدا حتى عام 90 تقريبافيقال ان المسالة الاكاديمية عاثرت معاه شوية ولمن اجتهد شديد قالو كان مرة عندو امتحان مهم وساهر فى المذاكرة فغلب عليه النوم ولمن صحى لقى الناس جايين من الامتحان فكان هذا هو الساطور الذى قصم ظهر عمر اومو, لمن جينا الجامعة كان بنقل فى المراجع بحجة ان المكتبة المين حا تتحرق وهو حا يكون المرجع الوحيد. فكان ايام الامتحانات بيعمل اركان نقاش ويتلم الناس حوله بقصد البريك لانو كان لايتحدث فى موصوع معين بل كان يدخل دة فى دة(كان اقرب لى يونس شلبى فى مدرسة المشاغبين) وكان لا يحب وجود البنات فى الركن بتاعو اذا شاف اى بنت بضايقها بالكلام لغاية ما تمشى فمرة كنا فى الركن بتاعو (لزوم البريك) جات واحدة من كليات الاطراف وظنت انو دة ركن جادى وكانت تخينة شوية ورفعت يدها للنقاش(الراجل كان بتكلم عن عبدالخالق محجوب) وبدت تهاجم فى اومو فقاطعها وقال يها كدى خلينا من عبدالخالق انتى اهلك بلقو ليك هدوم قدرك وين
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: بما إنك يا رجب تتهمنى بانو أنا من ضمن العواجيز و اللأمينى شنو مع الصغار ديل |
انا ما بسالك يا محمد عبدالرحمن اللماك على الاولاد الصغار ديل شنو لانو الاجابة واضحة من الصورة انت جيت مع حنفى اخوك والصورة التانية يعنى فيها ناس ما قدرك لكن قريبين منك . بقصد امين عثمان وغازى يوسف( بس كنت تكتب الاسماء لانو فى ناس ما بعرفوهم بالذات الفى الصورة التانية لكن انا عرفتهم كلهم وهذه ميزة ان تكون مخضرم)
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
ياطارق احمدخالد(بمبو82) انت زغت عشان مالقيت زول قدرك ولا شنو عندك عجايز كتار ممكن تلعب معاهم ون تو زى محمد عبدالرحمن وعيدروس وابوبكر عثمان وخاصة ابوبكر بحكم زمالة بنك السودان هم ما قدرك لكن مشى معاهم لغاية مت نشوف ليك علا بندق وهشام خليل وعلا عثمان والرشيد
| |
|
|
|
|
|
|
Re: اليوم الحار ومابنداريوم الهندسة والمعمار (Re: عمر الحبر)
|
هذه الصورة أثناء التريينق فى القاهرة فى العام 88 تقريبا الإخوة المصريين بهدلونا فى المطار وقتها ... لأن السودان كان يطالب بتسليم الرئيس نميرى ... و لأن السودان إستضاف خالد عبدالناصر إبن الرئيس المصرى جمال عبدالناصر .....
