عارف الناس تنقصتهم من تطبيق الديمقراطية حائق بسيطة .. هو عدم وجود مسألة التصويت .. والجسم الذي يصوتون فيه .. ومن يحق لهم التصويت .. هذه الثلاثة أركان لو توفرت لهم .. لأكتمل العمل الديمقراطي لديهم ..
عشان كده جاءت الخلاصة .. غير مجمع عليها بل أراء فردية بمثل ما بدأ البوست ..
بالله يا عاصم كيف يتم تطوير العمل الديمقراطي في هذا البوست .. هل مثلاً نعتبر كل أعضاء سودانيزأونلاين يحق لهم التصويت ..؟ أم فقط الأعضاء الذين يشاركون في هذا العمل الخيري ..؟ أنا عايز أشوف خلاصات مجمع عليها ديمقراطياً ..
والله رغم المحكات الصعبة التى دخلوا فيها .. وعصروا علي أنفسهم فيها .. كل شيئ كان جميل ورائع ..
بريمة
01-04-2018, 12:43 PM
Asim Fageary Asim Fageary
تاريخ التسجيل: 04-25-2010
مجموع المشاركات: 7810
طبعاً يا بريمة طالما الموضوع تم طرحه في المنبر العام فعليه يحق لكل أعضاء المنبر وبل كل قارئ أن يشارك اذا كانت هنالك عملية تصويت فيحق للكل المشاركة وكلما توسعت قاعدة المشاركة كلما كانت النتيجة أقرب للحق .
والشئ المهم أيضاً الذي توفر في هذا البوست أن الكل تقريباً متفق على أن مسألة المحاسبة ضرورية ونهج المحاسبة نفسه نهج راقي .. لذلك نجد أن هذا البوست انتقل الى مربع هام من المربع القديم بتاع السودانيين بتاع باركوها يا اخوانا وخلوها تمشي بالبركة
مع تحياتي،،،
عاصم فقيري
01-04-2018, 12:47 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3469
يا جماعة الخير ملهم كردفان وفي الصفحة الرابعة اعتذر ليكم وقال ليكم اسف ..اسف على تقصيري، يعني معترف بانه قصر وانه أخطأ..خلاص كفاية كده ..البوست حقق هدفه واعرشو على كده زي ما قال ليكم محمد مجيدو .. ونتمنى ان يغلق جلالدونا البوست و ياريت يشطبه بعد أن حقق البوست غرضه
(عدل بواسطة السر عبدالله on 01-04-2018, 02:02 PM) (عدل بواسطة السر عبدالله on 01-04-2018, 03:38 PM)
01-04-2018, 02:01 PM
أيمن نواى على أيمن نواى على
تاريخ التسجيل: 05-02-2015
مجموع المشاركات: 4327
لم نصل الى الخاتمة بعد ...... مناقشة الميذانية بحضور ملهم .... ومنحه وقت كافى للدفاع وشرح الاسباب ..... ثم يترك التقييم للمشاركين فى المنبر وخارج المنبر .... لى تحديد الاستمراريه مع التعديل او عدمه ...... او استرجاع ما تبقى من الاموال للمتبرعين ......... او اعفاء المتبرعين لى امولهم بعد معروفة الاسباب ..... مبداء المحاسبية والشفافية يعلو ولايعلوا عليه شئ .... يجب تطبيق المثل اكلوا اخوان واتحاسبوا تجار .
لكن يا جلجل ما لقيتك مفتح ترميها فى بتاع البصاودة طلع قادى لغة عربية وساقط نحو امية ٢٦ فولت .
ملهم مازالت التجربة تحت التقييم والخاتمة على وشك النهاية ...... لى نحكم بالفشل او النجاح وكلنا مشاركين فى النتيجة لست انت وحدك..... النجاح يشملنا كلنا والفشل ايضا والعثرة بتصلح الطريق .
المستنير انا لو كنت زيكم انت ومحمد عثمان لا يعرف حرام ولاحلال .... كنتوا امنتوا بى الله ورسوله (ص) ....... كنت خليت الواحد فيكم يجيب لى القروش لى عندى ويترجانى ودموعه للركب ....... اقول ليهو القروش دى وسخانة احضرها فى طبق من فضة ...... لكن رحمة الله بى عباده جعلنا من المؤمنين به.
01-04-2018, 02:03 PM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
تشكر عاطف آليت علي نفسي ان ابتعد عن الرد في قضية ملهم نهائيا . واعود لغير موضوع ملهم صاحب القصة والدي محمد علي ابوسن رحمه الله . وله يعود الفضل فيما انا عليه .. ما كان جيدا فمنه وما كان سيئا يعود لي وحدي كان كريما بشهادة الجميع كرما اروشا .. من قصصه الشخصية عمل ليهو ماسورة ومزيرة في دكانه وقال له عمي صديق رحمه الله وكان رجلا فكها لماحا ذكيا غايتو يا محمد علي اخوي الماسورة دي بتعلمك سب الدين وتكسرها قبل يجو ناس الموية يفكوها وخاب ظنه .. فلم يحدث ذلك حدثه الناس انو في ناس بدفقو الموية وناس بدخلو في الزير اواني قذرة وبجلفقو وناس بعملو دايرين يشربو عشان يسرقو فقال لهم من يوم ركبتها ما بقابلها بي وشي ولا بشوفها وفعلا وضعها وراء ظهره حتي لا ير ما يسوءه ويضطره للكلام معليش احب ابي جدا
Quote: يا أحمد عمر لا توجد عربية لا شقة ولا كرسي متحرك والكلام دا ممكن تطلعو من تقاطع المشاركات هنا وهو واضح لزول زيك
الراجل ذكر عدة مرات خلال هذا البوست إنه جاهز لأي شخص عاوز يشوف الشقة والعربية ورقمه منشور وقال العاوز يشوف الصور يراسلو واتساب تاني شنو البخليني افتش في التقاطعات! رصيدي من حسن الظن بغطي تكاليف تصديق ملهم بعدين يا مستنير الاتهام في الشرف والأمانة ما فيه اعتقد وعلى ما أظن وبناءً على ما وراء السطور .. دي ما حاجة بتتم بدون أدلة وبيانات قطعية هسة زي اتهاماتك لنواي دي عندك عليها دليل غير حدسك؟!
Quote: أنا شاعر إنك برضو مستهبل وحابي تلبسنا سلطانية تانية.
Quote: لكن يا نواي ما بخليك تكرر تجربة صاحبك هنا تاني
ومن مجري التحريات والمرافعات والدفوعات ودمج الاتهامات بعضها علي بعض
وعلي ضوء ردودات المدعي عليه المشتته والمهزوزه والغير مقنعه واللف والدوران علي الاخوه مجموعة اعضاء داقسين
ولمحاولته لفت نظر اعضاء المنبر بلب المشكله وجرجرتهم واستجداء عطفهم بمواقف تشريفيه لايسندها وثائق مثبته واللبتان خلف من يؤازونه والذين دفعتهم هاشميتهم من باب انصر اخاك ماكلا اوماكولا.
خلصنا الي ان المتهم مذنب عيانا بيانا .ومن حيث ادعي المتهم انه يعمل في مجال المقاولات والتي من المفترض انها تدر عليه مبالغ لاباس بها!!!!! + اسهامات الداعمين لهذا المشروع ومع ذلك يقوم ببيع ممتلكاته الخاصه
فعليي الداعمين القدامي والجدد القيام بايجاد البديل المناسب لهذا المشروع الخير ان كانو يروا فائدة في ذلك
وياملهم اخوي العفو والعافيه
والله من وراء القصد
01-04-2018, 02:50 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3469
زيما كتب الأخ أحمد التجانى، فالمشروع من أساسه مشروع ساذج قائم على حسن النية بدون تفكير فى اللوجستيات، والترتيبات لحظر خطر تغول النفوس على المال السايب الذى وإن طال الزمن سيجد من يطمع فيه حينما يراه بلا رقيب ولا حسيب ..
يبدو لى أن ملهم رأى أنه فكرة يفيد منها ويستفيد هو ذاته بسكن مجانى وعربية تكاليفها مجانى ، والمبرر هو عمل الخير والتطوع والأخوة والسودانوية .. وكما رأينا فإن هذا الاسلوب السبهللى فى تسيير مشروع مامعروف اوله من آخره ولا يمكن التحكم فيه وليست هناك معايير لأوجه الصرف، حيث أنها متروكة لذمة الأخ ملهم.. والمتبرعين زاتهم لا بيعرفوا ملهم ولا قابلوه ولا عارفين ظروفه ولا عنوانه ولا ولا .. يعنى بس برضو اشتغلوا بالنية ساى .. وكمان مامعروف زاتو الناس البيجوا للعلاج ديل بيجوا كيف ويعرفوا كيف عن خدمات ملهم .. اللهم إلاّ بس الناس العارفين ملهم وعارفين فى خدمة زى دى ويقوموا يكلموا معارفهم ليستفيدوا بلا سقف محدد.. أو أهل ملهم زاتو يكونوا هم المستفيدين ووو... لذلك فباب الشكوك فاتح لأى شئ .. حتى حكاية الأسر المتعففة دى يمكن الشك فيها ، لأنه ما معروف من هى هذه الأسر ــ وطبعاً من باب كلمة متعففة دى مفروض هويتها تكون سرية ــ فلا أمل فى كشف بنود الصرف مهما كان !!😶 .. المحصلة شنو؟ إنو ياسودانيين طلعتوا ناس فاشلين فى أى مشروع جماعى سواء كان تطوعى خيرى أو تجارى .. السذاجة وسوء التخطيط وسوء الإدارة حاضرة مع سوء الظن .. فبالله المابيقدر على شغل كبير أخير يتنحى ويشوف ليهو كفيل .. لأنو السودان كله من ما الكفيل الانجليزى مرق من البلد دق الدلجة وما قادر يقيف على حيله لدرجة سودانير العفينة دى ماقادرين يسفروها فى مواعيدها .. فغايتو كل زوول يروق فى علبه لأن المرأة المابتعرف الدخان تتحرق ..😬😬
01-04-2018, 05:01 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12480
إنو ياسودانيين طلعتوا ناس فاشلين فى أى مشروع جماعى سواء كان تطوعى خيرى أو تجارى .. السذاجة وسوء التخطيط وسوء الإدارة حاضرة مع سوء الظن ..
