|
|
|
 Re: شقة مصر (Re: حاتم إبراهيم)
|
Quote: المحزن شنو في محاكمة اسفيرية تصل لحكم بالتجريم؟
لا أعتقد المنتدى دا لو حبّ ينتخب قاضي لهذه المحاكمة |
المحزن هو إنك سمحت لي نفسك تتجاوز وتصف زميل لك في المنبـر بإنه مجرم
إنت قايل إعتذارك بيصلح الأذي السببته ولا بيصلح التشويه العملته لصورة زميل لك في المنبر
عيب عليك يا أبوبكر
| |
 
|
|
|
|
|
|
|
|
Re: شقة مصر (Re: جلالدونا)
|
بنت اخوى قبل ما تصل مصر للعلاج من سرطان الثدى انا بحاول ألم فى ملهم ده ما لميت فيهو رسالتين عبر قروب فايزين كمية بتاعت رسائل فى الخاض اتصالات مباشرة ما رد على لمّا البت وصلت مصر اديتن كل ارقام تلفوناتوو هم يحاولو و انا بى جاى احاول مافى رد كل الموضوع انو العربية تشيلا للدكتور و تجيبا اتقرر ليها جلسات علاج يومية لمدة شهر قول المشوار ده على اقل تقدير 100 ج فى اليوم كان جاب ايجار شهر براحة من ضهر العربية رسل لى بعد مضى 20 يوم من وصول بنت اخوى و بيعتذر بى انو كان عيان ما رديت عليهو و سحبت ارقامو من التلفون و انسحبت من القروب الزعلنى اكتر انو فاتح بوست بى مناسبةرحيل زميل لينا له الرحمة و المغفرة المرحوم كان راقد مستشفى فى مصر
البوست دا انفتح عشان الكلام الفوق دا
| |
|
|
|
|
|
|
|
|
|
Re: شقة مصر (Re: ابراهيم عبد الوهاب)
|
| Quote: بنت اخوى قبل ما تصل مصر للعلاج من سرطان الثدى انا بحاول ألم فى ملهم ده ما لميت فيهو رسالتين عبر قروب فايزين كمية بتاعت رسائل فى الخاض اتصالات مباشرة ما رد على لمّا البت وصلت مصر اديتن كل ارقام تلفوناتوو هم يحاولو و انا بى جاى احاول مافى رد كل الموضوع انو العربية تشيلا للدكتور و تجيبا اتقرر ليها جلسات علاج يومية لمدة شهر قول المشوار ده على اقل تقدير 100 ج فى اليوم كان جاب ايجار شهر براحة من ضهر العربية رسل لى بعد مضى 20 يوم من وصول بنت اخوى و بيعتذر بى انو كان عيان ما رديت عليهو و سحبت ارقامو من التلفون و انسحبت من القروب الزعلنى اكتر انو فاتح بوست بى مناسبةرحيل زميل لينا له الرحمة و المغفرة المرحوم كان راقد مستشفى فى مصر |
| Quote: البوست دا انفتح عشان الكلام الفوق دا |
بالضبط با ابراهيم
الناس دي جاية تخلص حقها
و باسلوب قذر
رسلت زولي و ملهم ما قابله يبقى المشروع مافي داعي ليهو و ملهم زاتو حرامي
كلهم دليلهم ياهو زولي المشى يتعالج
ملهم ساعد ناس تانية و الا حصل شنو دة ما يهمهم
| |
|
|
|
|
|
|
|
|
|
Re: شقة مصر (Re: أيمن الفاضل)
|
هسّ يا ابراهيم وأيمن
مداخلة جلال دي وين فيها ما يوحي انو داير يستفيد؟
الزول دا داير فائزون يستفيدوا من الحالة دي لأنها مقتدرة
القعاد في المنبر دا بزيد الزول ذكاء
| |
|
|
|
|
|
|
|
|
|
Re: شقة مصر (Re: أبوبكر عباس)
|
ابراهيم عبدالوهاب لم يحالفك الصواب في ماوصلت اليه
ونفرض انها بنت اخت اي زميل هنا وأعلنك في مكان
إقامتك انها مريضة هل سوف تقوم بزيارتها ولا الحاصل
شنو
----
وبعدين ملهم ده لو استقبل ناس ولا عنده شقة البوست وصل الصفحة 6 ما اثبت شي
| |
|
|
|
|
|
|
|
|
|
Re: شقة مصر (Re: ابراهيم عبد الوهاب)
|
بعض ( المتبرعين ) رسل قريشاتهم بغرض تقديم خدمات شخصية لهم
ولما لم يجد الخدمة المطلوبة
فت الزول في المنبر العام
..........
واحد تلقاهو (متبرع) بشويه دولارات ومنتظر يقدم له خدمة بالاف الدولارات
ومنتظر كمان يقدم له تقرير ويرد علي اتصالاته في اي وقت
| |
|
|
|
|
|
|
|
|
|
Re: شقة مصر (Re: محمد المعتصم ابوبكر)
|
ايمن الفاضل جيب دليل أنت ان ملهم ساعد ولا عنده شقة ولا عربية تخص فائزين
البوست حتي الصفحة 6 ملهم ماجاب اثبات المطلوب منك انت اثبات عشان الناس تعرف
| |
|
|
|
|
|
|
|
|
|
Re: شقة مصر (Re: محمد المسلمي)
|
محند المعتصم ابوبكر المتبرعين مافيهم حد اتبرع عشان يجد مقابل من ملهم
كل المتبرعين هدفهم عمل الخير ومستطعين يكفوا نفسهم من اي شخص
لو كنت اعرفك لطالبتك بالاعتذار ولكن لا اطلب من شخص يُتهم اخوة أكارم
بهذا الاتهام
----
ننتظر اهل الشأن المتبرعين وهم موجودين
| |
|
|
|
|
|
|
|
|
|
Re: شقة مصر (Re: محمد المعتصم ابوبكر)
|
Quote: هسّ يا ابراهيم وأيمن
مداخلة جلال دي وين فيها ما يوحي انو داير يستفيد؟ |
ايوة
الزعلة و مسح التلفونات و الانسحاب من القروب
المنبر ما بزيد الزول لا ذكاء لا غباء
الناس دي بتجي كدة 
| |
|
|
|
|
|
|
|
|
|
Re: شقة مصر (Re: أيمن الفاضل)
|
يا مسلمي ملهم قال تعالو لي او رسلو زول عشان الاثبات
انا ما عندي اثبات لأي حاجة
انا بس بقرأ و بحلل الكلام المكتوب هنا
انا زاتو ما دافع 
| |
|
|
|
|
|
|
|
|
|
Re: شقة مصر (Re: أيمن الفاضل)
|
شكلنا وصلنا لطريق مسدود
أنا والمسلمي ونيابة عن الداعمين بننسحب ونعتذر لملهم،
ممكن الأخ ملهم يقوي التجربة بالتواصل مع المجموعة الجديدة لدعم وإحياء الفكرة
وخلوا التواصل بالرسائل الداخلية
| |
|
|
|
|
|
|
|
|
|
Re: شقة مصر (Re: جلالدونا)
|
المداخلة الفوق دى اخر مداخلة تتسم بالعقل فى البوست ده
من هنا و لى قدام
ما عندى ليكم غير الالقام بحجر
حجر شنو كمان كتير عليكم
و الما ضاق الكيك ح يضوقو هنا
| |
|
|
|
|
|
|
|
|
|
Re: شقة مصر (Re: أبوبكر عباس)
|
وخلوا التواصل بالرسائل الداخلية!!!!!!
سؤال غير برئ هل فكرة البوست
كانت بدافع ذاتي ؟
ام تواصل برسائل داخلية ؟
رجاءا تولع اللمبة الرابعة
عندنا برد وتلج
واهم حاجة نتدفئ بحرارة قيم الاستنارة
| |
|
|
|
|
|
|
|
|
|
Re: شقة مصر (Re: MAHJOOP ALI)
|
محجوب .. اللبيب بالاشارة يفهم
و الرد على سؤالك تلقاهو فوق
من هنا و لى قدام
الشغل للرد على قلة الادب و الافترا
البوست انتفت اغراضو و بعد ده التعامل مع الخبث و الخبائث
ما ظهر منها و ما بطن
و فوق اى قليل ادب .. قليل ادب اكتر منو
| |
|
|
|
|
|
|
|
|
|
Re: شقة مصر (Re: جلالدونا)
|
ياحبيب
الادب وقلته ماعندي بيها شغلة
سوالي لشخص محدد في البوست المتطاول
ويعنيني هذا الشخص وغير معني بالبوست واهدافه
تصرف في البوست كما تشاء بادب او بدونه ،بس يهمني
رد المستنير ابو لمبات
قالوا زمان غنية بالعصر مروروا
كانت للعامل البولع انوار الشوارع العامة
خلي المستنير يضئ لنا الظلمات
| |
|
|
|
|
|
|
|
|
|
Re: شقة مصر (Re: جلالدونا)
|
الزول الما عارف كوعو من بوعو و بكل اريحية مد كرعيهو
صاحب الهبل دهQuote: واحد تلقاهو (متبرع) بشويه دولارات ومنتظر يقدم له خدمة بالاف الدولارات
ومنتظر كمان يقدم له تقرير ويرد علي اتصالاته في اي وقت |
كلامك ده بى حسابى اساءة شخصية لى و لى اسرتى
شكلو غشاك ضبط النفس المارستو فى البوست ده و اعتبرتو ضعف و جيت تلحق السوق
و عشان لى قدام ما تتلاط فى البوست ده بقوليك
امشى اقرا صاح اول حاجة
لا انا لا اسرتى محتاجين لى فايزين
و الخدمة الطلبناها من فايزين مدفوعة التمن لخدمة فايزين
و ازيدك كان فى انتظار فايزين تبرع بى ايجار سنة كامل من الاسرة
ياخى انا العايش فى امريكا دى افقرهم
قال طالبين خدمة بى الاف الدولارات قال
___
من قرايتى لى مداخلتك عرفت انو ما عندك علاقة بالفهم
عشان كده كرماً منى اوصح ليك كلمة تتلاط عشان ما تفهما غلت
تتلاط من لِوِط .. بكسر اللام و الواو و عند اهلى الشايقية معناها
الزول الماشى حفيان و عفص عذرة زول تانى
و لو استعصى عليك فهم عذرة .. اكراما ليك نحنا جاهزين للتوضيح
| |
|
|
|
|
|
|
|
|
|
Re: شقة مصر (Re: جلالدونا)
|
.