يظهر فى الصورة من اليمين لليسار
محمد شمس الدين - امين نجيب - عمر نورى التحية لهما
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: الاخ المخضرم عمر سعدت كثيرا لوجودك مع باقي العقد الفريد من الشباب المتحفين جدا بقيادة المايسترو خليل ملك السهل الممتنع والحكاي الى حد الامتاع كيكى . سلام لكل المشاركين؛ابراهيم،منتصر،احمد التجاني،عمر السيد وياسر علي الشيخ يلا بالله خت الكوره واته ونحن متابعين؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ياليتناعدنا اوعادت الايام |
وصلنى هذا الايميل من بها الدين بخيت فلنكرر التحية لاحد ابطال الميدان الشرقى وها هو اليوم الحار يزيد حرارة يا خليل و بذات الذين جعلوه حارا فى الماضى
| |
|
|
|
|
|
|
Re: اليوم الحار ومابنداريوم الهندسة والمعمار (Re: عمر الحبر)
|
طبعا يا رجب أنا لم أجد أى صورة لصاحبى عادل شاهين ..... و حرصا على مستقبله السياسى و حتى لا يدان بتردده فى المين رود لانو الراجل لسع ما لقى ليهو حكومة تلمو
بعدين طارق أحمد خالد ده لا قدرنا و لاحاجة... يا اخى ده لمن نحنا جينا الجامعة كان إسمو طارق بولتون .... و بولتون ده أستاذ بتاع باوور إنجليزى نحنا ما حضرناهو...يعنى من زمن الإنجليز
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: طبعا يا رجب أنا لم أجد أى صورة لصاحبى عادل شاهين |
بالله هو الراجل دة وين من الاحيا ولا الاموات لا حوللللللللللللللللة
Quote: بعدين طارق أحمد خالد ده لا قدرنا و لاحاجة... |
يا طارق بمبو لو ما رديت على الكلام دة يبقى مافى فائدة
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
و دى يا رجب صورة حديثة عمرها شهرين
فى ضيافة أحد أصدقاء الزمن الجميل فى منزله..... المطلوب معرفة الشخص ... الأولاد الصغار ... بيكون درسهم.. كان مساعد تدريس نهاية الثمانينات و بداية التسعينات...... للتسهيل بقسم الميكانيكا... و بالمناسبة الطاقية اللابسها زولنا ده مهههههمة جدا بدونها فى مشكلة كبيرة خلالالاس
| |
|
|
|
|
|
|
Re: اليوم الحار ومابنداريوم الهندسة والمعمار (Re: Mohamad Shamseldin)
|
هلا شباب والله القصة احلوت وكافتيريا هندسة دور وولع وعاد اليه نجومه الكبار واري ما اري صورة احمد محي الدين وحنفي وعادل امينوالحبر ومحمد شمس الدين يحلقون بصورة تنزل دمعة شوق وحنين.. ويا ابراهيم الباشمهندس الجميل بها في بعثة عمل الي فرنسا مبعوث من قبل شركته (راس غاز) لتجضيم شغل عجيب كده وياحبر اخوك قاعد بس اليومين دي ح اتحول الي قاري وبجيكم علي الطائر كده (عندي شوية قراية كبر كده)..الله يكفينا شر امتحاناتها ساكت ومتابعين شديد احمد تجاني (ياخ تعال نعمل كوكادام...ولا سارسل ليك لاندكروزرات في الكرنتينة بتاعتك دي تخلي ريحتك طير طير)
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
هلا هلا شباب اليوم الحار ولع نار طارق بمبو خلى بنك السودان وعمل شركة استشارية مزنوق فى التأسيس والذى منو عشان كدة ما ظاهر مين يستلم موضوع الكورة والتشجيع وحكايات الناس البيحضرو مباريات الهندسة من اجل الاستمتاع بتشجيع المهندسين أولاد وبنات سكرتيرات الدايات الدايات إلوم يا ركلسة والتحديات مع ناس الاقتصاد واحتلال كليات الوسط عند الفوز يلا شباب سمعونا حكاوى الزمن الجميل
