جنابة الحبشية..!!

Quote: ورغم اجادتي للغتين الامهرية والتجرنية بالاضافة الى التجري ، أجدني عاجزا عن ترجمة تلك الخصائص والتداخلات ليس لقلتها لكن لعمقها وامتداداتها الى الدرجة التي تجعلني -احيان- لا اشعر بفارق كبير لدى الانتقال للحديث من هذه الى تلك .

حسب معرفتي المتواضعة أنهم يتكلمون لغة وأحدة في إثيوبيا وأرتريا ( التجرنجة )
وبين اللغتين لاتوجد( تباينات )كبيرة لان المسأله تصبح لهجات وليس لغات
وفي تقديري التجراى في البلدين أمتداد عرقي وأحد
أتصورهم نفس العادات والتقاليد والتراث
اداناه clip للأرتريا ( هلين بولس )
ملاحظاتي في مشاط الشعر والملابس التقليدية
والطقم ( الدهب الحبشي ) لا يوجد أى فرق بينها
وأى تجراوية أخري من (جيرانهم) من أهل أكسوم ومقلّي وشرّه

والبعرفوا ... (التجراى) بعاينوا ( لتلفزيون أرتريا) أكتر من (تلفزيون إثيوبيا )
وبحبوا يسمعوا ( أليسا كيداني )
مع ملاحظت أنو الارترين حتى البيجيدوا العربي بحرصوا يتكلموا بلغتهم
ما زي ناسنا مجاملين لو لقوا بينهم وأحد ( لغتوا تعبانه )بقلبوا الحوار كلوا ( عربي )

في المناسبات البتجمع ما بين التجراى الاثيوبين والارتريين ما حتلاحظ أى فرق فى الكلام أو الملابس
وحته العكلته في النسب بينهم (ما موجودة )عادي النسب بينهم وينّدر مع أى جنسية تانية
حته مع التوتر السياسي بين أثيوبيا وأرتريا ... بين الناس ديل الود حبالوا موصولة


من ناسكم يامحمود جمعتني معرفة شغل مع الزول الخلوق( جمال برهان )
كم سنة ما شكيت لحظة أنو جمال ده سوداني صميم..
سحنة ولهجة وهمّه (تجي يخدمك حفيان لحدي مايتم شغلك)
كان موظف الصيانة في المبني الكنت شغال فيهوا ....

لحدى ما فى يوم قال لى أنا مسافر الاجازة أسمرة
قلت لى الموديك شنو ...أحسن لو تقضيها في البلد ( طبعا قاصد السودان )
يومه بس عرفته أنوا جمال ود الجيران !!!







***

( سابو سابينا ) من أغاني ( التجراى ) الشهيرة وغنتها الفنانه السودانية ( حنان بلوبلو )
الفنانه (جواهر) لم أسمع بها _ لكن يبدوا إنها لا تعرف ما تغنيه بالضبط _

( أدريس محمود )أهداء ( خاص ) يامحمود ( شامتكي )

الناس ديل ناس الشرق ( بجة ) جزورهم ضاربة عندنا ما عارف تصريفهم بهناك شنو !!!!
جيران ولا أسياد بيت



_____________________________________
وتقبل تقديري

(عدل بواسطة عبد الناصر الخطيب on 04-09-2008, 10:46 PM)
(عدل بواسطة عبد الناصر الخطيب on 04-09-2008, 10:50 PM)