=================
حبيبنا منير .. مودتي .. مداخلة دسمة هل كل المشاريع الغير ناجحة في السودان تتم هكذا .. دي مشكلتنا حتى عندما تقدم قرض لأحد الاخوان لا تستطيع طلب السداد منه واي شراكات لا تنجح .. ولدي تجربة في مزرعة في البلد .. لماذا .. هل الثقة العمياء هي السبب الواحد فينا ممكن يرسل مصروف لأهله في السودان مع أي شخص بس رقم الموبايل للمستلم وخلاص والفلوس تصل كمان .. الثقة الزيادة مشكلة كبيرة جداً شكرا منير مررت كثيراً على هذا البوست ولكن مداخلتك فيها عمق
01-04-2018, 05:18 PM
Munir Munir
تاريخ التسجيل: 02-11-2002
مجموع المشاركات: 10496
غايتو يا أخى العزيز على، حسب مراقبتى للحال فإنى اقتنعت بأه هناك قصور فى شخصيتنا تجعلنا عاجزين عن الإدارة .. أقصد إدارة المشروعات الكبيرة .. يعنى عاين مثلاً العجز عن إدارة الموانئ.. السكة حديد .. سودانير .. مشروع الجزيرة .. مشاريع النيل الابيض الزراعية .. الثروة الحيوانية .. المجارى .. النظافة .. الفلنكات .. إلخ .. أى حاجة تلقى عدم الخبرة وانعدام التجربة والفساد وسوء النية له بالمرصاد .. السودانى محصور فى مشاريعه الشخصية : دكان.. طبلية .. جزارة .. طاحونة .. حواشة .. زريبة تخصه .. وهكذا .. لكين شغلانة موول كبير.. مسلخ .. وماعارف شنو فـ نادراً ما ينجح .. فى الغربة السودانى ناجح لأنو يصبح ترس صغير فى كفالة سيستم ناجح جابوه رجال اسهروا الأمقال .. مش زينا نحن الذين اكتر كلمة مريحة لينا هى : الترطيــــــبة .. فالحين بس فى شعارات وأشعار نحن ونحن ونحن .. بؤس شديد ياخ 😬😬
01-04-2018, 05:32 PM
Munir Munir
تاريخ التسجيل: 02-11-2002
مجموع المشاركات: 10496
أنا غايتو شخصياً لو كنت اتشوبرت فى مشروع open access زى ده ، كنت فى الآخر حأجى انسلخ زى ده وأطلع أكبر محتال رغم أنى متأكد بكون مستعد أدفع من جيبى عشان أتم الناقصة .. لكن بوين مع حاجة ماعندها حدود زى المشروع الهلامى ده ؟ 💰💰😶🍒🍒
01-04-2018, 07:08 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
التحية للجميع هنا بالنسبة لى تهمة التنسيق و انو فى ترصد و تربص بى ملهم بقول ليهم لا ما كان فى تنسيق و كمفترع لى هذا البوست كان مقصدى الخدمة فى عضما لانو شعرت انو فى تقصير فى الخدمة و عن تجربة شخصية مو قول قايل اكرر .. المقصد الخدمة و ليس الميزانية و المحاسبة و ان كان من طلب ذلك من الاخوة ليهم الف حق فى ذلك بدليل انو ملهم اقر بمبدأ الشفافية للناس القالت المفروض تواجهو ملهم قبل النشر اقول بعد فتح البوست بدت تجينى رسائل مكتوبة و مسموعة و تسجيلات صوتية و اتصالات تلفونية بها ما يكفى من ادلة المهم شلت واحد من الاتهامات دى و واجهت بيها ملهم و تحديدا الاتهام ارتبط بى مداخلة ليهو تلقوها هنا Re: شقة الإستقبال كرسى متحرك ..وشوية عفش وبوماRe: شقة الإستقبال كرسى متحرك ..وشوية عفش وبوما و كان ردوا لى بالحرف فى جزء من مداخلة ليهو خليك فى حدود تبرعك و بس و انصرف و اشكرك على البتعمل فيهو ده يشهد على الكلام ده من عضوية المنبر محمد المسلمى اسامة و بكرى و بل ازيد اتصل بى اتصل بى شخص من القروب بعد المواجهة و ذكر انو دفع ايجار شهرين و لم يجد اسمو فى لستة ملهم بتاعت سودانيز نجى لى مسألة الحسابات الفرضت نفسها و ما كانت من مقصودات البوست و رغم ذلك مداخلاتى تشهد على انى حاولت اساعدو فى توضيح موقفو .. لكن وضح انو ما عندو مستندات توضح المبالغ الاستلمها ناهيك عن المصروفات و الان الثابت لى ان المبالغ المتحصلة 75.000 جنيه مصرى بعد افادات من مساهمين من غير عضوية المنبر و قد تزيد اذا كشف مساهمين اخرين لا نعلمهم عن مبالغهم نجى للزملاء الاشارو للزكاه و حق ملهم الشرعى فيها .. المال ده يعتبر امانة لى هدف محدد بيد ملهم استغلالا فى اى جانب اخر يعتبر امر يعرفه الجميع
01-04-2018, 09:12 PM
ملهم كردفان ملهم كردفان
تاريخ التسجيل: 02-16-2013
مجموع المشاركات: 4742
معزره اخوتي الكرام رجعت مضطرا لانو بجمع في نفسي من الحاصل لي ده لانو من حقي اعرف المتبرع ببتاع شهرين ده منو
ومن حقي اعرف المتبرعين من خارج فايزين ومبلغ تبرعهم وهل كان لفايزين والا لشي تاني ...بكل دقه وشفافيه بالادله وفورا بالله عشان ارد ....ةة.... اتصل بى شخص من القروب بعد المواجهة و ذكر انو دفع ايجار شهرين و لم يجد اسمو فى لستة ملهم بتاعت سودانيز
و الان الثابت لى ان المبالغ المتحصلة 75.000 جنيه مصرى بعد افادات من مساهمين من غير عضوية المنبر و قد تزيد اذا كشف مساهمين اخرين لا نعلمهم عن مبالغهم
01-04-2018, 07:09 PM
على محمد على بشير على محمد على بشير
تاريخ التسجيل: 08-07-2005
مجموع المشاركات: 8648
Quote: سلام ملهم كلام محمد عثمان و احمد عمر واضح ..... وانا اثنى على كلامهم تحصر كل الايرادات والمنصرفات الذكروها الجماعة وتعمل كشف الميذانية العامة ..... حتى ولو بالتقدير ........ ثم تنزلها فى البوست يناقشوها الشباب هنا فى المنبر ...... انت خايف من شنوا ؟ ....... من الناس ولا من رب العالمين ؟ انت حا تقيف بين يدى المولى عز وجل يوم القيامة تقول شنوا .... .احسن تخلص نفسك فى الدنيا قبل الاخرة ....... اذا عفاء لك المتبرعين اهلا وسهلا ..... واذا لم يدفعوا نحن مجبورين ندفع لهم .
الأخ ملهم أرجو صادقاً الإستجابة للنداءات المتكررة كنت منذ يومين أفكر في كلام الصديق أيمن والحمد لله يوجد شخص آخر يحمل نفس فكرتي شكراً أيمن نواي لا يضيرك يا ملهم أكتب من الذاكرة الأرقام الكبيرة وما بقي أحتسبه لله وسداد الفاتورة بطرف إخوانك إن شاء الله تحية للجميع _ الحليلة
01-04-2018, 10:48 PM
Hani Arabi Mohamed Hani Arabi Mohamed
تاريخ التسجيل: 06-25-2005
مجموع المشاركات: 3515
لم أتداخل في هذا البوست المحزن ، وكدت أن أتركه دون تداخل
لكن المصاب جلل
لا أستطيع الإسهاب في الحديث هنا لأني ببساطة لم أكن طرفاً في المشروع لا متبرعاً ولا مستفيداً ولا شاهداً ،،، كنتُ بمصر عدّة مرات خلال العام الماضي لأغراض علاجية ولمحاولة تأسيس نشاط تجاري مصغر يعينني على إكمال رحلة العلاج التي ما زالت مستمرة والمعيشة.
هذا البوست المؤلم المحزن وضع أحجاراً كثيرة تغلق الضوء القادم من آخر النفق
لن أقول باركوها ولا استروها ولا حلّوها ....
المصاب الأول هنا هو "الفكرة" ، ، ،
هذا البوست يُكتب في الشتاء ، ولا ندري لعل بهنس آخر الآن تجمد ولم يَجد ذِكْراً ولا شُهرة .... لعل مريضاً تاهت به السبُل الآن لأي سبب ولم يجد عوناً
لا أزعم أننا كبورداب نستطيع أن نحل كل مشاكل السودانيين القادمين لمصر ،،، لكن على الأقل : لو كنا نجحنا في إيقاد شمعة لربّما ساعدت هذه الشمعة بشكل مباشر في حل مشاكل كثيرين وبشكل غير مباشر في إيقاد آلاف الشموع الأخرى ...
قد يقول قائل بأنّ أبواب الخير كثيرة وأن هنالك محتاجين في داخل السودان وأن من يصل القاهرة لا يحتاج إلى عون ....
نعم ولا ، ،،، أبواب الخير كثيرة ، وكلها يحتاج لمن يقف من أهل الشهامة والمروؤة والكرم في داخل السودان وخارجه ، ولا يمنع بابٌ باباً آخر ....
أقترح :
1- أن يتم عقد اجتماع مباشر عبر الإسكايب أو أي برنامج مماثل بين أطراف المشروع "المتبرعين ، المٌشَغَِل" ولجنة حكماء تضم شخصين يحدد أحدهما من المشغّل ويحدد الآخر من المتبرعين .... يضع الاجتماع النقاط على الحروف ،،، ويحل الموضوع حلاً جذرياً مرضياً لجميع الأطراف مع ايقاف الجدال هنا لحين انتهاء الاجتماع على أن يأتي لنا الأطراف بخلاصة الاجتماع
2- أن ينسحب السيد / ملهم من المشروع تماماً ،،، ويخلي طرفه من أي التزامات تجاه المشروع وأن يبدأ من جديد عمله الخاص الذي أسأل الله أن يوفقه فيه ويغنيه به ولا يحتاج مرة أخرى إلى خوض تجربة مشابهة ...
3- أن يتوقف المشروع حالياً مؤقتاً ،،،
4- قبل البدء في مشروع جديد ...
أ- دراسة المشروع جيداً ... إعداد لوائحه ، بناؤه بطريقة سليمة ، توفر حسن النية المدعومة بالشفافية الكاملة والمحاسبة الكاملة أولاً بأول ،،، ب- توكيل إدارته لمجموعة من أطياف مختلفة لا يجمع بينهم ما يعين على التواطؤ أو التخاذل أو يفتح للشيطان بينهم سبيلاً ج- أن يكون كل شيء منذ البداية بلائحة وشفافية وأن يوضّح مسار صرف كل جنيه ، وأن تكون أسماء جميع المستفيدين وحالاتهم متاحة للمتبرعين مع الحفاظ على سرية بياناتهم وخصوصياتهم وأن يلتزم المتبرعون بالمحافظة على سرية بيانات المستفيدين وخصوصيتهم ، وأن لا يتم صرف جنيه واحد قبل الحصول على موافقة لجنة محددة مناط بها تحديد أوجه الصرف. وفي حالة تعذر تقديم الخدمة لأي حالة لأي سبب يجب أن يسجّل ذلك بالتفصيل ويكون متاحاً للمتبرعين. د- أن يكون المشغّلون للمشروع من ذوي الدخل الجيّد المعروف الذين لا يتأثر عملهم بالمشروع ،،، ه- في حالة الحاجة لتفريغ شخص أو تعيينه لإدارة المشروع او تشغيله يكون ذلك مقابل أجر معلوم وساعات عمل محددة ومهام محددة. و- أن لا يكون لأي من المتعاملين بالمشروع أي نشاط تجاري قد يستفيد من المشروع وفي حالة وجود تضارب أو تعارض مصالح أو توافق مصالح بين العمل التجاري الخاص والمشروع فعلى الشخص المعني إخلاء طرفه من المشروع فوراً ز - أن تتم المراجعة اليومية والأسبوعية والشهرية والسنوية للأنشطة والحسابات بواسطة لجنة تمثل المتبرعين على أن يكون ضمن أعضائها محاسب قانوني محترف. ح- أي بنود أخرى يتفق عليها ذوو الاختصاص الذين لهم علاقة بالمشروع أو الذين تستشيرهم لجنة المتبرعين.
الخاسر الأكبر من هذا المشروع هو : الثقة .... المروؤة ..... وبهانس جدد .... الأموال مهما قلت أو كثرت ستنتهي ... وتبقى بعدها الحسرة على مشروع لم يكتمل وأمل وؤد في المهد ...
أرجو من الجميع وضع النقاط على الحروف وحل الموضوع حلاً حقيقياً لا يغلق طريق الخير
كلنا ضيوف ... كلنا مغادرون .... ولن تبقى منّا إلا ذكرى ....
تذكروا جميعاً أن أحفادنا سيقرأون هذه الحروف مستقبلاً ....
01-04-2018, 11:21 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
و انت من أولى من يستحق الاستفادة بالشقة المزعومة ...
لماذا لم تسكن بها ...