.
بكري عباس في البوست دا خلع بدلة "الاستنارة" وارتدى عرّاقي "العوارة" ......
.
.
غايتو انا بكري لو طلب مني اتبرع لي مشروع جديد ، بتبرع بي 4 دولارات بس ... ما بزيدهم ولا سنت واحد ...
شاملة ضريبة القيمة المضافة ورسوم التحويل ......
والما عاجبو يدق راسو بحيطة المنبر دا ... ...
| |
|
|
|
|
|
|
|
|
|
Re: شقة مصر (Re: جلالدونا)
|
| Quote: و ازيدك كان فى انتظار فايزين تبرع بى ايجار سنة كامل من الاسرة ياخى انا العايش فى امريكا دى افقرهم قال طالبين خدمة بى الاف الدولارات قال ___ |
ياجلال اخوي سلامات المابعرفك يجهلك والمدعو محمد المعتصم ومن تبعه هدول خماجين حوض بس ولَك مليون تحية لك ولأهلك حيث ماكنت
| |
|
|
|
|
|
|
|
|
|
Re: شقة مصر (Re: جلالدونا)
|
ابراهيم عبد الوهاب جاب اقتباس وعلق على الاقتباس وقال انه البوست ده انفتح عشان الكلام الفوق ده.
واتا ما عارف منو الكتب الكلام القصده ابراهيم عبد الوهاب،ورجعت افتش لورا اشوف منو الكتب الكلام
المكتوب في الاقتباس ولكن لم اعثر على الاقتباس.
لكن على اي حال اذا صح راي ابراهيم وان البوست انفتح لتصفية حسابات شخصية فدي تبقى مصيبة، اما
اذا البوست انفتح من اجل الشفافية والمساءلة من اجل الصالح العام فلا باس من ذلك وهو مطلوب.
مع انه جملة الصالح العام دي مكروهة لان حكومة الانقاذ عام ١٩٨٩ وعام ١٩٩٠م رفدوا امثر الناس كفاءة من الخدمة
المدنية ولذلك الان مافي اي خدمة مدنيةةفي السودان، والمعاملات الحكومية كلها بتمشي بالرشوات والبسموها تسهيلات.
| |
|
|
|
|
|
|
|
|
|
Re: شقة مصر (Re: السر عبدالله)
|
السر حبابك
اول حاجة اسمح لى اشيد بى تواصلك المميز فى البوست ده
غسمن ده .. اقتبس جزء من مداخلة كاتبا .. انا ده .. عشان يكيل بى مكيال السوء
و تبعه فى ذلك من تبعه
المداخلة هى قدامك و تعنى فى تقصير فايزين فى الخدمة ال من اجلها قامت فايزين
دى المداخلة يا حبيب كاملة غير منقوصة
______
يا منير ياخى استهدى بالله
انا القدامك ده و الله على ما اقوله شهيد
بنت اخوى قبل ما تصل مصر للعلاج من سرطان الثدى انا بحاول
ألم فى ملهم ده ما لميت فيهو
رسالتين عبر قروب فايزين
كمية بتاعت رسائل فى الخاض
اتصالات مباشرة ما رد على
لمّا البت وصلت مصر
اديتن كل ارقام تلفوناتوو هم يحاولو و انا بى جاى احاول
مافى رد
كل الموضوع انو العربية تشيلا للدكتور و تجيبا
اتقرر ليها جلسات علاج يومية لمدة شهر
قول المشوار ده على اقل تقدير 100 ج فى اليوم
كان جاب ايجار شهر براحة من ضهر العربية
رسل لى بعد مضى 20 يوم من وصول بنت اخوى و بيعتذر بى انو كان عيان
ما رديت عليهو و سحبت ارقامو من التلفون و انسحبت من القروب
الزعلنى اكتر انو فاتح بوست بى مناسبةرحيل زميل لينا له الرحمة و المغفرة
المرحوم كان راقد مستشفى فى مصر
فى بوست النعى بقول انو الظروف ما ساعدتو يزورو فى المستشفى
طيب لازمة حدمتنا دى تانى شنو يا ناس
الغريب لما سألتو عن الموضوع دا قال القدم ليهو رافع
و كان انت الله تعال ارفعو
لكن رجع و سحب الكلام الفوق ده و مكتوب فى رسالتين
بشهادة عبد اللطيف وريت ملهم ياخى اتفقنا نقفل البوست
و عشان نقيف طلبت منو انو الرصيد العندو و كتبو لينا هنا
200 دولار و 100 ج مصرى يقوم بى تسليما لى شخص محدد فى القاهرة
و من جانبى هنا انا اعلن مشئولتى عن الرصيد ده فى المنبر ده
لكن هو مصر يتلولو
اما بالنسبة لى حتة الدليل دى سلمتو تلاتة منهن
واحد منهن اقر بى انو فعلا انطرد من قروب لكنن جانى بى سبب تانى
التانى ما نفاهو و ما اثبتو
التالت نكرو حطب
و هاك المقتبس ده عشان ما يواجه بالحاجات دى هنا
Quote: إي حاجه بره ما يخص فايزين مرفوضه
ده تلقاهو مى مداخلة فوق
بالمناسبه دى حد سمع بى ملهم انو عاوز يتزوج
مش حرام عليك تحرمنا من الشرف ده
والله عيب عليك ياخ
نحنا برضو اصحابك ياخ
| |
|
|
|
|
|
|
|
|
|
Re: شقة مصر (Re: جلالدونا)
|
اما سيد المداخلة دى
Quote:
كم من لئيم مشى بالزور ينقله
لا يتقي الله لا يخشى من العار
يود لو أنه للمرء يهلكه
ولم ينله سوى إثم وأوزار
فإن سمعت كلامًا فيك جاوزه
وخل قائله في غيه ساري
فما تبالي السما يومًا إذا نبحت
كل الكلاب وحق الواحد الباري
وقد وقعت ببيت نظمه درر
قد صاغه حاذق في نظمه داري
لو كل كلب عوى ألقمته حجرًا
لأصبح الصخر مثقالاً بدينار |
وصفت زملاء كرام هنا بالكلاب
اوعاك تفرح و تظن انا هنا ح اطالبك بالاعتذار
رفعت الصحف يا اصنج
مكانك جاهز و محجوز ..قرادة تالتة فى لباس كلب
مع صاحبيك الحرامى و تابعه الذليل
| |
|
|
|
|
|
|
|
|
 Re: شقة مصر (Re: جلالدونا)
|
أعصابك يا مان
شوية شوية ما يطق ليك عرق
دي ما كانت مي دولار
أكشح رقم حسابك تصلك قبل أن يرتد إليك طرفك
| |
|
|
|
|
|
|
|
|
|
Re: شقة مصر (Re: جلالدونا)
|
الأخ جلال
رغم إحساسي تماماً بفجيعتكم وانتم تتبرعون بالمال والدعم المعنوي لما حسبتوه مشروع خيري وإتضح لكم أنه تم إستغفالكم
ورغم إيماني بأن هذا البوست أدى خدمة كبيرة لكثيرين منهم على سبيل المثال الأخ عبداللطيف بكري والذي كان على وشك إرسال قروش تاني لملهم ولكن ما كشفه هذا البوست يجعل كل فرد على بينة فيستمر أو يتوقف عن إرسال التبرعات
لكن أرجو أن توقفوا البوست هنا فقد تبين أن ملهم لم يقم بتسجيل المنصرفات
| |
|
|
|
|
|
|
|
|
|
Re: شقة مصر (Re: جلالدونا)
|
عبد المنعم حسن الطيب
مافى زول طلب من ملهم يكون اجير عشان تقول كلامك ده| Quote: ملهم ليس أجيرا لاحد |
ف شنو ما محتاجين للهمزة اللمزة دى
داير تبقى قرادة رابعة .. يا الف مرحب .. تستحقها
| |
|
|
|
|
|
|
|
|
 Re: شقة مصر (Re: جلالدونا)
|
عشان ما تخلط الأوراق ما عندي شي اعتذر عنه لا ليك ولا للزملاء المتبرعين ولا غير المتبرعين وتابع سياق الأبيات المذكورة عشان تعرف
أثمن -كما ذكرت سابقاً- المعروف ولو كان شق تمرة ناهيك عن كون المية دولار أضعاف شق التمرة
ولكن بكل تأكيد هناك ثمة هماز مشاء بنميم هو من كدر عليكم بركم وجعل ملهم في نظركم مجرماً
صدقني انتصارك بالقاضية هنا لا يعني شيئاً
فقط تمريغ زميل في الوحل
وهو ما لا أقبله
ما قدمته لوجه الله أسأل الله أن يتقبله فقط أعرض عن هذا وهي وجهة نظر لك أن تقبلها ولك أن تتخطاها
| |
|
|
|
|
|
|
|
|
|
Re: شقة مصر (Re: زهير حيدر صديق)
|
الاخ عبد الصمد
اشرت فوق الى انو البوست استنفد اغراضو
باقى البوست للرد على قلة الادب الحصلت فيهو
و اعتقد من حقى ارد الاساءة لكل من اساء الى ... مقام حضرتنا ...
