الليلة من الصباح شبكة نت عدم الضهر مشيت لقاوة (لقاوة .. حلاوة)
جيت لقيت الصفحة المئوية جات وفاتت وسارة جات واستقطبوها وعمر البشير داخل يوم الاثنين (انت يا ابراهيم ما كنت شعبي ووطني.. مالك ما جبتو معاك) ومنو مع منو ما بعرف قطعوا في منو وقالوا شنو كدة حمامة طايرة وسحر ما لقت ليها محفظة تاني وهشام دخل عمل ليهو حركة انا لي هسة ما عارف ليه وحاج علاء شال الوحش وصور موبايلو.. (هالة سريع تعالي شوفي الوحش وجيبي هناية وصاحبتك) والكوتش كان خالط في الغربي وهندسة لاعبة في الشرقي(دي مني براي .. ما لقيتا في الصفحات) وسارة بقت تغسل الشغل باخلاص .. لما الكوتش قاليها شغلك نضيف وابراهيم بجهز لاسيل وهناي اعتذروا ليهو وما عرفوهو بعد داك هو منو وايييك . والسنو سنو
01-11-2010, 11:58 PM
الخطاب مساعد الماحي
الخطاب مساعد الماحي
تاريخ التسجيل: 08-09-2009
مجموع المشاركات: 576
انا جيت تعبااااااان وماشي انوم .. اعفوا لي المشكلة اني بكرة ماشي كيلك.. (ما يقوم واحد يقول لي انت زي الفاصل المداري) نجي بكرة نشوف ناس هشام وليون وقدورة .. في البنشات واللا غيرو حتتهم اها ابقوا عشرة على الوصية
يعني شنو ابقوا عشرة على الوصية؟ (يعني شنو) بمعنى (يعني شنو) .. ما قصدي بتستخدم وين واللا كيف
01-12-2010, 06:05 AM
حمد محمد احمد
حمد محمد احمد
تاريخ التسجيل: 11-12-2008
مجموع المشاركات: 1196
Quote: هالة انقي شعيرهم معناها اعصرهم لما يجيبو الزيت وبالليل الواحد ينوم واقف على طولو قبل ما يصل السرير وما يكون حاسي لا بي كرعينو لا بي يدينو ( كلو مخدر ) ..
قالت ليك الليلة الا دعم لوجستي لانو بيرك في المستشفى بيجيب في الحقن وبدفع في القروش .. اذا قالو ليك جيب اي حاجة لازم تدفع الطفل الصرف عليهو ببدا من هو بطن امه والولاده برنامج والتربية برنامج والقراية تلاتة برنامجات !!!
01-13-2010, 09:19 AM
حمد محمد احمد
حمد محمد احمد
تاريخ التسجيل: 11-12-2008
مجموع المشاركات: 1196
حقو الناس يعملو مقارنة بين الطفل اليوم منصرفاته طريقة تربيته العابه وهواياته العوامل المؤثرة عليه ( نت . افلام كرتون . بلاى ستشن .. الخ مع ملاحظة عدم وجود الحبوبة )
Quote: حقو الناس يعملو مقارنة بين الطفل اليوم منصرفاته طريقة تربيته العابه وهواياته العوامل المؤثرة عليه ( نت . افلام كرتون . بلاى ستشن .. الخ مع ملاحظة عدم وجود الحبوبة )
وبينا نحن زمان
إييييك يا حمد،،
لسه دراسة، و مقارنة، ووجع قلب!!!
الموضوع محسوم.................
الطفل اليوم vs. جيل 30-40 سنة،،
جيل 30-40 سنة vs. جيل 65-75 سنة،،،،،
مافى مقارنة!!!!!!!!!!!!!!!