و انت ترددت اكثر من مرة ؟
هل طلبت من الأخ ملهم النزول بالشقة ؟
حبيبنا وعمنا يحيى قباني - حبابك ومرحب بيك -
في إحدى رحلاتي المتعددة - وفي رحلة جاءت فجأة من غير ترتيب طلبت من ملهم الاستفاد من الشقة لوقت مؤقت لحين ترتيب سكن لي صباح اليوم التالي لكنه اعتذر لوجود صيانة في الشقة لا تُمَكّنني من الاستفادة منها في الوقت الحالي
لم أهتم بالأمر كثيراً ،،، فالرجل حينها عندي كان مُصَدَّقاً ومحل ثقة وفقاً للصورة التي تكونت لدينا في البورد ،،، وكان انشغالي أكثر بإكمال رحلة علاجي ،،، وقضاء بعض الشؤون الخاصة والأسريّة فلم أجد وقتاً بعدها للقاء ملهم من جديد ،،، ومضت بي الأيام وعدت للسودان وعدت بعدها لمصر عدّة مرات بعضه زيارات لمدينة أسوان وبعضها لمدينة القاهرة ،،، ولم أوفق للقاء ملهم في أي من زياراتي إلا في لقاء عابر بمطار القاهرة في نفس اليوم الذي استقبل فيه ضيوف الأخ الحبيب أبو سن ،،، لم أقابل الضيوف معه لكنني قابلته لوحده في المطار ،،، وأبلغته بأن زيارتي هذه جاءت من غير ترتيب أو إعلان ،،، وفرضتها علي ظروفي الصحيّة والعملية ،،، وحييته وانصرفت ،،،
01-05-2018, 00:06 AM
محمد جبره محمد جبره
تاريخ التسجيل: 01-12-2013
مجموع المشاركات: 940
ولله الفكرة في جوهرها ممتازة لأنه السودانيين وإلى حين إشعار آخر لا زالت مصر هي قبلتهم الأولى للعلاج بسبب ترددي الخدمات الصحية في السوداني فكرة زي دي كان مفروض من زمان يتولاها بيت السودان ولا السفارة لو كنا في بلد تحترم إنسانها لأنه معروف إنه أكبر المشاكل التي تعترض القادم لمصر أين يقيم الأيام الأولى لحين أن يجد أحسن سكن يناسب ميزانيته.. ولكن فشلت المبادرة التي قدمها ملهم وهو يتحمل المسئولية عن الفشل لسبب أساسي هو إنه تعامل مع الأمر بشكل أخواني وهو أمر مال عام يحتاج لحساسية أكتر من كدا أتمنى لو يستمر الموضوع لأنه لا زال كثير من البورداب يعيشون في دول ثرية ولا تؤثر عليهم مسألة التبرع بمية دولار أو 300 ريال كل سنة.. ويمكن الإستفادة من التجربة الحالية في التجربة القادمة..ولن أكون متفائلاً جداً لو قلت أن بإمكان البورداب من حجم التبرعات التي تبرعوا بها ثم إستعداد أبوبكر عباس للتبرع ب500 دولار أخرى للأخ ملهم لتصفية المشروع بإمكانهم شراء شقة و تعيين لجنة تقوم عليها لا سيما أن هنالك من البورداب مثل آل العباسي يعيشون في مصر منذ وقت طويل وكانوا دوماً عوناً لكل قادم ولا زلنا نذكر مساهمات البورداب في علاج الشاعر عاصم الحزين ومجهود آل العباسي.. أتمنى أن لا تكون هذه المناسبة هي مناسبة هزيمة للمشروع وموت له وإنما فرصة للإستفادة من التجربة وإرساء أساس صلب لمستقبل هذا العمل الخيري الكبير
01-05-2018, 04:11 AM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
Quote: في إحدى رحلاتي المتعددة - وفي رحلة جاءت فجأة من غير ترتيب طلبت من ملهم الاستفاد من الشقة لوقت مؤقت لحين ترتيب سكن لي صباح اليوم التالي لكنه اعتذر لوجود صيانة في الشقة لا تُمَكّنني من الاستفادة منها في الوقت الحالي وو
شكرا هاني عربي للشهادة وانت ثقة عندي
01-05-2018, 07:19 AM
ملهم كردفان ملهم كردفان
تاريخ التسجيل: 02-16-2013
مجموع المشاركات: 4742
مستني أدلة الإدعاء كشفي نزل في بوست الميزانيه وكلامي واضح فيهوالاتبرع لفايزين وماجبت اسمو يقول عشان اضيفو ميزانيتي التقديريه موجوده أي كلام خارج نطاق الذوق والأخلاق مرفوض آخر رجاء الفكره بدت واستمرت طوعيه مانكرت اني اخدت قروش زول أرسلها كتبرع
عقد الشقه ب اسمي نعم عقد العربيه بي اسمي نعم هسي حأعمل عقد السنه الجديده مع المالك انتو عايزين توقفو ا العمل مني بمزاجكم قبل ماتجيني وثائق منكم بتخص فايزين مستني وثائق جلال والادله الدامغه بتاعتو ماكان في قيد أو شرط في توزيعي القروش وصرفها وعلى فكره القروش دي انا لو كنت عايزها لي نفسي ماكنت دخلت نفسي في حته زي دي كنت اشتغلت زي الزول اللهف دولارات الحاجه وبنتها لمن وداهم العياده أو اشتغل تحت تحت من سكات واستفيد من تجريد القادمين الآلاف الدولارات تفتكروا لي هسي ماجاني زول على أرض الواقع من قبل المتهمين ليه وليه ما في زول اتصل عشان أملكه معلومات من خشمي مباشرة لسه بطالب أي زول اتبرع لفايزين وأنا ماختيت اسمو يذكرني مبدأ المحاسبه انا مارفضتوا عشان كده نزلت حاجاتي يلا العنود حاجه بتحس فايزين ينزلها إي حاجه بره ما يخص فايزين مرفوضه
01-05-2018, 07:49 AM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
Quote: مستني أدلة الإدعاء كشفي نزل في بوست الميزانيه وكلامي واضح فيهوالاتبرع لفايزين وماجبت اسمو يقول عشان اضيفو ميزانيتي التقديريه موجوده أي كلام خارج نطاق الذوق والأخلاق مرفوض آخر رجاء الفكره بدت واستمرت طوعيه مانكرت اني اخدت قروش زول أرسلها كتبرع عقد الشقه ب اسمي نعم عقد العربيه بي اسمي نعم هسي حأعمل عقد السنه الجديده مع المالك انتو عايزين توقفو ا العمل مني بمزاجكم قبل ماتجيني وثائق منكم بتخص فايزين مستني وثائق جلال والادله الدامغه بتاعتو ماكان في قيد أو شرط في توزيعي القروش وصرفها وعلى فكره القروش دي انا لو كنت عايزها لي نفسي ماكنت دخلت نفسي في حته زي دي كنت اشتغلت زي الزول اللهف دولارات الحاجه وبنتها لمن وداهم العياده أو اشتغل تحت تحت من سكات واستفيد من تجريد القادمين الآلاف الدولارات تفتكروا لي هسي ماجاني زول على أرض الواقع من قبل المتهمين ليه وليه ما في زول اتصل عشان أملكه معلومات من خشمي مباشرة لسه بطالب أي زول اتبرع لفايزين وأنا ماختيت اسمو يذكرني مبدأ المحاسبه انا مارفضتوا عشان كده نزلت حاجاتي يلا العنود حاجه بتحس فايزين ينزلها إي حاجه بره ما يخص فايزين مرفوضه
كلام واضح وصريح 👆
01-05-2018, 07:55 AM
ملهم كردفان ملهم كردفان
تاريخ التسجيل: 02-16-2013
مجموع المشاركات: 4742
يلا نفترض انو انا ما عملت شقة استقبال او جبت عربيه تعبانه احتاجت تجديد ماكان ممكن الم القروش دي واشتري تكسي مثلا واشتغل بيهو من سكات ولا اخش هنا ذاتو اكون قاعد في طنطا في الكبسوله ممدد رجليني والقروش داخله كرشي وأنزل كشوف وهميه وامشي لي اي سودانيين تعبانين اعزمهم واديهم قروش واصورهم واخد منهم افادات انو أخدوا قروش لايف واكون ماشي في السكه أمد لي عشره سنوات قدام والناس مبسوطين انو ملهم كردفان شغال تش للناس و العمليه تكبر وابقى مليونير عديل كده
ياخ عيب والله
غايتو
01-05-2018, 08:58 AM
ملهم كردفان ملهم كردفان
تاريخ التسجيل: 02-16-2013
مجموع المشاركات: 4742
الداير يحاسبني في حاجه هو مطلعها لوجه الله كان يشترط الاول يازول قروشي دي اديني بيها تقرير مفصل وموثق انا كنت لمن يجيني تبرع بقول لأول للاتبرع حأعمل كده وكده من تبرعك يقول لي شوف البناسبك واعملوا أو يقول لي والله انا اتبرعت وانت اتصرف بي راحتك اتصرف بي راحتي دي ثقه هسي شنو الجد عليكم فايزين وهي في طور التكوين بدت عملها ده براهو مامكسب والله هنا في جمعيات بتتعامل في ملايين الجنيهات حتى لو سرقوا ما في زول بيقدر يثبت عليهم حاجه جايين تقولوا هنا هناي قال لي وهناي كلمني .... بالواضح كده انا لابعرف هناي ولا في هناي جا قابلني واتفحص الوضع معاي هاني قابلني في المطار يبقى انا شغال لفايزين فلان قال لي تعال نمشي الدكتور يبقى تبع فايزين واحده قالت لي تعال وديني عشان اشتري عبايه مش من محارمنا ومحتاجه يمشوا معاها المانع شنو؟ ده كل الحاصل الاتبرعوا اتبرعوا طوعي والصرف كان طوعي وأنا جاي طوعي كده اقول العندي فايزين قااااااعده
اها لمن نسجل جسم الجمعيه رسمي يبقى نتحاسب رسمي و إجهاض العمل ماعنتريات وحقد وتصفية حسابات واهانات
إجهاض العمل لازم وثائق وبلاغات ومحاكم
حتى الماعندهم ريشة جدا ده في العمل ده جايين شايلين سكاكينهم
غايتو عيب والله
01-05-2018, 09:23 AM
Maawya Hussein Maawya Hussein
تاريخ التسجيل: 12-27-2007
مجموع المشاركات: 10136
Quote: ماكان ممكن الم القروش دي واشتري تكسي مثلا واشتغل بيهو من سكات ولا اخش هنا ذاتو
فعلا دا الحصل يا ملهم .. انت غبت عن المنبر لفترة طويله تقريبا من بعد بدايه التبرعات .. ما رجعك الا البوست دا ..
ملهم نصيحه ما تخش في تحدي مع الناس دي .. البقرا بوستك الاول بتاع الفكرة بعرف انو الموضوع دا ماكان جادي نهائي .. فيهو كلام كتير دراب ساي (واحده مصريه اتصلت واتبرعت وواحده مصريه تاني طلبت منك العون باسم منظمه ما موجودة اصلا وتحت الفكره ) يعني هم المصرييين عندهم وقت لي انهم يتابعو منبر الاون لاين او المنظمه بقت معروفه حتي للمصريين
01-05-2018, 09:44 AM
ملهم كردفان ملهم كردفان
تاريخ التسجيل: 02-16-2013
مجموع المشاركات: 4742
الاخ ملهم صباح الخير وجمعتك مباركة ياخي في شقة لكين ما لاغراض فايزين في عربية لكين ما لاغراض فايزين في شاهد حلف علي المصحف الشريف انه يقول الحق؟؟ شهادته صوت وصورة،،،،بتقبل شهادته ولا لا؟ في واحد تاني فشل في مقابلتك،،،شهادته موجودة صوت وصورة،،،بتقبلها ولا لا؟؟؟ في واحد مشی ارض اللواء ،،،الشقة في عمارة من اطناشر طابق وهي واقعة في السطوح والعمارة فيها اسانسيرين،،،شهادته صوت فقط لانه مقيم في مصر،،،،الزول دا سأل البواب وسأل بعض سكان العمارة،،،قالوا ليهو الشقة بتتاجر لي ناس عاديين،،،بتقبل شهادته ولا لا؟؟ في شهادات صوت وصورة وصوت فقط عن ممارسات سخيف،،،بس داير اقول ليك كلام،،، الشهادات بالخصوص دا ما بنزلها هنا حتى لو انت طلبتها،،،فيها حاجات مخزية النصب والاحتيال جنبهم ولا شيء ملهم،،،الفاتح،،،ما تلعب بي عقول الناس ارجوك كفاية علي كدة ارجوك خلي البتعمل فيهو دا،،،ارجوك واذا استجبت لي طلبي دا انا تاني ما بقول بغم ولا حتی لي نفسي ارجوك يالفاتح اما جميع الزملاء الصدقوني والشتموني وما رديت عليهم ولا ناوي ارد عليهم ارجوك يا الفاتح،،،انت خيبت ظني في مشروع فايزين ،،ما تخيب ظني في طلبي دا في حاجات كتيرة يالفاتح موثقة وما كويسة في حقك ناشدتك بالذي خلقك وبهذا اليوم المبارك ان تسمع نصيحتي،،،اقسم بالله الذي خلقني وخلقك ما قصدي اغتال شخصيتك ارجوك يالفاتح،،،واكون من الشاكرين غي الحالتين استجبت لندائي هذا ام تجاهلته انا لسة اخوك يالفاتح والاخو مرآة اخيه وتحياتي للجميع بدون فرز
01-05-2018, 10:45 AM
ملهم كردفان ملهم كردفان
تاريخ التسجيل: 02-16-2013
مجموع المشاركات: 4742
أهلا وسهلا أخي عثمان يلا خليني أحلف ليك مادام متكامله لي زول لحدي هسي يشوف لايف ويتكلم لايف أول شقه اوضه وصاله وحمام في الدور الرابع في عمارة اللواء.اوضه واحده وسريرين وتلاجه ومرتبتين اسفنج ومكوه وشوية عده ومكنسه ومساحه وملايتين وبطانيتين والثانيه احلى منها كثير روف وفي برج الأمل في شارع خالد بن الوليد والعربيه موجوده ثم أقسم بالله العلي العظيم انو الكلام ده لفايزين وأنا مشرف عليهو لحدي اللحظة شهاداتهم حلفان وأنا شهادتي حلفان وصور وفيديوهات
رسل مندوب فورا .... المافي شنو يلا الشاهد الحلف على المصحف ده هل جاني وقال دائر العربيه وابيت ليهو ؟ عادي العربيه لمن تكون فاضيه من استعمال فايزين الواحد ممكن يجيب بيها بتاع الفول والعيش اها الحلف ليك بالمصحف ده جا الشقه وقعد معاي وقصرت معاه مثلا ...إي كلام بدون ادله قطعيه نابلسي ملزم رسل مندوب فورا الفشل في مقابلتي ده شهادات مرفوضه لانو انا هسي دي موجود وخليهو يجيني المافي شنو
