|
Re: نصيحة لهذه الوزيرة بعدم القيام بزيارة للسودان ( صور ) ..!!! (Re: awad okasha)
|
Quote: حزن سودانى لوداع الوزيرة الناها بنت مكناس قبل أشهر قلائل قامت زوبعة اعلامية فى دولة موريتانيا الشقيقة قادتها صحيفة "السراج" التى تصدر فى نواقشوط بسبب قصائد وصفت بأنها غزلية كتبها سفراء من وزارة الخارجية السودانية، فى مدح جمال وزيرة خارجية موريتانيا الناها بنت مكناس، عند زيارتها الاخيرة للسودان. كما اشارت وسائط اعلامية مثل ميدل ايست اونلاين الى ارتفاع أصوات غاضبة داخل موريتانيا تطالب بإقالة الوزيرة على خلفية القصائد الغزلية. ومن اشهر تلك القصائد قصيدة "محيا الناها" التى صاغ كلماتها احد رجال الدبلوماسية السودانية، ويقول مطلعها: (يا أعين الخيل قلبى اليوم مُستلبٌ من سهم عينى مهاةٌ كم تمناها / ما كنت أعرف كيف الشعر لولاها حتى تبدت ولاحت لي ثناياها)، الى ان يصل الى قوله: (اسائل الناس عن قلبي واحسبه قد ذاب في حسنها أوعند يمناها ). الاسبوع الماضى قرأت خبراً من موريتانيا فحواه ان الرئيس محمد ولد عبد العزيز اصدر قراراً بعزل وزيرة الخارجية الناها بنت مكناس من منصبها، وتعيين وزير الدفاع حمادى ولد حمادى خلفاً لها. اول ما خطر ببالى هو ان يكون القرار نتاجاً لتداعيات القصائد الغزلية السودانية. ولكن اخباراً رشحت من هنا وهناك أفادت بأن الرئيس ولد عبد العزيز أقالها بسبب تعاطفها وموالاتها للعقيد القذافى، وتورطها فى تصريحات ومواقف أظهرت موريتانيا وكأنها تعاضد القذافى وتقف بجانبه فى محنته الراهنة، وهو الامر الذى رأى الرئيس انه لا يتفق مع مصالح بلاده العليا. وقد تناهت الىّ على الفور أنباء من الخرطوم تفيد بأن أقالة الوزيرة أصاب عدداً من السفراء والدبلوماسيين المولهين فى مقتل، وان حالة من الغضب والحزن الشديد قد ضربت وزارة الخارجية السودانية. وتداولت بعض الاوساط سراً قصائد جديدة كتبها بعض هؤلاء فى التعبير عن الغضب والحزن الشديد والحنق على الرئيس محمد ولد عبد العزيز، ووزير خارجيته الجديد حمادى ولد حمادى. جاء فى احدى القصائد: (عبد العزيزُ لحاك الله من رجلٍ فظ تقصّد غادتنا فأرداها / أردى فأردى قلوباً في الهوى ولهتْ بلحظها وببرقٍ من ثناياها / يا زهرةً قُطفت من بعد ما ينعتْ، واحر قلبٌ عشوقٍ بات يهواها / روعتَ جؤذرةً تلهو بمسرحها آواه مما صنعتَ اليوم آواها / أما وجدت سوى حمّاد يخلفها ما كان حمادُ إلا من سباياها / يا ابن العزيز لحاك الله من رجلٍ يُبقى القِباح ويُقصي الوردةَ "الناها / جزى الله من في البدء قد نسبوا في حسنها وتغنوا في مزاياها). الى جانب قصائد السفراء والدبلوماسيين فقد اطلعت على قصيدة حلمنتيشية كتبها صحافى سودانى كبير، شاطر بها اصدقائه الدبلوماسيين نكبتهم، يلمّح فيها من طرف خفى الى العلاقة المزعومة للوزيرة بالعقيد القذافى، وقد جاء فى مقدمتها: (ألا يا وردةً عبقتْ سريعاً ثمّ شالوها / من البستان قد قُطفتْ و" للزنقات" ودّوها)! |
| |
|
|
|
|
|
|
Re: نصيحة لهذه الوزيرة بعدم القيام بزيارة للسودان ( صور ) ..!!! (Re: حيدر حسن ميرغني)
|
Quote: عوض سلامات في الحالتين واحد يعني لو جلت من الافندية تلقاها عند المأزومين |
مرحبتين حيدر .. تخيل امر مدير اداري لمنظمة اسلامية .. يبعث بقصيدة غزل واعجاب لوزيرة .. ويطلب منها ان تظل في طئ الكتمان .. !! وآخر يستخدم ساقط القول لوصف وزيرة اخرى .. حقاً انه زمان الازمات والمأزومين ... تابع معانا عشان تشوف الوزيرة .. الاديناها النصيحة قبل زيارة الخرطوم ...
