|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
فضل العمل في عشر ذي الحجة ..
عن ابن عباس رضي الله عنهما قال: قال رسول الله صلى الله عليه وسلم: (ما من أيام العمل الصالح فيها أحب إلى الله من هذه الأيام ـ يعني أيام العشر ـ قالوا: يا رسول الله، ولا الجهاد في سبيل الله؟ قال: ولا الجهاد في سبيل الله، إلا رجل خرج بنفسه وماله ثم لم يرجع من ذلك بشيء) [رواه البخاري].
| |
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
Quote: قدر ما حاولت ادخل صفحة (المطوطش مر من هنا) ما لقيت طريقة وبنرحب بالعضو الفخري محمد بن عبدالرحمن محمد
|
Quote: ونرجع لي موضوع محمد عبدالرحمن .. وين الزول ده غايب |
عارف يا (ليون) واوالمطوطش دي لو قلبتها راء تبقى أحرف ليون في غابات كينيا والملايو وافريقيا ذاتو!!!! نشكركم على الترحيب الحار وكذلك على فقدكم (للمطرطش)!!! فقط غبنا لأننا أهدينا أغنية ل(البُرّات الثلاث) ولم تعبرنا أي واحدة منهن حتى ب(مياو)!!
| |
|
|
|
|
|
|
Re: اليوم الحار ومابندار يوم الهندسة والمعمار (Re: محمد عبدالرحمن محمد)
|
المطرطش ،،
قصدي محمد عبدالرحمن ،،
Quote: فقط غبنا لأننا أهدينا أغنية ل(البُرّات الثلاث) ولم تعبرنا أي واحدة منهن حتى ب(مياو)!! |
ياااا حليل البُرات الثلاث ،،
غايتو في برة واااحد ما مقصرة ،، وبتجي تتاوق مرة مرة أملا في ظهور البُرتين الأخرتين ،،
إنت صحي وين كنت غائب ،، شفقتنا عليك ،،
قلنا ما تكون انت برضو من ناس إكتمال البتاع داك ،،
| |
|
|
|
|
|
|
Re: اليوم الحار ومابندار يوم الهندسة والمعمار (Re: صلاح ليون)
|
Quote: ياااا حليل البُرات الثلاث ،،
|
الحَصَلِّهن شنو؟ (كلِّي آذان صاغية للشمار والحرجل والحمريب!!).
بس أوعى تكون لمّت فيهن حبوبتي بت ابراهيم أصِلا عندها تار بايت مع بُرّه صاغها خالي حسن الدابي في واحده من فكاهياتو: خلفيه: زمن قديم يمكن معظمكم ما حاضرنو [شاكي فلانه ديك ممكن تكون حاضراهو!!].. المناسبه: حبوبتنا بت ابراهيم جابولا ربع كيلو لحم (أنعم به من ربع كيلو) والمفروض تعمل منو كمين صنف [قشره وصويحباتها يمتنعن عن التعليق!].. الحادث: في غفلة من حبوبتي بت ابراهيم سطت [بُرّه]، لاحظو أنا ما قلت اسمها بيبدا بي آمنه ولّا غيرو، على ربع الكيلو.. بعد اكتشاف فعلة بره: بت ابراهيم قادت حمله معضدة ببناتها يطاردن بره [من غصنٍ لغصنِ]! ثم: ضاع البحث هباءً منثورا!! خاتمه: واسى الخال [حسن الدابي] بت ابراهيم [حبوبتي] بي هجائه ل[بره]: تَسِرْقي ضَحَا ونِهار يا بُرَّه مالِكْ؟ لا الطير انعدم لا الفار غلالِكْ!!! __ أقول قولي هذا وأرجو عدم الخربشه!!!
