علي عبد اللطيف بدمه بيننا !! مرحباً مرحباً ..

Quote: Quote: ما نعلمه نحن أن التاريخ السوداني مدون بامزجة وخيالات لا تمت للحقيقة بصلة سفيان تحياتي، لا ياصديقي، تاريخ السودان، ولاسطر واحد منو، لم يدون بعد. كل المتداول في السوق ك"تاريخ للسودان" لايمت لسودان علي عبداللطيف بصلة! ده تاريخ السودان المصري الانجليزي. الي هذا التاريخ ومصداقا لي كلامنا، مفردة سودان، تلقائيا تعني شمالي، اي عربي اي غير ذنجي! نعم او ذي ما الدكتور، فعلا او حتي قريبات دي، بعض الحلفاويين كانو برفضو رفض قاطع اي صلة بالسودان! ولهذا عادي كانو بخاطبو "الغير" بي صيغة سودانيين! لاشعوريا، حتي اليوم، بعضنا لايزال يستخدم صيغة "السودانيين ديل" او ابدا ما صيغة "نحنا" او "نحن السودانيين"! ادعاء الهوية العربية، اصلا تم للتنصل من اي شئ ذي صلة بالسودان او السودانيين، بي معني Blacks او ذنوج! فمفردة سودان زي ماقنا، افرغت من مضمونا تماما، لتعني عربي او شمالي تحديدا. ولهذا زي ماقنا، عادي ولاشعوريا، يشار لغير "السودانيين" ب"الجنوبيين" "والغرابة" مثلا، ولكن اطلاقا لا يشار ل"السوداني" اي الشمالي ك"شمالي" في داخل السودان! لانو الشمالي تلقائيا "سوداني"! صعب ملاحظة الظاهرة دي من دون مساحة او مسافة نقدية معقولة! ليه؟ لاننا نتنفس مفردة سوداني البتعني عربي، اي شمالي، كما الهواء تماما! طبعا التنفس ماباستمرار فعل واعي اختياري، وانما الي، بتم لونايم ولا صاحي!