|
Re: اليوم الحار ومابندار يوم الهندسة والمعمار (Re: نازك يوسف)
|
حاج علاء
تعرف النت وصل لحدي عنقريب حمد الشبكه العنكبوتيه لقت بيت عنكبوت في العنقريب قامت رجعت لأنها إفتكرت المنطقه فيها تغطيه المهم الحكايه إتشربكت شديد حمد مشي اشتكي شركة الاتصالات الشركه قالت هي ما مسئوله لأنها عندها شبكه في العنقريب العنكبوت قال الشبكه حقتو و ما عندو علاقه بشبكة الشركه القاضي رجع للعقد لقي مافي توصيف دقيق للشبكه المستفيد الوحيد سيد العماره لما لقي الحكايه كلها عنكبوت في عنكبوت فتح بلاغ في حمد بحجة تأخير التنفيذ قامت المحكمه حكمت ليهو بتعويض
نازك
إن للعنقريب مرق و ملة و كراب
| |
|
|
|
|
|
|
Re: اليوم الحار ومابندار يوم الهندسة والمعمار (Re: نازك يوسف)
|
هشو،،،
Quote: ادارة حمد للمقاولات من العنقريب حاجه تحير قرينا خمسه سنين فى الكليه ما جات فيها سيرة العنقريب ولا احتمال نكون دكينا لكشر العنقريب |
لا لا ياخ،، ما دكيتو ولا حاجة،،،
بس،،
دي مهارات ما بعد الكلية،، والخروج للحياة العملية ،،،،
لازم يكون فيها نوع من الإبتكار والإضافات ،، زائد الإخدتو من الكلية ،،
تطلع مهندس ،،،
كدة
| |
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
أمس قلت أتصل عشان أبارك ،، وأطمئن على اللافتة .. والحضور ...
النتيجة كانت كالتالي:
- إتصلت على حاجة تهاني البير ،،، لقيتها في البيت ،، قالت ما مشت العرس عشان هي بطلت تمشي الحفلات ،، عاوزة تحافظ على الحجة ،،
- إتصلت على حاج حمد ،، تلفونو مقفول ،، قلت إذن هو كمان محافظ على الحجة .. وقرر ينوم من بدري (رغم إنو الحاصل كان غير ذلك ،، كما سيرد)
- صلاح مختار ،، جرس لمن فصل .. مافي رد ،، قلت يمكن في نص الحفلة ما سامع التلفون ( رغم إنو الحاصل كان غير ذلك ،، كما سيرد)
- قلت أضمن حاجة أجرب باقي الكدايس ،، أكيد في يوم ذي ده ما بيتخلن عن صاحبتن ،،
وبالفعل ردت على آمنة ،، ومن نص الحفلة ،، ما سامعاني ..
- رنت على بعد نهاية الحفلة مباشرة ،، وبالرجوع إليها ..أخدت الشمار ،،
قصدي الأخبار ،،
| |
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
بعد المباركة للعرسان ،، نيابة عن كتيبة اليوم الحار بالخليج ،، عشان أنا بمثلهم في كل شئ حتى جمع التبرعات (ده توكيد للمعلومة ،،)
عرفت من آمنة إنه اليوم كان جميل ،،
والحضور هم: - حاج علاء الدين ،، - طاخ ،، - حاج حمد ،، - برة ،، - وبرة ،،
تفاصيل أوفى من علاء الدين وحاج حمد ،،
خليكم قرااااب ،،
| |
|
|
|
|
|
|
Re: اليوم الحار ومابندار يوم الهندسة والمعمار (Re: علاء الدين محمد بابكر)
|
السلام عليكم
Quote: الغريبة انا شاركت سارة في عرسها، وانتظرت لامن البيبسي اندلق (وش فتان)، ومرقت سريع عشان احصل عرس (عمر)...
|
يعني انا مشيت العرس الغلط عشان كده ما عرفت الناس !! بعدين موضوع البيبسي ده شنو ؟؟؟
بتجدع في الكلام قصدك شنو ؟؟ سريع سريع
...
