|
|
 ما لم يقله محمد حسن عالم لـــ نـافـع
|
---
واحد
----
أنه" نافع، دون أدنى شرّ فحل الثورة، اللهم لا حسد..
نعم فحلها و فحواها رغم أبتسامته الطفولية العذبة كما وصفه أحد البوردابيين..
وأنه ورغم تسمية بعض الكارهين له بأنه قـــواد الثورة، (ووصفه قـــواد الثورة نابع من تحريضه لعياله بأغتصاب الناس و المحرض ما بكاتل كما يقول المثل البنجابي الشائع)..
دون شرّ لأن من هددهم بالاغتصاب يصفونه داخل بيوته (الأشباح) بالفرحان، مما يوحي بأنه أغتصاب بحسن نية..
بحسن نية لأن نافع يغتصب أساتذته و طلابه و يهدد بأغتصاب أخوات زملاء الدراسة و أساتذته و طلابه، و لا يعقل ان الخالق يخلق أنساناً يسبح عكس تيار الأنسانية بهذه الثقة ما لم يكن دافعه حسن نية..
|
|
 
|
|
|
|
|
|
|
|
Re: ما لم يقله محمد حسن عالم لـــ نـافـع (Re: mutwakil toum)
|
-
و الشاهد. و للأمانة أن خيال نافع خلاقاً في أمر التعذيب،،
فعند توليه التعذيب كان التعذيب العنيف لا يتجاوز قلع الأظافر بالزردية و كشح الموية في الشتاء
و هو فقر واضح في خيال نميري..
لكنّ نافع لم يجلس مكتوف الأيدي و لم يستسلم لفقر المنتوج السابق..
ركّز نافع على التعذيب الجــنسي لأنه درس بنية المجتمع السوداني بتأني و بصبر الباحث..
**
لكن نافع رغم خياله الخلّاق ووحشيته لم يدر بخياله أن لبعض الضحايا خيال لا يخدشه التعذيب..
و أن هناك صفية لكل جبار تعتر له نغم الروح و تفضحه أمام نشوذه
| |
|
|
|
|
|
|
|
|
|
Re: ما لم يقله محمد حسن عالم لـــ نـافـع (Re: mutwakil toum)
|
متوكل تحياتي وتقديري ياخوي
خيطك ده مبدع جداً وحاااارق لو كانو يشعرون
اها الجماعة هنا في المنبر سابو المواضيع اللي تطرق ليها محمد حسن عالِم كللللها يعني لاناقشو جوع الناس ولاناقشو تعذيب نافع ال######## للناس ولاالمنظمة العملها نافع لي ولدو ولاالعربية ام ميتين مليون
ولاناقشو اي تُهمة من التهم.....قالو الحاصل ده ديمقراطية...وهي قطعاً ماديمقراطية لكن قلة منطق وحيلة ومفاجئة صاعقة وقعت عليهم
لكن حتى لو كانت ديمقراطية.......ففي خضم الديمقراطية المدعاة دي تم طرح عدد هائل من الاسئلة الجِسام......لانافع بكل عدوانيته وشره ولاكل حكومته قادرة انها تجاوب عليها
يللا بيتم التحايل على الاسئلة بتصنع السغالة وتقل الدم والتطنيش ومحاولة المكاواة وده اسلوب نفسي وذهني بالضبط كده بتاع ناس معتلة ومختلة
انا ادهشني شديد الكلام عن انه الضار بيقضي لياليه بيصلي وبيصوم الاتنين والخميس
ديل بيصلو ويصومو معانا لنفس الاله؟؟؟؟
غايتو ملامح ربهم مابتشبه ملامح ربنا ........ولا اي رب تاني
شكيناهم للواحد الاحد
مودتي وتقديري ليك ولفكرتك المُلهِمة ولغتك الرفيعة يامتوكل
| |
|
|
|
|
|
|
|
|
|
Re: ما لم يقله محمد حسن عالم لـــ نـافـع (Re: mutwakil toum)
|
شكرا يا متوكل للبوست دة
بلغ الدكتور فاروق محمد ابراهيم من الشجاعة مبلغا لمّا كتب رسالتو الوصف فيها بالضبط الحاصل شنو
وبلغ نافع من الجبن والخيابة ابعد من ذلك لما نكر فى ندوة لندن انو عذب أستاذو..نكران مرتبك وعاجز
الكلام عن الاغتصاب والتعذيب الجنسي بواسطة ضحياهو لسة ما جا يومو ووكتها ياما حتكون في قصص وبلاوي
شكرا من هنا لبوستك دة تانى.وشكرا لصفية والدكتور فاروق والعميد الريح وكل من تجرأ وفتح جرحه للشمس والتاريخ
وشكرا من قبل ومن بعد للمهندس علام
| |
|
|
|
|
|
|
|
|
Re: ما لم يقله محمد حسن عالم لـــ نـافـع (Re: أيزابيلا)
|
لنا جعفر أزيك..
ديمقراطية الكيزان بتاعة (أكتر من كدة ما عندنا ليكم ديمقراطية) بنعرفا..
وتأكدي أنّ شرّ نافع ح يصل المايك و الناول المايك و الوزع الفرص و الصفّق و الهتف، مع العلم أن الوزع الفرص و الناول المايك قطِع شك نافعيين، (بالمناسبة أنا قلبي مع الوزع الفرص أكتر من محمد عالم) لكن يظهر أنو محمد حسن عالم وجه غير معهود في جامعة الخرطوم وأخد الفرصة من باب أخف الضرر ضرر الغريب.
تفاصيل كلام محمد عالم لا قدرة للكيزان على نكرانها و حتى لو الكيزان كلهم وصلوا مرحلة ود جمعة من تقالة الدم فسعر رطل السكر و سعر الرغيفة و العربية البي متين مليون و بلادة ودنافع المربِت تلاتة مرات لا يمكن أن ينكرها كوز في غيبوبة ود الباوقة و لا تبلد محمد فرح.
عارفة: صوم نافع وصلاتو أختصرا محمد عالم لمّ قال (نافع زاتو عارف نفسو انو اسواء زول يمشي علي الثرى)
| |
|
|
|
|
|
|
|
|
|
Re: ما لم يقله محمد حسن عالم لـــ نـافـع (Re: mutwakil toum)
|
| Quote: وشكرا لصفية والدكتور فاروق والعميد الريح |
ايزابيلا سلامات ..
لمّ سمعت عن الواقعة و قبل أسمعا أفتكرت أنو المهندس عالم فضح نافع شفهياً عن الأغتصابات التي أدارها نافع، فما ذكر نافع يا دكتورة إلا و تبعت سيرته الأغتصابات حتى كتب عند الله مغتصباً ..
صفية عندها موهبة رسم تعبر بيها و الدكتور فاروق و العميد الريح عندهم الاتنين مقدرة كبيرة لتوصيل تفاصيل الاشياء بالكتابة عشان كدة اتسمعت قصصهم لكن هناك من قضى نحبه و من سكت و من ولّى أمره لله الذي يجيب دعوة المظلوم دون وسائط.
نافع بعد كرسي لندن و بلشتة جامعة الخرطوم لو عندو أحساس يكون بموت في اليوم ألف مرة ..
لكن منو البِحس
| |
|
|
|
|
|
|
| |
النذير حجازي
أيزابيلا
فيس بوك
تويتر
انستقرام
يوتيوب
بنتيريست