الشقه بتتاجر لي ناس عاديين كيف يعني الشقه مواصفاتها فوق وأنا ساكن فيها ومعاي أمام ابويد مكسوره لمدة خمسه شهور اها أمشي اجيب عيانين من السودان انا والاشنو ... البتصل بي دستورها دائر بأجر بره ده حقة دائر شقة الاستقبال لي هسي موجوده ومستعدين نستقبل حالات ممارسات سخيفه في شقة فايزين وحاجات مخزيه يبقى دليل قاطع ماشهادات شفويه
عووضه ياخ عليك الله ماتظلمني بي شهادات شفتيه العنود دليل قاطع على انو انا ماشغال لفايزين يجيبو
في أكثر من كده حاجه
الكلام ساهل وحتى الشهود بي كده سمعوا من مصريين مثلا لكن حلفهم أنهم شافوني بمارس حاجه غلط
رسل مندوب فورا
01-05-2018, 11:16 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3469
سلام ملهم: شايفك رجعت وكررت انو الما دافعين ما يتحشروا المشروع دا طُرح هنا في برلمان المنبر على قول بريمة نحن غير المساهمين والمساهمين وقعنا في خطأ قاتل ومدمر وهو عدم فحص المشروع وصاحبه، وبالتالي عرضنا المستفيدين المحتملين لخطورة كبيرة. قول لي بربك رد على الافتراض التالي: شنو البمنع -من غير ان نفحص سيرتك الذاتية- إنك تكون مجرم محترف ونحن نساعدك في جلب الضحايا؟ ما نفعله الآن نحن غير المساهمين هو تكفير عن تمرير المشروع بهذه السذاجة
01-05-2018, 11:34 AM
ملهم كردفان ملهم كردفان
تاريخ التسجيل: 02-16-2013
مجموع المشاركات: 4742
يكل بساطه يا دكتور انت مارسلت ولا هم أرسلوا مندوب ولاشافوني بوصل مريض ولا انت اشتركت في فايزين عشان تتابع لايف ولا في ادله قاطعه .... كلو بيعتمد على الكلام أنا موجود ماهربت من زول
أخونا البقول اناغبت من المنبر غبت لأني شغال لفايزين وحتى لو ماكنت شغال لفايزين مااغيب بي راحتي انت مالك ومالي
01-05-2018, 11:34 AM
ملهم كردفان ملهم كردفان
تاريخ التسجيل: 02-16-2013
مجموع المشاركات: 4742
يكل بساطه يا دكتور انت مارسلت ولا هم أرسلوا مندوب ولاشافوني بوصل مريض ولا انت اشتركت في فايزين عشان تتابع لايف ولا في ادله قاطعه .... كلو بيعتمد على الكلام أنا موجود ماهربت من زول
أخونا البقول اناغبت من المنبر غبت لأني شغال لفايزين وحتى لو ماكنت شغال لفايزين مااغيب بي راحتي انت مالك ومالي
01-05-2018, 11:29 AM
Osman Awoda Osman Awoda
تاريخ التسجيل: 06-19-2017
مجموع المشاركات: 495
الفاتح ابوس راسك ورجليك وايديك خلي العناد الفاتح اخوي،،،شقة فايزين المزعومة فيها ناس باستمرار،،،،طوالي ما فاضية،،،معقولة؟؟؟ العربية طوالي في الورشة،،،انت بدون ماتشعر وقعت نفسك،،،لانه النحركات الجبتها هنا كلها بالتاكسي،،،معقولة؟؟ الله يرحم والديك،،،جماعة كتار هنا قالوا ليك ما تورط نفسك اكتر من كدا التائب من الذنب كمن لا ذنب له الله يرحم واليك أحياءً و امواتاً اسمع كلام الناس العاقلين،،،خليني انا الكضاب دا انا ما بجيب كلام ساكت ولا اتهام لو ما كنت مالي يدي وحياة الله الحق الصمد يا الفاتح لنا ما بظلمك وما دايرك تظلم ،،،للمرة الاخيرة ارجوك،،ترجوك
01-05-2018, 11:40 AM
ملهم كردفان ملهم كردفان
تاريخ التسجيل: 02-16-2013
مجموع المشاركات: 4742
عووضه جاريني النهايه ياخ انا بكلمك مباشرانت خسران حاجه ... وأنا عشان ماداير اخسرك عشان قيل وقال متابع وحتى خصوصياتي لو طلبتها مني بيديها ليك ليها مباشره فيما بيننا أسمع مني ياخ ولو مااقتنعت يبقى انا الجبتوو لي نفسي القاضي لمن يجي يحكم بسمع الطرفين
سمح يا الفاتح،،،عداك العيب بس نحنا هنا قاعدين نخاطب بعض مباشرة،،،الجديد شنو؟؟ بعدين انا ما قاضي هنا في قضاة ومحامين ومتلقين حجج،،واصحاب تارات،،،برضو نبسطهم شوية وندي فرصة للناس الدايرين ينبذوا والدايرين يصفوا حسابات علي حساب الموضوع الاساسي،،،وعيييك
01-05-2018, 12:59 PM
Maawya Hussein Maawya Hussein
تاريخ التسجيل: 12-27-2007
مجموع المشاركات: 10136
Quote: أخونا البقول اناغبت من المنبر غبت لأني شغال لفايزين وحتى لو ماكنت شغال لفايزين مااغيب بي راحتي انت مالك ومالي
نظريه انو زول ينتقدك تطلعو ما دافع وما منو حقو يتكلم دي مفروض برضو تطبقا في الناس البدافعو عنك بي الباطل وبرضو ما مشاركين بي ريشه .. يعني مفروض المبدأ يكون واحد مافي زول ينتقد او يدافع عني الا يكون مشارك
01-05-2018, 01:15 PM
ملهم كردفان ملهم كردفان
تاريخ التسجيل: 02-16-2013
مجموع المشاركات: 4742
الجديد اني كنت يرسل ليك وثائق من فايزين انت مابتنزلها حتى الموالين ليك انا كنت يرسل ليهم وثائق وجاني تلفون من قطر امبارح دي داير وثائق رسلتها ليهو من امريكا رسلتها ليهو
الجديد انو انت معصلج وماداير ترسل زول هسي دي يجي الشقه ويتعامل معاي مباشرة معتمد على قنا وقالوا
الجديد انو حتى المهاجمين الفوق ديل مافيهم زول طلب وثائق مني بنظروا ساي
الجديد انك بتكون وزعت وثائق بتديني أساسها.قلنا وقالوا
الجديد كيفن انت تبقى آمين على أسراري الشخصيه وانت بتتجسس على ؟ ياخ كنت ترسل مندوب مباشر لي زي ما أنا مشيت مباشر شلت تبرعك
احترامي
01-05-2018, 02:13 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
بالنسبه التاكسي وإني فضحت نفسي قبل أيام وصول وفد عبد الحفيظ العربيه كانت في الصيانه وصورها عند عبد اللطيف وفي فايزين وكل زول عارف بكده .عشان كده اضطريت استعمل تكسي من الجيزه لمصر الجديده وكنت يكرر الكلام ده قدام وفد عبد الحفيظ
*شهر حداشر العربيه كانت بتتسمكر وبتتصلح مره ثانيه لانو في شاب خبطها من ورا خبطه شينه واضطريت اركب تكسي وكنت يكرر الكلام ده قدام وفد عووضه
وين الفضيحه هنا ؟؟؟
العربيه ليها عقد وشافو عبد اللطيف وصورتها فيديو وأنا ركابها
كنت مفكر اعمل ليها نظام غاز عشان أقلل مصاريف البنزين ولو قلت عايز تبرعات كان اديتوني طلقه
حسبي الله ونعم الوكيل
الشقه المستأجره موجوده والعربيه وأنا موجود ...المافي شنو ؟؟؟
01-05-2018, 02:33 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
يا ملهم عشان ما تنسى ممكن تنزل لينا كشف المصروفات و سيبك من الفيديوهات القاعد ترسل فيها دى من نوع انا سايق عربية فايزين و ماشى اكب بنزين دى نرجع لى موضوع البوست كشف المصروفات لو سمحت
01-05-2018, 02:44 PM
Maawya Hussein Maawya Hussein
تاريخ التسجيل: 12-27-2007
مجموع المشاركات: 10136
Quote: بما اني الايام دي متواجد فذ القاهره وفي قلب شقة الاستقبال مضطر اكتب من الموبايل ،،، التحيه للصديق الجميل والمقدرالحليله ،،،، الدنيا برد والشقه فاضيه وموحشه نوم الواطه ده كعبحأمشي اشتري سرير سنقل مستعمل ومرتبه ومخده وملايه مبدئيا ،،، ،،ولسه وافر التحايا والتقدير ياحبيب
Quote: مرحبابك يا وضاح عبدالرحمن جابر ألف ألف مرحب
أكيد حألقى ناس تساعد
الكرسي المدولب
حيجى حيجى بإذن الله دعم الايجار حيجى حيجى واحد يتبرع بي شوية بوماستك أكيد حيظهر واحد حيتبرع بي مشمع ارضيه حيظهر حيظهر اربعه كنبة سرير أربعه كراسي عدة مطبخ أهو كلو حيهون مادامت الوايا ماشه لى مكانها الصاح ومثل هذا التعاون سيتم توثيقه كعهدى وثقتى فيما افعل
والله ولى التوفيق
احترامى
Quote: الحبيب محمد الشيخ مرحبابك ياخى وماقادر اقول شنو لكن توصل معي واحد من زملاء المنبر من السودان عشان يشرف شقة الاستقبال حسب التشريف المعلن ووضحت له عدم جاهزية الشقه وبهدلتها البشعه ..أصر على النزول فيها لكن بإذن الله اخت فيها حاجه قريب ده إن شاء الله سرير وكرسيين \ حتى قبل ما اجددها ... إنا لله ياخ ...
مرفق احترامى وتقديرى
Quote: أهلا وسهلا أخي عثمان يلا خليني أحلف ليك مادام متكامله لي زول لحدي هسي يشوف لايف ويتكلم لايف أول شقه اوضه وصاله وحمام في الدور الرابع في عمارة اللواء.اوضه واحده وسريرين وتلاجه ومرتبتين اسفنج ومكوه وشوية عده ومكنسه ومساحه وملايتين وبطانيتين
صورة العقد الذي ارسله ملهم ليس به معلومات تشير الى سعر العربة ثانياً : اشترى السيارة بتاريخ ١٧/١٢/٢٠١٦ يرجى مراجعة ذلك مع بدايات فايزين
ثالثاً : اذا أراد الاخ ملهم انه ارسل لي صورة العربة فالحقيقة هو ارسل صورة العفريتة وعدة المفاتيح وافاد بان العربة في القراش، واراد أن اتيقن بأن العربة موجودة بحسبان ان البعرة تدل على البعير،،
01-05-2018, 06:15 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
الهادي ديل جبتهم شقة الاستقبال بعد الحادث الصدمني فيهو شاب في الجزء الخلفي من العربيه ودمرها العفريته وباقي الحاجات اتصوروا لأنه الشنطه مدمره ولازم الفيها يجي الشقه مع الأسف هو بعدها بلكني ما استنى الفيديو بتاع البعير وانت ماجيتني واتس عشان تاخد صور البعير ومخلفاته
01-05-2018, 07:05 PM
ملهم كردفان ملهم كردفان
تاريخ التسجيل: 02-16-2013
مجموع المشاركات: 4742
عبد اللطيف لو انت صبرت ومابلكتني كنت شفت الفيديو والمشكله وين لمن اشترى العربيه في شهر اتناشر واشتغل في بدايات واحد أنا لمن اشتريت العربيه كان الفكره اكتملت وبعدين خانة السعر الفاضيه دي استلمتها كده في العقد تصدق ماتصدق انت حر وبعدين هي فاضيه كانت فرصه لي اخت السعر الأنا عايزه ا ياخ الفيديو عند أصدقاءك وأكثرهم مصداقيه أسامه العريفي
01-05-2018, 07:07 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
بعد التحية للجميع .. محصلة 5 صفحات من المشاركات ومتابعة اكثر من 22 الف مشاهد النتيجه : 1- في مبالغ اندفعت حصيلتها المبدئية 75000 2- لا توجد شقة باسم المشروع " فايزين " وانما هي شقة خاصة تنتقل من مكان لمكان اخر حسب رغبة صاحبها .. 3- لا يوجد اي حالات استفادت من المشروع سوى حاله او حالتين على مدار عام كامل " مع ملاحظه ان باقي الحالات غير معنية بالمشروع ( اصدقاء ومعارف تمت استضافتهم من قبل صاحب الفكرة ) 4- لا توجد سيارة باسم المشروع وانما هي سيارة شخصية باسم صاحب الفكرة حتى ان البت في امرها لا يزال مشكوك فيه . 5- بعض الحالات التي حضرت عن طريق الاخوه المساهمين لم تتم المعامله معهم حسب الاهداف المتفق عليها 6- لم يأتي ذكر لوجود اي كرسي مدولب او اي من الخدمات التي تدل على ان المشروع قائم . 7- لا يوجد اي سندات تثبت مساهمات المشاركين او المتبرعين 8- لا توجد اي فواتير تثبت المنصرفات
عليه اتمنى من الاخوه الزملاء الوقوف عند هذا الحد ، ونسال الله ان يجعل ما قدمتوه في موازين حسناتكم .
01-05-2018, 08:20 PM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
Quote: بعد التحية للجميع .. محصلة 5 صفحات من المشاركات ومتابعة اكثر من 22 الف مشاهد النتيجه : 1- في مبالغ اندفعت حصيلتها المبدئية 75000 2- لا توجد شقة باسم المشروع " فايزين " وانما هي شقة خاصة تنتقل من مكان لمكان اخر حسب رغبة صاحبها .. 3- لا يوجد اي حالات استفادت من المشروع سوى حاله او حالتين على مدار عام كامل " مع ملاحظه ان باقي الحالات غير معنية بالمشروع ( اصدقاء ومعارف تمت استضافتهم من قبل صاحب الفكرة ) 4- لا توجد سيارة باسم المشروع وانما هي سيارة شخصية باسم صاحب الفكرة حتى ان البت في امرها لا يزال مشكوك فيه . 5- بعض الحالات التي حضرت عن طريق الاخوه المساهمين لم تتم المعامله معهم حسب الاهداف المتفق عليها 6- لم يأتي ذكر لوجود اي كرسي مدولب او اي من الخدمات التي تدل على ان المشروع قائم . 7- لا يوجد اي سندات تثبت مساهمات المشاركين او المتبرعين 8- لا توجد اي فواتير تثبت المنصرفات عليه اتمنى من الاخوه الزملاء الوقوف عند هذا الحد ، ونسال الله ان يجعل ما قدمتوه في موازين حسناتكم .
