|
Re: كباية الشاي عند " الحبشية" ب5 جنيهات... (Re: ود الخليفه)
|
الجماعة ديل عرفو كيف يكسبو بهذه التجارة ، وتيقن ( بتشديد النون ) أى الأثيوبيات من ميول الشباب السودانى ( للحنان الحبشى ) وطريقتهن فى توصيله وهذه شطارة فتوسعت حلقات مجالسهن وتراجعت حلقات بت البلد مع إن الشاى هو الشاى وليس فيه نكهة خاصة بالحبش ، وهذا لاينطبق على قهوة البن طبعا ، فهذه لها طقوس أخرى ونكهة مختلفه وطريقة عمل أخرى ، المهم الحكاية جابت ليها عرس وتواصل أسرى أكثر مما كان سابقا ، طيب ياجماعة بناتنا وتزايد أعدادهن ..!! ، كيف البصارة والأثيوبيات بقن فالحات ونجيضات ، كان تجارة شاى وللا عرس من شبابنا ، المهم فى النهاية كلو بى رزقه ولا شك العمل الشريف يظل شرفا لصاحبه حتى لو كانت الكباية 10 جنيه ، فلهن كل احترام وتقدير ، ــــــــ تحيتى ...
| |
|
|
|
|
|
|
Re: كباية الشاي عند " الحبشية" ب5 جنيهات... (Re: Hisham Ibrahim)
|
و الله يا المر صدقت الصدفة قادتني لكباية شاي
في سواكن قبل اسبوع يعلم الله فت ليها باقي خمسين
جنيه بالجديد و الله لو ما طلعت الخمسين جنيه كنت
طلعت الخمسمية بتاعت عبدالعزيز و نطيتها وفتهاو
الغربية انا من دربي داك للباخرة اتمنيت لو باخرة السجم دي
عندها محطة في نص البحر علشان الواحد يرجع يشرب ليهو
كبيبيه تاني .
| |
|
|
|
|
|
|
Re: كباية الشاي عند " الحبشية" ب5 جنيهات... (Re: خالد العطا)
|
تجدهم في كل مكان نفس الرشاقة والجمال والذوق العالي واللبس المنسق الرائع والجميل جداً وابتسامة لاتفارقهن مع كل هذا العناء والتعب والمدهش أنهن صغيرات في السن كثيراً ما أتوقف في حي { الرميلة } لوجود قريب لي هنا منعته زوجته من شراب القهوة مع الحبشيات لكنه أصر وأحضرها معه الغريبة أنها تركته بعد ذلك 00 لاتسألوني لماذا ؟؟ وحيث أن سوق الرميلة مليء بهن ولكن سوف تندهشوا إن قلت لكم أنني شربت قهوتي مع سودانية ليس لتشجيع الاقتصاد السوداني أو الناقل الوطني كما ورد في رواية أخرى ولكن لأنني وجدتها صارة بوزها للطيش وحينما سألتها اشتكت لي من ضعف السوق وقلة الزبائن وقلت لها لو طرحتي وشك شوية سيأتيك الآلاف فأنتي لست بأقل منهن ولكنك تحتاجين لتغيير كامل في طريقة تعاملك مع الآخر لاتتبرجي ولاتبيعي نفسك ولكن ابتسمي ابتسمي فقط لأجل مزيد من القهوة !!! برضو خليت الباقي !!!
| |
|
|
|
|
|
|
Re: كباية الشاي عند " الحبشية" ب5 جنيهات... (Re: المر)
|
اسمع زكرتنا قصة قريبنا لينا مشي مع واحد الصباح المغتربين وفي الشارع قال اشربوا جبنة اها الحبشية خالفة كراعه فوق ولابسة الاسكيرت المشروط لي فوق دا اها وقاعد اشرب واعاين للفيلم بعد شرب قالت ليه اتنين قهوة 10 جنيه قام سال صاحبة في شنو عشرة جنيه قال ليه في التلفزيون البتتفرج فيه من الصباح دا
| |
|
|
|
|
|
|
Re: كباية الشاي عند " الحبشية" ب5 جنيهات... (Re: المر)
|
.
المــــــــــــر
عود حميد وياخي واصل رجم الحبش ولا تبالي أســـــــــــــد وعّجز ...........
Quote: دا شنو يا معلم!!! اوعى تقول لي دي ست شاي |
جاى بس .......... أعلق على ود البشري ....... عن ست الشاى الفي الصورة الهي Anna وبتنا دي للأسف .......................ما ست شاى أنّا دي يا هندسة عارضة أزياء إثيوبية في أمريكا top model كده على وزن الإثيوبية ليا كبيده و الحبشية جليلة كانت من أشهر عارضات التسعينات .
