|
|
 ثلاثة عصافير بثورة واحدة
|
غايتو على راي المثل
الما عندو سيد يكوس ليهو سيد
وطالما أن السيدان قد إنبرشا وتسابقا نحو المؤتمر
فقد أصبح الشعب من غير سيد
وهذه محمدة فى حد ذاتها
(لانو سيدنا الله بس)
وهكذا عندما يخرج الشعب فى ثورته سيكش الحكومة التى تشمل الكيزان والسيدين
(ويكونوا ريحونا ذاتو)
ونكون قد ضربنا ثلاثة عصافير بى ثورة واحدة
...................
هذا هو الخير الذى نقصده من تقارب هؤلاء قى بوست كنت قد فتحته سابق يتضمن نفس الموضوع
|
|
 
|
|
|
|
|
|
|
|
Re: ثلاثة عصافير بثورة واحدة (Re: محمد النيل)
|
لا أدرى لماذا يتحسر الناس من هذا التقارب؟؟؟؟
الكيزان وحزبا السيدين جميعهم يفتقدون للديمقراطية
وفاقد الشيئ لا يعطيه
لماذا نتحسر
ومن غير هؤلاء جلب التعاسة للوطن؟؟؟؟؟؟؟
أحزاب البيوتات ما بيخارجوا معانا
إضافة لحزب الفساد اللاوطنى
| |
|
|
|
|
|
|
|
|
|
Re: ثلاثة عصافير بثورة واحدة (Re: محمد النيل)
|
حزبا السيدين
من أنشأهما؟؟؟؟
أحدهما المستعمر المصرى
والآخر المستعمر البريطانى
الإتحادى أنشأه المصريون لإجبار السودان للإتحاد معهم
والثانى أنشأه البريطانيون ليضمنون عدم وحدة وادى النيل
تم إنشاءهما لأغراض لا تهم اهلنا الغبش فى شيئ
وبالتالى لم ولن يصلحا لحكم السودان
وقد فشلا منذ اللإستقلال وحتى الآن فى إنشاء وطن مستقر إسمه السودان
| |
|
|
|
|
|
|
|
|
|
Re: ثلاثة عصافير بثورة واحدة (Re: محمد النيل)
|
Quote: عشان ماعندك سيد زيهم جاى تحسد الناس على اسيادها ؟!! ...
يالك من حاسد وحاقد .. |
ههههههههههههههها
يا ود الباوقة رجع الباسوورد لى فايز ود القاضى
السرقو ليك منو أنا عارفك ماك زولا حريف ؟؟؟؟؟
......
سبحان الله يا فايز
نفس إسلوب ود الباوقة
.......
لك الود يا حبيب
| |
|
|
|
|
|
|
|
|
|
Re: ثلاثة عصافير بثورة واحدة (Re: محمد النيل)
|
| Quote: ثلاثة عصافير بثورة واحدة |
أجبن المخلوقات الطيور
أقل صوت تجدهم قد هربوا
واضعف أنواع الطيور وأجبنها العصافير
من الجبن أن تتكسب على رقاب البسطاء والغلابة
المهدى الكبير لم يأتى بثورته ليورثها لذريته
بل نقلها لعبد الله التعايشى ولم يكن من إسرته
كل الذى جمعهما القضية ومحاربة المستعمر الظالم البغيض وليس صلة الدم
أما حزب الأمة الحالى والذى تنتمى قيادته بصلة رحم لذلك الثائر المغوار محمد أحمد المهدى فهم يقفون الآن مع الظلم ضد الغلابة
الغلابة الذين دعموهم وأهدوا لهم جهدهم وعرقهم ليؤسسوا لهم قاعدة عمياء تدعمهم سياسيا وتحمل لهم مياه إبريق والوضوء
وتتبرك من الماء المتبفى من كوز الوضوء
وأما حزب المرغنية
فحدث ولا حرج
تكفينا عنهم نكتة الزول المعروفة ال عندما حاول يمشى السيد على الميرغنى على أرضه رفعه فوق ظهره لكى لا يهدى له هذا الشخصى الذكى أرضه
لأن أي أرض تطأها قدم السيد كانت تهدى له