في جماعة ود ابوسن وردوا في كم مداخلة من ملهم ومن الزميل هاني عربي ارجو إضافتهم
01-05-2018, 08:20 PM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
Quote: بعد التحية للجميع .. محصلة 5 صفحات من المشاركات ومتابعة اكثر من 22 الف مشاهد النتيجه : 1- في مبالغ اندفعت حصيلتها المبدئية 75000 2- لا توجد شقة باسم المشروع " فايزين " وانما هي شقة خاصة تنتقل من مكان لمكان اخر حسب رغبة صاحبها .. 3- لا يوجد اي حالات استفادت من المشروع سوى حاله او حالتين على مدار عام كامل " مع ملاحظه ان باقي الحالات غير معنية بالمشروع ( اصدقاء ومعارف تمت استضافتهم من قبل صاحب الفكرة ) 4- لا توجد سيارة باسم المشروع وانما هي سيارة شخصية باسم صاحب الفكرة حتى ان البت في امرها لا يزال مشكوك فيه . 5- بعض الحالات التي حضرت عن طريق الاخوه المساهمين لم تتم المعامله معهم حسب الاهداف المتفق عليها 6- لم يأتي ذكر لوجود اي كرسي مدولب او اي من الخدمات التي تدل على ان المشروع قائم . 7- لا يوجد اي سندات تثبت مساهمات المشاركين او المتبرعين 8- لا توجد اي فواتير تثبت المنصرفات عليه اتمنى من الاخوه الزملاء الوقوف عند هذا الحد ، ونسال الله ان يجعل ما قدمتوه في موازين حسناتكم .
في جماعة ود ابوسن وردوا في كم مداخلة من ملهم ومن الزميل هاني عربي ارجو إضافتهم
01-05-2018, 08:20 PM
Maawya Hussein Maawya Hussein
تاريخ التسجيل: 12-27-2007
مجموع المشاركات: 10136
غايتو يا أخواننا الموضوع ده مستحمى وانا عن نفسى لا استطيع اتهام ملهم بشئ، لأن كل شئ يمكن تبريره .. فإن حسن الظن فيمكن تصديقه، أما لو أسئ الظن فمهما كانت التوضيحات والتبريرات فلن يصدق ..
عموماً، اقترح لملهم إذا كان مُصر على موضوع مساعدة السودانيين ده ينسى حكاية التبرعات وعمل الخير والتطوع ده، ويقوم يبدأ شغل خدمى تجارى منفرداً ومافى داعى لتأجير شقة من اساسه.. إذ أن اللكوندات والفنادق الغالية والرخيصة والشقق على قفا من يشيل .. فيمكنه أن يشتغل دليل لزوار مصر بتسهيل حجوزات للكوندات والفنادق والشقق المفروشة او الايجارات المؤقتة مع تسهيلات حجوزات الاطباء والمستشفيات والترحيل وكل مايحتاجه الزائرون .. وذلك مقابل أجر معقول ومعلوم .. وذلك سيكون اكثر فائدة لملهم وللزوار بدلاً عن البهدلة للزائر ولملهم وسوء الظن والشكوك والشلهتة المافى داعى ليها .. إذن، نفترض حسن النية فى الفات ده وإنو الشيطان شربك الأمور بحيث تختلق هذه الدراما بموقف حتمى إجبارى جعل الجميع فى موضع صحيح وغلط فى نفس الوقت .. واذا احسنا الظن فإننا نجد أن الجميع انطلق من منطلق المروءة والنخوة والرغبة فى عمل الخير.. والذى اتضح ان الشيطان كان له بالمرصاد .. عموماً ، حسب اقتراحى أعلاه فيمكن لملهم دفع ايجار الشقة بنفسه إن أراد الاستمرار فى مشروعه وأن يتكفل بمسئوليته بنفسه بدون تبرعات من أحد والناس الاتبرعت دى بما انها اتبرعت لوجه الله تقوم تعتبر تبرعاتها صدقة جارية وتقفل الموضوع على كده وعداد حسناتها حيكون رامى مع أى مشوار بالعربية وغيره ..
01-05-2018, 09:29 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
يا منير ياخى استهدى بالله انا القدامك ده و الله على ما اقوله شهيد بنت اخوى قبل ما تصل مصر للعلاج من سرطان الثدى انا بحاول ألم فى ملهم ده ما لميت فيهو رسالتين عبر قروب فايزين كمية بتاعت رسائل فى الخاض اتصالات مباشرة ما رد على لمّا البت وصلت مصر اديتن كل ارقام تلفوناتوو هم يحاولو و انا بى جاى احاول مافى رد كل الموضوع انو العربية تشيلا للدكتور و تجيبا اتقرر ليها جلسات علاج يومية لمدة شهر قول المشوار ده على اقل تقدير 100 ج فى اليوم كان جاب ايجار شهر براحة من ضهر العربية رسل لى بعد مضى 20 يوم من وصول بنت اخوى و بيعتذر بى انو كان عيان ما رديت عليهو و سحبت ارقامو من التلفون و انسحبت من القروب الزعلنى اكتر انو فاتح بوست بى مناسبةرحيل زميل لينا له الرحمة و المغفرة المرحوم كان راقد مستشفى فى مصر فى بوست النعى بقول انو الظروف ما ساعدتو يزورو فى المستشفى طيب لازمة حدمتنا دى تانى شنو يا ناس الغريب لما سألتو عن الموضوع دا قال القدم ليهو رافع و كان انت الله تعال ارفعو لكن رجع و سحب الكلام الفوق ده و مكتوب فى رسالتين بشهادة عبد اللطيف وريت ملهم ياخى اتفقنا نقفل البوست و عشان نقيف طلبت منو انو الرصيد العندو و كتبو لينا هنا 200 دولار و 100 ج مصرى يقوم بى تسليما لى شخص محدد فى القاهرة و من جانبى هنا انا اعلن مشئولتى عن الرصيد ده فى المنبر ده لكن هو مصر يتلولو اما بالنسبة لى حتة الدليل دى سلمتو تلاتة منهن واحد منهن اقر بى انو فعلا انطرد من قروب لكنن جانى بى سبب تانى التانى ما نفاهو و ما اثبتو التالت نكرو حطب و هاك المقتبس ده عشان ما يواجه بالحاجات دى هنا
Quote: إي حاجه بره ما يخص فايزين مرفوضه
ده تلقاهو مى مداخلة فوق بالمناسبه دى حد سمع بى ملهم انو عاوز يتزوج مش حرام عليك تحرمنا من الشرف ده والله عيب عليك ياخ نحنا برضو اصحابك ياخ
01-05-2018, 09:56 PM
ملهم كردفان ملهم كردفان
تاريخ التسجيل: 02-16-2013
مجموع المشاركات: 4742
مبلغ الشايقي متبرع بيهو لي 2018 بالرغم من كده اتصرف منو اربعمية جنيه في حضور وفد عووضه عبد اللطيف الفاتح موسى مئة دولار تغطية لايجار شهر في ذات الأيام بتاعت وفد عووضه اضطريت اصرف من من تبرع الشايقي والأيام دي كانت أيام مصطفى محمود وساعدنا ثلاث نسوه منهن اخت جنوبيه عاصم عامر تغطية ايجار شهر واحد ده
وعشان خاطر كردفان وخاطر كل الشاركو هنا من المفترض اني اشرح واقول العمل كان طوعي والاتبرع اتبرع طوعي والانصرف انصرف طوعي ... المحاسبه من حق الاتبرعو لانو الموضوع كان موضوع ثقه ... فايزين قامت كجسم اسفيري ليهو شقة استقبال وعربيه ودخل ومنصرف لسه ماسجلنا ولاركبنا يافطه في مقر دايم والشقه والعربيه والله العظيم موجودات الميزانيه الاوليه والوثائق المصوره والفيديو مع العريفي ياخي ... ياعبداللطيف عشان انت كنت مبلكني ولمن أكمل كشف الدخل والمنصرف حأنزل الكلام ده مستني الاتبرعو ومانزلوا في لستة المتبرعين
احترم كل من قدموا لهذا العمل واشكركم وفي النهايه جل من لا يخطئ . أشكرك يا عبد اللطيف بكري ...... منير كلام عقل شكرا ياخ
01-05-2018, 09:49 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
و عشان ما تخطئ اكثر طلبت منك فى القروب تسليم الرصيد العندك لى جهة محددة فى القاهرة 200 دولار و 100 ج مصرى عشان ننهى الموضوع ده و للجميع اعلن مسئوليتى الكاملة عن المبلغ ده فى حال تسليمه انجز عشان الموضوع ده ينتهى
01-05-2018, 10:12 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
Quote: أنا لاسوبرمان عشان ما امرض ولاحاليا وفي اللحظه دي عند حق دبله دهب اعرس من ووووووين
لعناية الاخوة و الاخوات الاعزاء فى قروب سناير طنطا مع شكرى و امتنانى و عظيم تقديرى و الشكر و التقدير ايضا للاخوة و الاخوات فى قروب الزمن الجميل يمين الله طلعتو مفتحين و عينكم نجيضة و عرفتوها طايرة مش زينا نحنا هنا .. مساكين و دايشين
01-05-2018, 10:44 PM
Munir Munir
تاريخ التسجيل: 02-11-2002
مجموع المشاركات: 10496
جلالدونا يا صاحِ.. عفوا طبعاً أنا لست فى قلب المعمعة ولذلك نظرتى هى نظرة عمومية كلية مستصحب فيها كل الظروف والعقبات وما يمكن أن يحيط بمثل هذه القضية التى يلفها ضباب الأسافير ــ وسلامة بنت اخوك ياخ ــ وزيما قلت ليكم أنى لى رقبتى دى لو كنت اشوبرت فى الموضوع ده كان يحلنى الحل بلة بالرغم من أنى واثق انى بحاول انجزه على اكمل وجه .. لكنى عارف إنو ممكن لو شالتنى نومة ساى حأكون اتلومت مع زوول ووو .. عشان كده حكمى على الوضع ان الأمر ينظر إليه كل فرد حسب المعطيات المتوفرة أمامه فهو يرى من زاوية وذاك يرى زاوية أخرى ووو .. المهم أنى زيما شايف اقترحت على ملهم إنو يشتغل براهو .. وده اقتراح موصول لكل سودانى مقيم فى مصر ان يشغل نفسه فى شغل مساعدة السودانيين الزائرين مصر للعلاج .. وهو شغل لا يحتاج ايجار شقة ولا حتى عربية .. اللكوندات والشقق متوفرة باليوم والشهر وسيارات الاجرة ماليها حد بسواقين محترفين وعارفين البلد .. ماعلى صاحب الخدمة إلا انو يكون متاح وهميم ومنظم ونزيه ومهتم ومعروف .. وشغله فى مجمله برمجة وتنسيق .. ولا يحتاج للتفرغ لهذا الشغل إلا إذا توسع واصبح عدد الزوار كبير بحيث يتطلب تفرغ للشغل .. وثم ثانياً فعندما تكون الخدمة بأجر معلوم فإن الزائر بيكون عارف هل بيحتاج للخدمة ام يشوف دربه براهو؟ .. وبذلك تنتفى الحوجة للتبرعات وربما شبهة المحاباة والشكوك فى مقدم الخدمة.. لأنو تلاحظ انو تبرع سنة كاملة ربما لا يكفى احتياج زائر واحد.. لأنه ليست هناك معايير وسقوف لحجم المساعدة التى يحتاجها الزائر، كما ان الزيارات زاتها عشوائية زمانياً ومكانياً .. وربما يحصل تضارب بين مواعيد الزوار ، ومثلاً لو تم تسكين الاخ هانئ مثلاً ممكن فى نفس الوقت يجى زول تانى محتاج للسكن، فلمن تعطى الاولوية ؟ هل تعطى الاولوية لهانئ لأنه معرفة وانه عضو فى سودانيزاون لاين ام لذلك الزائر الآخر الذى ممكن يكون قريب ملهم زاتو او قريب زول من البورداب او او او .. فالقصة واسعة أوى .. فيا ملهم انت تتكفل بإيجار الشقة براك وتجمع داتا بيز لكل المستشفيات وانواعها وعناوينها والدكاترة واللكوندات والفنادق والشقق واسعارها وعناوينها .. ثم يكون عندك اسماء شركات تاكسى او تكاسة وو .. ثم بعداك تبقى متاح بتلفون وعنوان بحيث الناس تكون عارفة انو لمن يصلوا مطار القاهرة تستقبلهم او من ينوب عنك وتوصلهم محل السكن المناسب البتكون مجهزه ليهم إلخ .. المهم ده شغل احترافى يتطلب مسئولية ونظام وليس شغل جربندى ساكت ..
أخيراً، شايف إنو فى إتهام إنو مافى شقة ومافى عربية من أساسه.. لتبرئ نفسك حقو تنزل صورة للعربية مبينة نمرتها عشان العايز يتحقق منها يتحقق .. وبرضو صورة للعمارة والشقة والعنوان بتاعها، وبرضو عشان العايز يتحقق يتحقق .. والتحقق ما بيحتاج لمندوب ولا يحزنون .. الداير يستوثق فهو راقد فوق عنقريبه ممكن يستوثق من صحة المعلومة ..
