|
Re: لا يصلح للنشر (معركتي مع المافيا بين الخرطوم والدويم) ...!! (Re: كمال علي الزين)
|
(*)
تجادلنا للحظات .. وحاولت إقناعه بأن والدي لا يمكن أن يكون جزءاً من هذه المؤامرة
وأن هنالك لبساً ما ..
لكنني لم أفلح في إقناعه .. وحسمني قائلاً : يازول أبوك .. أخوك .. جدك أنا مابخاطر .. نتفارق أحسن إنتا أمشي بيتكم وأنا بمشي محل ما أمشي .. لكن بعد ماشفتا (حمادة) طالع من بيتكم وأبوك بقدمو كمان أصلو مابخاطر .. سلام ..
رمى بالسلام وأتجه نحو الطريق العام وتركني لحيرتي ..
بيتنا على بعد خطوات ..
ولا أستطيع أن أقرر .. أدخل ..
أم لا ..!!
ثم تبعت صديقي دون أن أفكر إلا في عدم مفارقته فقد دخلنا هذه الورطة معاً ..
ولن نخرج إلا معاً ..
إلتفت خلفه ولما رأآني أتبعه .. إبتسم في إرتياح .. وواصل طريقه ..
إلا أنني سألته وأنا أحاول اللحاق به :
طيب أها نمشي وين ؟
| |
|
|
|
|
|
|
Re: لا يصلح للنشر (معركتي مع المافيا بين الخرطوم والدويم) ...!! (Re: كمال علي الزين)
|
يا كيمو صبرى,,,
بما إنك أبيت تسأل أسألك أنا وننتهى من القضية دى قبل ما تركب بينا الزلط بإتجاه الدويم!!!
الراى شنو البايت فوقو البخلى معهد جوتة يبقى فى الخرطوم غرب!!!!! سألوك قلتا بايتلك فوق راى!! ممكن أعرفو لو سمحت!!!!
ياخ إنت ما تقول أنا ود أمدرمان والخرطوم دي بروح فيها كان فارقت شارع الجمهورية عادى والله ناس كتار زيك كدا!!!يسألوك تقول بايت لي فوق راى!! !حنّااااااااااااااااك حنك عجيب لكن لقيتك, إعتذر لأخوك عثمان دغيس دا ياخ,,, آسف لقطع تسلسل الأفكار,,واصل!!!
تحياتى,,
| |
|
|
|
|
|
|
Re: لا يصلح للنشر (معركتي مع المافيا بين الخرطوم والدويم) ...!! (Re: كمال علي الزين)
|
Quote: (*)
المكان : الخرطوم غرب الزمان : شتاء أحد أعوام مطلع التسعينيات |
Quote: هذا الحلم جعلني أتردد على منطقة الخرطوم غرب كل مساء .. وأخترت المساء لأنني وكما هو معروف عني (كسول) وأكره ثلاثة أشياء .. (الإجتماعات) و(الكيزان) و(قومة الدغش) ..
كنت قد صرت جزءاً من المكان , حيث أنني بعد أن أكمل محاضراتي .. أتسكع كثيراً بين الشوارع والكافتريات ومواقع المواصلات بحثاً ..
|
| |
|
|
|
|
|
|
Re: لا يصلح للنشر (معركتي مع المافيا بين الخرطوم والدويم) ...!! (Re: كمال علي الزين)
|
Quote: (*)
إعتذار شنو يازول ؟
أيمن أنا ما (محمد عادل) ..
):
قلنا ليك راقد لي فوق راي ..
بعدين أنا ماشتمتو عشان أعتذر ليهو ..
):
أيمن الطيب : روووق .. |
مداخلاتى لم تتوجب كل هذه الحدة يا كمال وكونك محمد عادل أو غيره ليست موضوعنا هنا إلا تكون بايت ليك فوق راى أيضا!!
طلبى منك الإعتذار لعثمان ليس سوى مواصلة لمزاح يبدو أنه لم يعجبك وأنا أعتذر,,,
رووووووووووق دى بقى الما عجبتنى وأرجو أن أكون قد فهمتها صاح!!
إتفقنا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
Re: لا يصلح للنشر (معركتي مع المافيا بين الخرطوم والدويم) ...!! (Re: أيمن الطيب)
|
Quote: مداخلاتى لم تتوجب كل هذه الحدة يا كمال وكونك محمد عادل أو غيره ليست موضوعنا هنا إلا تكون بايت ليك فوق راى أيضا!!