صلاح مختار تحياتي
انا عاوز اعرف ... انا شغال بياتو شبكة ؟؟؟ عنكبوت ولا سوداني ؟؟ عشان الشبكة عندي تقيلة
| |
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
سلامات يا ناس وعام سعيد للجميع .. وشكرا لكل الذين ساهموا فى وجود واستمرار اليوم الحار او لعبوا دور بطريقة او باخرى .... ودعونى اكتب من هنا لـ خليل كيكى ابراهيم الحبر حمد تهانى علاء طاخ هالة سارة هشام صلاح صلاح خطاب امنه ابوهريره وديدى ياسر التجانى سحر نازك وكل من فاتنى ذكره من اعضاء المنبر الغائبين منهم و المواصلين وجميع خريجى واساتذه و موظفين و عمال هندسة الخرطوم > واقول باعلى صوتى
كل سنه وانتم احلى و اجمل ناس
| |
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
السلام عليكم وكل سنة تامين ولامين ... يا لفحو حتى العام الجديد ما فيهو طريقة ؟؟!! كل سنة وانت والعيال بصحة وعافية .. الكوتش كل سنة وانت واعضاء اليوم الحار اجمل ما تطول الغيبة .. تحايا خاصة لبناتنا د تهاني هالة امنة العروسة سحر نازك والغائبة عايدة ... يا امنة ان شاء الله السنة دي احسن من الفاتت ( دي تمنيات خاصة ) .. الوليد القرود قاعد في السودان نسوي شنو ؟؟ الاقتراحات سريع سريع .. شباب اليوم الحار حجاج اليوم الحار كل سنة وانتم بالف خير .. تحياتي لكل متابع لليوم الحار فانتم الروح التي تدفعنا للكتابة كل سنة وانتم بخير ( كل من اراد المشاركة ارسال ايميل في ايميلي [email protected] )
| |
|
|
|
|
|
|
Re: اليوم الحار ومابندار يوم الهندسة والمعمار (Re: نازك يوسف)
|
بع مانتهت السنة الجديدة والناس ابتهجت وناس اتمغست ونومنا..صحيت الصباح فتحت الأخبار لقيت ناس امريكا دابهم 2011 وصلتهم.. اندهشت كعادتي.. وعرفت السبب انو امريكا ليها قادرة علي العالم..
الإنسان رخيصين ينتظرو ليك دول العالم كلهم يكشفو ورقهم..وبعدين هم يلعبو اللعبة الصاح..
تعرفو عشان نتفوق عليهم، نمشي نسكن وراهم..وننظرهم يكشفو ورقهم..وبعدين...........زززززز.....................................................................................................................................................................
.................... نرقد ننوم.
وكل نومة وانتو طيبين..
| |
|
|
|
|
|
|
Re: اليوم الحار ومابندار يوم الهندسة والمعمار (Re: الخطاب مساعد الماحي)
|
الرقم المميز دة طبعا حارق ناس لفحو الكاشف وعشة اختو حراق شديد..
والله انا لو كنت عارف كدة ما كنت طلعت اليوم دة زاتو..
Quote: البركة بال( ) طلة يا حاج مهند |
Quote: مالكم عليهو يا جماعة صغير وساطل |
خطاب اولا ان شاالله لقيت خلا بين البحرين..
تانيا عشة دي كانت ختت (س) بين القوس كان تكون قاصدة زول عديييل كدة....
قطع شك (صلاء)...
| |
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
حاج مهند،،،
Quote: واندلــــــــــــــــق البيبســـــــــــــــــي.. |
لماذا لم تكمل الشمار ...؟؟؟
طبعاً انسب زول لاكمال الشمار (طاخ) أو (برة التالتة) لقربهما من موقع الحدث لكن ولغياب الاتنين اكمل ليكم أنا....
ونحن قاعدين (برة)عن يميني و (طاخ) عن يساري... وحاج مهند وسامية في الجهة الاخري من التربيزة وفي ونسة خاطفة بين طاخ وحاج مهند...وانفعالة صغيرة من طاخ في الونسة وإذا بالبيبسي يندلق على شخصي ويبهدل الدنيا... اصيبت برة التالتة وطاخ باضرار طفيفة...