| |
|
|
|
|
|
|
Re: اليوم الحار ومابنداريوم الهندسة والمعمار (Re: Abubakr Osman)
|
تحياتي لكل الشباب .. والله فعلا اليوم الحار ولع نار .. والواحد شاعر كأنه في كافتريا هندسة يا الللله .. يا ابوبكر بمناسبة الكورة والتشجيع .. أنا غايتو متذكر لما فزنا على جامعة النيلين في دوري الجامعات .. وجينا في مسيرة هادرة من إستاد الخرطوم لغاية الجامعة طارق أبو شوك متذكر اليوم ده ؟
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
كتب خليل :
Quote: لله الله يا خلاسيين
علي اليمين وقوفا مهدي ازيك يا حلو لسع شغال مع ناس عبد الرحمن عباس معتز عريس لسع في هولندا مشتاقين ياخ دكتور مصطفي بوب لو الخاطر سرح عنك تاكد انو راح ليك سيف اسكتلاشي صديقي النبيل والمقاول الكبير والمساح الخطير
الجالسون علي اليمين ابراهيم محمد الحسن اكيد اكيد حنتقابل ابراهيم عبد العزيز والله ايام يا زمان كيكي كيكي كيكي وبس ياسر احمد عبد الرحمن محمد في اخر زيارة اكلنا سماية بنتك مشتاقين
|
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
كتب كيكي:
Quote: ويطل الاسطوري حمد حماد(كوسو)....شطارة تخلع وتهذيب عالي وسط اخاء كبير ومحبة بين طلاب الكلية في ذلك الزمان...طال الزمن ولكن اني اكاد اعرف كل هذا الحضور فردا فردا... |
جلوسا من اليمين : الأخوات : سارة شمس الدين إبتسام محمود حنان آدم دكتورة تهاني عبد الله عفاف عثمان حسين
وقوفاً من اليمين: الزملاء: الأسطوري حمد حماد المخضرم علي كدام عبادة السراج
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
كتب خليل :
Quote: حسان الجلقني لقمتك كبيرة ياخ عمر فلاشا اولاد امدرمان اصلن رايقين خالد حبة ابن المسلمية ما تكتر الزيت بتغرق الفتة عبادة السراج الاولاد ما دفعتك |
يا الله على السوق الشعبي وبوش السوق الشعبي ال بمزااااااج يا ترى لسة موجود ولا اتحول لساندوتشات بيرقر مع طلبة الزمن الجديد ..
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
يا جماعة الخير قبل كل شى فى اقتراح من الباشمهندس محمد الطيب بان يكون هناك احتفال باليوبيل الفضى لدفعات الكلية حسب سنة الدخول وطبعا السنة دى بتاعة دفعة 83 وانا افتكر نقوم نحدد يوم للاحتفال ونبدا نحصر الناس ونجمع الصور ونبدا ننزل فى اليوم المحدد الاسمماء وبعض الاخبار الهامة عنهم ويستمر الاحتفال لايام حتى نفرغ من انجاز المهمة اظن لو حددنا بداية سبتمبر او اكتوبر بكون الوقت كافى ونستعين بمحمد عبدالرحمن وعملاق الميدان الشرقى طلال حامدوهشام CIVIL والشهير وكدام ووووووووواكيد حا نصل لكل الدفعة فى الوقت المحدد والعام القادم 84 فى نفس التاريخ وهكذا. ارجو مناقشة الموضوع. انا ماشى الميدان الشرقى لى ابوبكر عثمان وابراهيم محمد الحسن وبرجع اشوف الاراء
| |
|
|
|
|
|
|
Re: اليوم الحار ومابنداريوم الهندسة والمعمار (Re: عمر الحبر)
|
Quote: انا ماشى الميدان الشرقى لى ابوبكر عثمان وابراهيم محمد الحسن وبرجع اشوف الاراء |
أنا غايتو بتلقاني في كافتريا هندسة أو السوق الشعبي .. الشرقي ده ما بنمشيه إلا ايام الدوري والتشجيع أبو بكر يمكن يكون خالط في ال main ..
والله فكرة حلوة وإقتراح جميل جدا .. ومن هسع كل واحد يبدأ يحصر الناس البيعرفهم في كل دفعة وأخبارهم ..
نتواصل ..
