|
|
 يا جماعة لو غلطان صوبوني .. بخصوص أفراح أفراح بالنيل الأزرق
|
تحياتي يا جماعة
و الله في فقرة في برمامج افراح افراح بتاع النيل الازرق
الفقرة أسمها ليلة العمر بتجي العروس بتتكلم انو المكياج
عجبه و طلعه بصورة هي ما متخيلها و ..و ..و
و اضح انها فقرة دعائية لناس كوافير و تجميل و ما عندي مشكلة
أنو يعلنوا ليهم بس شاعر أنو في استغلال للعروسات ديل و الله
و الموضوع دا مضايقني فهل و جهة نظري صح ولا أنا غلطان !!؟
تحياتي للجميع
|
|
  
|
|
|
|
|
|
|
 Re: يا جماعة لو غلطان صوبوني .. بخصوص أفراح أفراح بالنيل الأزرق (Re: عبدالعزيز عبدالله محمد)
|
يا سفيان أنا بسبب البرنامج ده يوم الخميس أول ما أصحى بكون ما تمام
بسأل نفسي بعد داكـ في شنو ؟
اليوم لسه ما بدأ النرفزة لزومة شنو ؟
أها مع قهوة الصباح وبعد ما أهدأ بتذكر إنو اليوم مساءً ( أفراح أفراح ) .
..
بس كمان لامن أتذكر ضرورة التسويق والإعلانات وأن ( شرائح ) أخرى تحتاج أن ترى (العروسات) الجدد
ووجود ( ريموت في اليد ) فأحمد الله على نعمة الإختيار ، هذا إن لم تكن " حكومتنا الرشيدة " ماسكة الريموت 
| |
|
|
|
|
|
|
|
|
|
Re: يا جماعة لو غلطان صوبوني .. بخصوص أفراح أفراح بالنيل الأزرق (Re: معتز مقبول)
|
Quote: كلامك صاح
العروسة يجب أن ترفض إستغلالها وتصويرها
أثناء المكياج للترويج مقابل المكياج الملح ... |
Quote:
والله انا اصلا فكرة البرنامج ما عاجـــبني.
وارجع لي نقطتك، يا سيدي البلد كلها استغلال بس جات على مكياج العروس.
غايتو الله يكون في عون الجميع يا سفيان
|
سلام عبد العزيز العزير
كلامك صاح استغلال كامل لكل حاجة
و ما عندي مشكلة في فهم التسويق
بس لازم الوعي بكامل الحقوق يعني
يبطلوا يستكردو الناس و يستغلوا
ظروفهم .
شكراً ياخ.
Quote:
يا سفيان أنا بسبب البرنامج ده يوم الخميس أول ما أصحى بكون ما تمام
بسأل نفسي بعد داكـ في شنو ؟
اليوم لسه ما بدأ النرفزة لزومة شنو ؟
أها مع قهوة الصباح وبعد ما أهدأ بتذكر إنو اليوم مساءً ( أفراح أفراح ) .
..
بس كمان لامن أتذكر ضرورة التسويق والإعلانات وأن ( شرائح ) أخرى تحتاج أن ترى (العروسات) الجدد
ووجود ( ريموت في اليد ) فأحمد الله على نعمة الإختيار ، هذا إن لم تكن " حكومتنا الرشيدة " ماسكة الريموت |
عمرااااان الأنسان
كيفك و الدوش ؟؟
بالجد البرنامج كلو بضايق غايتو حكم بس و قبلانين بيهو
نحمد الله و نشكروا .
بس الجزء التاني في مداخلتك جاني صدى صوت بقول لي :-
السعوديه بنين .. السعوديه بنين هههههههه
اها االصدى بتاعي دا صح ؟ في ذمتك صح؟
كن بخير يا جميل .
Quote:
ولكن ...
طالما هنالك حاجة اسمها "التراضي"...
يبقى زعلي وزعلك زي عدمه...
أبوها راضي..أخوها راضي..
والدلدول الجديد المحنن..برضو راضي...
إذاً نحمد الله إنه المسألة وقفت على تصوير الماكياج والدعاية..
|
محمود العربي كيفك ياخ و الشوق الواااحد داك
و الله لكنك ما عندي فوق ليها رآي تب بس دا قدر فهمي
وقلتو .
تشكراتي .