وأنا هسة في انتظار القروش (حسب رواية طاخ دلق البيبسي معناه قروش جاية في الطريق) اها يا هومي الصندوق وصل كم..؟؟؟
| |
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
نقلا عن بوست آسيا ربيع_المنبر العام
قصيدة جديدة مُوندوكورو
شعر : هاشم صديق
(1) مُوندوكورو وانا انفصلتَ وانقسمتَ عديل - ياميرى - قبال الجنوب 00000000 00000000 عشرين سنة وجوايا مندلعا الحروب0 هلكان مقطّع بين مشارق وبين غروب 0 جواى شمال واقِع شَرٍق جواى جنوب ضهبان غَرٍب 00000000 ناشونى ما فَضّل سهم سامونى ذى زفة بَهَم نشلونى فى حبر القلم 0 عصرونى لاذوق 00 لافهم حِس الفرح جوايا نِضِب 0000000 مُنشار اكل فينى وشِرب 0 جلدونى ما قالو الرقم كِمْلَتْ على ضهرى وعَضَاى كل ( الجداول) فى ( الضَرٍب ). 000000000 000000000 000000000 مُوندوكورو زى التقول أنا ما أنا حتى الزمان والأمكنة مشهد ( كريسماس ) و ( راس سنه ) سحر الطقوس الممكنه 0 اتهدّا حيل شَرَف الغُنا جمحت خيول العكننه0 الجوع سكن غُرف الحشا (الدهشة ماتت ) مُدهشه0 عِشق القدم لَسع الحفا0
0000000 0000000 دار الزمان لف الروييس عصف الهوان ِلمس العذاب كتف السما0 00000000 وأنا 000 ما أنا0 (2)
ضاق براح(2) طول المسافة بين لهب غُبن القصيدة وبين زناد البندقية 00000000 الثورة فى رفّ المتاحف0 القادة زاحفين زى سلاحف الوالى مزّق للمصاحف والأُمة فى حمى الأذية 000000000 أدينى يوم وطناً مُفَدّا شديهو فى سرج المخدّه أدّى خيل أحلامى دفرة0 خلى يا روحى الحوافر تطوى ظلم الليل تسافر لى فوانيس المجرّه وبين شفايفك والمسره أطفى كم جرحاُ وجمرة وادفا من تلج العشية 00000000 أدينى يوم وطناَ موالف ينقذنى من جنّ الخواطر ومن تباريح المعارف ومن مراجيح المخاوف 0 00000000 أدينى يوم وطناً شفيف يحمينى من حمى الرغيف يرحمنى من نصل الرصيف (حزن الحقايب ) والنزيف0 من شرود قدم المسافر من مناجاة المنافى ومن دموع سفر الوداع ومن شبابيك التذاكر ومن قطار المغربية0 0000000 أعذرينى أصلى ما بعرف شنو الفرح الموالف الا بس لهب المسارب والمواقف0 (3) منو السرق البلد والقوت ؟!! منو الخَزّن شوال السُكّر المكبوت0 (عيش الكِسرة) (المكرونة) و (الشاى) وحتى قماش كَفن للموت0 00000000 وكم كضاب خطب فى ( الرادى ) و ( التلفاز ) وكان فى أصلو ( زول هلفوت )
000000000 000000000 شوفو الخُلعه يا صابرين قوت الشعب أصبح لعبه لو بالجمله أو فى (بقالة ) أو ( كنتين ) ناس أهل الله خشّوا السوق وسابو الدين 0 تمام فالحييين 00000000 وانت تهاتى يا مسكين 0 بين ( زقلونا ) و (الشقلة) و (الحارات ) بين (المية ) و (السبعين ) . عُصار ساكيكْ تقول ( هايس ) ما خلاك تقيف تِنجمّا فى ( الكاملين )0 00000000 00000000 انت كمان أخير (تِسَْتفتا ) فى حالك تسوى شنو ؟! تَقبّل وييين ؟!! 00000000 وكت (ضاقت بما رحُبت) وفات صبرك عذاب ايوب تفوت لى وين ؟! تهاجر من شمال لجنوب ؟! تفوت لى ( واو ) تسيب ( حنتوب ) ؟!! بدل ( شايقى ) تصير ( زاندى ) ؟!! تكون ( دينكا ) وتسيب ( جعلى ) ؟!!! 00000000 تقول الروووب - انا مهاجر مسافر من ديار أهلى لا لى ( كندا ) لا ( لاهاى ) لا ( للدوحة ) لا ( سدنى )؟!! أنا استفتيت براى حالى مشيت لى (نّومولى ) بى كرعى ؟!! 