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: صاح هو الأخ هشام عبدالعال |
تعرف يا محمد عبدالرحمن يبدو اننا عجزنا جانى تلفون الان من الباشمهندس عثمان صديق 87 بقول انو الفى الصورة دة المرحوم ابوعبيدة الخواض ذلك الرجل صاحب الاخلاق العالية والذى نحسبه من الجنة نسأل الله له المغفرة والجنة ولك الشكر الجزيل يا ابوعفان
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: ويطل الاسطوري حمد حماد(كوسو)....شطارة تخلع وتهذيب عالي وسط اخاء كبير ومحبة بين طلاب الكلية في ذلك الزمان...طال الزمن ولكن اني اكاد اعرف كل هذا الحضور فردا فردا... |
والله يا ابراهيم طالما عرفت ديل ما عندك عوجة طبعا كدام اكثر خضرمة من الناس المعاه فى الصورة تليه عفاف عثمان حسين
| |
|
|
|
|
|
|
Re: اليوم الحار ومابنداريوم الهندسة والمعمار (Re: عمر الحبر)
|
Quote: والله يا ابراهيم طالما عرفت ديل ما عندك عوجة طبعا كدام اكثر خضرمة من الناس المعاه فى الصورة تليه عفاف عثمان حسين |
الحبر .. الأعزاء على كدام وعفاف عثمان حسين كنا محظوظين بأننا تخرجنا في دفعة واحدة وعلى تواصل حتى وقت قريب .. - عفاف مقيمة معانا هنا في مكة المكرمة .. - علي كدام كانت لنا معسكرات كسر متجولة .. أحيانا في منزلنا في أمدرمان .. وأحيانا في الصحافة عند ناس تهاني عبد الله .. ومرات في الإمتداد عند ناس طارق حمزة .. وكان ال Boss بتاعنا في الشرح الأسطورة حمد حماد لهم جميعا ألف تحية ..
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: حسان الجلقني لقمتك كبيرة ياخ |
يا ابراهيم جلقنى بقى عب كبير جدا فى شركة الكهربا(مدير مكتب بحرى) عاطف جلى سكن الفتيحاب ومرة كانت فى مشكلة قطعت الكهربا فترة قام عاطف جلى استعان بى جلقنى قام رسل ليهو تيم كامل حل المشكلة وطبعا جلى قشر بيها لى ناس الفتيحاب بصفته رجل يستغل المواقف
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: مين يستلم موضوع الكورة والتشجيع وحكايات الناس البيحضرو مباريات الهندسة من اجل الاستمتاع بتشجيع المهندسين أولاد وبنات سكرتيرات الدايات الدايات إلوم يا ركلسة |
انا حاادخل ليك الميدان الشرقى وبما ان حبل افكارى الان فى البرليم84 . حا ابدا من التاريخ دة كان يا ابوبكر كبير مشجعى الهندسة هو الاسطورة دريسة(الباشمهندس عبدالرحمن) وكان هذا الرجل يصل الى مرحلة الاعتدا على الحكام الظلمة وله غيرة شديدة جدا جدا على هذا الفريق الازرق كان معاه طارق زكى وايضا كان هناك علا عثمان الرجل الاجتماعى الكبير صاحب الفكاهة والهرج والمرج وكثيرون طبعا التشجيع باليوم الحار ما بندار يمكن ان تقول انو ازلى فى الكلية وورثته الاجيال حتى الان فى الوقت داك دريسة كان بقول يجو عايدين اولادنا المهندسين يا الله بال CONCRETE والT وال SET وبال LATHE MACHINE يا حبيبى نخرط شديد يا الله وكانو فى مباريات شمباتبقولو مشينا لى الشمباتة مرة ندمنا والله على مشينا حمار يهنق حصان يصهل كمان جدادم كاكا فينا وكاكا كاكا كاكا وكاكا كاكا وكاكا فينا الشمباتى زى البعاتى الريحة عفنة والخلقة شينا(طبعا قبل ما ندخل الجامعة الشمباتة كانو المنافس الخطير لهندسة وقبلهم كانت اداب لكن فى زمنا بقت اقتصاد وبالناس الاشار ليهم خليل قبل كدة) لكن نحن دخل معانا مارادونة هندسة الفنان المبدع محمد متوكل صاحب اللمسة السحرية واللعب الممتع والذى غنى له بعد ذلك ابوسمرة وايضا الحارس العملاق هشام السر(عتوقة) ويا خليل ما تلومو على الخمسة الدخلت فى المباراة ال ذكرتها قبل كدة الراجل شفنا تالقه بام عينينا وكذلك اللاعب القوى صاحب الروح القتالية هشام طه التحية لهؤلا العمالقة