Quote:
الحقيقة يا سفيان انا البرنامج كوووله مضايقني، وبنستحمله عشان المدام بس
الفقرة دي ما حضرتها وما شفتها قبل كده
|
سلام يا الشفيع و تحيات طيبة
الحمد لله الما حضرته ياخ
اعمل حسابك ما تحضرته كلو كلو
ممكن يجيك تاتنوس و غرغرينا
في الأخلاق .
بيني و بينك مصيبتك كبيرة
طالما بتحضروا بامر ال(حكومة)
ما عندك مفر غير تستحمل فشنو ؟
سردب ساااااي لوووول
تسلم .
يا ناذر سلام ياخ
ورايك بهمني شديد
لانك فنان و شوفك بكون مفيد .
شكراً على المرور و المعلومة .
Quote:
اصلوا الشعب السوداني طلع كلوا بحب الكاميرا
العروس الراجل الناس العادييييين كلو كلو ....العروس ماعندها ذنب
شئ من الشوووووو.... علي ما اعتقد .
|
ود المقبول المقبول حبابك
و بحبو المكرفون كمان
إي شووو وكل حاجة
بس لو حضرته الفقره دي
حتلقي نفسك متضايق شديد .
| Quote: بالله انت صاحب كاجيكا |
كاجيك صاحبي لزززم و اخوي لزمين
يا حليلو ياخ
بالمناسبة مرة أنا وهو قطعنا فيك
لووووول بس قطيعه سمحه خلاس .
كن بخير
| |
|
|
|
|
|
|
|
|
|
Re: يا جماعة لو غلطان صوبوني .. بخصوص أفراح أفراح بالنيل الأزرق (Re: كمال ادريس)
|
Quote: و الله في فقرة في برمامج افراح افراح بتاع النيل الازرق
الفقرة أسمها ليلة العمر بتجي العروس بتتكلم انو المكياج
عجبه و طلعه بصورة هي ما متخيلها و ..و ..و
و اضح انها فقرة دعائية لناس كوافير و تجميل و ما عندي مشكلة
أنو يعلنوا ليهم بس شاعر أنو في استغلال للعروسات ديل و الله
و الموضوع دا مضايقني فهل و جهة نظري صح ولا أنا غلطان !!؟ |
سلامات سفيان
انا البرنامج كله ما عاجبني للآتي:
فكرة البرنامج مستلبة ..يعني ما حقتنا شافينها من العرب و العرب شافينها من الامريكان..يعني فكرة مسروقة
فكرة البرنامج اصلاً ما بتشبهنا.. الاعراس مناسبات خاصة ما مفروض تتعرض للعالم كله و خصوصاً الهجيج و الجبجبة
مافي ثقافة ادبية في الحديث .. كان العرسان و للا اهلهم و للا المعازيم.. زول فيهم بعرف يتكلم مافي
عدم تحضر المدعويين البجوا يتكالبوا على الكميرا عشان يظهروا و كأنه الكميرا بتصور برنامج في الشارع ما كأنها مناسبة زفاف
بعدين البشتنة.. البنات فاضحننا في المكياج و البودرة البيضا البيعملوها والله مرات بحس اني بحضر في برنامج كوميدي
| |
|
|
|
|
|
|
|
|
|
Re: يا جماعة لو غلطان صوبوني .. بخصوص أفراح أفراح بالنيل الأزرق (Re: سناء عبد السيد)
|
| Quote: يا جماعة لو غلطان صوبوني |
والله حاشاك الغلط يا سفيان
اصلا البرنامج كلو ما عندو معنى
وانا غايظني وفاقع مرارتي عديل كده يعني نحن ها نستفيد شنو منو ؟
واكتر حاجة بتغيظ الناس البدافروا عشان إظهروا قدام الكاميرا وكلهم بقولوا عبارة واحدة ويا ريت لو بقولوها صاح
(نتمنى ليهم حياة سعيدة زوجية ) اغلبهم بقولها كده وده من الإستعجال والشفقة للظهور قدام الكاميرا
وفعلا الفقرة الذكرتها انت بالتحديد القصد منها دعاية وبس وهم فعلا محتاجين لدعاية لانو محلات التجميل بقت اكتر من الهم على القلب
| |
|
|
|
|
|
|
|
|
|
Re: يا جماعة لو غلطان صوبوني .. بخصوص أفراح أفراح بالنيل الأزرق (Re: الشفيع وراق عبد الرحمن)
|
العزيز سفيان ..