00000000 هجرت العِمة والطاقية والمركوب. اتسلفت من (سِلفا ) كمان كسكته بالمقلوب . لبست البدله واتفنجرت بى كرفته واتعلمت عربى جوبا0 لا ذاكرتو لا مكتوب0 00000000 واتبدّل عديل الحال بقيت مسؤول فى بير بترول بدل (حسنين ) بقيت ( ملوال )0 00000000 موندوكورو قَلِب أباهو ما يجينا ولا نجيهو 0000000 ما ندورووو0 (4) جابت ليها (3) يا عبد الله كتاحه0 00000000 زيطه وعرضه ذكّارا وشكّارا دق نُقارا مداحين وطمبارا0 0000000 بلد واقع وده الواقع0 بُكره القسمه والتقطيع0 قص الخرطة والتطبيع مافى ( خلاص ) ومافى شفيع 000000 جرايد شوفا طشّ وطاش ودنيا غباش0 صف كورس من الغُربان صِبِح هتيفه فى الأعشاش0 000000 مسّاحين من الأقلام من الأقزام 0 و000 ترزيه فنانين فى قص الكضبه فوق للرُكبه0 و000 غنايين ورقاصين ( هنود أفلام)0 وجزارين محترفين فى قطع العيش وعميانيين0 حطابين يجزو هواك بضربة فاس 000000 000000 شوف الكتمه يا عبدالله زول الله 0 قِل المويه موت النسمة دمع البسمة عدم الزاد0 00000 شوف أوجاعنا كيف صِْبحَت نبيح ومزاد0 شوف واعقل باسم الرب أيا عبدالله كيف ( اتسنسروا) الآيات وكيف اتباقصت أوراد0 00000 حفرتو غريق نشفتو الريق دقيتو الطبلة وشلتو الناى0 قفلتو دَغَشنا بأكبر طبلة زقتّونا كلام فى كلام وصالح عام بقينا زباين ست شاى0 00000 قاضى المِلة باع اتراحنا يا مولاى واتلفّتَ يا عبد الله زول الله جاى بى جاى لقيت حتى المثل مقلوب - الحداس صِبِح سوّاى اتشنقلنا جوه وطنّا اتظلمنا للقاضى شال الباقى واتحاكمنا راح ( فايل ) المظالم ساى0 000000 مسكين الشِعِر مكسور وكت صبح الوزن لافتات0 مسكينه الصُحف سوّت نشاز( ناس هاكا) زى (موزارت ) مسكينة الرفوف بى حالها كان لحسوها كم نصّاب 000000 عفيت منك حيلك لسه يا عبدالله ماشاالله ما رفّس وفَتْفَت مات وما أغناكْ بالقرشين والعراقى والسروال وجُغمة روب وكيس تمباك0 وما ابهاك وانت تشابى للجايات وما اتحسرت لى رايحات وماهماك . ما اقواك 000000 (5) كمْلت سنة سفّاية من حلق الرماد لو كان شرح قلب البيوت قمرا مِصَنقر فى جواد أو نَقْرَش الوتر اليتيم وصّحا عين0 أو رنّ حافر فى خواطر وقمنا من صوم الرقاد0 أو انكسر طوق الكدر وردمنا فى السكه الحُفَر ووقفنا فى وش الخطر كنا0000000 كان000000 صار00000 وغسلنا ذُلنا فى المطر0 0000000 0000000 الا العشم مرات يفرفر فى العدم الشمس تشرق من نغم0 (التيمه) تطلع من ألم 0 الدنيا ترجع للنظر فى شعّه من ومضة وتر0 0000000
(6) كل عام وانتى غيمه تبارى نيمه فى حوش غلابة0 كل عام وانتى وردة فى حُضن عروة وطيره حره تناجى غابة 0000000 0000000 كل عام وانتى لمه وحوش وحاره0 صفقه عرضه ولمبه خضرا على الاشارة0 كل عام وانتى صاحيه وبت شطارة وكلمه طيبه وبشرى ساره. 0000000 0000000 كل عام وانتى شارقة وناضرة مرجيحه وضفيرة0 كل عام وانتى طوق الزفة فى غضب الدميرة كل عام وانتى نخلة فَراش ونحله وصوت بِيهدر فى مسيرة0 15/12/2010
الهوامش :- 1) مُوندوكورو ( تعنى " شمالى " عند أبناء جنوب السودان ) 2) من قصيدة ( شمال شرق الوسادة 000 جنوب غرب اللحاف) 3) من قصيدة ( مرجحية )
| |
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
السلام عليكم .. امنة شمار البيبسي ناقص البيبسي اندلق مرتين المرة الاولى عمل لامنة نفسيات جزئية اما المرة الثانية كان total loss للنفسيات وللفستان الانيق الفستان لوتو كبدي وهي غالطتني في اللون !! فاصبح الفستان لا لون له !! المزيد من الاخبار غدا خليكم قرااااب ( بتاعت الكوتش ! )
| |
|
|
|
|
|
|
|