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: الاسطورة ظافر عبده |
دة حقيقى ظافر عبده انا استعنت بصديق وبرضو ما عرفتو الدقن غيرت شكلو تماما. هذا الرجل من عمالقة الهندسة التحية له ولفردتو فى الشغب هشام civil (ظافر جمع الشطارة والظرافة) وتستحق جائزة يا احمد التجانى
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: بالله هو النشيد دة من زمنكم؟ الغريبة (وانتو فى عهد السفرة ) برضو بتاكلو فى العدس ؟ |
يا برلوم النشيد دة اناالعملتو وهو ما قديم شديديعنى ليهو زى 17 سنة بس وانت شايفك ما لاقى ناسك لكن انا خلينى افضى من العجايز ديل واعمل معاك حوار نسميهو ما ابعد الليلة من البارحة نورى التغييرات الحصلت فى الجامعة لكن لازم تعرف انو(كلام اخوك الكبير يصير يا حسنين) اما بالنسبة للعدس والفول فيا اخى مافى بركس من غير عدس وفول (صدقنى لو الدجاجة الصغيرة الحمراء بتاعة الابتدائى جات البركس كانت تبرات من الفول الى يوم القيامة) بس زمنا الفول معاهو خيارات تانية انتو امكن لقيتو براهو
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: أولاد وبنات سكرتيرات |
دة طبعا قديم بقولو لى ناس اقتصاد ومعاه كوم تراب ولا الاداب وقدرة فول ولا الاسكول وجزمة باتا ولا الشمبات........ متشكرين ومقدرين يا معلمات يا معلمين يا مدرسات يا مدرسين دة طبعا لى ناس تربية دة كلو كان قبل اناشيد ابوسمرة والخير وقبل انا وياسين زكريا ما نقول اللابس اللبنى جننى يا مريم يا مريم. ومشينا وجينا وجع قلب كية للمابينا وجع قلب دى جبناها ايام معسكر المساحة بتاع جبل اولياء وهى جلالات جيش
| |
|
|
|
|
|
|
Re: اليوم الحار ومابنداريوم الهندسة والمعمار (Re: عمر الحبر)
|
Quote: هؤلا مطلوب القبض عليهم لانهم شاركو قليلا وهربو كثيرا طالما انكم عندكم password لماذا انقطعتم محمد الصائم رباح الصادق خالد عثمان احمد القاسم حامد الصاوى عمر بوب امين عمر عثمان عثمان مالك حاتم الجد محمد الفاتح يونس امير عون ارجعو للبوست الله يرضى علبكم طبعا طارق بمبو ما ذكرتو لانو جاى جاى
عمر الحبر
انت قائل اي زول بعرف اكتب
الكتابة خشم بيوت
]
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
الحمد لله النبهتني يا خليل. لأنه الرسالة مشت الجنك ميل. أهي الصورة عرفت فيها و ليد قرود و أبو سمرة و سمير سليمان منصور الفلسطيني الطيب و عصام و طه النور. بالله يا خليل شفت قرود دا وجيه كيف... آي أول واحد على يدك اليمين في القاعدين:
| |
|
|
|
|
|
|
Re: اليوم الحار ومابنداريوم الهندسة والمعمار (Re: Elawad)
|
وصل هذا الايميل من الخلوق عماد عائد لتعديل الاسماء التي علي الصورة
For the first photo, the names are as follows:
Standing from left
1. Samir Suliman
2. Disogi Mohamed Ali
3. A/Aziz Abbas
4. Isam Alfaz
5. Hatim Algid
6. Gamal Alnour
7. Taha Alnour
8. Galal Suliman
9. Ashraf Shammat
10. Imad Ayed
11. X
12. X – Possibly Mohamed Ibrahim (Agriculture)
Sitting from left
1. Hitham A/Alla
2. Abu Samra
3. Waleed Garoud
BR,
Imad Ayed
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
الاعزاء رجب ومحمد عبدالرحمن تحياتي محمد: زمن طويييييييييييل. اعنقد اخر مرة شفتك فيها كان في منزل آل بشير مدني (احمد ومعتز) سنة كم ما بعرف.
