العزيز / محمود أبوبكر مساء الورد ,,, ____________________________________________________________
Quote: فإن غير الطبيعي وغير المنطقي ان تبقى نظرة ومعلومات ابناء دولة ترتبط بحدود جغرافية تتعدي الالفين كم، - و ربما اكثر- وبتداخل سكاني وديمغرافي كبير ، ان تكون تلك النظرة محنطة في محطة تاريخية يتجاوز عمرها الالف واربعمائة سنة !!! ويغيب الراهن ( السياسي والجغرافي والإنساني والثقافي والفني ) من معادلة النقاش والتواصل !! في حين تجد الكثير من الاخوة السودانيين ربما يسردون لك تفاصيل التفاصيل عن الراهن ايضا (السياسي والثقافي والفني والتاريخي والانساني )عن دول اقل ما يقال عنها انها دون شروط التواصل المفترضة التي تتوفر في الحبشة ( جيرة ومصالح وتاريخ حافل )
ثم علينا أن لا نندهش من الاخ/ت المواطن/ة من الدولة ( الشقيقة) لايعرفون عنا أكتر من ( أزيكم / والمامبو السوداني ) ...
يبقي الرهان الثقافي والانساني وستلاحظ اني كل ما حضرت جاءت ومعي نموذج ( غنائي ) مذّكر إنو ( الجيران ) الاكتر تقبل لفننا وحاجز اللغة ما وقف ... أننا مسموعين عندهم وأخر الاباطرة ( هيلا سلاسي ) كان مستمع جيد للفنان الكبير/ أحمد المصطفي ودعاهوا ... وكرموا ... أنوا الموسيقار/ محمد وردي مسموع عند( الجيران) ... وانهم غنوا الغني السوداني حتى أغاني الحقيبة الصعبة تذوقوها وغنوها ... ومن المفيد نقول للناس ديل ثقافة غنية وكتاب مجيّدون ومغنيين مميزون ومخرجين ليهم تجارب سينمائية تستحق المشاهدة ... فيها درجة من الواقعية وأحترام عقول المشاهد أكتر بكتير من سينمات بنشوفه
قرأت باهتمام تعريفك لقومية ( التجرنجة ) ... ومن المفيد برضوا نقول أنها قومية عانت من الظلم والاضطهاد والقتل والتشريد لسنوات طويلة وأنهم أجتهدوا في مقاومة الظلم الوقع عليهم ... وأتضامنوا في جبهة تحرير التجراي مع أخوانهم في جبهة التحرير الارتريا في سنوات المقاومة وأنوا الارتريين حرروا بلادهم والتجرنجة وصلوا السلطه في بلادهم وحاليا بجتهدوا يعوضوا الفاتهم بأهتمامهم بالتعليم وتنمية بلادهم ... متضامنين الناس الداخل بلدهم ومع أبنائهم خارجه في كل أنحاء العالم بروح وطنية عالية ومحبة غير عادية لبلادهم يعني علم ( إثيوبيا ) ده لازم تشوفوا وانت بتزور أى وأحد من الناس ديل ... بالوانوا المميزة ( أصفر / أحمر / أخضر ) ...
أمنياتي لكم بالتوفيق ,,,
---------------------------------
العزيز / كمال علي الزين
يعتزر لو لغة المداخلة حاّدة بعض الشي .. لسؤ فهم أنك ضقته بالتداخل وفهمتوا حّرف لمسار ( بوستك )
ولك العتبي لاجل رضا ...
أكيد حارجع لبوستك المميز
--------------------------- العزيز حسين محي الدين
حب ( الجيران ) للجبنّة مميز لكين حب البيجاوي ( الهدندوي ) عندنا للجبّنة ( مبالغ فيهوا ) لو عرفته أنوا الهدندوي شايل في مخلايتوا كل أدوات الجبّنة لحدي الخشبة البرص فيها الفناجيين وكل ما لقي فرصة ولو بسيطه قعد وبدأ يجهز لنفسوا فنجان وما حيعزمك فنجان الا تكون بجد زول عزيز عليهوا شديد
زمان في بورسودان لما كنت في الصباح الباكر بطلب كبايه شاي من قهوه عمنا البيجاوي في سوق المنقبه ... حي سلالاب ده كان بيشي أني غريب من البلد ( بي شمالوا فنجان جبنّة بشمالوا يسوى الدنيا بى هالو )
التحية والتقدير ,,, --------------------------
لاخ مكرم ( لم يشّرفني بمعرفة أسموا ) ( ما مهم أعرف الاسم ) _ على حسب تعبيروا _
أتلقيت منو مكالمة أمس _ ظهرا_ وبعتزر لعدم أسترسالي لانوا كنت شغال ومزنوق زنقه ترزي يوم وقفه ولانوا كتير من كلاموا ( الهجين ) مابين سوداني وخليجي ما مفهوم لى كتير ... أسلوب الخطاب منفعل ولغتوا عاجزّة ... وبتمني تعرف أنو الانفعال بحجب العقل وبضّعف الحجة
على أى حال ما يكتب ( هنا ) رأي ... وأهلنا قالوا ( العديل رأي والاعوج راي ) فبتمني توضح لى وجهت نظرك بصورة هادئة وفيها درجة معقولة من أحترام نفسك ..... والمخاطب
من جانبي حاولته أتصل بيك زي ما وعدتك محتفظ بالرقم ( من الامارات العربية المتحدة ) ولحدي اليوم المساء تلفونك ( مقفول ) على أى حال بتمني تعاود الاتصال ... تلفوني لسه في البروفيل وده تلفوني التاني : 00966545100994 أو راسلني على بريدي : [email protected]
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فيس بوك
تويتر
انستقرام
يوتيوب
بنتيريست