********
أكيد يالمر الحكاية مانفعت معاها وبقت بتبيع شاى في السودان _ وده ما تقليل إطلاقا من بيع الشاى أى مهنة شريفة على العين والراس _
تحياتي
| |
|
|
|
|
|
|
Re: كباية الشاي عند " الحبشية" ب5 جنيهات... (Re: عبد الناصر الخطيب)
|
.
Quote: فوق الي ان تفور " الكفنيرة" |
ما مشكلة فورة الكفتيرة .........بتكشح الموية وتطفي النار ((( الجبنة ))) لو نسيته في النار ........... بتبقي قنبلة
الـمــــــــــــــــر حّرم ترجع وتواصل بوستك المميز نساعدك بالامثلة وجليلة دي ختها مثل رقم ( 2 ) سامع أنها الايام دي على أتصال بأنّا في السودان تشوف ليها طريقة ..................تجي تبيع شاى
Gelila Bekele
-------------- ويارب تصّلح حال الحبش وتسهله عليهم في بلدهم ................ ويقطعوا كراعهم عشان صاحبي المــــــــر ما يزعل وكباية الشاى ترجع صناعة وطنية 100%
**
| |
|
|
|
|
|
|
Re: كباية الشاي عند " الحبشية" ب5 جنيهات... (Re: عبد الناصر الخطيب)
|
Quote: الـمــــــــــــــــر حّرم ترجع وتواصل بوستك المميز نساعدك بالامثلة وجليلة دي ختها مثل رقم ( 2 ) سامع أنها الايام دي على أتصال بأنّا في السودان تشوف ليها طريقة ..................تجي تبيع شاى |
ما قلت ليك .....الخطيب ،انت المميز وخاصة في السلالة الامهرية؟
| |
|
|
|
|
|
|
Re: كباية الشاي عند " الحبشية" ب5 جنيهات... (Re: عبد الناصر الخطيب)
|
Quote: المــــــــــــر
عود حميد وياخي واصل رجم الحبش ولا تبالي أســـــــــــــد وعّجز ........... |
الخطيب كيف حالك... مشتاقون
Quote: كانت من أشهر عارضات التسعينات |
سبحان مغير الأحوال؟
Quote: أكيد يالمر الحكاية مانفعت معاها وبقت بتبيع شاى في السودان |
بدون ادنى شك
| |
|
|
|
|
|
|
Re: كباية الشاي عند " الحبشية" ب5 جنيهات... (Re: المر)
|
.
المــــــــــــــــر ....
بالاكتر .......... وربنا يحفظنا من تغير الحال
تصدق ما anna برها .........قبيل كنت بتكلم في التلفون مع كبيرتهم التي علمتهم السحر ........... ليا كبيده إن شاء أمورك تمام وأسرتك بخير وعافية !! قالت بخير وموجودين كلهم في خرتوم , وهي بتبيع شاى والحال عال والحمد لله
Liya Kebede
أها الفوق دي صورته دي زمنه الفي أمريكا والحال تعب أزمة اقتصادية وضرائب في السماء .... شائف زي القشة أم روح و بنطلونه الجينز مقطع ........ حالته كانت تحنن .................. طبعا ده قبل تسافر السودان وتلحق ..................كباية الشاى أم خمسة جنيه ختها مثل رقم ( 3 ) ......................
----------------- *جائب ليك الحبوبة أستير أوكي .............وهي قاعدة في السوق العربي
| |
|
|
|
|
|
|
Re: كباية الشاي عند " الحبشية" ب5 جنيهات... (Re: عبد الناصر الخطيب)
|
Quote: المــــــــــــــــر ....