أنا أتفق معك تماما .. البرنامج ليس به إعداد فهو عباره عن تصوير حفله .. كان من الأفضل أن يركز البرنامج علي تقديم قصص الزواج الناجحه والمتميزه أو مشاكل الأزواج في شكل أفلام قصيره تقدم في بداية الحلقه ويتم التعليق عليها من قبل متخصصين .. كما يمكن البرنامج التركيز علي طقوس الزواج عند القبائل السودانيه ( عرس الشوايقه .. عرس المسيريه .. عرس البجا .. الخ ) والتركيز علي الطقوس التي تظهر الأزياء والرقصات والإيقاعات الشعبيه وزينة المرأه عند كل قبيله .. الناس ما دايره تجتهد وتساافر بره الخرطوم .. صحيح إنتاج بهذا الشكل مكلف ويحتاج مال ووقت لكن ليس بالضروره أن يكون البرنامج إسبوعي .. يمكن أن تكون حلقه واحده في الشهر لكن مفيده للمشاهدين .
| |
|
|
|
|
|
|
|
|
|
Re: يا جماعة لو غلطان صوبوني .. بخصوص أفراح أفراح بالنيل الأزرق (Re: د. ياسر عبد القادر)
|
هلا سفيان.
والله كنت قايل نفسى براى "المنجض" بالبرنامج ده,
بس واضح أن هناك الكثيرين من المكتوين بنار السهرة دى.
طبعاً ما يفرسنى بجانب ما ذُكر هنا من ملاحظات هو الكلام
"الخارم بارم" بين الفقرات الذى تتجود به علينا المقدمتان,
ياخ ده كلام ما يتشال من الواطة والله, وما عندو أى معنى
ولا غاية سوى الكلام فى حد ذاته. بس بيذكرك ال###### الساكى ضنبو
داك, يعنى وين ينتهى, وين يبدأ ما معروف.
والحمد لله امجد داك بقى مافى كمان, ياخ ده كان كوم براااهو كده.
غايتو. الملح دايماً مضر, ودى مصيبة القنوات المفتوحة تهريك بى
برامجها الهايفة دى, وبالدعايات الواضحة والمستترة.
| |
|
|
|
|
|
|
|
|
|
Re: يا جماعة لو غلطان صوبوني .. بخصوص أفراح أفراح بالنيل الأزرق (Re: عبدالله شمس الدين مصطفى)
|
كمال إدريس
سناء عبد السيد
سامية حامد
Mohamed Foto7li
محمد النيل
الشفيع وراق
الطيب الصديق
دكتور ياسر
عبد الله شمس الدين
سلام يا شباب و يا شابات
و الله (حننتوني) اتاريكم (مفموقين) و صابرين!!!
و الله كنت فاكر نفسى براااي الممغوس عشان كدا
في العنوان فوق عملته ساتر و كتبته صوبوني اهو
أنتو طاااااخ جيتوا صوبتوا نحو الهدف .
ارح ارح اردموهم و لا تاخذكم بهم شفقه .
بالمناسبة يا شباب صديقى الطيب الصديق دا (عندو
مداخلة في البوست هنا) الطيب دا مصور فنان و معد
في تلفزيون النيل الأزرق ، يعني كلامنا دا حيصل
النيل الازرق كلو فعشان كدا شدوا حيلكم معانا .
يا الطيب صديق يا صاحبي مشتاقين ياخ و الف مبروك
للفرد ود الامين و تهاني ياخ كان تكلم ليهم ناس
أفراح أفراح يمشوا عليهم هاهاهاهاها عشان يفهموهم
حاجة ذاتو لوووووووول.
| |
|
|
|
|
|
|
| |
سفيان بشير نابرى
منتصرمحمد زكى
عبدالعزيز عبدالله محمد
عمران حسن صالح
Mahmoud Mustafa Mahmoud
الشفيع وراق عبد الرحمن
ناذر محمد الخليفة
كمال ادريس
سناء عبد السيد
ساميه حامد
Mohamed Foto7li
محمد النيل
الطيب صديق محمد
د. ياسر عبد القادر
عبدالله شمس الدين مصطفى
فيس بوك
تويتر
انستقرام
يوتيوب
بنتيريست