الاخ منير والله طول فترة وجودي لي المنبر دا بعتبرك من الحقانيين
وجود عقد شقة وصورة عربية خلاص بيأكد إنتا غلط؟
كوننا دفعنا مبالغ هايفة عشان تحل مشاكل ناس اتبرع شخص بخدمتهم نبقى اتلومنا في شأن العمل الخيري؟
أسأل ملهم كرفان عن حجم الدعم المعنوي الذي قدمته له ومتابعتي له وحفز أصدقائي لدعم ملهم وليس للإستفادة من المشروع
هل تفتكر بعد عمرنا دي كلو يامنير نحن حسب دعمك الآن بأن الموضوع ان كان حسن ظن او سوء ظن فلا شيء يدين ملهم؟ وماذا إن كان يقيناً من أشخاص ثقاة لا ترد لهم كلمة ولا نشك مطلقاً في حسن نواياهم؟؟
اخي منير ، والله العظيم أكثر مايؤلمني الآن الخداع الذي مورس علي شخصياً ، ليس فق مبلغ الدولارات التي دفعت ولكن في الثقة التي فكيناها سايبة في أسافير الله دي،،
هذا درس بليغ مستفاد ليس في شأن العمل الخيري فحسب ، ولكن في شأن تقييم العديد من الصداقات التي نشأت هنا والوهم في أننا في سودانيزأونلاين نعرف بعضنا البعض حق اليقين من مجرد إنطباع وإعجاب بقلم ما يكتب حروفاً في موضوعٍ ما!!
01-05-2018, 11:30 PM
Munir Munir
تاريخ التسجيل: 02-11-2002
مجموع المشاركات: 10496
الأخوين الكريمين جلالدونا وعبداللطيف .. يااعزائى انتو مالكم شايلنها معاى حارة كده؟🍒 كدى روقوا فى الأول .. أنا لم أسفه رؤيتكم للأمر وتقييمكم لتصرف ملهم الذى تعتبرونه احتيال .. فأنا لأنى بعيد من الصورة ولا اعرف التفاصيل التى تعلموها لذلك زيما ذكرت ليكم أنا أخدت الموضوع فى عمومياته وتأملت فى القضية فى مجملها من حيث التعقيد الذى ممكن أن يطرأ على عمل زى ده، بغض النظر عن من هو المتبرع ومن هو القائم بالعمل .. فأنا لست مكذب لكلامكم الذى ترونه حقيقة حسب قرائنكم التى تعرفونها وعشتوها بأنفسكم وانتم لصيقين بالحدث لأنكم متبرعين .. وأنا علمى بالموضوع لم يتعدى الصفحتين التلاتة 😉 الاخيرات فى هذا البوست.. فأنا ما عندى أى معطيات سوى تأملاتى فى شكل الاشكاليات التى ستكتنف مثل هذه الفكرة غير محدودة المعالم .. ولذلك رأيت أنه من الحقانية أنى إن كتبت اكتب كلام عام يمكن ما يفيد زول ، بس ده هو الفى راسى ..
01-06-2018, 00:29 AM
جلالدونا جلالدونا
تاريخ التسجيل: 04-26-2014
مجموع المشاركات: 9387
حقك علينا يا منير و عن نفسى الموضوع ده لا داير فيهو محاسبة و لا كشف مصروفات و لا تدقيق و ما عندى غير توجيه نداء اخير للاخ ملهم بتسليم الرصيد الذى بيده للاخت الكريمة بجواره فى القاهرة هو يعرفها تماما و بعض الزملاء هنا ايضا اذا سلمها المبلغ اعلن للاخوة المساهمين من داخل المنبر و خارجة ان المبلغ تحت مسئوليتى و أنى قد تصرفت فىه بما يرضى الله تماما و العفو لله و الرسول
01-06-2018, 01:42 AM
الصادق اسماعيل الصادق اسماعيل
تاريخ التسجيل: 01-14-2005
مجموع المشاركات: 8620
اخونا ملهم اعتبر جيبو وجيب المشروع واحد بحكم انه متفرغ ليهو وزي ما قال حتى العربية مرات بيطلع بيها حق الفول والعيش والمسألة بدت بحسن نية وهسع مفروض تتقفل بحسن النية ذاته (الممكن يودي لجهنم).
أنا عن نفسي شخصياً، احتال على زول في مبلغ ٤٠٠ دولار لسذاجتي، يعلم الله عفيتها ليه لأنها غلطتي أنا ما طالبت بايصال.
أها القصة بالنسبة للرأي العام واضحة وأي زول بيطلع خلاصاتو.
ملهم ما عندو ليكم حساب وارد ومنصرف دقيق
يبقى القصة تتقفل بحكم حسن النية ونقول من الجميع باعتبار علينا بالظاهر.
والناس الاتبرعت دي ما نوع الناس البتقيف وبتحردربنا يديهم الخير
01-06-2018, 02:13 AM
Munir Munir
تاريخ التسجيل: 02-11-2002
مجموع المشاركات: 10496
أكيد ياجلالدونا أخوى مافى زول مفكر إنكم همكم محاسبة او غيره.. زول دفع قروش وفكاها فى الهوا ساى لا راجى مردود ولا راجى ربح ولا عارف هو زاتو دفعها لمنو شخصياً أكيد ما بتهمه محاسبة .. وربما الغضبة سببها الشعور بالاستغفال .. لكن دى ذاتها يمكن تجاوزها والتغاضى عنها إذا قلنا اوجد لأخيك ٧٠ عذر فإن لم تجد تقوم تقول يمكن أنا الما جيت.. أنا الماجيت 😊😊🍒
01-06-2018, 10:52 AM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
Quote: للعلم فقط تبرعى بالريال السعودى ٣٢٨ تساوى ٨٥ دولار شامله التحويل فقط لان ملهم ذكرها 300 جنيه مصرى
85*17=1445 جنيه مصري ملهم اين الخطا حقه زول طلع لي عمل عام عايزين تجرموا ياعمر دهب دي مؤامرة ضد زميل كيف يقول 300 جنيه وانت تجي تقول لا (85) دولار وتعادل 1445 ده اغتيال شخصية واتهام بالباطل يجب عليك الاعتذار وانت قبيل حولت ليه عشان تجي تسال منها كم من يستلم 1445 جنيه ويقول 300 جنيه هو الصادق واي كلام تجاه يعتبر ترصد وجريمة
الله فرجيني
01-06-2018, 02:36 AM
elhilayla elhilayla
تاريخ التسجيل: 02-05-2002
مجموع المشاركات: 5551
الأخ جلال والجميع بدون إبتسار للموضوع ممكن يا جلال تقبل ال 200 دولار و100 جنيه من طرفي أنا شخصياً نيابة عن ملهم ونقفل الموضوع؟ لو تفضلت وقلت خير أعطني معلومات الشخص المعني في مصر وسيكون التحويل عبر الويسترن يونيون في خلال 15 دقيقة أو التحويل لك مباشرة في أميركا بالمرة 100 جنيه تساوي كم دولار؟ أرجو الإفادة ____ الحليلة
01-06-2018, 03:09 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3469
التحيّة لجلال، عووضة ولطيف بكري، أعتقد قمتم بعمل جيد في هذا البوست والرسالة التحذيرية من فائزون وصلت، الإنسان لمان يتعرض لخسارة، عليه أن يخفف الأضرار البوست يقي المرضى المحتملين من التعرض لنصب وديل هم المهمين، ويخفف الأضرار المُحتملة. أرجو إعلان انسحابكم من فائزون عبر حساباتكم في الفيسبوك والواتساب وتعميم ذلك بأكبر قدر ممكن. الذي يهمنا جميعاً هم المرضى، نعلم جيداً أنكم لا تسعون لاستعادة أموال التبرعات. كضاب واحد من الناس الواقفين مع ملهم يقدر يرسل واحد من معارفو المرضى لملهم، الرسالة وصلت وشكراً لشجاعتكم وكرمكم وإنسانيتكم
01-06-2018, 03:26 AM
جلالدونا جلالدونا
تاريخ التسجيل: 04-26-2014
مجموع المشاركات: 9387
ياااااه يا الحليلة ياخ معقولة تختنى فى حتة قبول العوض ياخى الرصيد والله ما حقى عشان اقبل فيهو عوض دى حاجة بقت زى تمر الروكة ياخى حتى طلبى من ملهم اتنازل عنه و هو فى حل منه لكن يمين الله ما احرمك من راس الخيط دونك اخونا حامد بدرى اتواصل معاهو و ح تلقى ما يسر بالك و ربنا يديم المعروف بين الناس
01-06-2018, 04:03 AM
elhilayla elhilayla
تاريخ التسجيل: 02-05-2002
مجموع المشاركات: 5551
الحضور الكريم شكراً أخي جلال ودي المحرية والله فيكم جميعاً وإن شاء الله دايماً إخوة متلمين ومجتمعين في عمل الخير وعن نفسي أشهد لك بالشهامة والمروؤة في موقف عام لن أنساه لك وقطعاً لن أذكره حتى تبلغ النوايا منتهاها وإن شاء الله أتواصل مع حامد وأيدينا للبلد شكراً للصديق منير وكل من تداخلوا من قبله وبعده في تريسية البوست علي البر ختاماً البوست خلص ووصل غاياته ومنتهاه قطعاً درساً مريراً وتجربة قاسية في اختبارنا لأنفسنا ومع بعضنا البعض من ناحية أدبية لا بد لي من كلمة لأنني صاحب مداخلة في بداية الرحلة في البوست السابق أستشهد بها الأخ قبانى وأعلم تماماً أن الكثيرين قبلي وبعدي – سراً وعلانيةً - أبدوا بعض التحفظات ، ليس من باب التشكيك ولكن من باب سد الذرائع بل وضع الأمور في نصابها الصحيح وجهة نظري الشخصية أن الأمر من أوله محكوم عليه بالفشل - ولا داعي لسوق الحجج والأسانيد - مهما كان الدرس قاسياً ومؤلماً ومخيباً للآمال ، فهناك عبرة وهذا هو المهم جعل الله ما قدمه الأخوان في ميزان حسناتهم وبالطبع كل يُجْزَى حسب نيته ومهما كانت المبررات يا الفاتح يا أخوي فقد خذلتنا أيما خذلان أسأل الله لك النجاح في مقبل أيامك ____ الحليلة
01-06-2018, 04:19 AM
elhilayla elhilayla
تاريخ التسجيل: 02-05-2002
مجموع المشاركات: 5551
سلام كضاب واحد من الناس الواقفين مع ملهم يقدر يرسل واحد من معارفو المرضى لملهم صحيح لانكم شوهتوا سمعتوا بدون اي اثبات بل بالعكس هو متحديكم وقال العايز يجي يشوف لكن برضوا ما في اي شخص بتقبل هباتكم خاصة عبد الطيف الوصل مرحلة عايز يطلب يرجعوا ليه صدقتة واشترط علئ ملهم انو لو م اتوقف يطالبوا.....البوست وصل ابعد مما كنت خايف منو....انتم في ورطه ما قادرين تثبتوا اي حاجه وملهم بتعامل معكم باحترافية عالية لدرجة خلاك تسب ودي اخر حاجه كنت اتوقعها رغم مطبات سودانيز...في البداية كنت بترجاكم توقفوا..لكن الان بترجا ملهم يوقف رفقا بي ادلكم الوهمية واعتمادكم على مكانتكم الاجتماعية..دكتور ومهندس وامير سعودي ومواطن امريكي..والمسكين ملهم شاقي اغبش..امشي معاكم لاحسن نتيجة عايزنها ملهم نصب عليكم..ياخ اتبوهموا واستمروا ومرروا احسانكم ما هو اكتر زول بيستحق احسانكم...هو في وضح اسوء من وضع سوداني يكابد في مصر..وما بهنس ببعيد...رحم الله فيكتور هوجو في بؤساءه..
السلام عليكم ورحمة الله يا أخوانا الأخطر ما في هذا المشروع ليس الناحية المادية فقط والتي اجتهد ملهم في الدفاع عنها ورغم دفاعه غير المقنع ودحض كل من استشهد بهم لجدواها . لكن الأخطر هو الناحية القانونية وفي مصر تحديدا. كونك تؤجر شقة باسمك وتستقبل فيها مرضى توجههم بنفسك حيث مكامن العلاج التي تناسبهم. في بلد موتورة أمنيا فيها جرائم ومصائب من كل نوع أخفها تجارة الأعضاء البشرية وعصابات يشارك فيها حتى الأطباء . فضلا عن أن هؤلاء المرضى فيهم من كان في حالات متأخرة ممكن يتوفى في الشقة قبل أن يصل الطبيب واحتمال يكون فيهم مرضى نفسيين معرضين للانتحار ( وحدثت قبل ذلك في العام السابق ). مثل هذه الاحداث لو كنت مستعد لها بمنظمة أو جمعية خيرية مسجلة رسميا في سجلات الدولة ولها ترخيص واصول ثابته في اسمها (شقة سيارة أثاث غيره) في هذه الحالة القانون يتعامل مها باعتبار شخصيتها الاعتبارية وحتى المحاسبة تتم في إطار الجمعية نفسها. مثلا غرامة او سحب الترخيص. لكن في حالتك تلك التي تدير بها فائزين دعنا ننسى التبرعات وفيم صرفت. واحمد لله أنك لم تتعرض لتلك الاحداث أعلاه لمدة عام كامل حتى الآن. مع ذاك الاعلام المتربص والعداوة المتصاعدة بين البلدين ممكن تتعرض لأسود أيام في حياتك. لذلك اضم صوتي لصوت الأخوان وانصح مرة ثانية يا ملهم إعرض عن هذا وكن من العاقلين. وكذلك بأن فائزين هذه إذا أريد لها الاستمرار يجب أن تبدأ بداية رسمية قانونية وتتبع قوانين البلاد التي تنشأ فيها قبل أن تستأنف عملها والذي نعيد وتؤكد بأنه مهم وفعال وله دور يحتاجه الناس.