| |
|
|
|
|
|
|
Re: نصيحة لهذه الوزيرة بعدم القيام بزيارة للسودان ( صور ) ..!!! (Re: awad okasha)
|
Quote: Quote: Quote: ياخ هسه أنا كنت قايلك قاصد الصاروخ الباكستاني العابر للقارات الجديد، |
سلامات محمد المرتضى .. كدي شوف المداخلة السويتا قبل مداخلتك .. فرق دقيقة واحدة .. انت بتكتب وانا برفع في الصورة .. لقيتك خطييير لكن .. |
إنا لله ، والله والله يا عوض ما كنت أظنك تعنيها وهذه هي الحالة الثالثة التي تمر بي في هذا المنبر وسبق أن كتبت عنها في بوست الأخ معاوية عن الصدفة وقلت أنه لاتوجد صدفة في هذا الكون المنظم، أنا (خطير)؟ ياخ أنا زول مسكين بيمشي بي ضل السلك.. الدبلوماسي .. لكن والله عشان خاترك ما بجيك وإيدي فاضيه
شوف الزوله دي قالت للخواجه دا إتفضل مشوا وجو فيهو كم لون، هسه دا باقي ليك سمع شئ؟ يا اخوانا الموج وودجبرين وين ؟
| |
|
|
|
|
|
|
Re: نصيحة لهذه الوزيرة بعدم القيام بزيارة للسودان ( صور ) ..!!! (Re: محمد المرتضى حامد)
|
Quote: إنا لله ، والله والله يا عوض ما كنت أظنك تعنيها وهذه هي الحالة الثالثة التي تمر بي في هذا المنبر وسبق أن كتبت عنها في بوست الأخ معاوية عن الصدفة وقلت أنه لاتوجد صدفة في هذا الكون المنظم، أنا (خطير)؟ ياخ أنا زول مسكين بيمشي بي ضل السلك.. الدبلوماسي .. لكن والله عشان خاترك ما بجيك وإيدي فاضيه شوف الزوله دي قالت للخواجه دا إتفضل مشوا وجو فيهو كم لون، هسه دا باقي ليك سمع شئ؟ يا اخوانا الموج وودجبرين وين ؟ |
تصادف الخواطر وارد يا ابو اكرم .. لا سيما ان كانت من شخص يقدر ويعشق الجمال .. رغم انو العشق ده ممكن يكون مكمن الخطورة احياناً ..!! شكرا على ( اليد المليانة ) بالجمال الفتاك .. الخواجة شكلو وصل آخرو مع الابتسامة الفاتنة .. طارق وود الموج لو جو بقلبوها ( مناحة ) عديل ...