العالم دى يا عبد الصمد الا تهنضبا
غير كد ما ليك عيش فى البكان ده
ياخى انا بملك شنو هنا
ياها كلمة و برميها هنا
زيى و زيكم واحد
تقوم تصل الاساءة اسرتى
ده كتير ياخى
و ل
قلته فوق
فوق اى قليل ادب .. قليل ادب اكتر منو
ده عنوان البوست الحالى
| |
|
|
|
|
|
|
|
|
|
Re: شقة مصر (Re: زهير حيدر صديق)
|
| Quote: شكلنا وصلنا لطريق مسدود أنا والمسلمي ونيابة عن الداعمين بننسحب ونعتذر لملهم، ممكن الأخ ملهم يقوي التجربة بالتواصل مع المجموعة الجديدة لدعم وإحياء الفكرة وخلوا التواصل بالرسائل الداخلية |
كبير يامستنير 🌺
| |
|
|
|
|
|
|
|
|
|
Re: شقة مصر (Re: زهير حيدر صديق)
|
تحيه طيبه لكل المتداخلين الكرام
ارجوكم كونوا انيقين كماعهدتكم في تواصلكم
لا نحتاج للمشاحنات مطلقا ....
ماتسيئوا لي اي رمز من رموز المنبر
أو حتى تشككوا في نواياكم بينكم
إذا ظلمت زول إعتذر إذا قصرت مع زول بعتذر
ده فيما يخص فايزين
.....
بخصوص حياتي الشخصيه في تبرع زملاء طنطا
فقد كان تبرعهم كشف لزواجي على لا لفايزين
أما بخصوص زواجي وطلاقي
فهذه حياتي الشخصيه
أعلنتها ما أعلنتها دي حريه شخصيه
وحاليا انا فعلا لا أملك ثمن دبلة دهب الغريب شنو
.....
لمن كنت شغال في مجالي الود البناولني المونه بياخد مئة جنيه يوميه
يلا انا وقفت شغلي عشان فايزين تفتكروا الناس الاتبرعت دي
لو فكروا يساهموا بي أساسيات حياه لي انا ده
حيخصصوا لي كم جنيه في اليوم
يلا خلينا نقول نص يومية الود البشتغل معاي خمسين جنيه
اضربوها في شهر في سنه
انتو بتتكلمو في شنو
....
ود قاعد في شقة الإستقبال خمسه شهور مصاريفو كلها على المتبرعين
قرروا ليهو مبلغ يومي أجل وشرب ومواصلات للدكتور في الأسبوع مرتين
وشوفوا المبلغ كم
.....
المسلمي ...وثائق فايزين عندهم كلهم ....
انتا ياصديقي كنت تخش لي واتساب عشان تاخد نصيبك منها
.....
حياتي الخاصه ملكي وما في زول جدير بالاطلاع على أسراري الشخصيه
إلا حامد البدري ومنتصر أبو عاقله من الناس الهنا ليهم الحق يسألوا أي سؤال
في الخاص وأنا من يدهم دي لي يدهم دي
لأني واثق فيهم تماما أنهم مابطلعوا سر
ولابشهروا بي زول
.....
عموما ...
انت على صواب مادمت تؤمن بوجهة نظرك
وأنا على خطأ من وجهة نظرك
ده مابيعني انك عارف كل الخفايا العندي مهما قال الناس
أديني حقي
وخلي حسن الظن هو سيد الموقف .... .خليك فى حدود فايزين
....
احترامي
| |
|
|
|
|
|
|
|
|
|
Re: شقة مصر (Re: ملهم كردفان)
|
معليش يا ملهم هنا في حاجة لازم تقيف فيها
ما تفترض أبداً إنو الكون ده بمشي بفهمك إنت
أنا ختيت نفسي مكانك لقيت الوضع كالتالي
المشروع ده بحتاج تفرغ وأنا عندي استعداد اتحرك فيه وأساعد واتفرغ ليه بس كمان ما عندي مصدر دخل
تجي للناس الاتبرعت دي كلمة وغتايتها
ده الوضع يا أخوانا
وافقو أهلاً ما وافقوا شوفوا غيري
| |
|
|
|
|
|
|
|
|
|
Re: شقة مصر (Re: زهير حيدر صديق)
|
كلام عقل يازهير وهم عارفين اني سبت الشغل في الاسكندريه
وجيت القاهره عشان الناس البكلفوني هم بإستقبالهم
أو متابعة حالاتهم
الهدف كان واضح ليهم وعارفين انو الحكايه كانت مرهقة
كل ما يكلفوني بي مهمه كان المسافه بعيده فنقلت للقاهره
ده سبب معروف
لك التحيه
| |
|
|
|
|
|
|
|
|
|
Re: شقة مصر (Re: ملهم كردفان)
|
قلت فوق .. الرد على الخبائث ما ظهر منها و ما بطن
جبت من وين انو فى زول هماز مشاء بى نميم دى
و من وين عرفت نوايانا دى
انت قايل الدنيا دى ماشا على كيفك
موضوع ما عندك بيهو علم تجى تحاكمن بيهو بى مزاجك
و انت خالف كراعك فوق مهدك المريح
و بى اريحية منك نطلع نحنا كلاب
و تجينى بى خلط و هم الخالطون
و المية دولار دى الوصفتوها بالتفاهة يا دوب بقت اكتر من شق تمرة
يا لاضمحلاك ياخ
كدى رد لى النية المن ورا المية دولار دى
اما هى فى عضما عافيك منها
| |
|
|
|
|
|
|
|
|
|
Re: شقة مصر (Re: حاتم إبراهيم)
|
Quote: كلام عقل يازهير وهم عارفين اني سبت الشغل في الاسكندريه
وجيت القاهره عشان الناس البكلفوني هم بإستقبالهم
أو متابعة حالاتهم
الهدف كان واضح ليهم وعارفين انو الحكايه كانت مرهقة
كل ما يكلفوني بي مهمه كان المسافه بعيده فنقلت للقاهره
ده سبب معروف
لك التحيه
|
ملهم مممكن تبطل استخفاف بي عقول الناس ؟
انت صاحب المقترح والحيت علي العضويه هنا لدعم المشروع لفتره تزيد عن السته الشهور فكيف تجي توهم الناس هنا انك خليت شغلك عشان الناس دي كلفتك بي ادارة المنظمه ؟
وبعدين في الموقع دا وفي موقع تاني كاتب انو مهنتك فنان ةشاعر ياتو يوم فنان اعتزل الغني عشان عمل خيري ؟؟
| |
|
|
|
|
|
|
|
|
 Re: شقة مصر (Re: Maawya Hussein)
|
معاويه اقرأني صاح عليك الله ياخشاعر وفنان دي كأنهما أكل عيشي في مصر انا كنت شغال في تشطيبات الشقق في الاسكندريه ياخي
كلفوني اني أتابع قضية زميل معتقل
وفي رب أسره رسل زوجته وأولاده
هوقال لي استقبلهم في اسكندريه واوديهم القاهره
بورداب يجو القاهره ... بكلفوني الاقيهم أو يطلبوا مني الاقيهم
زملاء برسلوا ناس للعلاج بجي من الاسكندريه للقاهره عشان أضيف معاهم الغريبه شنو في أنهم كلفوني
من هنا اتولدت فكرة فايزين
تحليه
الغنا هوايه ما اكل عيش ... والشعر تعبير عن الدواخل ما أكثر
اخدمك في الأفراح يامعاويه
| |
|
|
|
|
|
|
|
|
|
Re: شقة مصر (Re: حاتم إبراهيم)
|
اخونا عارف ناشد
فى ملحمتك اللذيذة بتاعت الكراكتير
عندك واحد ابو حسين قاعد فوق كرسى و خالف رجلو و لابس مركوب
و بريمة زى النازل بى برشوت
تصدق علقت و قلت عاجبنى المركوب
و قلت ده معمول بى ياتو جلد
فى بالى الجلد الفرجينى الفاخر
طلع جلد حاتم
يا بختك يه ابو حسين
ح تموت تخليهو
بعد عمر طويل ان شاء الله
| |
|
|
|
|
|
|
|
|
|
Re: شقة مصر (Re: جلالدونا)
|
يا ملهم فكرة انك تخاطب عواطفنا دى ما عادت تجدى
فى شنو هو
تجربة و فشلت
انسى الموضوع ده و شوف معايشك وين
و بيناتنا العفو لله و الرسول
| |
|
|
|
|
|
|
|
|
|
Re: شقة مصر (Re: جلالدونا)
|
تجربة و فشلت
انسى الموضوع ده و شوف معايشك وين
و بيناتنا العفو لله و الرسول
..........
وجهة نظرك ونظر كتيرين أنها فشلت اوكي
...
وجهة نظري
اني اتعلمت من تجربتي لكن ماحأستسلم واركن للفشل
.....