01-06-2018, 07:12 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: يا زول، أنا ما كتبت دفعوا عشان يحذروا قلت كتبوا عشان يحذروا ولّ كانت مكتوبة زي ما انت قلت أعتذر +++ أوكي يا فاتح، أنا آسف على المداخلة الخشنة وبسحبها +++ يا ملهم، يا أخي، أنا أسف على المداخلة العنيفة والإنفعال أطمع في عفوك +++ يا الفاتح، أكرر اسفي بوصفك بالمجرم +++ أعتقد قمتم بعمل جيد في هذا البوست والرسالة التحذيرية من فائزون وصلت،
في البداية ورطتهم وقلت اتبرعوا عشان يحذروا، ودي بذاتها فضيحة ورجعت اعتذرت وعملت تصويب، لكن وضح أن الخطة مرسومة جيت تاني بكل وقاحة سميته (مجرم كردفان) ورجعت اعتذرت ليهو، تلاتة مرات وجيت في النهاية تهنيهم على (العمل الجيد)، ياتو عمل جيد!
____ انت مهزوز ووقح.
=============
Quote: قول لي بربك رد على الافتراض التالي: شنو البمنع -من غير ان نفحص سيرتك الذاتية- إنك تكون مجرم محترف ونحن نساعدك في جلب الضحايا؟ ما نفعله الآن نحن غير المساهمين هو تكفير عن تمرير المشروع بهذه السذاجة
ودلوقت بتقول ليهو أقبل بصفة (مجرم) وخليك ساكت لحد ما نلقى لينا إثبات قوي يدينك! دي قوية دي! وبنفس منطقك شنو يمنعنا نحنا المحايدين إنك تكون شريك الشخص الانت بتتهمو قدامنا والموضوع مجرد اختلاف في قسمة؟ ما تفعله يا أبوبكر هو محاولة لتمرير تهم بطريقة وقحة ثبت لينا هنا أنها مجرد ثنائية لإهمال+تربص.
___ ودي وقاحة منك يا أبوبكر، آمل أنها تكون خروج عن المألوف.
=============
Quote: الجديد اني كنت يرسل ليك وثائق من فايزين انت مابتنزلها حتى الموالين ليك انا كنت يرسل ليهم وثائق وجاني تلفون من قطر امبارح دي داير وثائق رسلتها ليهو من امريكا رسلتها ليهو
الجديد انو انت معصلج وماداير ترسل زول هسي دي يجي الشقه ويتعامل معاي مباشرة معتمد على قنا وقالوا
الجديد انو حتى المهاجمين الفوق ديل مافيهم زول طلب وثائق مني بنظروا ساي
لأنهم وطنوا أنفسهم على الشينة ولو ما قلت غير دي، كفاية جداً، بالنسبة لأي محايد يبدو لي كلام منطقي، وعديل، وما قصرت في إطلاعهم على المستجدات هذا يفسر (إصرارهم) على أن يضروك بشيء، لذلك لن يلتفتوا إلى شيء لصالحك.
____ أمرهم غريب ومريب.
01-06-2018, 07:44 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: للعلم فقط تبرعى بالريال السعودى ٣٢٨ تساوى ٨٥ دولار شامله التحويل فقط لان ملهم ذكرها 300 جنيه مصرى
مش حقو تسأله صرف كم عشان يقدر يستلمها كاش! ولا حولتها ليهو رصيد؟
================
Quote: لكن الان بترجاكم ملهم يوقف رفقا بي ادلكن الوهمية واعتمادكم على مكانتكم الاجتماعية..دكتور ومهندس وامير سعودي ومواطن امريكي..والمسلمين ملهم شاقي اغبش..امشي معاكم لاحسن نتيجة عايزنها ملهم نصب عليكم..ياخ اتبوهموا واستمروا ومرروا احسانكم ما هو اكتر زول بيستحق احسانكم
موضوع مكانة اجتماعية دا انتهى من اللحظة القرروا يجيبوا الموضوع هنا وبتفق معاك في أنهم (دفعوا تبرع تـافه في جملته) لكن مستحيل نسميهوا إحسان دا في أحسن الفروض من وأذى. ____ سقطوا في نظري.
================
Quote: لكن الأخطر هو الناحية القانونية وفي مصر تحديدا. كونك تؤجر شقة باسمك وتستقبل فيها مرضى توجههم بنفسك حيث مكامن العلاج التي تناسبهم. في بلد موتورة أمنيا فيها جرائم ومصائب من كل نوع أخفها تجارة الأعضاء البشرية وعصابات يشارك فيها حتى الأطباء . فضلا عن أن هؤلاء المرضى
Holy moly! من مرحلة (انت وين دايرين نرسل ليك أهلنا) هسع بقى الموضوع تجارة أعضاء فإذا انت عارف حقيقة (في بلد موتورة أمنيا فيها جرائم ومصائب من كل نوع) بتودي ليها أهلك ليه؟
كلامك دا لمصلحة ملهم ولموقفه السليم في البقاء في الشقة على الأقل حماية ياخ!
____ الإثيوبي صدق لما قال (حسن منعول اشترى قندول).
==============
البداية كانت كلام عام بعدها بقت طلبات مباشرة بعد شوية ظهرت الوقاحة ظهروا بعد داك ناس (عندي شهود قالوا) انتقلنا لمرحلة الشتيمة وإشانة سمعة والخصوصيات اتضح إنو مافي اتفاق على بنود صرف ولا تقديرات للتكلفة ظهروا ناس التهديد بالفضح وجماعة (اقترح عليك ما تلاوي الناس) لما بدأ يواجههم، اللابدين مرقوا وبقوا يحاولوا يورطوهوا بكلامو الهنا ظهروا بعد داك ناس التلميح للقانون والجمعيات وتجارة الأعضاء والتخويف
____ شيء مؤسف.
01-06-2018, 08:42 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3469
يا حاتم، وقح اللبستها ليك ديك كانت بالمقاس وملعوبة في محلها، حقتك الرجعتها لي دي رد طفولي ساكت أهم حاجة في المنتدى دا هو التوقيت
بعدين اللعب مع برشلونة يختلف، كان المفروض تصرها لي لحتّة تانية، هسّ ردّك دا وبإعتبارك صديق قديم؛ بعتبرو انفعال وفرفرة وهذه لا تليق بالمحترفين تعيش وتاخد غيرها يا "وقح"
01-06-2018, 09:02 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3469
تقريباً في الإستنارة عندي زي ٩٩ لمبة في المنتدى دا أقصى عدد استعملتو هو أربعة لمبات مستوى الناس وكدا ما بستحق أكتر من تلاتة الرابعة دي مرات بستعملها للردع فشنو؟ لو في زول المفروض ملهم يشكرو في البوست دا هو سعادة المستنير قولوا لي ليش؟ وقفتي مع المتبرعين الأخيار -وهم يستحقونها- قللت وساعدت في إخماد نار كان من الممكن أن تشتعل لو أجبرهم استفزاز مدافعيك لاستعمال كامل ورقهم الذي يلمحون به. وزي ما بقولوا ناس سنار "بشوف القلب" والاستنارة فتح رباني وقسمة
01-06-2018, 08:56 AM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
Quote: العمل كان طوعي والاتبرع اتبرع طوعي والانصرف انصرف طوعي ... المحاسبه من حق الاتبرعو لانو الموضوع كان موضوع ثقه ... فايزين قامت كجسم اسفيري ليهو شقة استقبال وعربيه ودخل ومنصرف لسه ماسجلنا ولاركبنا يافطه في مقر دايم والشقه والعربيه والله العظيم موجودات الميزانيه الاوليه والوثائق المصوره والفيديو مع العريفي ياخي ... ياعبداللطيف عشان انت كنت مبلكني ولمن أكمل كشف الدخل والمنصرف حأنزل الكلام ده مستني الاتبرعو ومانزلوا في لستة المتبرعين
سلامات يا ملهم أولا شكرا علي جهدك وتعبك ووقتك للقيام بهذا العمل واضح أن بدايتكم في تأسيس العمل كانت أشبه بالنفيـر وتجمعت التبرعات (علي قلة التبرعات) .. مفروض تقوموا بالتسجيل والصرف وفقا للقواعد البسيطة لحفظ البيانات ... الكلام دا طبيعي ممكن يكون ما حصل زي ما بحصل في كثير من أعمال النفير والأعمال التطوعية .. ما تصدق أو تشك في نفسك .. جود شغلك وما تخلي أي زول يشكك في قيمتك وما تدي أي زول فرصه يطلعك حرامي أو مجرم .. جود شغلك وساعد أي زول تقدر تساعده أي شغل في الدنيا ممكن يكون ناقص وأي خلل ممكن يتعالج ...
01-06-2018, 09:10 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3469
يا ملهم، الوصيّة في الذمة، عليك رب المجرات، رسّل رسائل داخلية لحاتم وعبد العظيم ديل أطلب منهم دعم ميّة دولار لكل واحد ل "فائزون" نكون ضربنا عصفورين بحجر - ضمنا إيجار شهرين ل "فائزون" - ونكون أخرسنا الفلول في موضوع الشبحيّة دا
01-06-2018, 10:18 AM
عمر دهب عمر دهب
تاريخ التسجيل: 10-19-2014
مجموع المشاركات: 2010
هناك عدة اسئله تحتاج الى اجابة . ١/ لماذا تم نقل المعركة من قروبات فائزون الى سودانيذ اون لاين . من حيث الاولى أن يتم التداول هناك فى داخل القروب لى وجود المتابعين للمشروع ..... فى النقطة دى توجد ضبابية وخبث وجريمة اغتيال شخصية كاملة الاركان ...... وخصوصا المنبر اصبح مسرح للاغتيال الشخصي وتصفية حسابات . ٢/ اطلاق المستنير لفظ مجرم قبل معروفة الحثاثيات هذا يدل على أن التعبية تمت اولا و وجود حكم مسبق تم الاعداد له ....مع سبق الاصرار والترصد ... وما نراه فى المنبر كان اخراج محكم بدقة عالية ..... وهذا يدل على الاستفادة من الاحداث سابقة حدتث من قبل اكسبت مهارة عالية فى التكتيك . ٣/ هل كانت المجموعة تجهل أن ملهم ليس لديه عمل ؟ او من اين كان ياكل ويشرب ويدفع مصاريف سكنه .... اذا كانت تعلم وتطالب ملهم بتقديم خدمات راقية لهم ولى زويهم دون اجر او مقابل هذا هو الإسترقاق الحديث اى يعمل مقابل بطنه فقط .... واذا تمرد يتم صلبه وحرقه امام العالمين ليكون عظة وعبرة للاخرين كما قال المستنير . التبرع او الدفع ثلاث.... ينفق لا حتى لا تعلم يمينه عن شماله ..... و انفاق رياء للناس ....وأنفاق مغرم يتربص بكم الدوائر. .... هذا الثلاث حدثت فى داخل للمشروع ...... ولكن ما يهمنا هو النوع الثالث وهو الاكثر ضررا لابد أن ننتبه اليه جيدا . مطلوب الايضاحات لى هذه الاسئله لى تبريئة طرفكم ..... لانحكم حتى نسمع منكم .
01-06-2018, 10:15 AM
قسم الفضيل مضوي محمد قسم الفضيل مضوي محمد
تاريخ التسجيل: 01-08-2013
مجموع المشاركات: 2608
. . المشروع دا يا اخوانا كان أكبر من أن يديره شخص واحد ... بعرف واحد مشتري شقة في القاهرة قبل سنتين للاستفادة منها في خدمة أهله القادمين الى مصر ... الشقة الى الان مشغولة بالمستفيدين وما فضت الى هذه اللحظة منهم علما ان معظمهم كانوا في حدود اقاربه ... فما بالك بمشروع زي شقة ملهم عدد المستفيدين المحتملين منه يعتبر لا نهائي ... بعدين مجرد ما المساهمين في المشروع الخيري حاولوا الاستفادة منه فدا تلقائيا بحولوا من مشروع خيري الى مشروع ربحي ... أسوأ ما في الموضوع هو القيل والقال ومحاولة تجريم من تصدى لمهمة هي اكبر من ان يديرها شخص بمفرده ... بعرف واحد مشى اتعين في شركة ومشى مسك فيها المبيعات والمشتريات والخزينة ، في ظرف سنة اتورط في مبلغ مالي ضخم اضطر لبيع الوراه والقدامو لتسديد جزء من المبلغ ... نفس الكلام دا بينطبق على ملهم مسك شغلة بتاعة 3 الى 5 اشخاص فعشان كدة الشغل جاط واتجوبك معاه ... فأنا بشوف انه الناس تعمل فل ستوب لهذا المشروع ... و اعيد واكرر انه لو الدنيا كلها لو اتفقت ، نحن السودانيين ديل ما بنتفق بسبب عدم التخطيط وسياسة زرق اليوم باليوم ... . . . . .