| |
|
|
|
|
|
|
Re: نصيحة لهذه الوزيرة بعدم القيام بزيارة للسودان ( صور ) ..!!! (Re: awad okasha)
|
ولدت حنا رباني كهر في 19 من يناير 1977 في إقليم مولتان, وهي فخورة بالقرية التي رأت فيها النور والتي منحتها حيويتها ونشاطها. هي خريجة جامعة ماساتشوسيتس في الولايات المتحدة الأمريكية وتملك كل الصفات التي تؤهلها لأن تكون قائدة, بدأت حياتها العملية كسيدة أعمال بعد نيلها شهادة بكالوريوس في الاقتصاد من جامعة لاهور, في باكستان (1999) قبل أن تذهب إلي الولايات المتحدة للحصول علي شهادة ماجستير في الإدارة من جامعة ماساتشوسيتس عام 2001. ثم أصبحت عضوا في حزب الشعب الباكستاني. وانتخبت في الجمعية الوطنية للمرة الثانية في عام 2008 كممثلة عن دائرة مظفر غار, وكانت قد فازت في الانتخابات السابقة عام 2002 وأصبحت رئيسة اللجنة البرلمانية لشؤون الاقتصاد والإحصائيات وهي تعتبر نفسها هاوية للعبة البولو وتمتلك بضعة مطاعم ونادي البولو الرياضي. وتصف الصحافة الباكستانية والأجنبية حنا رباني كهر بأنها إحدى أجمل السيدات في السياسة الآسيوية وهي لم تتزوج بعد ، ويعد اختيارها حدثا تاريخيا ولاسيما في دولة محافظة للغاية حيث أغلب النساء يمنعهن أقاربهن الرجال من مغادرة المنزل للمشاركة في شؤون عامة. المصدر: محيط
| |
|
|
|
|
|
|
Re: نصيحة لهذه الوزيرة بعدم القيام بزيارة للسودان ( صور ) ..!!! (Re: عبد المنعم سيد احمد)
|
وياهو يا عوض زي ما شايف في الفيديو ، الكلام في اللسان زي البِليِّه في السِرويس، في الأزياء ؟ كلوديا شيفر ونعومي كامبل يتضايرن، في البساطه ؟ كباية حليب بس تطفي القُرحة الشاقيانا دي، في الصراحة ، كزلك في تورته عليها كريمه،
كأني بشيخنا الخليفه الواقف خلفها يردد أبيات الدارمي : قل للمليحه في (الساري البنفسج) ماذا صنعت براهب متعبـد ؟ قد كان شمر للصلاة ثيابـه حتى وقفت (أمامه) بباب المسجد . ردي عليه صلاته وصيامه لا تقتليه بحق ديـن محمــــد
| |
|
|
|
|
|
|
Re: نصيحة لهذه الوزيرة بعدم القيام بزيارة للسودان ( صور ) ..!!! (Re: محمد المرتضى حامد)
|
Quote: وياهو يا عوض زي ما شايف في الفيديو ، الكلام في اللسان زي البِليِّه في السِرويس، في الأزياء ؟ كلوديا شيفر ونعومي كامبل يتضايرن، في البساطه ؟ كباية حليب بس تطفي القُرحة الشاقيانا دي، في الصراحة ، كزلك في تورته عليها كريمه،
|
ابو اكرم .. الزولة دي سماحة وقيافة وشخصية ومنصب .. وده كلو ولسة عمرها يادوب 34 سنة .. غايتو لو مشت السودان الرماد كال حماد ..
| |
|
|
|
|
|
|
Re: نصيحة لهذه الوزيرة بعدم القيام بزيارة للسودان ( صور ) ..!!! (Re: Tragie Mustafa)
|
Quote: يا عوض عكاشه يا ولدنا كيف احوالك؟!
قلت لي شنو؟!
يا حبيب ركز وحياتك عجايز الانقاذ ديل انجض منكم كما يبدو!!
الم تسمع الاغنيه السودانيه الما عندهم وراء يرجعوا وراء؟!
باكستانيه شنو الباتكل عيش مع المروتانيات؟!
يبدو انكم نستيم الذوق الافريقي للسودانين!!
|
حباب ام حازم .. الحمد لله بخير .. زي ما ذكرتي الموضوع موضوع ذوق قبل كل حاجة .. والزولة دي ممكن تنسف مسألة الذوق الافريقي بسهولة .. عندك الراحل القذافي كان متيم بكونداليزا رايس .. مع انو لا عندها ورا ولا قدام ولا ترس فاضي حتى .. والمثل بتاعنا بقول ( كل فولة وليها كيال ) .. وانتي عارفة السودانيين بحبو الفول قدر شنو ..
| |
|
|
|
|
|
|
Re: نصيحة لهذه الوزيرة بعدم القيام بزيارة للسودان ( صور ) ..!!! (Re: awad okasha)
|
يا ولدنا
وحياتك قذافي كان سيد الذوق و الفهم ذاته كان كده؟؟
منو القال لك كوندي مجلوطه؟!
