|
Re: مولانا خـدر .. (خمر) .. و(سهر) .. و(بنات)!! (Re: فدياس نجم الدين)
|
الكترابه وقفت فوق يا عمك و الله انا جيتك بدقلي
قلت عمك دا جاب ليهو شي بالمستندات و صور و حاجات
تانية حماياني لمن دخلت في البوست ختيت الرحمن في
قلبي و مرقت من البوست وتاني جيت داخل افتكرته نفسي
دخلت بوست تاني ما ياهو العنوان !!! عموما العنوان
في السلك ياعمك نحن كويسين بس في واحدين بكونوا جهزوا
ليهم شمارات و تخمينات قبل الدخول ....
عموما لك التحايا يا حبة
| |
|
|
|
|
|
|
Re: مولانا خـدر .. (خمر) .. و(سهر) .. و(بنات)!! (Re: موسي عيسي)
|
موسى يا عيسى .. أخباركـ ياخ!! تعرف شفتكـ (حين غرّة) في المغتربين .. أخوكـ كان ماسكـ فيهو صف زي تلاتة وتلتين متر كـدا .. المهم كوركت ليكـ ما انتبهت .. الظاهر كانوا عاصرين عليكـ شديد!!
أها .. الصف دا أخد ليهو زي تلاتة يوم كـدا!!
يا زول أنت في حضرة خدر .. حيث لا شمار ضار بالصحة!!
| |
|
|
|
|
|
|
Re: مولانا خـدر .. (خمر) .. و(سهر) .. و(بنات)!! (Re: عمران حسن صالح)
|
Quote: البوست بتاع بالعود من اليوتيوب ده راح شمار في مرقــة يعني ؟؟ |
أوووووبس يا عمران ياخ!
بالمناسبة بوست اليوتيوب كان ليهو دور كبير في الموضوع دا! أخوكـ بسمع من هناكـ وبدقش فيافي اليوتيوب دي لحدي ما الغنية دي وقعت في راسي!
طبعا مولانا خدر زاتو قبل كـدا فتح بوست بالأغنية دي لكن بتنفيذ مختلف منها .. وبرضو كانت ولا أجمل!!
واصل يا عمكـ أصلوا البوست دا حدو قرييييب لحدي ما يصحى مولانا ويجي يلخّنا كلنا!!
| |
|
|
|
|
|
|
Re: مولانا خـدر .. (خمر) .. و(سهر) .. و(بنات)!! (Re: ASHRAF TAHA)
|
ياود الصايم .. تحيه كبيره ليك و للطارق* ابواب الغناء
من جميع
( الفج .. جات ) وللمغنى المُعتق , كما عصير الاشجار المروضه فى حقول الفصول مُغنينا
بادي محمدالطيب
الحادي المُنِم لقوافل الغناء قاطِبه
لكننا يامحمد غالباً ما ننسى الشُعراء صِحاب الدعوة الأُول , موزعى رقاعها,, و ( العازمين الناس .. على حديقة الغِناء)
* استلاف نزيه الغرض من الشاعر .. نافِذ البصيرة د. محمد عبدالحي .. فى العوده الى سنار لذا وجبت الاشاره . . ,, ان تكُن منا عرفناك .. . .
| |
|
|
|
|
|
|
Re: مولانا خـدر .. (خمر) .. و(سهر) .. و(بنات)!! (Re: khatab)
|
لاحولااا ..مالك عايز تفك فى الزل دا كلاب لهب !!
هسه شفت جو جارين كيف لما سفنجاتهم طارت :
حلوة وملعوبة يا ود الصايم ..
والأغنية روعة .. لا تتفوق عليها إلا ( أنا ما بقطف زهور خدودك بس بعاين ..بعيونىىىى ) والأداء مافى كلام ..صحى مولانا .
____________ أها أنا حا تصرف لى شنو من الفوق ديل ...:)
| |
|
|
|
|
|
|
Re: مولانا خـدر .. (خمر) .. و(سهر) .. و(بنات)!! (Re: AMNA MUKHTAR)
|
Quote: اتمنى من الأخ خدر إنو يجمع شغلو ده ويطربنا بي إننا نسمعو في مقيلنا .. سمرنا.. و سهرنا.. |
أشرف يا طه .. كلام سليم ونجيضة البوست عديل! مولانا خدر دا مقضيها كيري و(بدون عدادات)! لامن بعدين يجي الوقت اليفتش فيهو شغلوا على (اليوتيوب)!!!
