|
|
 Re: ماكينة الخنساء ...كاربوريتر سليكة... (Re: محمد البشرى الخضر)
|
أظنو غلبو فقام فك آخرو:
يا بت يمين بهواك
وقلبي ديمة معاك
يا ريتني كان بقدر
انساهو ياخي هواك
يوماتي بصبح اقول
اليوم اكيد حانساك
يادوب ما الشمس غربت
القاني ساعي وراك
أحيييييي من قلبي
واملي الكبير في رجاك
و ديمة شاغلني
مبشتن علي حالي
زمني القضيتو معاك
يا ربي هل اشفى
وممكن في يوم انسى
واكمل حياتي بلاك
* * *
يا بت يخسي عليك
مع كل مشاعري إليك
بعتيني بي الرخسة
ومني نفضتي ايديك
انا ذاتي استاهل
هو شنو البيعجب فيك
يعني من جمال خديك
ولا نور عينيك
و لا القمر البشوفو
كل ما نظرت إليك
الراوي :
يا ود خلاس اتلم
البت عديل قاتليك
مادايرة ليك تنضم
كترت الكلام بالحيل
مسخت القصيد و النم
انساها ياخي خلاص
الدايرو ما بنتم
| |
 
|
|
|
|
|
|
|
 Re: ماكينة الخنساء ...كاربوريتر سليكة... (Re: محمد البشرى الخضر)
|
عمدة ياعمك..Quote: لجميع الغاوون / والغاوويات ..
تحياتي وسلامي ..
ود البشري .. ليك معزة .. وأحــيــك إنك استطعت أن تجمعهم شملهم
فالخريق الصامت ..صار ربيعاً مشرقا.. فهنا الفرح جميلاً لا ينسي ابداً
فالايام .. رحيلاً ومجيئا.. وللأحزن ظلال ..والفرح نشوة ..ياليت لو كان
المنبر وعمره كهذا كله افراح ..!
وتحياتي لكما جميعا |
ونبادلك المعزة و اكثر
لكن (الخريق) الصامت دي مبالغة لا تفوقها إلا (إسبيرات السيارات) الطلعت ما بتعرف ليها
| |
|
|
|
|
|
|
|
|
 Re: ماكينة الخنساء ...كاربوريتر سليكة... (Re: محمد البشرى الخضر)
|
كبر يا عمك ..| Quote: السعوال ده.. في شان.. الدبل كك ما معانا .. no double kick man |
كان داير الراي العديل السعال الديكي دا اصلا ما كان في ليه داعي| Quote: اها كن بقيت بطلت القطاعي..و هبرت في الجملة..ورينا الدرب عشان نفهم.. |
والله انا زاتي داير اليفهمني الحاصل | Quote: كمين ابن كلب.. المكنة و الكربريتر..و ود الصائم ذاتو ..دقوا في العراضة.. |
طيب وكت الكمين عجبك ما تسترو ياخ
هو كمين شنو دا الغاشي و الماشي كلو ناقشو
الكمين الصاح الختا زاتو كان اتلفت و رجع عاين تاني ما يعرفو و لا يعرف محلو
الصيدة زاتها تقع و يفكوها هي ما جايبة خبر| Quote: بت الكلب يا القضارف.. |
عليك الله ياعمك من كندا البعيدة دي جاي تنعل في ابو القضارف
غايتو لو تدري كم كلفتني مداخلتك دي من شرح و تبريرات و حليفة ما اظنك كنت تكتبها
(وش سابي لكندا و شمال القارة كلو)
| |
|
|
|
|
|
|
|
|
 Re: ماكينة الخنساء ...كاربوريتر سليكة... (Re: محمد البشرى الخضر)
|
ندوية....Quote: ماشُفتَ هذا البوست
أنا الإ هذا الحين !!
ود الخضر غرقان
في حبو للإضنين
كُر جد على يابا
وبدل أوب علي اوبين !!
إيه الحصل ياناس ؟!!
الزول ده عاشق مين ؟!! |
الزول دا ندوية
عم بِحكي في قصة
اتنين عيال حلوين
موضوعم اتقصا
ريدتهم بحكوها
في الحلة لي هسا
كانوا معروفين
بالخلطة و الهمسة
إلا الظروف شاءت
البت للولد تنسى
خلت قليبو كسير
بحزنو يتكسى
و الود يا حليلو اسير
لي ريدتها النحسة
وانا بحكي في القصة
وخايف كمان انسى
تفصيلة ولا اتنين
وتصبح علي جرسة
| |
|
|
|
|
|
|
|
|
|
Re: ماكينة الخنساء ...كاربوريتر سليكة... (Re: محمد البشرى الخضر)
|
قرت كلامو دا فحرقها
قامت قالت ليه :
يا ود ما تقلب علي احزاني
وتهيٍج ذكريات واجعاني
الكنت ليك شايلاهو
اتذكرو يتلخبط علي كياني
العاداكَ كنت حبيب
وعاقدة عليك آمالي
خاتاكَ ليَ سند
اتكل عليك احمالي
وقبل المحبة صديق
تشاركني في اشجاني
وقبل الصداقة اخو
تعيني على ايامي
لكن لسوء حظي
طلعت واحد اناني
خوتك يا معولق
اريتها بالتاباني
* * *
اخير تقفل على الموضوع
وما تفتح سيرة قليب موجوع
وجع القلب ما اظنه
زي باقي الالم مبلوع
نِعم الحبيب قايلاك
وفؤادي ليك مهجوع
لكن للاسف يا خايب
طَلَعت روحي طلوع
و جاي كمان تسال
هل في تاني رجوع
دايرني ليكا اعود؟
جربت لحس الكوع
قام الراوي قال:
يابت شنو القصة
ياخي الزعل بي يروح
و الزمن أكيد ح يعيد
بسمة قليب مجروح
الود يمين دايرك
فيك منو طالعة الروح
باني في الخيال آمال
وفي رمال هواكي صروح
ما تبقي فقرية
خلي المحبة تفوح
| |
|
|
|
|
|
|
| |
محمد البشرى الخضر
كمال علي الزين
Ahmed Yousif Abu Harira
محمد عبد الماجد الصايم
فيس بوك
تويتر
انستقرام
يوتيوب
بنتيريست