بالاكتر .......... وربنا يحفظنا من تغير الحال
تصدق ما anna برها .........قبيل كنت بتكلم في التلفون مع كبيرتهم التي علمتهم السحر ........... ليا كبيده إن شاء أمورك تمام وأسرتك بخير وعافية !! قالت بخير وموجودين كلهم في خرتوم , وهي بتبيع شاى والحال عال والحمد لله |
الخطيب الذي يساندنى في بوستاتي... الاسرة تسلم عليك عن بكرة ابيها
Quote: قبيل كنت بتكلم في التلفون مع كبيرتهم التي علمتهم السحر ........... ليا كبيده |
بالانابه عنى بلغها التحايا الحاره.... واحب اديس ابابا
| |
|
|
|
|
|
|
Re: كباية الشاي عند " الحبشية" ب5 جنيهات... (Re: صلاح الدين نزلاوى)
|
الحبش حلوين واصحاب حضاره مافي شك العمل عندهم مهم مهما كان .. ومافي عمل عيب اكيد انا قلت قبل كده .. ادركوا ست الشاي السودانيه من تغول ست الشاي الاجنبيه السودانيات بقن ما بنفاسن في مهنة الشاي بعد دخول الاجنبيات الاجنبيات بشوشات وبعرفن يتعاملن مع الزبائن كيف اغلب السودانيات بتلقاهن مكشرات في وش الزبون زي البينهم مشكله مع انه في كتير من السودانيات العاملات في مهنة الشاي ذوق جدا ولطاف لابعد حد وفيهن كمان خريجات جامعيات وطالبات جامعيات مفروض الدوله توفر مهن بدله للسودانيات طالما فتحت الباب علي مصرعيه للاجنبيات .. دا طبعا اذا كانت الدوله بتحترم نفسها ومواطنيها .. وما ظنيت .. وليس كل الظن اثم
| |
|
|
|
|
|
|
Re: كباية الشاي عند " الحبشية" ب5 جنيهات... (Re: عبدالمجيد الكونت)
|
شايفك ياصاحبي الكلام محرقك شويه والدكتور مايكون زعل انت زول جميل وطيب شكرا علي الصور
الاخ المر
والله عندنا هنا في اروبا ب100 يورو ما تشرب عندها تقول ليك انتم في السودان ما ريحتونا هنا في اروبا برضو لاحقننا قصه عجيبه
مره انا مشيت مطعم اثيوبي في واشنطون دي سي والشارع كله مطاعم من سوداني الي مصري والله البت في المطعم لما عرفت اني سوداني ما امريكي جاني الاكل بعد ساعات جرررررررر
| |
|
|
|
|
|
|
Re: كباية الشاي عند " الحبشية" ب5 جنيهات... (Re: المر)
|
Quote: والله عندنا هنا في اروبا ب100 يورو ما تشرب عندها تقول ليك انتم في السودان ما ريحتونا هنا في اروبا برضو لاحقننا قصه عجيبه |
حقات اوربا ديل بكونو لوز عديل كدا كما قال "تــــــــــــــــــــــــفاى"[/red]
| |
|
|
|
|
|
|
Re: كباية الشاي عند " الحبشية" ب5 جنيهات... (Re: المر)
|
اذدهار اعمال بيع الشاى وتنامى اعداد ستات الشاى ليس له تفسير الا انه هذه الدولة تتفشى بها البطالة والتسكع السودانيون بيهدروا وقت كبير جدا على بنابر ستات الشاى فى الوقت المفروض يكونوا بيمارسوا فى اعمالهم وبينتجوا لرفعة مستوى المعيشة ورفاهية الفرد لكنهم زى ما بقولوا بياخدوها من قصيرها وبيعتبروا دى الرفاهية الحقيقية ان تمتع نظرك فى محاسن ست الشاى وبيدك كباية شاى اذيب بها ربع رطل سكر تجارة الشاى عمل طفيلى يستهلك الموارد (السكر , الشاى , الفحم) وكذلك يساهم بفاعلية فى اهدار الطاقة البشرية المر , احييك على الصور
| |
|
|
|
|
|
|
Re: كباية الشاي عند " الحبشية" ب5 جنيهات... (Re: احمد التجانى احمد)
|
استاذ احمد التجانى صدفت في الجانب الافتصادي استاذ احمد صدقت في الجانب الاقتصادي, لكن الجلوس عند ست الشاي تعويض عن الكافي شوب , الاستاربكس مثالا وهذة منتشرة في كل العالم !.
Quote: ليس لتشجيع الاقتصاد السوداني أو الناقل الوطني كما ورد في رواية أخرى ولكن لأنني وجدتها صارة بوزها للطيش وحينما سألتها اشتكت لي من ضعف السوق وقلة الزبائن وقلت لها لو طرحتي وشك شوية سيأتيك الآلاف فأنتي لست بأقل منهن ولكنك تحتاجين لتغيير كامل في طريقة تعاملك مع الآخر لاتتبرجي ولاتبيعي نفسك ولكن ابتسمي ابتسمي فقط لأجل مزيد من القهوة !!! برضو خليت الباقي !!! |
اديتها خارطة طريق كاملة والله, بس كنت تشرف شوية على العملي للتاكد من التطبيق :)
تحية
| |
|
|
|
|
|
|
|