نجيضة والله يا أشرف!
| |
|
|
|
|
|
|
Re: مولانا خـدر .. (خمر) .. و(سهر) .. و(بنات)!! (Re: AMNA MUKHTAR)
|
أمونة .. حبابكـ ياخ
Quote: والأغنية روعة .. لا تتفوق عليها إلا ( أنا ما بقطف زهور خدودك بس بعاين ..بعيونىىىى ) |
الأغنية روعة زي ما قلتي ومولانا ضربا صاح! ويمكن يكمل المتعة ويجيب لينا (الخدود) كمان!!
بالمناسبة دي أنا سامعو بغني في (بسحروكـ يا الحلوة لو شافو الخدود)!!
Quote: أها أنا حا تصرف لى شنو من الفوق ديل ...:) |
النجيضة: شيلي الدايرهو وخلي لينا الباقي ياخ!!
| |
|
|
|
|
|
|
Re: مولانا خـدر .. (خمر) .. و(سهر) .. و(بنات)!! (Re: محمد عبد الماجد الصايم)
|
ود الصايم ياخى انا جاى تعبان ومرهق وقرفان ....وخجلان من تفاصيل واحراجات البعثة السودانية المشاركة في دورة الالعاب العربية بالدوحة قلت ادخل اشرب لى معاكم كاس وانسى همومى واروحها لقيت الموضوع فالصو زى البعثة السودانية الرياضية المشاركة في دورة الالعاب العربية بس تجويد خدر للاغنية خلانى اعود من عنوانك بغنيمة والبعثة السودانية سوف تعود بحرج لم يعرفه السودان منذ استقلاله كما ذكر ذلك الصحفى الرياضى عبدالمجيد رئيس القسم الرياضى بصحيفة السودانى
| |
|
|
|
|
|
|
Re: مولانا خـدر .. (خمر) .. و(سهر) .. و(بنات)!! (Re: Rawia)
|
ود الصايم.. عليك الله تلاتة كاكات مظبوطة من زوقك على جرستك و شرحك و تفسيرك (ياخي الواحد من هنا شايف عرقك السايل).. غايتو زرة بت لذينا يا عمك.. زي الشاب القالوا ليهو تعالي نعرسك ليك..و قام صوف..ياخي انا صغير..و انا لسع بقرا..الخ..
التحية للصديق خدر..و بالجد تقنية الصوت راقية جدا..و ما لاقتني تب في التسجيلات السودانية..يعني شغل فيهو احتراف كبير..! اما المحتوى..ما ياهو خدر.. يعني ح يقصر ليكم كيف يعني؟..
كبر
| |
|
|
|
|
|
|
Re: مولانا خـدر .. (خمر) .. و(سهر) .. و(بنات)!! (Re: سفيان بشير نابرى)
|
Quote: قلت ادخل اشرب لى معاكم كاس وانسى همومى واروحها لقيت الموضوع فالصو زى البعثة السودانية الرياضية المشاركة في دورة الالعاب |
بدر الدين يا أمير .. بالغت معانا ياخ!! بعثة فالصو كيف يا عمكـ .. آمال النثريات دي بتمش وين؟
تعرف .. أي زول في الدنيا دي مقتنع بـ (فالصوية) البعثة دي إلا الناس الضاربين فيوزاتا .. بالنسبة ليهم (بعثة العمر) ياخ!!
فـ زي ما شايف في عريضة تقسيم الثروة العندنا هنا دي الكاسات دي مع عمكـ أبو ساندرا .. إن شاء الله يديكـ كاس (سيكافا)!!
أسمع يا عمكـ .. أسمع وانسى ـ أو كما يقول المثل!!
| |
|
|
|
|
|
|
Re: مولانا خـدر .. (خمر) .. و(سهر) .. و(بنات)!! (Re: سفيان بشير نابرى)
|
Quote: آها إحنا معانا العود وسيدو بجد حندووكم كووولكم |
العود اليسكوكم بيهو إنتي وسيدو! عشان تاني تحندكونا!!
