|
Re: الراجل اللي واقف ورا الفاتنة "بيلي جين" (Re: سفيان بشير نابرى)
|
سلام يا ود الصايم وحمداً لله على السلامة؛ ثمّ مشكور على الاطراء اللطيف أمّا عيش "باندور" فشكلنا نجهناها لأنّو باقي لي محمّدو يتشتّت في دروب الكوربوريت بوليتكس حسبما وردنا؛ قول الله يكضّب الشينة.
سلام يا عبد الحميد ولك جزيل الشكر. أملي ورجائي، فعلاً، أن أتمكّن ولو من إضاءة جانب من جوانب هذه الأغنية الفلتة فإظهار المتخفّي فيها مهمّة عسيرة حتى على المتخصّصين وأنا زول متلصّق في الغُنية دي متِل تلصّق "بيلي جين" وأخواتها بالمغنين. ونواصل يا زول؛ المافي شنو! على قول قيقا راوي.
ويا قيقا راوي مشكور على الدعم غير المقطوع وغير الممنوع لكن الاحساس بالمطاعنة ما تاباهو لأنّو على الأقل أفضل من الطعن بالدرب والذي تعج به هذه الأسافير (والطعن بالدرب مقولة مبنية على قولٍ لحبيب ألبك حسن موسى، على أي حال). أما عبارة "الله هونيني" وأختها (يا ود الصايم) "الله فرجينى" فتجدهما مدرجتين بالمداخلة التالية لكن نحمّلكم مسئولية سوء استخدامهما (إن وجد) وهذا كما ترى مثال جيّد لما ذكرنا من الطعن بالدرب؛ الخوف يجينا ردّك مِتِل رد الحاكم الرسّلو ليهو برقية تقول "جزيرة كذا تغرق نحمّلكم المسئولية" فكان ردّه ببرقية من كلمتين مسيختين: "تحمّلنا المسئولية".
سلام يا سفيان ومشكور على النظر الثاقب وعلى السُمعة رغم الشتارة (شتارتي طبعاً) المزمنة...أخوك في الغوايات دي حشاش بدقينتو؛ كرعينو جُلة، أما كتافينو...بَسْ زولنا داك!
ود الصايم وود القيقر؛ آسفين على الشرّة ياخي لكن إنتو عارفين الدنيا نُص اسبوع وشواطين الإنس والجن مقعدننا نعد ليهم في الثواني المتبقية إلى نهاية الأسبوع (وقيل إلى نهاية العام) لكن وعد مني (لعيون وعد قيقراوي) المقال دا يتم (إن بِتِم) قبل بداية العام الجديد.
مشكورين يا شباب وإلى اللقاء.
|
|
|
|
|
|
|
العنوان |
الكاتب |
Date |
الراجل اللي واقف ورا الفاتنة "بيلي جين" | Adil Al Badawi | 12-18-11, 03:48 PM |
Re: الراجل اللي واقف ورا الفاتنة "بيلي جين" | محمد عبد الماجد الصايم | 12-18-11, 07:15 PM |
Re: الراجل اللي واقف ورا الفاتنة "بيلي جين" | عبد الحميد المقابل | 12-19-11, 04:37 AM |
Re: الراجل اللي واقف ورا الفاتنة "بيلي جين" | قيقراوي | 12-19-11, 09:15 AM |
Re: الراجل اللي واقف ورا الفاتنة "بيلي جين" | محمد عبد الماجد الصايم | 12-19-11, 10:45 AM |
Re: الراجل اللي واقف ورا الفاتنة "بيلي جين" | قيقراوي | 12-19-11, 03:06 PM |
Re: الراجل اللي واقف ورا الفاتنة "بيلي جين" | سفيان بشير نابرى | 12-19-11, 03:35 PM |
Re: الراجل اللي واقف ورا الفاتنة "بيلي جين" | Adil Al Badawi | 12-19-11, 04:33 PM |
Re: الراجل اللي واقف ورا الفاتنة "بيلي جين" | Adil Al Badawi | 12-19-11, 04:58 PM |
Re: الراجل اللي واقف ورا الفاتنة "بيلي جين" | Adil Al Badawi | 12-22-11, 09:59 AM |
Re: الراجل اللي واقف ورا الفاتنة "بيلي جين" | تيسير عووضة | 12-22-11, 11:41 AM |
Re: الراجل اللي واقف ورا الفاتنة "بيلي جين" | قيقراوي | 12-23-11, 01:49 PM |
Re: الراجل اللي واقف ورا الفاتنة "بيلي جين" | willeim andrea | 12-23-11, 03:03 PM |
Re: الراجل اللي واقف ورا الفاتنة "بيلي جين" | عمران حسن صالح | 12-23-11, 05:10 PM |
Re: الراجل اللي واقف ورا الفاتنة "بيلي جين" | محمد عبد الماجد الصايم | 12-26-11, 09:24 AM |
Re: الراجل اللي واقف ورا الفاتنة "بيلي جين" | Adil Al Badawi | 12-26-11, 10:28 PM |
Re: الراجل اللي واقف ورا الفاتنة "بيلي جين" | Adil Al Badawi | 12-27-11, 04:44 PM |
|
|
|