لله والرسول
| |
|
|
|
|
|
|
|
|
|
Re: شقة مصر (Re: ملهم كردفان)
|
Quote: كلفوني اني أتابع قضية زميل معتقل
|
يا ملهم مافي زول كلفك هنا بي زيارة او تفقد الزميل قاسم مهداوي ..براك انت في البوست قلت حا امشي اشوف الحاصل شنو ..ما كان في اي تكليف ..
| |
|
|
|
|
|
|
|
|
|
Re: شقة مصر (Re: Maawya Hussein)
|
جلالدونا
يا هو دة كلامك
Quote: الفهم ما فى المية دولار
الفهم فى الخدمة المرجوة من وراها |
الشغلة خدمة مدفوعة الاجر
هل اتفقتو علي كدة؟
اسرتك ما في زول اساء ليها
بطل استهبال
| |
|
|
|
|
|
|
|
|
|
Re: شقة مصر (Re: Maawya Hussein)
|
اعود للعقل
و ما عندى مانع اقعد افّهم الحمار لما يقول انا ما حمار
ايمن انت عاوز تقول شنو
الاساءة لى اسرتى حصلت
دى ما دايرة ليها فهم
عشان كده ما ح اديك درس فى الحتة دى
الاستهبال داير عليقة
العليقة فى اجتزائك للمداخلة
ارجع اعلفا و كان فى نقيصة بنتمها ليك
البرسيم قاعد و لله الحمد و الشكر
| |
|
|
|
|
|
|
|
|
|
Re: شقة مصر (Re: جلالدونا)
|
المداخلة اجتزأت منها شنو غير الشتيمة
يا ها دي كلها
بعد التعديل
Quote: و كالمتوقع
اكدت لى انك اغبى من مشى على الارض على قدمين
الفهم ما فى المية دولار
الفهم فى الخدمة المرجوة من وراها
تقدر ترجعا ؟؟؟؟ |
الضمير يرجع لاقرب مذكور يا معاوية
دي قاعدة لغوية
| |
|
|
|
|
|
|
|
|
|
Re: شقة مصر (Re: أيمن الفاضل)
|
بس يا ايمن كلام البوست كلو عن الجمعيه او الفكره كلها ما عن الـ100 دولار ..مافي منطق بخلي زول سفر اهلو بي الاف الدولارات ينتظر خدمه مدفوعه بي 100 دولار ..
لوي الحقيقه ما سمح ..
| |
|
|
|
|
|
|
|
|
|
Re: شقة مصر (Re: جلالدونا)
|
مؤسف مايحذث بصرف النظر عن الحيثيات
نتمنى تدارك ماحصل والناس تكبر راسها
لا للتجريم ونعم للشفافيه
الموضوع اخد اكبر من حجمو كتييييير
الله يصلح الحال
| |
|
|
|
|
|
|
|
|
|
Re: شقة مصر (Re: Sulaiman Adam)
|
البوست يا معاوية ما معروف عن شنو بالضبط
قالو جمعية لكن جابو كلام تاني فيهو اساءة لي ملهم و تعدي علي خصوصيته
فعلا لوي عنق الحقيقة ما سمح
| |
|
|
|
|
|
|
|
|
|
Re: شقة مصر (Re: أيمن الفاضل)
|
البوست معروف عن شنو وهدفو واضح الا لمن ابي
علي العموم البوست دا بالذات فرصه ممتازه في انو الناس تقيم استمرار في الموقع دا من عدمو ..
| |
|
|
|
|
|
|
|
|
|
Re: شقة مصر (Re: Maawya Hussein)
|
| Quote: علي العموم البوست دا بالذات فرصه ممتازه في انو الناس تقيم استمرار في الموقع دا من عدمو .. |
بل يامعاوية فرصة ممتازة توريك إنو معايير الناس وأحكامهم تتجه حسب علاقتهم بالشخوص وليس بالمواقف،
لم يكن قبل هذا البوست أحد هنا أقرب مني للأخ الفاتح ملهم ، ولكن الحق حق،،
أرى أيضاً نشاط محموم وإصطياد في الماء العكر لبعض الاعضاء وفي سعيهم لإذككاء نار
الفتنة وليس نية صافية من أجل الاصلاح،،
تواجدي هنا أملته ضرورة توضيح موقفي لوقف أصدقائي الذين دعوتهم لمساندة هذا المشروع
وكله كان في الخاص ، وحتى البوست الرئيسي للمشروع لم أتداخل به بل كان تواصلي وتشجيعي
ودعمي لملهم كله في الخاص،،
الآن وصلت لما أريد ، أتبرأ من هذه الفكرة التي وصفها البعض بالفكرة الغبية
ووصفها البعض بأنه خيالية
ووصفها البعض بأننا اغبياء
لكن والله الذي لا إله إلا هو لم يكن دافعي فيها الا وجه الله
ثقتي في ملهم وأي شخص هنا تجعلني لا أتردد في ان اجود بما استطيع
وهذه ليست المرة الأولى ولن تكون الأخيرة،،
ملهم : أنا عفوت لوجه الله ما دفعت ، انت : حكم ضميرك وأفعل مابدا لك ،
فالله يعلم خائنة الأعين وماتخفي الصدور،، أي محاولة للإستمرار هنا معناها
المزيد من المهاترات فالأجندة والعلاقات الشخصية المأزومة فارضة نفسها بقوة،،
سيكون هذا أخر تواجد لي في البوست، وأسأل الله العفو والعافية للجميع،،
| |
|
|
|
|
|
|
|
|
|
Re: شقة مصر (Re: Maawya Hussein)
|
اخونا جلال شخصيا متفهم زعلك لكن ما تنحدر بالاشياء لدرجة تفرغها من المعنى و المبنى
اسألك بالله ما تعتبرني من الخبث و الخبائث
| |
|
|
|
|
|
|
|
|
|
Re: شقة مصر (Re: Maawya Hussein)
|
المشروع كعادتنا السودانية ، يبدأ بحسن الظن و التعامل الانطباعي غير المؤسس ، و ينتهي بما كان من المفترض أن يبدأ
بيهو ، والكلام بالنسبة للجانبين ، الأخ ملهم و الأخوة المتبرعين .
١/ ملهم إفترض إنو الثقة المنحت ليهو بتلقي التبرعات و التصرف فيها ، كارت بلانش ، تعصمو من المسآلة و التدقيق في الحسابات و أوجه الصرف .
٢/ عدم شفافية ملهم في توضيح إنو ترك عملو و أكل عيشو و إتفرّغ للعمل الخيري ، مايستوجب إنو يستفيد من جزء من التبرعات في تسيير أمورو كالسكن ف الشقة المذكورة و استخدام السيارة في مشاوير خاصة بيهو .. المسألة دي ما إتذكرت إلا بعد تعرضو للمسآلة في أوجه الصرف ، و أعتقد الكتير من المتبرعين كانو يظنوا إنو ملهم شخص ميسور الحال و قيامو بالمهمة دي من باب المرؤة فقط ، المسألة لو كانت بالشفافية الإتناولها ملهم لاحقاً ، لكفى نفسو كتير من التشكيك في نزاهتو .
٣/ مهما حاول ملهم فلن انتظر منو حسابات دقيقة او حتى تشفي غليل المشككين ، لأنو إتصرف من البداية بعشوائية في الإستلام و توجيه الصرف ، ببساطة لإنو ما إتوقع إنو المسألة حتكون فيها تدقيق في الحسابات ، أكتر من كده هو مُصِرْ حتى الآن بالمضي قدماً في المشروع ، رغم إنو ما أثير حتى الآن يجعل أي متبرع محتمل ، يفكر الف مرة قبل المشاركة في هذه الفكرة النبيلة ، للأسف .
٤/لو كنت مكان ملهم ، لقدّمت ما تيسَر من حسابات ، و لقمتُ ببيع السيارة و التخلص من الشقة و أعباء الإيجار القادمة ، والتصرف في ما في حوزتو من أموال بالتشاور مع المتبرعين ، من عفا و من أراد توجيه ما تبقى لمن يستحق .
أي تفكير يا ملهم في المضي في المشروع بعد كل ما أثير ، أكتر من إنو محكوم بالفشل حتماً ، سيضعك في مكان شبهات ، كشخص رافض يتخلى عن مزايا إكتسبها من المشروع .. و أصلاً التفرّغ للعمل الخيري أساسو الثقة من المتبرعين و المانحين ، و رأيي إنو المسألة دي إنتفت بعد البوست ده .
ربنا يوفقك في عملك الخاص ، و يثيب من تبرّع بكل حسن نيه و أحس إنو تبرعو ما وصل لمستحقيه ، و أكيد باب الخير ما إتقفل هنا .
| |
|
|
|
|
|
|
|
|
|
Re: شقة مصر (Re: محمد محمود محمد)
|
يا محمد محمود لو جينا للفكرة من الاساس في زول محتاج او فقير بقطع تزكرة بملايين الجنيهات ويشتري الاف الدولارات كمصاريف سكن واعاشه وعلاج في مصر ؟ الفقير والمسكين البستحقو الصدقه الجد ديل حق البوصلوم احمد قاسم ما عندهم
اي زول فكر انو يتعالج خارج السودان اكيد لو ماهو مستطيع عندو المستطيع الاتكفل ليهو بي السفر والعلاج مافي زول بركب ساي ويقول علي الله يمكن القي ود الحلال البعالجني في مصر
الفكرة من الاول ساذجه جدا والناس شالتا الطيبه والهاشميه لدعم الفكرة ..لكن انا نهاءي ما وقعت لي
| |
|
|
|
|
|
|
|
|
|
Re: شقة مصر (Re: Maawya Hussein)
|
عارف يامعاوية ، انا في فترة سابقة جزء كبير من عملي كان في مصر ، كلامك لحد كبير واقعي ، بس المسألة المهمة الكان ممكن يسهلها المشروع ، الأيام الأولى للزائر لمصر ، خاصة إذا كانت أول مرة بالنسبة ليهو ، أكيد بيحتاج لترتيب شقة مناسبة لإمكانياتو ، قريبة من الإطباء المناسبين لحالتو ، و ترتيب للطبيب المناسب و الكفء والأمين على حالتو ، و المسألة دي بدون معرفة جيدة ، ممكن تستنزف المريض و المرافقين كتير من المال و الجهد و الزمن حتى يضعوا أرجلهم في التراك الصحيح .
مسألة الناس الغير مقتدرين أو إنقطعت ميزانياتهم ، برضها موجودة .. ودي كان ممكن المشروع يساهم فيها بصورة مقدّرة ، لو إتعملت بصورة منظمة و علمية و ملهم بذل فيها قليل من الجهد في الترتيب و الجديّة ، لكن وضحت تماماً ، على الأقل بالنسبة لرؤيتي ،السبهللية و عدم الجديّة من خلال طرحو الظهر الآن .