01-06-2018, 10:43 AM
Asim Fageary Asim Fageary
تاريخ التسجيل: 04-25-2010
مجموع المشاركات: 7810
هناك عدة اسئله تحتاج الى اجابة . ١/ لماذا تم نقل المعركة من قروبات فائزون الى سودانيذ اون لاين . من حيث الاولى أن يتم التداول هناك فى داخل القروب لى وجود المتابعين للمشروع ..... فى النقطة دى توجد ضبابية وخبث وجريمة اغتيال شخصية كاملة الاركان ...... وخصوصا المنبر اصبح مسرح للاغتيال الشخصي وتصفية حسابات . ٢/ اطلاق المستنير لفظ مجرم قبل معروفة الحثاثيات هذا يدل على أن التعبية تمت اولا و وجود حكم مسبق تم الاعداد له ....مع سبق الاصرار والترصد ... وما نراه فى المنبر كان اخراج محكم بدقة عالية ..... وهذا يدل على الاستفادة من الاحداث سابقة حدتث من قبل اكسبت مهارة عالية فى التكتيك . ٣/ هل كانت المجموعة تجهل أن ملهم ليس لديه عمل ؟ او من اين كان ياكل ويشرب ويدفع مصاريف سكنه .... اذا كانت تعلم وتطالب ملهم بتقديم خدمات راقية لهم ولى زويهم دون اجر او مقابل هذا هو الإسترقاق الحديث اى يعمل مقابل بطنه فقط .... واذا تمرد يتم صلبه وحرقه امام العالمين ليكون عظة وعبرة للاخرين كما قال المستنير . التبرع او الدفع ثلاث.... ينفق لا حتى لا تعلم يمينه عن شماله ..... و انفاق رياء للناس ....وأنفاق مغرم يتربص بكم الدوائر. .... هذا الثلاث حدثت فى داخل للمشروع ...... ولكن ما يهمنا هو النوع الثالث وهو الاكثر ضررا لابد أن ننتبه اليه جيدا . مطلوب الايضاحات لى هذه الاسئله لى تبريئة طرفكم ..... لانحكم حتى نسمع منكم
.
غايتو يا أيمن نواى على .. نظرية المؤامرة جضمتها تجضم ..
لا أعتقد أن هنالك حياكة مسبقة ولا طبخ ..
مثلاً أنا دخلت البوست لأني متواصل مع ملهم تواصل شخصي ليس له علاقة بالمشروع هذا .. بل فقط تواصل أخوي في منتدى خاص بالسودانيين وذلك قبل أن ألتقيه هنا في سودانيزاونلاين
فدخلت مستغرباً حال كل شخص عندما يجد اسم شخص يعرفه في موضوع ما
لذلك لا أعتقد أن هنالك مؤامرة من المشاركين في هذا البوست
مع تحياتي،،،
عاصم فقيري
01-06-2018, 10:53 AM
Maawya Hussein Maawya Hussein
تاريخ التسجيل: 12-27-2007
مجموع المشاركات: 10136
المؤسف والمحبط جدا انو الناس في السودان بقت تلتف علي الحقائق وتعالج اي موضوع بي انصر اخاك طالما وظالما اخوك اصلو ما تغلتو لو قتل رقبه ..ودا حاليا الوصل البلد للفساد والهلاك العايشنو نحن دا
لو الناس بتحاسب الطالم (مهما كان قدرو او مركز) وتنصر المظلوم وتقول كلمه الحق كان اتكافينا شر مصائب كتيره ..ناس كتيره هنا ناسيه انو ربنا حا يسالوم يوم القيامه من اللولوه البعملو فيها دي بي اسم حسن النيه وحسن الظن والقرف الما جايب حقو دا
01-06-2018, 11:05 AM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
Quote: للعلم فقط تبرعى بالريال السعودى ٣٢٨ تساوى ٨٥ دولار شامله التحويل فقط لان ملهم ذكرها 300 جنيه مصرى
85*17=1445 جنيه مصري ملهم اين الخطا حقه زول طلع لي عمل عام عايزين تجرموا ياعمر دهب دي مؤامرة ضد زميل كيف يقول 300 جنيه وانت تجي تقول لا (85) دولار وتعادل 1445 ده اغتيال شخصية واتهام بالباطل يجب عليك الاعتذار وانت قبيل حولت ليه عشان تجي تسال منها كم من يستلم 1445 جنيه ويقول 300 جنيه هو الصادق واي كلام تجاه يعتبر ترصد وجريمة
الله فرجيني
01-06-2018, 11:19 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3469
إتّا يا نواي، عاجباك كلمة حيثيات دي وقلت تستعملها؟! مداخلتي الوصفت فيها ملهم كردفان بمجرم واعتذرت عنها، كانت مباشرة بعد مداخلة ملهم القال فيها إنّو ما في شقة ثابتة لفائزون، مناقضاً كل ما كتب من قبل ومستهتراً بجمعيته العمومية، أي زول بعد المداخلة دي جاء دافع عن ملهم؛ فليتحسس ميزان عقله، المعلومة القالها ملهم دي يا نواي اسمها حيثية الحيثيات الواحد يجي الخرطوم الليلة يسمع ليهو كلمة؛ يقد بيها راسنا
01-06-2018, 11:15 AM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
الغريب في الموضوع تمت حياكة جلابية مكتوب عليها : حرامي ونصاب والجلابية دي لازم ملهم كردفان يلبسها من سكات ويتقفل الموضوع
ياخي دا قتل للشخصية وتشهير لا يتناسب مع الحيثيات حتي الآن مهما كان الفعل الذي قام به الزميل ملهم في التصرف في بعض من المال لايمكن أن يصل الأمر للتشهير وإغتيال شخصيته أمام الملأ ..
ملهم دا لا صاحبي ولا بعرفه لكن ما يحدث في هذا البوست محزن جدا ما ممكن تتبرعوا وتتآمروا علي الزول المسكين دا بالطريقة دي وإذا إفترضنا أن الأمر فيه سوء تصرف في المال كان يمكن أن تتم العملية بطرق كثيرة إنتوا إخترتوا أسوء طريقة لطلب المعلومات والبيانات دون مراعاة الأذي الذي يمكن تسببوه لزميل في المنبـر "قد يكون أخطأ" وقد تكونوا شركاء معه في الخطأ حتي إذا كنتم من المتبرعين ...
محزب جدا أن يوصف أحد الزملاء بالمجرم
01-06-2018, 11:26 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3469
المحزن شنو في محاكمة اسفيرية تصل لحكم بالتجريم؟ لا أعتقد المنتدى دا لو حبّ ينتخب قاضي لهذه المحاكمة كان ح يختار زول غيري في بيت شعر بتاع المتنبي كنت داير انزلو لكن ناسيهو هسّ
01-06-2018, 11:24 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: استلمها ياشيخ حاتم ٨٥ دولار صافيه والتحويل بره الكلام دا وانا صححته فقط ولو ماجاب سيرتى ماكنت ذكرت ذلك
آآي واضح، لكن أنا إشارتي جات لمنصرفات ملهم في سبيل استلام المبالغ في أكتر من 15 تبرع بعضها باليد وبعضها تحويل وكلها مطلوب من ملهم يتحرك عشان يستلمها الحركة دي مجان؟ ولو بس استغرق في كل استلام ساعتين، وقته دا بلاش؟ مش ممكن يعمل فيهو 10 متر بوماستك بالشيء الفلاني!
==========
Quote: هناك عدة اسئله تحتاج الى اجابة . ١/ لماذا تم نقل المعركة من قروبات فائزون الى سودانيذ اون لاين . من حيث الاولى أن يتم التداول هناك فى داخل القروب لى وجود المتابعين للمشروع ..... فى النقطة دى توجد ضبابية وخبث وجريمة اغتيال شخصية كاملة الاركان ...... وخصوصا المنبر اصبح مسرح للاغتيال الشخصي وتصفية حسابات . ٢/ اطلاق المستنير لفظ مجرم قبل معروفة الحثاثيات هذا يدل على أن التعبية تمت اولا و وجود حكم مسبق تم الاعداد له ....مع سبق الاصرار والترصد ... وما نراه فى المنبر كان اخراج محكم بدقة عالية ..... وهذا يدل على الاستفادة من الاحداث سابقة حدتث من قبل اكسبت مهارة عالية فى التكتيك . ٣/ هل كانت المجموعة تجهل أن ملهم ليس لديه عمل ؟ او من اين كان ياكل ويشرب ويدفع مصاريف سكنه .... اذا كانت تعلم وتطالب ملهم بتقديم خدمات راقية لهم ولى زويهم دون اجر او مقابل هذا هو الإسترقاق الحديث اى يعمل مقابل بطنه فقط .... واذا تمرد يتم صلبه وحرقه امام العالمين ليكون عظة وعبرة للاخرين كما قال المستنير . التبرع او الدفع ثلاث.... ينفق لا حتى لا تعلم يمينه عن شماله ..... و انفاق رياء للناس ....وأنفاق مغرم يتربص بكم الدوائر. .... هذا الثلاث حدثت فى داخل للمشروع ...... ولكن ما يهمنا هو النوع الثالث وهو الاكثر ضررا لابد أن ننتبه اليه جيدا . مطلوب الايضاحات لى هذه الاسئله لى تبريئة طرفكم ..... لانحكم حتى نسمع منكم .
عفارم عليك، أضرب الفلول!
فلتت من أبوبكر وفضحهم وقالها هنا
Quote: يا زول، الناس الاتبرعت دي كلها همها ليس التبرع بقدر ما هو تحذير الآخرين، Re: شقة مصرRe: شقة مصر
يعني فيهم المتواطيء القبل (يتبرع) ويعمل tracking ويتربص بأي فرصة عشان يظهر في الوقت المرسوم ليهو ويقول أنا يوم كذا دفعت كذا وعندي شاهد فلو ملهم اضطر ركب المواصلات من جيبه وأكل سندوتش طعمية وخصمها يطلع مجرم يعني (ترتيبات) بنفس طريقة اللحمة الملضومة في الخيط بتاعت بخلاء الجاحظ
عشان يضطر يجي يبرر هنا قدام سودانيز والفضيحة تكون أكبر ما يمكن ومجهزين ليهو أبوبكر يربكه بالوقاحة، والرخيص التاني داك يجي يشتمه، وساكتين على الوثائق البيرسلها ليهم وما عايزين أي فرصة للناس تعرف الحقيقة وأثناء انزعاجه ممكن ينسى أو يغلط أو حتى يخاف زي ما ظهر من محاولتين للتخويف هنا عايزينو يغلط ويقوموا يمسكوها عليهو، والدليل في مداخلة (زعيمهم) المتحدث باسمهم فوق طوالي جا ناطي وقال (مستند) Re: شقة مصرRe: شقة مصر
لاحظ ليهم، هو بيخاطبهم كأفراد في قروب وهم مصرين يخاطبونا كأعضاء في المنبر إمعانا في الفضح
المسألة برمتها ضغينة فرد أو اثنين كان ممكن معالجتها بوعي، لكن للأسف انعدم الوعي والضمير
Quote: بعد فتح البوست بدت تجينى رسائل مكتوبة و مسموعة و تسجيلات صوتية و اتصالات تلفونية بها ما يكفى من ادلة المهم شلت واحد من الاتهامات دى و واجهت بيها ملهم و تحديدا الاتهام ارتبط بى مداخلة ليهو تلقوها هنا Re: شقة الإستقبال كرسى متحرك ..وشوية عفش وبوماRe: شقة الإستقبال كرسى متحرك ..وشوية عفش وبوما و كان ردوا لى بالحرف فى جزء من مداخلة ليهو خليك فى حدود تبرعك و بس و انصرف و اشكرك على البتعمل فيهو ده +++ رسل لى بعد مضى 20 يوم من وصول بنت اخوى و بيعتذر بى انو كان عيان ما رديت عليهو و سحبت ارقامو من التلفون و انسحبت من القروب
الباقي مجرد قوالات، واعتقد نحنا برضو كسبانين، أهو ظهرت لينا المعادن التحت البوهية.
____ فاقوا سوء الظن العريض.
===========
Quote: لا أعتقد أن هنالك حياكة مسبقة ولا طبخ ..
مثلاً أنا دخلت البوست لأني متواصل مع ملهم تواصل شخصي ليس له علاقة بالمشروع هذا .. بل فقط تواصل أخوي في منتدى خاص بالسودانيين وذلك قبل أن ألتقيه هنا في سودانيزاونلاين
ما هو دا المطلوب! ضرب علاقات ملهم مع أعضاء المنبر! إحراج ملهم مع أكبر عدد من الناس والمعارف وتسبيب أكبر ضرر ممكن لسمعته وإلا كان الموضوع اتناقش في القروب، بل حسب مداخلة سابقة قلت كان ممكن يوفدوا شخص واحد يقعد معاهو في تربيزة ويتحاسبوا وينتهي الموضوع. ____ ياخي الشيطان طلع بليد خلاص.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Biraima M Adam
Asim Fageary
أبوبكر عباس
أيمن نواى على
عبدالحفيظ ابوسن
يحي قباني
Munir
علي عبدالوهاب عثمان
جلالدونا
ملهم كردفان
على محمد على بشير
محمد المسلمي
elhilayla
Hani Arabi Mohamed
محمد جبره
Maawya Hussein
Osman Awoda
اسامه العريفي
Elhadi
الطاهر الطاهر
الصادق اسماعيل
عمر نملة
حاتم إبراهيم
عبدالعظيم عثمان
قسم الفضيل مضوي محمد
فيس بوك
تويتر
انستقرام
يوتيوب
بنتيريست