رجب.. انت مصر تطلعني من الجحر؟ صاحبك محمد عبدالرحمن (دفعة 83) قال:
Quote: بعدين طارق أحمد خالد ده لا قدرنا و لاحاجة... يا اخى ده لمن نحنا جينا الجامعة كان إسمو طارق بولتون .... و بولتون ده أستاذ بتاع باوور إنجليزى نحنا ما حضرناهو...يعنى من زمن الإنجليز
|
مع العلم انو بروفسور بولتون درس في الكلية لحدي نهاية 85 وسافر اهلو في بداية 86. يعني يا ابو حميد انتا عاصرتو(من زمن الانجليز برضو) بس قول ما درسك لكن ما تقول ما حضرتو.
أقبض ..... في لحظة تجلي ونشوة هندسية صاحبك انفلت لسانو مدوياً:
Quote: تعرف دريسة ده ... مشينا نتمرن معاهم جنب داخلية النشر .... طردنا من التمرين مجموعة .. بحجة اننا لم ندفع معم فى شراء الكفر ....
|
عييييييييييييييك... دريسة الاسطوري دا دفعة 81. وكمان كنت بتلعب معاهو كورة؟ قلت لي ما حضرت الفراعنة يا ابو حميد؟؟؟؟ بالله يامحمد بلغ تحياتي القلبية للاخ ظافر عبده والسلام أمانة.
عارف رجعتني للزمن الجميل زمن إيريك بولتون وسمير غبريال . كمان قول دا ما حضرتو (يا دفعة -1) .
تحياتي لكم وفتحتو شهيتي للكتابة بعد غيبة.
طارق
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: الاعزاء رجب ومحمد عبدالرحمن تحياتي |
تعرف يا بمبو ذكرتنى اركان النقاش وعصرت محمد عصرة شديدة وثبت مبدا مهم لهذا العجوز المتصابى وهو انو رجل عجوز فيا امايعترف ويقر ولا يروق فى علبو. لك التحية يا بمبو انا عايز اعلق على الصور شوية وراجعلك
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: الحمد لله النبهتني يا خليل. لأنه الرسالة مشت الجنك ميل |
Quote: أهي الصورة عرفت فيها و ليد قرود و أبو سمرة و سمير سليمان منصور الفلسطيني الطيب و عصام و طه النور |
الصورة دى فيها عظما تجب معرفتهم اشرف شمت وجمال النور وحاتم الجد ودسوقى والجالس مع القرود وابوسمرة دة هيثم عبدالله
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: من اليمين : - أخو حسين مساعد - هشام علي - أحمر صلاح - خالد حبة - × - أنـا - حسين مساعد - × - نزار جعفر |
يا ابراهيم الزول الرافع يدو كانو رئيس دة ما ياسر ابصلعة دة لو فى وسام تعتيق كنا ادينا ليهو الراجل دفعة بمبو وقعد لمن رجاكم انتو
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
انا اعجز زول فى الصورة دى ومنى خميس اصغر زول وانت وجمال وايمن وهالة فى النص فى الصورة النزلتها قبل دى فيها صديق جيلانى ومنى وانا وايريا وهالة كظن شقيقة الدفعة ياسر حسن(كظن) وبالمناسبة دى التحية لصديق ومنى خميس ونقول ليكم عما قريب حا نعمل فى البوست حاجة خاصة للمهندسين المتزوجين مهندسات
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
بمناسبة بروفسور بولتون. زمان الهندسة كان فيها أساتذة معروفين على مستوى العالم. بولتون دا كان عمرو لما درسنا قريب ال80 سنة وعندو قصة حياة غريبة. عمل مهندسا في سلاح البحرية البريطاني ثم ترك الجيش وتحول ل"جنرال إلكتريك" وحضر للسودان وأشرف على تركيب محطة بري الحرارية. بعد حياة مهنية عامرة حضر الماجستير والدكتوراة ثم عمل محاضرا في جامعة مانشستر وتدرج حتى درجة الأستاذية.... ثم عمل بعد ذلك في الجامعات الأمريكية ثم جامعة لوساكا في زامبيا ودرس في جامعة الخرطوم علي مرحلتين ثم عاد لمانشستر في 86. عند إنتهاء فترة عمله عملنا ليهو حفلة وداع محترمة تأثر بها كثيراً. وبعد عودته أهدى مجموعة من الكتب لمكتبة الكلية. الغريبة رغم سنو الكبيرة كان بطلع السلم لحدي مكتبو في الطابق الخامس بنشاط أبناء العشرينات وما كان بستعين بأي مساعد تدريس في التيوتوريال.