تحياتي .
| |
|
|
|
|
|
|
|
|
|
Re: شقة مصر (Re: محمد محمود محمد)
|
ايوة يا محمد محمود
السبهللية و الفوضى والسذاجة هي الوصف الصحيح لي تصرف ملهم
و دة ينطبق برضو علي المتبرعين
غير كدة اي اتهام لي ملهم ما في عليهو دليل
| |
|
|
|
|
|
|
|
|
|
Re: شقة مصر (Re: أيمن الفاضل)
|
Quote: السبهللية و الفوضى والسذاجة هي الوصف الصحيح لي تصرف ملهم
|
Quote: غير كدة اي اتهام لي ملهم ما في عليهو دليل
|
| |
|
|
|
|
|
|
|
|
|
Re: شقة مصر (Re: أيمن الفاضل)
|
Quote: السبهللية و الفوضى والسذاجة هي الوصف الصحيح لي تصرف ملهم
غير كدة اي اتهام لي ملهم ما في عليهو دليل
المفكر أيمن |
وتاني فاضل يا تو تهم؟!
تحت وصف الرجل بالفوضى السبهللية والسذاجة في أموال عامة؛ تندرج كل التهم الممكنة؟!
ممكن المفكر أيمن دا بعد شويّة يطلع لينا بمصطلح الجريمة غير المقصودة في فوضى الأموال العامة
غايتو بس حابين تكتبو!!
غير كدا ما في دليل!!
بعد الوصفتو بيهو دا، تاني داير دليل شنو يا المبروك
| |
|
|
|
|
|
|
|
|
|
Re: شقة مصر (Re: أبوبكر عباس)
|
الأخ ملهم.. ياخي الرسول الكريم بيقول ولنفسك عليك حق..وانت قبل المشروع دا كانت فكرة الغالب الأعظم إن لم يكن كل الناس عنك إنك رجل أخو أخوان وشهم..شوف الخسارة الخسرتها هسة قدر شنو بسبب المشروع دا؟؟؟
هذه في رأيِ لا تقدر بأي تمن
يعجبني فيك النفس الهادي وهذه ميزة أفقدها أنا
لو كنت في مكانك سأعترف بالأخطاء التي إرتكبتها وأدت إلى هذا الوضع وفي نفس الوقت أن تبرئ جلال وغيره من تهجم البعض خاصة أصحاب تصفية الحسابات السابقة
لأنك تعلم أنهم صدقوك وحملوا المشروع في حدقات عيونهم وكانوا مستعدين لدعمه إلى أقصى حد لولا خيبة الأمل التي تكشفت لهم بسبب المفارقات بينما تقوله لهم وما تفعله
الشيء الوحيد الذي سيعيد ملهم لما كان هو الإعتراف الشجاع وطلب السماح فيما يختص بالأتي:
إنك كنت تنظر لهذا المشروع كمصدر دخل أولاً، ثم عمل خيري ثانياً
بينما كانت الفكرة التي قدمتها للناس أن المشروع أولاً وأخيراً عمل خيري لمساعدة القادمين للقاهرة
ما كان يعيبك لو وضحت الأمر من البداية
ولا زلت أعتقد أن تحملك المسئولية الكاملة عن خيبة أمل المساهمين وتبرئتهم من كل لؤم حاول البعض وصفهم به هو البداية الصحيحة للرجوع للخطوة الأولى التصحيحية
| |
|
|
|
|
|
|
|
|
|
Re: شقة مصر (Re: Maawya Hussein)
|
ماتظلموا الناس الاتبرعو
يمكن اكون انا انصرفت بسبهلليه وفوضى وسذاجه
بس كل المتبرعين اتصرفوا وفق
ثقة وسماحة خلق وطيب نفس واصاله
مافيهم زول قدم حاجه الا وهو كان بأمل انو يلقي الأفضل
وأنا اتعلمت انو لو اشتريت لصقه لي مجروح اسجلها وما افرط في تلفوني والباك اب بتاع وثائقي ...وما أقبل تبرع من زول ممكن يدخلني في حته زي دي تاني
كل الشغل كان عفوي ومع الأسف العفويه قاتله
شكرا مره أخرى للجميع
| |
|
|
|
|
|
|
|
|
|
Re: شقة مصر (Re: ملهم كردفان)
|
بارك الله فيك يا أخ ملهم
وأتمنى أن يبادلك الأخوة السماح ولهم الحق فيه أو في غيره
لكن إعتذارك يحسسني بأن الخير الذي فيك يغلب ما عداه
| |
|
|
|
|
|
|
|
|
|
Re: شقة مصر (Re: ملهم كردفان)
|
Quote: الشيء الوحيد الذي سيعيد ملهم لما كان هو الإعتراف الشجاع وطلب السماح فيما يختص بالأتي:
إنك كنت تنظر لهذا المشروع كمصدر دخل أولاً، ثم عمل خيري ثانياً
بينما كانت الفكرة التي قدمتها للناس أن المشروع أولاً وأخيراً عمل خيري لمساعدة القادمين للقاهرة
ما كان يعيبك لو وضحت الأمر من البداية |
يا عبدالصمد بالله طلبك الفوق طلب زول حقاني وعاوز ينهي الموضوع بي سلام؟
غريب أمر هذا البورد ... إذا كنت حقاني كنت تطلب أولا من كل من أساء الي سمعة
ملهم وطلعه مجرم ونصاب أن يعترف بأنه أخطأ وأن توجد طريقة تعيد بها كرامة ملهم
التي ذبحت في هذا البوست .. تجي تطلب من الضحية أن يعترف بأنه كان يقصد
أن يأكل أموال الناس قبل التفكير في عمل الخير ( بالله دا كلام دا )
ومدخل الرسول في بداية الكلام وفي نصه شايل حبل عاوز تعلقه في رقبة الزول المسكين دا
يعني الزول بعد ما ضبحوه في البوست إنت جاي شايل سكينك وعاوز تسلخ
عيب عليكم
| |
|
|
|
|
|
|
|
|
|
Re: شقة مصر (Re: عبدالعظيم عثمان)
|
سلام
ملهم : أنا عفوت لوجه الله ما دفعت.
تمام دا صاحب نصيب الاسد من عطية المزين عفا لوجه الله ما تصدق به....يعني لو ما عفا يزرر ملهم ويرد العطية...والحساب ولد انت عفيت...باقي تستسمح ملهم و30000 مشاهد للبوست دا عشان يسامحكم على الطريقة والمحاكمة العلنية وخليتوا الما يشتري يتفرج...انا ما مسامحك( م) في ثقتي في كل من يقدم الخير ويلاحق بعده بالفضيحة...ما من حقكم العملتوا دا....وعلى فكرة لا تربطني بملهم اي علاقة شخصية ...
| |
|
|
|
|
|
|
|
|
|
Re: شقة مصر (Re: عمر نملة)
|
عبدالعظيم وحاتم وبقية شلة تصفية الحسابات القديمة .. حينما طلب حاتم التبرع إختبأتم في جحوركم والآن تحلمون بإضافة هذا البوست لبوستات تصفيات حساباتكم القديمة النتنة
أخرجوا من هنا ..خُرج يخبي المي ويمطر عفان
لا تريدون للنار أن تنطفيء قبل أن تقضوا وطركم
يهمكم ملهم!!!!! أم إنها كوميديا بايخة لا تضحك ولو كلكلتم بها غرير
هل تعتقدون أن البورداب لا زالوا مغيبين عن شلليتكم وإعمالكم الفتن في كل بكان
حتى تحرقون الأخضر واليابس أينما تحلون
لا بد أن يكون ملهم واعى ولا يستدرج ليقع في مصائد كلمات الحق التي يراد بها الباطل
وله كل حق الإختيار في أي طريق يرى الحق الذي لأولى به أن يتبع
إنه يعلم من وقف معه عندما وجه النداء شهور فوق الشهور للمشروع الخيري
ومن إختبأ حينها ليظهر في لحظات المشاكل والفتن فهو البطل هنا لا هناك
| |
|
|
|
|
|
|
|
|
|
Re: شقة مصر (Re: عبد الصمد محمد)
|
Quote: عبدالعظيم وحاتم وبقية شلة تصفية الحسابات القديمة ..
حينما طلب حاتم التبرع إختبأتم في جحوركم والآن تحلمون
بإضافة هذا البوست لبوستات تصفيات حساباتكم القديمة النتنة |
يا عبدالصمد سؤال واضح وصريح
ليه عاوز ملهم يعترف بأنه كان ينظر لهذا العمل كمصدر دخل؟
ما بتخجل وإنت بتطلب من زميلك في المنبــر طلب بهذا القبـح
ولا عاوزه يقوليك أي انا كنت متربص وعاوز أكل قروش التبرعات
وأنت بتطلب الطلب دا أين كان عقلك يا عبد الصمد؟
عشان تركز ما ترجع تاني تقول تصفية حسابات وكلام في الهواء ساي
السؤال فوق جاوبة أولا وبعدين أكتب أي كلام تاني
| |
|
|
|
|
|
|
|
|
|
Re: شقة مصر (Re: عبد الصمد محمد)
|
| Quote: لا بد أن يكون ملهم واعى ولا يستدرج ليقع في مصائد كلمات الحق التي يراد بها الباطل |
كلمات حق زي التحت دي كدة مثلاً؟
Quote: الشيء الوحيد الذي سيعيد ملهم لما كان هو الإعتراف الشجاع وطلب السماح فيما يختص بالأتي:
إنك كنت تنظر لهذا المشروع كمصدر دخل أولاً |
اطمئن، ما نحنا البنضر، وواعين للتآمر (بكانه) وين.
انتظر تحليلي، عندك فوقو عود (خبيث)
بمناسبة محاولتك الأخيرة (الغبية والساذجة) لتوريط الراجل.