بعدين (أب عود) دا قايل السعودية ما فيها كريسماس ولّ شنو؟ يمين نضرب (الكبسة) دي نقيف استيكة .. ونحبس بـ (لبن رايب) وأقرب سرير عشان تلحق الأحلام!!!
_ ما مشتاقين يا زولة هوي!!
| |
|
|
|
|
|
|
Re: مولانا خـدر .. (خمر) .. و(سهر) .. و(بنات)!! (Re: سفيان بشير نابرى)
|
Quote: غايتو زرة بت لذينا يا عمك |
حبيبنا كبّر .. هسي المزرور هنا منو؟ أنا ولّ خدر؟ العملوا عمكـ خدر في الغنية دي ما عملا بتاع مرور في سواق ركشة دخل الكُبري!!!
بعدين أنا جبت (حيثياتي) فوق زي ما قلتو النجيضة عمكـ خدر دا الناس كلها دايرة تزرّوا جد جد! عاين ناس السفنجات الفوق ديل!
| |
|
|
|
|
|
|
Re: مولانا خـدر .. (خمر) .. و(سهر) .. و(بنات)!! (Re: محمد عبد الماجد الصايم)
|
لكن بالغتو؟ انتو اديتونى السهر كله براى (عارف نكتة انت جبت بالمايه كلها)؟ العولاق ده بيكون فك لى نزلتو و سافر ما نمت من أمبارح و صداع و وجع مفاصل و راس ... واحد معفن كده اشتكيت ليهو قال لى ده الكُبُر
عشان ما أحرف ليك البوست, في الأول كنت مفتكر التسجيل ياهو القديم فما سمعتها, امبارح لقيت زول منزلا في الفيسبوك و لحسن الحظ ضغطت ... موت أحمر, تعرف يا حمودى (على وزن عصومى) الفقرى ده صاحبي من السودان ... سمعت غناهو في حتات و مناسبات و لمات مختلفه فيها التتخيلو و الما تتخيلو ... العجيب فيهو كل فتره و التانيه يطلع ليك بي حاجات من صوتو و عزفه و يدهشك ... اسه دى دهشنى ... لو خلا الرشاقه و كم حاجه تانيه ببقي زول و بس ...
| |
|
|
|
|
|
|
Re: مولانا خـدر .. (خمر) .. و(سهر) .. و(بنات)!! (Re: esam gabralla)
|
Quote: امبارح لقيت زول منزلا في الفيسبوك |
يا عصومي .. بالغت ياخ! قلت لي ما داير تحرّف البوست!! يا معلم القصة دي (منحرفة) جاهزة .. بي كل أدواتها اللازمة!
ما فيما يختص بقصة الفيسبوكـ .. ياخ أنا من أمس بضحكـ! شايف تلاتة بوستات مفتوحة في تلاتة منابر مختلفة بنفس الأغنية! كلها بعد أنا نزلت البوست أب عنوان (مشاتر) دا!!! دا غير إنو في واحدة أختنا(هنا في غمزة) جات تاااااخ لصقتا لي في (كتاب وشّي) .. باختلاف الدوافع طبعا!! لكن أهو النجيضة الناس دي فجأتن كـدا شافت الموت اللحمر دا!!
بعدين مولانا خدر زاتو داير واحد يعضيهو في (أي حتة)! هسي لو فتشت عندو التسجيل الأصلي للأغنية دي ما حتلقاهو!!
Quote: لو خلا الرشاقه و كم حاجه تانيه ببقي زول و بس ... |
دي ننتظر فيها فتوى من مولانا عديل!!