الطريف إنو كان بستمتع بتجميع أوراق الجماعة "المترسين" من بعض ويقسمهم لمجموعات متجانسة حسب طريقة التتريس ويدبًس كل مجموعة مع بعض . وبعد داك يقسم نمرة الشخص "المترس منه" على باقي المجموعة يعني ممكن نصيبك يكون 1 من عشرة ويمكن نص كمان حسب عدد المترسين.
.... إزيك يا خليل. السودان الأيام دي منور بعودة مرتضى الطاهر الذي إستلم عمله الجديد بمصرف السلام. عقبال نشوفك معانا وللا طاب ليك المقام بي غادي؟.
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
يا سسسسسسسسسسسسسسسسسسسسلام والله البوست شعلل وكورته بقت في السماء فووووووق تذكرك طلعات ود المتوكل الاسطورية ووقفلات طلال وبهاء واري ايضا في هذا الابداع عتوقة وايمن وكوكة وكل فتية الهندسة الرائعين....
واصلوا ياهندسة ومارسوا جرجرة وجداننا ببساط ريح الي الزمن الجميل زمن ابو سمرة وطه النور ووليد زكريا والصادق فيصل وزمن ايزاك....
واييييييي ايييييييي اييييييييييي
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: ونشتاق الي كمال الشيخ رائد رواد الخضرمة والوست |
والله يا كيكى انا ابحث عن هذا الرجل بشدة ولم ارى فى حياتى شخص بستمتع بالوست وبمتع الجمهور زى الراجل دة. من طرائفه انو مرة جانى فى الاوضة وقال لى انا خليت الصعوط قلت ليهو ذنبك شنو الخلاك تسيبو قال لى كرهتو وبس قلت ليهو طيب خلينا نمشى نشرب شاى قال لى بطلتو قلت ليهو طيب الشاى مالو قال لى عشان لو فكرت ارجع ارجع للشاى ما ارجع للصعوط. التحية لهذا الكهل
| |
|
|
|
|
|
|
Re: اليوم الحار ومابنداريوم الهندسة والمعمار (Re: عمر الحبر)
|
Quote: دريسة الاسطوري دا دفعة 81. وكمان كنت بتلعب معاهو كورة؟ |
و الله يا طارق الكلام حرقك لمن طلعت من الجحر..... دى بالدنيا.... أما دريسة فقد كان ابا روحيا لكل البرالمة.....
الأخ ظافر من المتابعين لهذا البوست ...
