|
Re: الطارة والشيشة (Re: مُحَمَّدٍ عِوَضٌ احْمَدُ)
|
الحكومة فى الفترة الاخيرة رأت ان تحارب الشيشة وتم منعها ان كنت متابعاً بشكل جيد بتوجيه رئاسى من الاندية الرياضية..ومن الاماكن العامة. وبدأت الشرطة تقوم بحملات على اماكن تعاطيها. وتصدر احكام قضائية فى مواجهة صاحب المحل فقط..ولا تسأل عن المدخنين. اخيراً تغير الحال. واصبح المتعاطى متهماً ايضاً. ولو الله قدر وظبطوك ناس النظام العام وانتا لابس هدومك..وحاضن شيشة تشيل شيلتك..طبعاً ح تركب الطارة..كراعك فى رقبتك..اللهم الا اذا طلعت زميل وكده..اها لو انت متخيل انو من دربك ده وعلى القسم طوالى تبقى زول حالم..ومسكين..الجماعة لازم يلفو بيك على بيت عرقى..أو بيت..احم احم..لى خانة بنقو..ولو الذاكرة بتاعتك قوية تانى ماعندك مشكلة..آهو الحكومة ذاتها فتحت عيونك على حاجات تانية..!! اها اذا عندك ضامن ما بتنوم فى الحراصة. تجى بكرة تقابل مولانا. تدفع مية الف جنيه غرامة ولو ماعندك تنسجن
|
|
|
|
|
|