01-13-2010, 10:06 AM
حمد محمد احمد
حمد محمد احمد
تاريخ التسجيل: 11-12-2008
مجموع المشاركات: 1196
نحن زمان ياهالة الواحد ولدوهو في البيت وبعدين الوالدة ما عندها مقابلات مع الدكتور كل شهر ولا قياس للدم كل شهر وما بتبلع فيفول ولا عندها موجات صوتية بس بطنها توجعها وخلاص .. بعدين الواحد ببقى كبير كيف الله اعلم شديدن ولضيضين المرض ده ما بنعرفو الاكل بناكل الحاجة الموجودة مافي شكولاته والحلاوة ما كتير
01-13-2010, 10:15 AM
حمد محمد احمد
حمد محمد احمد
تاريخ التسجيل: 11-12-2008
مجموع المشاركات: 1196
الروضة واحدين قروها وواحدين لا كانت ما مشكلة كبيرة وماشرط لدخول المدرسة .. بعد داك دخول المدرسة مدرسة حكومية في بحري ولا ام درمان ولاكوستي كلو واحد وكان الناس البدخلو المدارس الاهلية والخاصة هم الناس المجاميعهم ما بتدخلهم المدارس الحكومية وكان الواحد بخجل وهو بقول ليك انا في مدرسة خاصة في المدرسة الحكومية في الحصة الصباحية وفي درس العصر . كلو مجان ولما تجي الاول يدوك هدايا ولما ما تفطر الاساتذة يفطروك
01-13-2010, 10:22 AM
حمد محمد احمد
حمد محمد احمد
تاريخ التسجيل: 11-12-2008
مجموع المشاركات: 1196
Quote: حقو الناس يعملو مقارنة بين الطفل اليوم منصرفاته طريقة تربيته العابه وهواياته العوامل المؤثرة عليه ( نت . افلام كرتون . بلاى ستشن .. الخ مع ملاحظة عدم وجود الحبوبة )
وبينا نحن زمان
الليلة صحيت بردد في أغنية اطفال ارتبطت عندنا برمضان زمان فتشتها وسمعتها ... ورجعت لي احساس جميل كنا بنحسه ونحن صغار
في اطار المقارنة يا حمد شوفو نحن كنا بنسمع شنو وهسة الاطفال بسمعو شنو
01-14-2010, 07:54 AM
Amna Mohamed Arh
Amna Mohamed Arh
تاريخ التسجيل: 03-03-2009
مجموع المشاركات: 1372
واحد راجي مرتو تلبس وتطلع، لمن خلاص نفسو قطع، اتراجل واتوكل وسألها: ياخي حا تطلعي متين؟ قامت (نررت فيهو) وقالت ليهو: انت ما بتفهم قبل ساعة ما قلت ليك بعد خمسة دقائق؟!!!
انتو الخميس دة مالو جا بعد خمسة دقائق؟
01-14-2010, 08:38 AM
Amna Mohamed Arh
Amna Mohamed Arh
تاريخ التسجيل: 03-03-2009
مجموع المشاركات: 1372
موضوع اليوم طبعا يا جماعه الإنسان ربنا خصاهو بالتكريم.
لكن عشان الناس البيقولوا زهجانين و قرفانين(زينا كده) خلونا نتخيل إنو الحيوانات هي العندها البيوت و العربات و شغاله و عندها حسابات و مناسبات و و
و نحن ساكنين معاها ملح و هاك يا ضرب (طبعا هي البتضربنا) و مساككه و تلقانا عاملين جحر في بيت كديس الجريوات يوزعوا اولاد الناس الساكنين معاهم علي اصحابهم تلقي واحد زعلان يقول ليك الغنمايه القاعد معاها ما عندها (حيوانيه) كل يوم ترفسني. و الحناكيش مننا عندهم طوق و سلاسل و تسوقنا ليك الحيوانات تتمشي بيناو نحن مبسوطييييين. و يعملوا حملة بشر ضاله و نجري من زقاق لي زقاق.
آآآآآآآآآآخ تاني تقول لي زهج الحمد لله
01-14-2010, 12:42 PM
الخطاب مساعد الماحي
الخطاب مساعد الماحي
تاريخ التسجيل: 08-09-2009
مجموع المشاركات: 576
تجي كاتل ضلك و ماشي تتحكحك في الحيطه تلقي كلبين بيقطعو واحد يقول للتاني ده كلب إنسان الحسنه ما بتنفع فيهو التاني يقول ليهو و الله الإنسان ذاتو احسن منو.
تلقي الكلب الإنت حارس ليهو البيت بيتكلم مع صاحبو في التلفون يقول ليهو بكره عندنا رحله ما عندك لي راجل بتاع صيد تقوم تتحسس لأنك ما نافع.
العجيب الجرايد شغاله في موضوع واااحد قال شنو رجال متوحشه تهاجم الحيوانات الصغيره و البشر المنزليه.
تعرف يا صلاح.. مع البرد بتاع (ام القري) دة، اتخيلت ليك انو (الكلب) سيد البيت مطلعني فوق راس الحيطة والليل كلو (أنضم) عشان (الكلاب) الحرامية، وكتين يسمعو (نضمي) يخافو.... بررررررررررر...