أهداء لطارق بإعتبار معزته لدكتور معتصم: من القصص التى حصلت لدفعتنا مع دكتور معتصم إنو زميلنا الباشمهندس جهاد إسماعيل فى إمتحان مادة الباور فى السنة الثالثة فهم مسألة خطأ.... و قام بحلها حتى النهاية بفهمه الخاطئ ... بعد الإمتحان ذهب لدكتور معتصم شارحا وضعه فقال له دكتور معتصم أن هناك قصة تقول أن إثنين كان يركبان قطارا ... و كان هناك نفق ضيق جدا سيمر به القطار .... فقال أحدهم للأخر "Look out" فاخرهم الأخر رأسه من الشباك ليرى فطار رأسه...(و الكلمة تعنى أنظر فقط و لا تعنى اخرج راسك)...
يعنى الدكتور معتصم لم يريح صاحبنا جهاد ... بل أبلغه بان من يفهم غلط يمكن ان تطير رأسه ..... بعدين القصة بتكون جميلة لو تخيلت الطريقة التى يتحدث بها الدكتور ... و هو من أساطين السخرية
و التحية للدكتور معتصم ....و لللأخ جهاد
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
يا اخوة مافى زول قال لى الله يساعدك فى موضوع اليوبيل الفضى ل83 اذا انا قررت انو يكون فى اول سبتمبر وبدات الاتصال فى هذا الشان بى خالد الشهير وحا اتصل انشاء الله اليوم باحدرجال الشرقى وصمام امان فريق الهندسة واحد الابطال العمالقة .الرجل المحبوب طلال محمد حامد وله التحية
| |
|
|
|
|
|
|
Re: اليوم الحار ومابنداريوم الهندسة والمعمار (Re: عمر الحبر)
|
Quote: يا اخوة مافى زول قال لى الله يساعدك فى موضوع اليوبيل الفضى ل83 اذا انا قررت انو يكون فى اول سبتمبر وبدات الاتصال فى هذا الشان بى خالد الشهير وحا اتصل انشاء الله اليوم باحدرجال الشرقى وصمام امان فريق الهندسة واحد الابطال العمالقة .الرجل المحبوب طلال محمد حامد وله التحية |
طبعا يا الحبر الاعظم
انا عندي راي انو ناس 83 اظرف من مر علي الكلية
بعدين ناس 85 بعدين ناس 87
حسب استفتاء اجرته مجلة النيوز ويك
| |
|
|
|
|
|
|
Re: اليوم الحار ومابنداريوم الهندسة والمعمار (Re: Mohamad Shamseldin)
|
Quote: من الصورة الفوق دي عرفت : - الصادق فيصل - وليد زكريا - محمد الفاتح يونس - مصطفى بتيك - وطبعا ابو بكر عثمان |
يا أبوخليل تجلى شنب الدين كلو
Quote: كيكي واخيرا
ظهر هاشم كونسايدر في احد الصور |
رأيك شنو يا خليل و يا كيكى جبناهو ليكم فى صورة تانية
طبعا الصورة دى إثبات لانو فك حمد حماد من يوم التخرج ... جا قعد جنبى انا و معز و ورانا أنور ... محل الونسة و الضحك .. و ها ها ها ...و قلت لى ....
| |
|
|
|
|
|
|
Re: اليوم الحار ومابنداريوم الهندسة والمعمار (Re: Mohamad Shamseldin)
|
Quote: طبعا الصورة دى إثبات لانو فك حمد حماد من يوم التخرج |
هلا يا ابوحميد ودي ونسة الشديد القوي ذاتها الخلت كونسو يفك حمد حماد عكس الهواء ويجي يقعد معاكم وتحياتي الحارة لهاشم كونسايدر فقد كان قمة في المرح واللطف..
ويا حبر معاك يد بيد في موضوع اليوبيل ده واقترح ان يقسم العالم ده لقطاعات وفي كل منطقة يكون في فوكل بوينت لزوم الرصد والمتابعة..وانت ابداء واحنا خلفك تماما مثلما كانت الهتافات والهدير الهندسي في الميدان الشرقي.. ... ويامحمد شمس الدين ياخي حنفي وين ياخي؟؟ انا له بالجد لمشتاقون
| |
|
|
|
|
|
|
| |