_ شايف كوتة السهر لفقت معاكـ!
| |
|
|
|
|
|
|
Re: مولانا خـدر .. (خمر) .. و(سهر) .. و(بنات)!! (Re: خدر)
|
Quote:
Quote: أها أنا حا تصرف لى شنو من الفوق ديل ...:)
|
أفو يا ود الصايم....دي شنو عيزومة المراكبية دي.. شيلي العايزاه وخلي لينا الباقي!!!! أمانة ما اتلومت!!!!! الباقي عايز بيه شنو؟؟؟
آمنة مختار دي...تفك ليها طرفك...وتبهلن ليها كلهن.. تقوم تقول ليها شيلي الدايراه وخلي لينا الباقي؟؟؟
| |
|
|
|
|
|
|
Re: مولانا خـدر .. (خمر) .. و(سهر) .. و(بنات)!! (Re: خدر)
|
سودانيزاونلاين بقت ضرب تحت الحزام والله البوست ده فيهو كمية مغارز عاوزة زول حريف عشان يفرزها الله لا كسبك يا الضحكنجي .. ياخ انا معلق بين السماء و الواطـــة امس 9 ساعات (ماشي واشنطون) الكابتن ندهني في الكابينة بتاعت السواقين و نهرني قال لي ما تفتح تلفونك ده ياخ !! سايمون ( ود الصائم ) شايل حالك في بورد ابصلعة.
____ كابتن هولندي كمان
| |
|
|
|
|
|
|
Re: مولانا خـدر .. (خمر) .. و(سهر) .. و(بنات)!! (Re: خدر)
|
Quote: بعثة فالصو كيف يا عمكـ .. آمال النثريات دي بتمش وين |
ود الصايم وعلى قول المصرين الدقونا دق العيش في هذه الدورة (متفكرنيش) هل تصدق ان الناس ديل وبدون خجل طلبو من القطرين استضافت البعثة على حسابهم وعلى ذلك قس رئيس اتحاد الرماية ابنته هى المشاركة واتت بصحبة زوجها وابنها وفوق دا كلو نست ماجابت معاها البندقية .... وإستلفو ليها بندقية من اتحاد الرماية القطرى وماجابت التكتح (تقلى شنو وتقلى منو) نحن ممرمطين جوة وبرة ....
تنهدات: الكلام لابوناوس هذه التنهدات عشان ما ترمينى بجريرة حرف البوست
ألا فاسقِني خمراً، وقل لي هيَ الخمرُ، ولا تسقني سرّاً إذا أمكن الجهرُ
| |
|
|
|
|
|
|
Re: مولانا خـدر .. (خمر) .. و(سهر) .. و(بنات)!! (Re: بدر الدين الأمير)
|
Quote: ياخ انا معلق بين السماء و الواطـــة امس 9 ساعات (ماشي واشنطون) الكابتن ندهني في الكابينة بتاعت السواقين و نهرني قال لي ما تفتح تلفونك ده ياخ !! سايمون ( ود الصائم) شايل حالك في بورد ابصلعة. |
يا مولانا .. باللاي ضارب الكريسماس في بلاد الكُفار!! ما ينفعكـ ياخ!!!
بعدين الجزء المشرق من رحلتكـ دي إنو الطيّار بتاع الطيارة بعرف (سايمون)!! الزول دا اتعرف عليهو شديد .. وأبقى صحبو! لأنو الفئة الجاية من (الطيارين) ح تكون بقيادة الكابتن محمد طه الحبر همسلف!!
| |
|
|
|
|
|
|
Re: مولانا خـدر .. (خمر) .. و(سهر) .. و(بنات)!! (Re: بدر الدين الأمير)
|
Quote: هل تصدق ان الناس ديل وبدون خجل طلبو من القطرين استضافت البعثة على حسابهم وعلى ذلك قس رئيس اتحاد الرماية ابنته هى المشاركة واتت بصحبة زوجها وابنها وفوق دا كلو نست ماجابت معاها البندقية .... وإستلفو ليها بندقية من اتحاد الرماية القطرى وماجابت التكتح (تقلى شنو وتقلى منو) نحن ممرمطين جوة وبرة .... |
يا أمير .. إنت كمان ما تبالغ! يعني بت رئيس الاتحاد ح تجي تشارك وشايلة معاها بندقية؟ تختها وين لما تشتري حاجات الرجعة من الدوحة؟ أهو استفادت برضو .. واتعلمت (الرماية) فينا!!
أها .. والولد كان دوره شنو في المشاركة دي؟
| |
|
|
|
|
|
|
|