جريت البطانية وحمدت الله
01-14-2010, 03:40 PM
علاء الدين محمد بابكر
علاء الدين محمد بابكر
تاريخ التسجيل: 06-04-2008
مجموع المشاركات: 1950
حمد كيف المولود ما كبر ؟؟ ياخ والله الزمن دة بجري جري والله يوم ولادتو ونحن نبارك ليك في البوست زي الكانو امبارح اصلو ما بتتخيل انو من اول امبارح سبحان الله
01-15-2010, 07:39 AM
الخطاب مساعد الماحي
الخطاب مساعد الماحي
تاريخ التسجيل: 08-09-2009
مجموع المشاركات: 576
8- اقض بعض الوقت مع أشخاص أعمارهم تجاوزت الـ 70 سبعين عام ,, و آخرين أعمارهم أقل من 6 أعوام
9- احلم أكثر خــلال يقظتك
10- أكــــثر من تناول الأغذية الطبيعية ,, و اقتصد من الأغذية المعلبة
11- اشرب كميات كبيرة من الماء
12- حاول أن تجعل 3 أشخاص يبتسمون يوميا
13- لا تضيع وقتك الثمين في الثرثرة
14- انس المواضيع ,, ولا تذكر شريكة حياتك بأخطاء قد مضت لأنها سوف تسيء للحظات الحالية
15- لا تجعل الأفكار السلبية تسيـــطر عليك .. و وفر طاقتك للأمور الإيجابية
16- اعلم بأن الحياة مدرســـة .. و أنت طالب فيــها .. والمشاكل عبارة عن مسائل رياضية يمكن حــلـــها
17- كل إفطارك كــالـملـك .. و غداءك كـالأميـــــر .. و عشـــاءك كـالفقيــــــر ..
18- ابتسم .. واضحك أكــــثــــر
19- الحياة قصيرة جــــدا .. فـــلا تقضـــها في كـــــره الآخرين
20- لا تأخذ (( جـمـيـع )) الأمور بجــديــة .. { كــن سـلـسـا و عـقـلانـيـا }
21- ليــس من الضروري الفوز بجميع المناقشات والمجادلات ...
22- انس الماضي بسلبياته ,, حتى لا يفسد مـــســـتــقــبــلك
23- لا تقارن حيــاتك بغـــيرك .. ولا شريكة حياتك بالأخريـــــات ..
24- الوحيـــــد المســـؤول عن سعـــادتك (( هو أنــــــت !! ))
25- سامح الجميع بدون استثناء
26- ما يعتقده الآخرون عنـــك .. لا عــــلاقة لك بـــه
27- أحــســن الــظــن بالله .
28- مهما كانت الأحوال .. (( جيــدة أو سـيـئـة )) ثق بأنها ستتغـــــير
29- عملك لن يعتني بك في وقت مرضك .. بل أصدقاؤك .. لذلك اعتـــن بــهــم
30- تخلص من جميع الأشياء التي ليس لها متعة أو منفعة أو جمـــال
31- الحســد هو مضيعة للوقت (( أنت تملك جميــــع احتياجاتك ))
32- الأفـــضــــل قادم لا محالــــة بإذن الله .
33- مهما كان شعورك .. فلا تضعف .. بل استيقظ .. و انطلق ..
34- حاول أن تعمل الشيء الــصحيح دائماٌ
35- اتصل بوالديك ... وعائلتك دائـــماُ
36- كن متفائــــلاٌ .. وســـعـــيدا ..
37- أعط كل يوم .. شيئا مميزاٌ وجيـــدًا للآخرين ..
38- احــــــفـــــظ حــــــدودك ..
39- عندمـــا تستيــــقظ في الصبــــاح .. و أنت على قــيد الحياة .. فاحمد الله على ذلك .. 40- اعط الاخرين مايطلبونه منك..لانك في يوم ما سوف تحتاج شيئا منهم .. 41- ابعث هذه الرسالة إلى كل من تحبهم ..
01-15-2010, 07:52 AM
حمد محمد احمد
حمد محمد احمد
تاريخ التسجيل: 11-12-2008
مجموع المشاركات: 1196
السلام عليكم وجمعة مباركة ... الحيؤانات المثقفة دي هل عندها لغة مشتركة ؟؟ ولا الغنم عندهم اللغة الغنماوية ؟؟ والكلاب عندهم اللغة الكلابية ؟؟ وبكون عندهم معاجم للترجمة وفي الكمبيوتر عندهم الوافي للترجمة من اللغة الحصينية للغة الحميرية وبكون في لغة فصحى ولغة دارجة .. وبعدين الحيوانات دي كللللها ضدنا والله الا ينقو شعيرنا !
الحمد لله
01-15-2010, 10:09 AM
طارق أحمد خالد
طارق أحمد خالد
تاريخ التسجيل: 05-15-2006
مجموع المشاركات: 993
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة