|
Re: اعتداءات ضخمة على المال العام بجنوب دارفور (Re: Frankly)
|
فرانكلي .. مساء الخير يا رجل .. افراز طبيعي و شي عادي جدا تحت الظرف الحرج الذي يمر به السودان .. مناطق دارفور - في فترة سابقة - عرفت بـ(العفة) و (القناعة) .. و(التكابات) في فترة ما كانت حرمت على الناس (مد اليد) شحدة أو سرقة .. لكن .. بعد سيطرة (اللحى الكاذبة) و (سبحة الدجل) حلل الحرامية كل شي .. نعم : كل شيء ياخي (موظفين كبار) بمدوا يدهم (خفية) لأبسط الأشياء .. أساتذة كبار بسرقوا ( قوت الداخليات) : علبة سردين و كيلو عدس .. في دناءة زي دي في الدنيا ؟
(العبيد الكبار) ضاربنها و شغالين لبع شديد .. شديد جدا .. كل ما تصل اليه ( اليد ) .. شي من الزكاة و شي من حق الحجاج و شي من حق اليتامى و شي من حق ( ابناء الشهداْ ) !! يا زوووووول ..
و الغريبة ( الأوقات الخمسة ) في المسجد ( ! ) . و في بعضهم تلقاو ( إمام ) .. الامام الواحد البصلي بالناس دا .. يمينا بالله ..
و بعد دا .. دخلوا للناس في (لقمة العيش) .. و الله و بالله في ناس بسرقو ( اللقمة ) من فتحة الخشم .. بطريقة أو بأخرى .. ما بخلوها تتمدغ ..
ياخي ديل بشر ؟
الحديث في السيد الفساد مؤلم .. بقدرما ممتع .. لأنو الناس راهنت على ( تجار الدين ) .. الشي المستفاد من الحاصل السياسي و ( الفسادي ) انو الحاكم دا ليس بحزب .. أبدا ما حزب مهما كان .. دي ( شلة حرامية ) حقيرين جدا .. تربطم (مصلحة) عارية تماما عن الأخلاق .. و ديل ناس وصلوا درجة من (الحرام) جردتهم من ( الحياء) تماما .. و الشي الطبيعي ان يستمر الحاصل دا الى حين .. نعم .. الى حين ..
بعدها .. سنرى ..
|
|
|
|
|
|
|
|
|