| |
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
Quote: الليلة ووووووووب ،، (بتاعة بت الشيخ)*
|
Quote: ____________ * حفظا للحقوق ،،
|
يجازي شيطانك يا ابراهيم!! يعني فشان [هددتك] المره الفاتت إنو [الووووووب] دي تبع بهناك؟ عالم جباانات بشكل! بي مناسبة ال citation في واحد من الكورسات [تاريخ الولايات المتحده] طلبت مني المُدرِّسه مقال عن الفتره بين سنة كذا وكذا. يلا يا خينا لميت ليك في المراجع [معظما من النت]، كوبي-بيست، كوبي-بيست! لما شفت المقال الأنا كتبتو [أقصد بيَّستو] اتكيفت خالس وقمت سلمتو لي سكرتيرتا. المحاضره الجايه وأخوك [ماادي كرعينو]، دخلت هادمة اللذات دكتورة [كيت]- كيت دا اسما! مستر محمد كتب مقالاً ضافياً عن تاريخ الولايات المتحده في الفتره ما بين كذا وكذا وجهده مقدر، لكن يا تلاميذي [نحن تلاته بس!]، لن أستطيع منحه حتى [سي] ذلك أنه لم [يخت] مراجع و.. اضطررت أن أدرس هذا الكورس مرة أخرى!! ---- كدي شوفو:
http://www.ehow.com/
| |
|
|
|
|
|
|
Re: اليوم الحار ومابندار يوم الهندسة والمعمار (Re: صلاح مختار)
|
Quote: ياخ دي [آخر] مره أجيكم هنا، عالم كسالى وعاملين فيها كلكم مشيتو الحج!! |
بس ما تمشي الأحفاد...
Quote: أنثى الجردل
الحمدلله ما [أنوفيليس]! ويكفيكم الله شر الملاريا. |
طبعا في علاقة وطيدة..
لمن تضرب (انثي الجردل) بتبقي زي (الطايرة) ليك حمي في راسك من الملاريا..
يا خ ما قلنا ليك ذاكر كويس..
| |
|
|
|
|
|
|
Re: اليوم الحار ومابندار يوم الهندسة والمعمار (Re: صلاح مختار)
|
Quote: بيعتمد علي إنك بديت الشويه من وين. |
يعني اشرح ليك كلام صلاح مختار شوية..
لو برة بدت الشوية قبل المداخلة بتكون مداخلتها جات بعد شوية وبالتالي هي رجعت وانت ما لاحظت.. أما لو آمنة قشرة قالت انها حا ترجع بعد (شوية) بعد المداخلة بتاعتها، ففي الحالة دي حا ننتظر السيد (شوية) يجي عشان ترجع بعدو آمنة..
أما إذا قالت................... .................. ............... فهمت ولا أرجع ليك بعد شوية؟؟؟؟
| |
|
|
|
|
|
|
Re: اليوم الحار ومابندار يوم الهندسة والمعمار (Re: صلاح ليون)
|
سلامات
الليون ياخوى شايفك حسمت موضوع السودان الحيكون
انت عارف قصة الانفصال دى حتخلينا ننقح جغرافية السودان الفى راسنا
مافى تانى حاجه اسمها اكبر دوله فى افريقيا ومافى تانى يجاور السودان 9 دول ومافى تانى تتعدد المناخات فى السودان ومافى تانى يمتد السودان بين خطى 3 و22 ودا غير التغيير الديموغرافى
| |
|
|
|
|
|
|
Re: اليوم الحار ومابندار يوم الهندسة والمعمار (Re: محمد عبدالرحمن محمد)
|
صلاح الشغلانه جاطت علينا الموضوع دا كبير وفيه تفاصيل كتيره جدا" ماموضوع خط حدود دى ذاكره بتاعة اجيال حتتغير نحن قومنا على ثقافة انا واخوى ملوال كل واحد قال مافى شمال بدون جنوب ومافى جنوب بدون شمال كلنا اخوان حيحصل تغيير كامل فى كتب الجغرافيا والاطالس
Quote: بس بيني وبينكم ،، فرمالة المليون ميل مربع دي ،،
غير الهواء ما لاقين منها شئ ،، |
وما تنسى 200 مليون فدان صالحه للزراعه يارب حتكون كم
| |
|
|
|
|
|
|
Re: اليوم الحار ومابندار يوم الهندسة والمعمار (Re: علاء الدين محمد بابكر)
|
نحنا برضو ماشين في الطريق.......
Quote: خلف الحربي
كلها عام، عامان، قولوا خمسة أعوام بالكثير، وتصبح عملية استقدام الخادمات والسائقين مسألة عسيرة جدا، فالأنظمة الدولية ومنظمات حقوق الإنسان العالمية لن تتركنا على حالنا نشغل الآنسة الآسيوية التي استلمناها من المطار قبل ثلاث سنوات ووضعناها في البيت ومن يومها وهي تعمل دون توقف لا تغادر المنزل إلا كي تحمل أكياس المدام في السوق! هذا الكلام "ما يمشي" عند جمعيات الحقوق المدنية التي بدأت تفرض حضورها في جميع الاتفاقيات الدولية، هم قوم لا يقيمون وزنا لعاداتنا وتقاليدنا، خصوصا بعدما أجرينا تعديلا طفيفا على المادة التي تقول: "المرأة لا تخرج من بيتها إلا إلى القبر" لتصبح "الشغالة لا تخرج من بيتنا إلا إلى المطار!" الجمعيات الدولية ستضغط لإلغاء نظام الكفيل بشكله الحالي وستطالب بإجازة أسبوعية للشغالة وساعات محددة للعمل، وستصل هذه الجمعيات والمنظمات الدولية إلى هدفها في يوم من الأيام، فنحن جزء من العالم وليس لدينا استعداد للعيش على سطح المريخ، كما أننا باسم الله ما شاء الله "شغالين تواقيع" على جميع الاتفاقيات التي تحارب الاتجار بالبشر وهذه التزامات دولية وليست مثل تعهداتنا للشباب في الاستراحة! وهذه المنظمات الدولية يديرها رجال ونساء قساة القلوب ليس لديهم أدنى استعداد لأن يتفهموا ظروفنا الصعبة حتى لو قلنا لهم إن "أم سعود" معلمة تأتي مرهقة من العمل وتحتاج أن تنام حتى الخامسة مساء كي تستعيد وعيها، بينما يصل "أبو سعود" من العمل في الثالثة عصراً وهو في حالة من السعار قد تدفعه لالتهام أحد أطفاله إن لم يجد "الكبسة"! لن تتفهم هذه المنظمات الدولية أن (سعود) وإخوته، حماهم الله من العين، يحتاجون الخادمة طوال ساعات اليوم للملمة ملابسهم وكتبهم المدرسية المبعثرة أو لفض الاشتباكات التي تنشب بينهم فجأة بسبب عدم الاتفاق على برامج التلفزيون! كل هذه الاعتبارات الإنسانية الملحة ليست لها أية قيمة في مقاييس هذه المنظمات التي تدعى الإنسانية! هم يحسبون أن حريمنا مثل حريمهم والعياذ بالله، ويظنون أن ظروفنا مثل ظروفهم ويعتقدون أن البشر الطبيعيين، حتى لو كانوا أطفالا، يستطيعون القيام بحاجاتهم الأساسية، ما هذا الكلام؟ نحن ناس أصحاب خصوصية، ولا بد من استثنائنا لأن طريقتنا في العيش تختلف عن بقية عباد الله! ولعل أفضل طريقة تمكننا من إبقاء الخادمات في البيوت لمدة خمس سنوات متواصلة دون أي يوم إجازة هي أن نبتكر نوعا جديدا من الزواج نسميه "زواج الاستقدام" على غرار المسيار والمسفار...وهكذا ننقذ الأمة من الضياع، بحيث يتزوج رب الأسرة الخادمة فلا تستطيع أكبر منظمة دولية في العالم أن تنبس ببنت شفة! صحيح أن مثل هذا النوع من الزواج سوف يغير وجهات الاستقدام من شرق آسيا إلى آسيا الوسطى تحقيقا للوسطية، ولكن "أم سعود" لن تستطيع أن تحتج أو حتى تنبس ببنت شفة، مثلها مثل المنظمات الدولية، لأن عدم وجود شغالة يعني بالنسبة لها النقطة التي يسمونها "نهاية العالم"! المشكلة الوحيدة في زواج الاستقدام لا تتعلق باحتمال أن تنجب الشغالة طفلا أشقر خاله يدعى "حميدوف" فهذه مسألة يمكن حسمها من خلال شرط يوضع في صدارة شروط هذا النوع الجديد من الزواج، بل المشكلة كل المشكلة لو كثفت هذه المنظمات الدولية جهودها لتشمل السائقين الآسيويين في البيوت وأصبح زواج الاستقدام حلاً وحيداً لإبقائهم مستنفرين طوال ساعات اليوم... حينها سوف يصرخ أبو سعود: "يا للعار...أنا خال كومار؟!"
|
| |
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
تساءلنا من قبل عن طارق الكوشت ،، وأختفائه المريب ،،
الليون توقع ظهوره مع إكتمال البتاع ،،
الهناي لم يكتمل (وجهة نظر ،،) والكوشت لم يظهر ،،
بصراحة ،، قلقنا عليه ،،
إتصلت عليه والحمد لله لقيته بخير ،،
سفرية طارئة وسريعة للسودان ،، بسبب ظروف مرض الوالد .. والحمد لله قال والده هسع بخير ..
يرسل تحياتو للجميع ،، ويعتذر عن عدم الإتصال ..
| |
|
|
|
|
|
|
|