____
أبوبكر كان أشطر منك، هسع بقى يلجأ لمقابضة كلام النيس، وانت بتكرر المحاولة لكن بغباء فطري.
===============
| Quote: لا بد أن يكون ملهم واعى ولا يستدرج |
مافي أدل على وعيه من هدوء أعصابه ومحاولاته السابقة لإبقاء الموضوع في أضيق نطاق
كلمنا عن وعي حامل قربة الصديد المثقوبة والتوابع وكوادر الخطابة والملتفين
رأيك شنو في (غير الواعي) البيستدرج ناس (قامات) للعفن دا، هم وين بالمناسبة؟
ويفشل مخططه وبعدها يقعد يشلت يمين وشمال، يا قراد ويا لباسات و(أنا أكبر قليل أدب)
وفي النهاية يقعد يبكي ويتمخط
ويقول أساؤوا اسرتي!
____
يعني بكدة نمسح على راسو قال يعني؟
| Quote: أخرجوا من هنا ..خُرج يخبي المي ويمطر عفان |
ههههههه
مش تنتظر لمن نفضح المؤامرة دي!
ياخي في ناس سيماهم في وجوههم
زيك كدة تماماً.
=============
دا أعفن وأوسخ وأرذل بوست في السنة دي
ربما في كل تاريخ المنبر.
| |
|
|
|
|
|
|
|
|
|
Re: شقة مصر (Re: عمر نملة)
|
ابوبكر المستنير
اولا طلب العفو بتاعك مرفوض .... لانه تم تحت ممارسة ضغوطات نفسية وتهديد للمزكور اعلاة ..... ثم إستمالة الضحية بتقديم وعد كاذب ٥٠٠ دولا لتنال العفو .... مستغلا وضعه النفسى الغير مستقر من هول الصدمه.
التهم الموجه لك اشانة السمعة ..... ثم التلاعب بمشاعر الضحية ..وتقديم رشوة للضحية للتستر.... والمشاركة فى وجريمة انسانية بشعة بالتخطيط والتنفيذ فى حق احد اعضاء المنبر ... رفعت عنك الاستنارة والحصانة .... خليك قاعد فى قفص الاتهام هناك ما تتحرك ..... انت امرك مقضى تب
نقبل الجماعة الباقىن ... خليك قاعد فى قفص الاتهام لمن نجيك راجع .
| |
|
|
|
|
|
|
|
|
|
Re: شقة مصر (Re: أيمن نواى على)
|
| Quote: حافظ الإمام محي الدين كالغاري Mollhem Kordofan أنا يا ملهم قرأت كل البوست مداخله مداخله ورجعت كذلك للبوست الأصل بتاع فكرة إنشاء فايزين وتابعت كل ردودك لذلك وصفتها بالضعيفه. أنا ما عارف شنونوع المستندات الممكن ترسلهم لي أو قاعد ترسلهم للناس، أنا لا أبحث عن عقد إيجار الشقة ولا شهادة ملكية العربية أوصورة مريض نزل في الشقة أو فاتورة أو إيصال حوالة، كل ما أبحث عنه مداخلة مباشرة في البوست الأصل أو في أي مرحلة قبل ما توجه لك تلك الإتهامات توضح للناس فيها أنت أنك سوف تسكن في الشقة وتستفيد منها فائدة شخصية وأن لك الحق في هذه الفلوس والإستفادة منها لأنك تفرغت تماما لهذا العمل. إذا وريتني الحاجه دي تكون أقنعتني تماما ولا أحتاج لأي إثباتات أخري. وأعتقد الموضوع ده لا داير ليه واتساب ولا تلفون سمح. بعدين ما تقول لي الناس مفروض تفترض إنه الحاجة دي تحصل، إخفاءك للحقيقة دي عنهم يا ملهم هو الجاب ليك الهوا، وصدقني هي معلومة مهمة ومن حق الناس معرفتها في وقتها، والناس حاسين إنك دسيت عنهم المعلومة دي عن قصد . أعجبني · رد · تمييز كمحتوى غير مهم أو احتيالي · |
| |
|
|
|
|
|
|
|
|
|
Re: شقة مصر (Re: جلالدونا)
|
عندما ناشدت الناس هنا بتجاوز هذا الامر بمدخل السماحة كنت اعي تماما ما اقول ..
وحقيقة هناك تمييز مهم بين ثقافة التسامح وسلوك (عفى الله عما سلف) المرتبط بالفساد المالي والاخلاقي على مستوى الحكومات .. هو تمييز شخصي وقناعة ذاتية وسلوك ممارس في حياتي عموما. وأظنه صحيحا .. الا أن بعض الظن اثم على اية حال
رأيي فيما يحدث مضمن في عدد من المداخلات للاصدقاء هنا ..
أنا غير مؤمن ب (خيرية) هذا العمل (الخيري) ومنذ البداية (رأي شخصي) .. ولقد تابعت البدايات والتي صاحبت مسألة قاسم مهداوي مع السلطات المصرية .. ولقد تضامنت الناس مع قاسم مهداوي لاسيما اصدقاءه .. وقاسم زول عزيز على الناس وفوق لي كده عزيز بي اهلو ورفض اي مساعدات او تبرعات مالية في موقف نبيل جدا .. اثر هذه المسألة نشأ خلاف بينه والاخ ملهم كردفان وكانت هناك مبالغ قد حولت بالفعل لملهم تضامنا مع قاسم ..
عند هذه النقطة بالتحديد تم طرح هذا المشروع الخيري كتعميم لو جازت الكلمة .. بدلا عن حالة قاسم تحدث ملهم عن اسر كثيرة يمكنهم ان يستفيدوا من عمل خيري في مصر بالشكل المطروح الآن ..
شخصيا حاكمت الامر ولم اؤمن بالفكرة من اساسها بالاضافة لخلفية بداياتها والمشاكل الكبيرة التي نشأت بين ملهم واحد اصدقاء قاسم الذي حول مبلغ لمصلحة موضوع قاسم ومن ثم طرح عليه الاخ العزيز ملهم ان تُحول امواله لصالح (العمل الخيري) فرفض ذلك جملة وتفصيلا وطالب مطالبة شديدة باسترداد امواله والتي اعيدت بعد مشاكل (لوجستية) كثيرة صاحبها الكثير من المشاكل على مستوى الاسفير ..
اذن لم أؤمن بالفكرة اساسا .. ولم أجد فيها فرصة (جيدة) لعمل خيري .. فالاعمال الخيرية تتبع عندي اوليات محددة وواضحة تتعدى بكثير استضافة مريض 3 ايام في القاهرة واستقبالو في المطار الخ الخ في وطن تنعدم فيهو محاليل الغسيل الكلوي وادوية السرطان ويموت الناس من المرض والجوع ويفقدون المأوى والمياه الصالحة للشرب الخ الخ الخ.. وعدا ذلك فان تجربة الاعمال الخيرية التي تعتمد على شخص واحد بالصيغة التي انبنى عليها مشروع اخونا والصديق ملهم .. وكنت متيقنا تماما من ان ذلك مدخل مهيأ تماما لا يأتي الا المشاكل بالنسبه ليهو هو اولا ... ومشاكل للمساهمين لانو المساهم من حقو تماما متابعة ما يحدث (لو دفع دولار او الف دولار) .. ده حق من الممكن ان يتم استخدامو او يتم التنازل عنو ولكن لا يصادر.. ومشاكل لاستمرارية وجدوى المشروع المستقبلية (الجدوى المشكوك اصلا في صلاحيتها ..
حدث ما حدث .. وتم افتراع هذا البوست.. ووصلنا للنهايات التي توقعتها من اليوم الاول .. وكما توقعت ايضا يحول البوست لصراع آخر بمحمولات لا علاقة لها بالبوست وانما بالشخوص والتكتلات المنبرية .. وسيستمر هكذا .. تصيد كلمة هنا .. وسوء استقراء متعمد من هناك وطااخ طرااااخ الخ الفوضى الاسفيرية الملازمة لمنبر سودانيزاونلاين
عموما مازلت عند رؤيتي ان يقفل هذا الموضوع ..
مودتي للجميع
| |
|
|
|
|
|
|
|
|
|
Re: شقة مصر (Re: محمد حيدر المشرف)
|
يا ود المشرف البوست فيهو جوانب مشرقه جدا ومضيئه لي طريق كتير من الناس هنا اذا قريناهو من قاعدة (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ...)
| |
|
|
|
|
|
|
|
|
|
Re: شقة مصر (Re: Maawya Hussein)
|
| Quote: عموما مازلت عند رؤيتي ان يقفل هذا الموضوع .. مودتي للجميع |
مشكور ود المشرف علي مرورك ورائك الصريح وواضح لكن البوست اظنه في البداية بعد ظهور الناس التي تحاول محاكمة المتبرعين علي مافعلوا وسؤالهم الي اين ذهب تبرعهم نشوف الناس دي حدها وين ونواصل معاهم الي حيث يريدون
| |
|
|
|
|
|
|
|
|
|
Re: شقة مصر (Re: محمد المسلمي)
|
ود المسلمى
الله جابك .... جيت براك بى رجلينك ..... تحدثنا عن ثلاث انواع من المتبرعين .... منفق لاتعلم شماله عن يمينه ..... ومنفق رياء الناس ..... ومنفق يتربص بكم الدوائر ..... اصحاب الفتنة المندسين نحن نتحدث عنهم.... هذا للتوضيح حتى لايتشابة عليك البقر ..... تخلط الصالح بالطالح ..... كما فعلوا وتقع فى الفخ المنصوب لتعكير الماء ويتم الاصياد فى المياه العكرة .
ارجع واسلهم لعلنا نجد الاجابة منك ..... لقد تهربوا منها جميعا .