طلبى منك الإعتذار لعثمان ليس سوى مواصلة لمزاح يبدو أنه لم يعجبك وأنا أعتذر,,,
رووووووووووق دى بقى الما عجبتنى وأرجو أن أكون قد فهمتها صاح!!
إتفقنا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
لا ما أتفقنا ...
وحقو تاني تروووووووووق..
| |
|
|
|
|
|
|
Re: لا يصلح للنشر (معركتي مع المافيا بين الخرطوم والدويم) ...!! (Re: كمال علي الزين)
|
فى الحالة دى يبقى أحسن نتلاقى بالدرب,,,,Quote: لا ما أتفقنا ... وحقو تاني تروووووووووق.. |
لكن قبل ما نتلاقى برضو حقو برضو تعتذر لمحمد عادل وإلا بجوك ناس الإصلاح كلهم وإنت عارف الناس ديل ناس دواس سااااااااااى,,,
وأروق من كدا مافى,,,,ولم الوشوش ديل,,
يا درس يا صاحب ,, الشيشة دى خليها ليوم الخميس
مودتى,,
| |
|
|
|
|
|
|
Re: لا يصلح للنشر (معركتي مع المافيا بين الخرطوم والدويم) ...!! (Re: كمال علي الزين)
|
يا أدهمQuote: (*) أيمن .. عاوزين نواصل ياخ .. إنتو كهربتكم ما بتقطع ؟ ): تريحنا منك .. |
شكلك كدا باقى القصة طار ,,, أنجر الباقى من راسك,,,مش قلت ليك إنت حاتوصل العالم ديل الدويم السنة الجاية,,,
بعدين غيّر سير الكلتش بتاع كمبيوترك دا,,, عشان قصة الدبل مداخلة دى ,,,
بس أوعا تكون مصدق إنو دى مشكلة من النت !!!!:(
| |
|
|
|
|
|
|
Re: لا يصلح للنشر (معركتي مع المافيا بين الخرطوم والدويم) ...!! (Re: أيمن الطيب)
|
Quote: شكلك كدا باقى القصة طار ,,, أنجر الباقى من راسك,,,مش قلت ليك إنت حاتوصل العالم ديل الدويم السنة الجاية,,,
بعدين غيّر سير الكلتش بتاع كمبيوترك دا,,, عشان قصة الدبل مداخلة دى ,,,
بس أوعا تكون مصدق إنو دى مشكلة من النت !!!!:( |
الدبل ده .. كبكبة ياعمك كبكبكة
):
| |
|
|
|
|
|
|
Re: لا يصلح للنشر (معركتي مع المافيا بين الخرطوم والدويم) ...!! (Re: كمال علي الزين)
|
(*)
جلسنا قرب الطريق العام .. كان الشارع قد بدأ يأخذ بريق الأمسيات الذي يميزه ..
محال الفول والطعمية والكوارع ..
ومحلات (الباسطة) و(اللبن) .. ورائحة المشويات والأسماك ..
داهمت أنوفنا روائح الطيبات من كل صنف .. تذكرنا أننا لم نذق طعم الزاد من الأمس ..
إستبد بنا الإرهاق والجوع ..
هب (حامد) من جلسته وتحرك نحو الأسفلت وأشار نحو حافلة من حافلات المواصلات وهو يحدثني قبل أن يلتفت نحوي : يلا أرح , نمشي بانت في زول ممكن نبيت عندو لحدي مانشوف لينا حل ..
لحقته وتوقفت بجانبه وأنا أتساءل : منو ده (حامد) ؟
أجابني وهو يواصل إشارته للحافلة بإلحاح : واحد أخونا كده بعرفو من زمان , وساكن براهو .. بس زول كويس وأخو أخوان ومابقصر معانا ..
تجاوزته الحافلة دون أن تتوقف ..
وطفق يواصل التلويح بيده لأخرى بدت من بعيد .. بعد نحو عشر دقائق من الإنتظار والتلويح , .. توقفت أمامنا إحدى الحافلات وصعدنا وجلسنا متجاورين ..
وتحركنا نحو (بانت) ..
دقائق معدودات أخرى ونزلنا عند (بانت) .. وتبعت (حامد) نحو بيت صاحبه ..
حتى توقف أما بيت من (الطين اللبن) , .. بيت قديم متهالك , إلا أن أصحابه لم يقصروا في صيانته .. و(تزبيله) بروث الأبقار حتى بان للناظر أكثر تماسكاً من حقيقته ..
طرق بابه .. وجاء أحدهم وفتح الباب بسرعة .. يبدو أنه كان يستلقي على سرير بحوش البيت قرب الباب ..