Quote: مع انو لا عندها ورا ولا قدام ولا ترس فاضي حتى ..
|
يا زول كوندي دي مقاستها مقاسات عالميه لعلمك وفيها ساقين (طفاية القاعه) مقارنه بقدها المياس!
يا زول شوف الباكستانيات ديل غشوا بيهم روحكم غايتو نحن عارفين البير وغطها كويس(ههههههههه) تامنه بناطلين وملابس فضفافه من العليهن!
يلمعن لكم الوجوه وانتو اظنكم ناس(الكيس بال Face)!! وناس(سنه يا الدحيش)(هههههههه)دي عارفها وما حضرته زمن الدحيش وخصلاته المتطايره(ههههه)!
يا زول المورتانيات ديل ناس ومأكملة يضيق الباب عنها وكشحا قد جننت به جنونا!
قوم لف بلا حبش بلا باكستان معاكم! ياهو زوق عمكم الوهم ده و د المرتضى؟!
ديل بيسوقوا لجمال الحلب السجمان ده! نحن الاجسام الافريقيه دي ما حنبطل غنى ليها!
وكمان بنغني لرجالنا الافراقه مفتلوي العضلات!!
عضات تبش يا ود المرتضى!
| |
|
|
|
|
|
|
Re: نصيحة لهذه الوزيرة بعدم القيام بزيارة للسودان ( صور ) ..!!! (Re: Tragie Mustafa)
|
Quote: يا ولدنا
وحياتك قذافي كان سيد الذوق و الفهم ذاته كان كده؟؟
منو القال لك كوندي مجلوطه؟!
Quote: مع انو لا عندها ورا ولا قدام ولا ترس فاضي حتى ..
يا زول كوندي دي مقاستها مقاسات عالميه لعلمك وفيها ساقين (طفاية القاعه) مقارنه بقدها المياس!
يا زول شوف الباكستانيات ديل غشوا بيهم روحكم غايتو نحن عارفين البير وغطها كويس(ههههههههه) تامنه بناطلين وملابس فضفافه من العليهن!
يلمعن لكم الوجوه وانتو اظنكم ناس(الكيس بال Face)!! وناس(سنه يا الدحيش)(هههههههه)دي عارفها وما حضرته زمن الدحيش وخصلاته المتطايره(ههههه)!
يا زول المورتانيات ديل ناس ومأكملة يضيق الباب عنها وكشحا قد جننت به جنونا!
قوم لف بلا حبش بلا باكستان معاكم! ياهو زوق عمكم الوهم ده و د المرتضى؟!
ديل بيسوقوا لجمال الحلب السجمان ده! نحن الاجسام الافريقيه دي ما حنبطل غنى ليها!
وكمان بنغني لرجالنا الافراقه مفتلوي العضلات!!
عضات تبش يا ود المرتضى! |
ام حازم .. نحنا ما قلنا الافريقيات والموريتانيات ما حلوات .. بس ده ما بخلينا ما نشوف جمال الاخريات .. قذافي شكلو كان من ناس ( كوفر ذا فيس ) .. حلب على افارقة على عرب ما مشكلة المهم الجمال .. ياخ الوزيرة دي موقفة الدبلوماسية على فد رجل .. مش زي كوندي الكانت شناتا مضرب مثل في العالم .. المهم انو الزولة دي ما تمشي السودان ابدا ...
| |
|
|
|
|
|
|
Re: نصيحة لهذه الوزيرة بعدم القيام بزيارة للسودان ( صور ) ..!!! (Re: awad okasha)
|
يا ود البشرى انت ذاتك 100%
Quote: هههههههههههههههههههههه
%100 يا تراجي |
!
يا حبيب ديل بيسوقوا للاستلاب وانا مدافعه عن المنتج القومي(ههههههه)!
لما يجيبوا لينا نساء راسل مالنهن شعراتهن المهفهات وبشرتهن البيضاء يبقى بالله بيشجعوا على شنو غير انه بناتنا ينسلخن كلهن وربما يبرصن كمان؟!
ومن جليطات الشعر ينصلعن وارد برضو ولا شنو؟!
آخير نحن لما نقول عضلات تبش ممكن شوية تمارين الناس تكتسبها مش بندعي لحاجات ما صحيه؟!