نعيد السؤال مرة اخرى ..... هل كان يعلم المتبرعين أن ملهم ليس لديه عمل يصرف به على معاشه ...... أن كانوا يعلمون هل تبرع له شخص تبرع شخصى له او طالب بان يكون له معاش ثابت حتى يكمل المشروع بنجاح ؟
ام هى الخبث والمكر ينفقوا القليل ... أن قام بالعمل دون اجر فهو عبد مطيع
يتم الثناء عليه ....وان لم يفعل لى يسجنن او يكون من الخاسرين.
انت برضوا نوجه لى سؤال ما تمرق مننا ساكت ..... هل يا المسلمى يمكن أن تتبرع للعمل دون مقابل لى مدة سنة وتكون حاضر تحت الطلب ٢٤ ساعة ..... ما لا ترضاه لى نفسك لا ترضاه لى غيرك .
يله سريع نحن فى انظار الاجابة من الاخرين ومنك ..... فى انتظارك ما تتطول.
| |
|
|
|
|
|
|
|
|
|
Re: شقة مصر (Re: جلالدونا)
|
Quote: حافظ الإمام محي الدين · Calgary, Alberta
سؤال لأخونا ملهم، إنت ليه ما كلمت الناس إنه الشقة دي حتكون هي سكنك الخاص وح تستقبل فيها المرضي أحيانا؟ وليه ما قلت للناس صلحوا لي عربيتي الخاصه دي وأنا وقت ألقي زمن ممكن أوصل الناس بتاعين فايزين.
أنا شايف إنه الزول طالما ناقش تفاصيل صغيره نوع بوماستك ومخدة ومرتبة وملاية عند بداية المشروع ما ممكن يجلي أهم حاجتين (الشقة، والعربية) وما يتكلم عنهم بإسهاب لأنه ديل عضم المشروع.
+++
ملهم ، موضوعك بتاع خدمة الناس يستاهل يدوك فيه عربية آخر موديل ومعاه شقة ديلوكس ومرتب محترم، لكن إخفاءك للجانب بتاع منفعتك الخاصه من الموضوع ده خلي شكلك ما حلو قدام الناس.
نصيحتي ليك إنك تحكم ضميرك ودي حاجة بسألك منها الله سبحانه وتعالي فلو أخطأت إستغفر ربك وشوف طريقة تصلح بيها الخطأ ده، وأطلب العفو من الناس ، حق الناس يا ملهم مسئولية عظيمة فلا تستهون به و ح يغطس حجرك فلا تستمع لصوت الناس الذين يحاولون أن يزينوا لك الباطل. أما إذا كنت علي حق فدافع عن نفسك بقوة لأنه دفاعك هنا ضعيف لايرقي لفداحة وبشاعة التهمة.
+++
أعتقد معظم الناس الإتبرعت وإنتقدوك هنا لم يكن هدفها إغتيال شخصيتك ولكن حارقاها مسألة إنك أكلت بعقلها حلاوة وبيني وبينك المسألة بتحرق وإنت زاتك لو كنت مكانهم بتزعل، هسي إنت من ضمن أهداف مشروعك ده مش عشان تحمي أهلنا من شغل النصب والإحتيال؟ وكمان برضو دايرين يلفتوا إنتباه الناس عشان ما يتاكل بعقلهم حلاوة، الناس دي ما وقفت علي تبرعهم وبس ،بل أخبروا أهلهم ومعارفهم عشان يساهموا في المشروع ده، ألا تعتقد إنه واجبهم يحتم عليهم إبراء ذمتهم من المسئولية دي، معقول يساعدوك عشان تنصب عليهم؟ (تنصب عليهم) دي طبعا حسب قناعاتهم مش قناعاتي أنا.
ما تعتمد علي قصة شيخ المكاشفي والراجل بتاع مطامير العيش عشان تلقي بيه مخرج، أبونا الشيخ وبتاع العيش ديل مشوا الموضوع لأنهم كانوا هم المتضررين الوحيدين وعفوا ولكن الموضوع هنا مختلف ، الناس هنا بتحاول تحذر الآخرين من الوقوع في نفس خطأهم وده من صلب الدين، وشيخ المكاشفي لو كان حي وعنده باسويرد كان عفا ليك حقه وسلخك عشان ما يجي زول تاني يتغشى وده تقريبا القاعده تعمل فيه الناس هنا. |
يا حافظ سلام
الموقف الواضح الآن أن المجموعة الخططت لفتح البوست وشاركت فيهو من البداية وانزوت الآن
هي المطلوب منها تدافع عن (السلوك) الاتبعتو دا، قدامنا على الأقل
لأنو الظاهر إنو الأدوار المحسوبة فشلت في الأثر المطلوب، وجاء دور الاستدراج والضغط النفسي
والله والرسول ومن تبعهم، والشتائم والمداخلات الخبيثة البتحاول تورط ملهم ما صعب علينا نفهمها.
الكلام دا عيب عليكم، وطالما جيتونا هنا فحنقوم بالواجب، حاجة تخلينا نصدق زيد من عبيد مافي
في موأمرة هنا وللأسف ساذجة جدا ومسيخة وبليدة، حتى المتبرعين ذاتهم الواعي منهم ابتعد.
المخفي كتير سواء كان عن قصد أو سهو أو مجرد تقدير شخصي، ملهم تعامل بحسن نية
ولما كتب بوماستك وعربية وغيرو وأنا شفت البوست جاء ذكره للتفاصيل دي من باب
تبسيط المطلوبات، فبعكس ما بتحاول انت تستفيد من الموقف ضده، لو أراد وزي ما قال
كان بإمكانه يعمل الموضوع أكبر من كدة ويستفيد بمبالغ أوفر.
+++
شنو قصة البهارات الدينية القامت على الناس فجأة دي!
استغفار وطلب عفو ومسامحة والله سبحانه!
الراجل واضح إنو من فترة كان بيناقشهم وفي بعض منهم ما عجبتو الردود
أو ما وجد (الخدمة) المتوقعها مقابل مية دولارو الدفعها، بل حتى لما خططت الشرذمة
عشان تجيب لينا الموضوع دا هنا بدوافع قذرة كانوا بيعترفوا إنهم (ما عايزين نقاش)
الفضيحة والإذلال بس وعلى واسع، وأمسك هاك دا نموذج لحد ما أرصدها كلها
Quote: الاخ العزيز الفاتح احمد حسن
اولا انا لا حاجة لي برسائلك في الخاص
ولا اهتم بها،،،انا اركز في هذا البوست
واكتب للاخوة واورد الاشياء في اطار المسموح
به وفقا لاخلاقياتي
Re: شقة مصرRe: شقة مصر |
يعني حتى مع اجتهاده في وضع الموضوع في إطاره المناسب كانوا بيقولوا ليهو
لا، ما بنسمع ليك، نفضح بس، وخدعتنا مرة ما بننخدع تاني
دي ومعاها اعتراف أبوبكر بأنهم (اتبرعوا عشان يحذروا) بتنسف كلامك عن المحاسبة
وتحكيم الضمير وتصوير (أغراضهم) النبيلة زي ما بتحاول توحي لينا.
+++
يا راجل!
ومال هدفهم (نقاش) و(محاسبة)؟
أمسك دي علاقتها بالموضوع شنو
Quote: بالمناسبه دى حد سمع بى ملهم انو عاوز يتزوج
مش حرام عليك تحرمنا من الشرف ده
والله عيب عليك ياخ
نحنا برضو اصحابك ياخ |
كلمنا بصراحة بالله! دي مفروض تكون في المستندات أو (يعترف) بيها ملهم؟ر
دا شنو غير اغتيال الشخصية والتلميح لأنو غرضو يتزوج
بشوية الدولارات (التـافهة جدا) الرسلوها؟
=========
| Quote: أنا ما عارف شنونوع المستندات الممكن ترسلهم لي أو قاعد ترسلهم للناس، أنا لا أبحث عن عقد إيجار الشقة ولا شهادة ملكية العربية أوصورة مريض نزل في الشقة أو فاتورة أو إيصال حوالة، كل ما أبحث عنه مداخلة مباشرة في البوست الأصل أو في أي مرحلة قبل ما توجه لك تلك الإتهامات توضح للناس فيها أنت أنك سوف تسكن في الشقة وتستفيد منها فائدة شخصية وأن لك الحق في هذه الفلوس والإستفادة منها لأنك تفرغت تماما لهذا العمل. إذا وريتني الحاجه دي تكون أقنعتني تماما ولا أحتاج لأي إثباتات أخري. |
إذن مطلوب منه ينضفها ويؤثثها ويوضح للناس عنوانها ويوصلهم لحد الباب ويرجع مش؟
وبعد ما ينتهوا يرجع يجمع النفايات ويرتب الأثاث ويغسل العدة ويطفي الأنوار
ويطلع يشوف حتى ينوم فيها.