سأله (حامد) : منصور في ؟
عرفت من سؤاله أنه ليس صاحب البيت ..
رد : منصور في بس عيان شوية إتفضلوا ..
قال تلك الجملة بشئ من الميوعة , كان رجل أربعيني حليق الشارب أملس الوجه يمشي كما يتحدث , يتقطر ميوعة ..
دخلنا ووجدنا رجل آخر يماثله سناً , يرقد على سرير يتوسط الحوش ..
ألقينا التحية , رفع رأسه ولما رأى (حامد) تهللت أساريره وصاح بصوت غنج مائع كأنه صوت إمرأة :
منو (حامد) ووب علي ووب علي , الليلة الطراك لينا شنو ؟
قالها ثم أردف قبل أن أخرج من طور الدهشة الأولى :
هي يا يمة أنا لي يومين (عيااانة) ..
قالها وهي يشير إلى نفسه بصفة المؤنث ..
فلم أستبشر خيراً ..!!
| |
|
|
|
|
|
|
Re: لا يصلح للنشر (معركتي مع المافيا بين الخرطوم والدويم) ...!! (Re: كمال علي الزين)
|
كمال كوارث ،
ناس البيت يومين ما سالوا عنك ، يمكن سؤالي يكون مستعجل شوية واجابته في الحلقات الجاية
حسيت بي موقفك في بانت كالمستجير بالرمضاء من النار لانو الفيليم ده قبل كده دخلتو سنة 89
ايام حظر التجول كان عندنا زواج في الصحافة اها يامعلم قالوا لي تمشي مع واحد رحمه الله تودو الطباخ بحري
والطباخ ده انا ماوقع لي في راسي خلال تصرفاته يوم العرس مشينا بحري يامعلم قال اتفضلوا دخلنا لقينا كمية
من الرجال برضو مجازا اها واحد/ة مولع حفرة دخان وقاعد فيها ويقشش في دموعو والتانين خاتين قهوة وبيشربوا
قال ايه قال نكب ليكم قهوة لووووووووول يكه المهم اتخارجنا وماشربنا حتى موية .
المهم زي ماقال تبارك
بالمناسبة شكلك ده ماغريب علي
زاتوووو
| |
|
|
|
|
|
|
Re: لا يصلح للنشر (معركتي مع المافيا بين الخرطوم والدويم) ...!! (Re: ALZOLZATOO)
|
Quote: كمال كوارث ،
ناس البيت يومين ما سالوا عنك ، يمكن سؤالي يكون مستعجل شوية واجابته في الحلقات الجاية
حسيت بي موقفك في بانت كالمستجير بالرمضاء من النار لانو الفيليم ده قبل كده دخلتو سنة 89
ايام حظر التجول كان عندنا زواج في الصحافة اها يامعلم قالوا لي تمشي مع واحد رحمه الله تودو الطباخ بحري
والطباخ ده انا ماوقع لي في راسي خلال تصرفاته يوم العرس مشينا بحري يامعلم قال اتفضلوا دخلنا لقينا كمية
من الرجال برضو مجازا اها واحد/ة مولع حفرة دخان وقاعد فيها ويقشش في دموعو والتانين خاتين قهوة وبيشربوا
قال ايه قال نكب ليكم قهوة لووووووووول يكه المهم اتخارجنا وماشربنا حتى موية .
المهم زي ماقال تبارك
بالمناسبة شكلك ده ماغريب علي
زاتوووو |
الزول زاتوو .. صباح الخير ..
ناس البيت الأيام ديك فاكيني عكس الهوا .. بعدي السؤال جاي ..
قلتا (قهوة) و(حفرة) إنتا وقعت في (الأمية) زاتا شكلك ):
إنتا زاتك شكلك ماغريب علي .. إنتا بتشبه (الطيب صالح ) كده ليه ؟
):
| |
|
|
|
|
|
|
Re: لا يصلح للنشر (معركتي مع المافيا بين الخرطوم والدويم) ...!! (Re: أيمن الطيب)
|
Quote: يا راجل قول كلام تانى!!!!!! قلنا ليك أنجر لكن ما قدر دا!!
أها الدويم متين!!! أنا شايف تستعين بصديق ,,
أو نجار تانى,,
إحتمال يقدر يستعدل الفتله دى,,
واصل بعد الفاصل,, |
تعرف يا أيمن التخلص من (حمادة)ومساسكتو كانت أسهل من التخلص من مساسكتك دي .. ):
_____________________
خلينا نفكر في مشية (الدويم) , (الحصاحيصا) مالا عيبا لي (غايتو شلاقتي حيرتني أنا زاتي) ..