عمكم داك طبعا جنه وكرهته تراجي وانا بكاوي فيه يرد ولا عنه ما يرد شغاله ليه.
| |
|
|
|
|
|
|
Re: نصيحة لهذه الوزيرة بعدم القيام بزيارة للسودان ( صور ) ..!!! (Re: عمران حسن صالح)
|
Quote: بوستكـ أصلو احرف ما تجي تقول أبو محمد حرفو :) |
ولا يهمك يا ( حريف ) .. الناس ديل شغالين ( نفخ ) في الفاضي والمليان .. شوف وقارن بين الباكستاني ( السمبتيك ) والموريتاني ( البلاستيك ) .. دي صورة وزيرة الثقافة والشباب والرياضة الموريتانية .. وفي الخبر انها مجتمعة مع السفير السوداني لمناقشة العلاقات .. يعني احتمال كبير انها تزور السودان قريب .. غايتو حسب الصورة .. لو زارت السودان الحبة ما بتجيها ..
Quote: وزيرة الثقافة والشباب والرياضة السيدة سيسه بنت الشيخ ولد بيده 12-03-2011 06:16 PM العلاقات السودانية الموريتانية تتميز بمتانة الروابط الاجتماعية والثقافية وتتويجا لتلك العلاقات الجيدة تتطلع موريتانيا الى الاستفادة من الخبرات السودانية فى مجال تدريس الموسيقى من اجل تأهيل الكوادر الموريتانية لانشاء اول معهد لتدريس الموسيقى بالبلاد ، وفى الاطار اوردت الوكالة الموريتانية للانباء ان وزيرة الثقافة والشباب والرياضة السيدة سيسه بنت الشيخ ولد بيده عقدت يوم الخميس بمكتبها في نواكشوط اجتماعا مع سعادة سفير جمهورية السودان المعتمد لدى موريتانيا.وتناول اللقاء العلاقات القائمة بين البلدين في مجالات الثقافة والشباب والرياضة خاصة في جوانبها المتعلقة بتكوين موسيقيين موريتانيين في المعاهد السودانية لصالح المعهد الموريتاني للموسيقى. وأكد المستشار المكلف بالثقافة-الأمين العام لوكالة السيد محمدو ولد أحظانه الذى حضر اللقاء»أن اللقاء تطرق إلى الايام الثقافية الموريتانية التي ستنظم في بحر السنة القادمة في جمهورية السودان، ودعم جمهورية السودان لجمعية الكشافة والمرشدات الموريتانية».وحضر المقابلة مدير التربية البدنية والرياضية السيد زيدان ولد سيداتي. والتطلع الموريتاني لاستجلاب خبرات سودانية فى مجال تدريس الموسيقى يؤكد مجددا بان الخبرات السودانية فى هذا المجال تجد الاعتراف فى محيطها الاقليمى وهى تستحق من خلال الانجازات الكثيرة التى حققها فى المهرجانات الدولية واعتكاف الموسيقيين السودانيين على تأهيل وتأطير مواهبهم بالبحث والدراسة الاكاديمية ونجح عدد مقدر من موسيقيي السودان من الاحتفاظ بالتفوق فى المجالين الاكاديمى والفنى ، وما لجوء موريتانيا للخبرات السودانية الا دليل على ذلك وكان يمكن لنواكشوط التى تربطها علاقات استراتيجية بفرنسا ان تستجلب خبرات فرنسية او حتى مصرية او سنغالية وجميعها متاحة لموريتانا التى اختارت الموسيقى السودانية لتؤسس لاول معهد موسيقي بموريتانيا. وفى سياق العلاقات الثقافية بين السودان وموريتانا نظم إتحاد الطلاب الموريتانيين بالسودان الاسبوع المنصرم حفلا بمناسبة الذكرى الواحدة والخمسين للاستقلال الوطني بمسرح الفنون الشعبية بام درمان حيث حضر الحفل شخصيات رسمية وشعبية رفيعة المستوى, وقد شهد الحفل عدة فقرات متنوعة كان من بينها مسرحية وشعر عربي فصيح وشعر حساني نال اعجاب الجميع ليختتم الحفل بتكريم العضوية الشرفية للاتحاد, ومعرض للوجبات الوطنية .
|
| |
|
|
|
|
|
|
|