البوست دا اتفتح للمحاسبة الانت هسع بتقول ما بتهمك مفرداتها، الغريبة بتناقض
نفسك في مداخلتك الأولى ومصر على أنك تشوف بس الشيء الممكن يكون في صالح
بوهم إنو يدينه، دا كلامك يا حافظ
| Quote: هسي إنت من ضمن أهداف مشروعك ده مش عشان تحمي أهلنا من شغل النصب والإحتيال؟ وكمان برضو دايرين يلفتوا إنتباه الناس عشان ما يتاكل بعقلهم حلاوة، الناس دي ما وقفت علي تبرعهم وبس ،بل أخبروا أهلهم ومعارفهم عشان يساهموا في المشروع ده، ألا تعتقد إنه واجبهم يحتم عليهم إبراء ذمتهم من المسئولية دي |
دلوقتي، المستندات الانت (بتتجاهلها) ومصر تغض الطرف عنها (بنفس طريقتهم الغريبة!) وتمسك ليهو في حتة
ليه سكن في الشقة وليه ساق العربية! وإنو كان من الأول يوقع على (استيضاح) وكشف إبراء ذمة وشهادة سكن مش؟
إبراء الذمة دا حلال لجماعتك حرام عليهو يا حافظ؟
دين شنو الجيت تزخرف بيهو كلامك إذا كان دا فهمك؟
==========
| Quote: حارقاها مسألة إنك أكلت بعقلها حلاوة وبيني وبينك المسألة بتحرق وإنت زاتك لو كنت مكانهم بتزعل، هسي إنت من ضمن أهداف مشروعك ده مش عشان تحمي أهلنا من شغل النصب والإحتيال؟ وكمان برضو دايرين يلفتوا إنتباه الناس عشان ما يتاكل بعقلهم |
كدة ورطتهم زيادة، وبالمناسبة (لفت انتباه الناس) دي براها تهمه في حقهم
إذا عندهم قناعة بما سميته (نصب واحتيال) فالجهات المسؤولة ليست أفراد في سودانيز
بنفس المنطق (القذف والسباب والتشهيروإشانة السمعة) برضو في جهات مسؤولة منها.
| |
|
|
|
|
|
|
|
|
|
Re: شقة مصر (Re: حاتم إبراهيم)
|
ايمن نواي سلامات سوال كيف عرفت وعد المستنير بدفع 500 دولار مسترجعة الي حين ميسرة وعد كاذب ارجو الاجابة
اديني النجيضة في ده وتاني انا برد عليك وانا قاعد تب هنا
| |
|
|
|
|
|
|
|
|
|
Re: شقة مصر (Re: محمد المسلمي)
|
المسلمى
عندما تبرع لفظيا ب ٥٠٠ دولار مستردة كان يقصد به انتزاع العفو .... بعد أن نال ما اراد استخدم النفسية المذدوجة ..... ابوبكر الصوفى الصوف اليقوم ليهو فى جعباته ...... وأبوبكر القاضى يقول مذنب .... اى رجع الى المربع الاول الى قواعده سالما ..... ابوبكر استخف بيكم قال مشغل ثلاث لمبات ....هسى شغال بوصل ليهو ارضى تحرق جميع لمباته ..... يكون قاعد فى الظلام ..... حتى يسئلنا انتظروا نقتبس من نوركم .....نقول له ارجعوا ورائكم اقتبسوا نورا.
| |
|
|
|
|
|
|
|
|
|
Re: شقة مصر (Re: حاتم إبراهيم)
|
يا حاتم،
يا هو دا التحليل الوعدتنا بيهو في الفيس؟
يا أخي، كورتك فكت جنس ففكان
غايتو فائدة شباك فيسك الفتحو الوحيدة؛ مداخلات حافظ الإمام.
حافظ دا عندو ميزان عقل وحس عدالة خطير، مشكلته الوحيدة انو متدين،
لو ترك التدين؛ لدخل الجنّة
| |
|
|
|
|
|
|
|
|
|
Re: شقة مصر (Re: أبوبكر عباس)
|
بالله هو حاتم جاي البوست دا انتقام من جلادونا على البوست داك؟!
يبدو انو كورتي فكت أو استخدمت لمبات كتيرة في غير موضعها!!
لكن البوستين بوستات محاكمة اسفيرية خطيرات
يعني دا فعلاً زي ما خاتم قال دا أعفن بوست ل٢٠١٨
وداك أعفن واحد ل٢٠١٧
يعني جلال يستحق لقب جلال العفن
نحن في التمانينات يا حاتم لو بتذكر
كنا بنستعمل كلمة عفن دي بمعنى خطير
مثلا تجي بت سمحة سماحة شديدة،
صاحبك يقول ليك: عفنة والله
شكرا يا جلال على العفانات
| |
|
|
|
|
|
|
|
|
|
Re: شقة مصر (Re: أبوبكر عباس)
|
| Quote: ابوبكر المستنير اولا طلب العفو بتاعك مرفوض .... لانه تم تحت ممارسة ضغوطات نفسية وتهديد للمزكور اعلاة ..... ثم إستمالة الضحية بتقديم وعد كاذب ٥٠٠ دولا |
ايمن نواي انت مدين باعتذار صريح وواضح للمستنير في كلامك اعلاه في الوعد الكاذب
| |
|
|
|
|
|
|
|
|
|
Re: شقة مصر (Re: ملهم كردفان)
|
يامحمد يامسلمي ...
أبوبكر وعد انو يدعمني شخصيا
ودي بادره جميله منو
الكلام القالو حسسني بي صدقه
وأنا منتظر الدعم ده بس هو لي هسي ما طلب بيانات
أو رسل رسالة خاص او واتساب عشان يبدأ إجراءات التحويل
الدكتور ليهو وجهة نظر وعايز يدعم
بس بكون مشغول برضو
......
بالمناسبه انا ما قدرت اجي اقابلك في القاهره لضغوط العمل ... المره الجايه الوحيين بنتلاقي بإذن الله
| |
|
|
|
|
|
|
|
|
|
Re: شقة مصر (Re: ملهم كردفان)
|
| Quote: امحمد يامسلمي ... أبوبكر وعد انو يدعمني شخصيا ودي بادره جميله منو الكلام القالو حسسني بي صدقه وأنا منتظر الدعم ده بس هو لي هسي ما طلب بيانات أو رسل رسالة خاص او واتساب عشان يبدأ إجراءات التحويل الدكتور ليهو وجهة نظر وعايز يدعم بس بكون مشغول برضو ...... بالمناسبه انا ما قدرت اجي اقابلك في القاهره لضغوط العمل ... المره الجايه الوحيين بنتلاقي بإذن الله |
ياملهم عارفك مشغول ولو ربنا هون نصف تلاتة بكون في القاهرة نتقابل لو ربنا ماشال امانته وانا اصلاً القاهرة قاعد اجي براي من تعب وزالجري باخد لي راحة وشوية فحوصات وزي ماقلت ليك المرة الفاتت ماكان عندنا في الطيب نصيب .. اما بخصوص المستنير فأنا اثق في وعده وهو رجل ماقاعد يقصر مع الصحاب وأخو اخوان انت ابدا في المشروع الجديد وموفق
-----
بس انا بطالب نواي يعتذر اعتذار صريح للمستنير
| |
|
|
|
|
|
|
|
|
|
Re: شقة مصر (Re: ملهم كردفان)
|
انت حر
كنت داير اقول ليك
عايز ارسل ليك الادلة الباقية
شايف موضوع عرسك بقى من الخصوصيات
مع انو اتجمعت ليهو قروش فى قروب سناير طنطا
فى 2016 القريبة دى بى نفس طريقة فايزين
سك و ملاحقة فى الخاص
و بعد ده مافى عرس حصل
بدليل انك قلت بعت شيلة العرس عشان فايزين
شكلو الفرحان بيهم ديل ح يورطوك
كدى عاين لى زولك البنونى فى اضانا ده
و براحة قول ليهو قبل تجى تتمحرك هنا
امشى اقرا روابط البوستات الجابا ود المدير هنا
و قول ليهو زفت الطين الاسمو جلال ده اقترح انو يدوك مرتب قصاد الخدمة دى
و قول ليهو انت يا ملهم عرضت نفسك كمساهم فى المشروع
و اصلاً ما جبت سيرة انك تخلى شغلك وتفرغ للشغل ده
حتى بالامارة كتبت انك مساهم فى المشروع و دفعت ايجار شهر 12/2016 و شهر 1/2017
دى الونسة .. الغريق قدام
| |
|
|
|
|
|
|
|
|
|
Re: شقة مصر (Re: جلالدونا)
|
ياجلال دونا انا كنت في الحمام وجيت لقيت محاولة اتصالك
...
رسل بقية الادله عادي ياخي والله مابيناتنا زعل...
....
المهم في الأمر ياجلال انو ناس طنطا اتبرعو لي عرسي ما لفايزين
ثم فعلا دخلت جزء من التبرع في ثمن العربيه الغريبه شنو
ثم عرست وطلقت ودي حياتي الخاصه ياحبيب
....
عندك دليل بخصوص فايزين هاتو
اساكك ناس طنطا ...
ده كلام يونس وعيب عليهو لانو بيناتنا كان في خلاف عشان نزل ملف بيسخر من السودانيين ولمن انتقدته انسحب من فايزين وحذفني من زملاء الزمن الجميل
.....
خليك فى نطاق فايزين والبوست ده
...
التلفون موجود والواتساب موجود
يشرفني ويسعدني اني اتواصل معاك ياجلالدونا
احترامي
| |
|
|
|
|
|
|
|
|
|
Re: شقة مصر (Re: جلالدونا)
|
شكراً المسلمي على الدعم والمساندة وفعلا الصديق وكت الضيق.
لكن بيني وبينك مصاحبتك الكتيرة والبصات دي بتجيب لي مشاكل
أنت ما زلت مصنف كوز كبير
أنا الحمد بعد لقاء المناضل خالد العبيد
تم حذف اسمي من كشف الغواصات،
باقي لي بس أنفي تهمة البارتنر والالحاد وممكن أترشح لرئاسة الجمهورية عن اليسار العريض،
خلي بعد داك عادل عبد العاطي الفاتح ليهو بوستات دا ينفعك
| |
|
|
|
|
|
|
| |
عمر دهب
عبدالعظيم عثمان
ابراهيم عبد الوهاب
أيمن الفاضل
محمد المسلمي
محمد المعتصم ابوبكر
عبدالمنعم الطيب حسن
جلالدونا
MAHJOOP ALI
قسم الفضيل مضوي محمد
ملهم كردفان
حاتم إبراهيم
Maawya Hussein
Sulaiman Adam
امجد الجميعابى
محمد محمود محمد
عمر نملة
أيمن نواى على
محمد حيدر المشرف
فيس بوك
تويتر
انستقرام
يوتيوب
بنتيريست