):
(عدل بواسطة كمال علي الزين on 04-22-2009, 08:01 AM)
| |
|
|
|
|
|
|
Re: لا يصلح للنشر (معركتي مع المافيا بين الخرطوم والدويم) ...!! (Re: كمال علي الزين)
|
(*)
سرحت أفكر بأحداث (الأمس) و(اليوم) .. آملاً أن يسعفني خيالي .. في إيجاد مخرج ما ..
أو أصحو الآن لأجد نفسي في بيتنا .. لأكتشف أن كل هذا مجرد حلم ..
كابوس جثم على صدري سأصحو منه ..
أخرجتني رائحة الكوارع التي فاحت .. ووصلت إلى أنوفنا التي تحركها معدتنا الخاوية ..
فتأكدت أنني للأسف .. لا أحلم وأن هذا هو الواقع ..
خرج صاحبنا من المطبخ وتوجه نحو باب (البيت) قائلاً: العشا جاهز , بس دقايق أصل الدكان أجيب (الرغيف) وأجي ..
لم يرد عليه أحد .. لم نعلق ..
وكذلك (منصور) آثر الصمت والتطلع فينا وهو يبتسم في (حياء ) العذارى ..
تأخر صاحبنا .. أظنه قد إستغرق قرابة (نصف الساعة) دون أن يعود ..
تجرعنا من الصبر ..
عاد بعد لحظات وهو يحمل كيساً بيده .. دخل ولم يغلق الباب خلفه ..
وقال محدثاً شخصاً جاء معه :
أدخل يا(مصطفى) إتفضل ..
دخل (مصطفى) وكان أن تفاجأنا بادئ الأمر حين رأينا .. رجلاً شديد البياض طويل الشعر ..لا أظنه سودانياً ..
تنبه (منصور) لحيرتنا فقال : دي أختنا (تركية) .. إتفضلي يا(صوفة) ..
نظرت إلى (حامد) وكاد أن يغمي علي .. حين دخل (مصطفى ) بمشيته التي أقل مايقال عنها .. أنها كمشية (بنات الثانوي) ..
سلم علينا وهو يتحدث لغة كلغة أهل الشام : أهلين بالشباب .. مرحبتين فيكم ..!!
| |
|
|
|
|
|
|
Re: لا يصلح للنشر (معركتي مع المافيا بين الخرطوم والدويم) ...!! (Re: Hala Hassan)
|
Quote: يا أيمن الطيب ياخ ما تستغلنا لكسب النقاط،،
الموضوع دة ما بالساهل كدة،
أخونا كمال دة إحنا فهمناه تب،
كلو لزوم الحبكة الدرامية، و شد القارئ،،،
بعدين قال ليك المغامرات دى إلا موتر و عربية جارية وراه،
الموقف الصعب دة ذاااتو مغامرة كبيرة الله يعلم،،
إنت بس أدعى ليهم يتخارجو من الورطة دى بالسلامة،،، |
آمين ياهالة آمين
بس أدعي أول حاجة ربنا يحلني من أيمن الطيب ده
):
| |
|
|
|
|
|
|
Re: لا يصلح للنشر (معركتي مع المافيا بين الخرطوم والدويم) ...!! (Re: كمال علي الزين)
|
(*)
تحركنا نحو (الكلاكلة) وبالطريق .. كان (حامد) يروي لصاحبه (منصور) حكايتنا ..
كان الزمن الذي إستغرقته الرحلة كافياً .. ليكمل (حامد) روايته وبالتفصيل ..
وصلنا (الكلاكلة) وكان (منصور) قد بدت عليه ملامح قلق قد حاول جاهداً إخفاءه ولم يفلح ..
قلق مرده لتورطه بهذا الأمر الغريب .. الخطير , .. أنزلنا عند بيت إقربائي .. ومضى ..
وللحقيقة .. أعجبتني شهامة الرجل وموقفه منا .. ومساعدته لنا رغم خطورة الأمر ..
دخلنا على أقرباءنا .. رحبوا بنا ..
وأخيراً حصلنا على وجبة عشاء دسمة .. ونمنا ..
ما أن وضعنا رأسينا على السرير .. حتى غرقنا في نوم طويل .. رغم ما نواجهه من أمر .. فقد كان إرهاقنا..
أعظم من أن نفكر بمصيبتنا .. !!
| |
|
|
|
|
|
|
|