لقد فقد البسطاء الغلابة كثيرا مما يملكون
من أراض ونخل باسق لسيدى الميرغنى
مقابل ماذا الله أعلم
لماذا يتحسر الناس من تقارب هؤلاء مع هؤلاء ؟؟؟
فهذه العصافير ستفر من أول حجر ثورة
وسيتحرر الشعب من عصبة أذلت الوطن 6 عقود
ثورة جديدة بشكل جديد
ثورة نلقم بها من يقول (إيش الفايدة إذا طلعنا ثورة ح يمسكوها ناس الصادق والميرغنى)
الشكر موصول للصادق المهدى ومحمد عثمان الميرغنى اللذان قنطرا نفسيهما فى مرمى حجارة الثورة فى قنطرة المؤتمر اللاوطنى
| |
|
|
|
|
|
|
|
|
|
Re: ثلاثة عصافير بثورة واحدة (Re: Nagat Sid Ahmed Elshiekh)
|
Quote: نعم الضربة ،
سلام يا محمد النيل. |
كل تأخيرة وفيها خيرة
يا أخت نجاة وعليكى السلام ورحمة الله
كنت إغتاظ مع المغيوظين
لماذا تأخر ربيع ثورتنا ؟؟؟
لكن إتضح لحكمة يعلمها الله
وهو سبحانه يريد أن يقنطر لنا هؤلاء مع هؤلاء لتكتمل أركان الثورة
وحينها سنودع الظلم بجميع أشكاله
ظلم البيوتات والمتأسلمين
البيوتات التى إستغلت البسطاء
والمتأسلمين الذين إستغلوا حب الناس لدينهم
حجر واحد لمثلث الظلم عدو الديمقراطية عدو دولة القانون والمؤسسات
| |
|
|
|
|
|
|
|
|
|
Re: ثلاثة عصافير بثورة واحدة (Re: محمد النيل)
|
Quote: ثورة نلقم بها من يقول (إيش الفايدة إذا طلعنا ثورة ح يمسكوها ناس الصادق والميرغنى)
الشكر موصول للصادق المهدى ومحمد عثمان الميرغنى اللذان قنطرا نفسيهما فى مرمى حجارة الثورة فى قنطرة المؤتمر اللاوطنى |
فعلا يا النيل اخوى اللآن هنالك اجابة للسؤال الحائر ( منو البديل؟)
البديل هم ابناء الشعب اصحاب الوجعة الحادبين على الوطن المتطلعين للحرية والرخاء والعدل
تحياتى
| |
|
|
|
|
|
|
|
|
Re: ثلاثة عصافير بثورة واحدة (Re: مهيرة)
|
Quote: فعلا يا النيل اخوى اللآن هنالك اجابة للسؤال الحائر ( منو البديل؟)
البديل هم ابناء الشعب اصحاب الوجعة الحادبين على الوطن المتطلعين للحرية والرخاء والعدل
تحياتى |
الأخت الفاضلة مهيرة
إن المحبطين من اللاوطنيين من السهل عليهم إيجاد الف سبب وسبب وتعبير ولفظ آخر لأخماد مشاعر الناس الثورية
إنهم الرماديون الذين تحدثت عنهم فى بوست سابق
لنرى ماذا سيكون عذرهم هذه المرة
لك الف تحية
وشكرا لك لزيارتك العطرة
| |
|
|
|
|
|
|
|
|
|
Re: ثلاثة عصافير بثورة واحدة (Re: محمد النيل)
|
نفسى طلعت من الحزبين زمااااااااااااان
مرة كنت فى بورتسودان فى مهمة عمل
فى نص الليل بعد الواطة صنت
سمعت صوت غريب جاى من بعييييييد
طلعت تابعت مصدر الصوت مشيت فى كم شارع كدا
الصوت المخيف إبتدأ يقرب شوية شوية
صوت إتضح إنو صوت مجموعة بتعمل نوبة صوفيه
قربت منو
لقيت حوش كبير الغبار طاير فى السماء
إتجرأت ودخلت
لقيت منظر عجيب
دائرة كبيرة جدا بتلف وبتردد فى كلام ما مفهوم ترانيم بلغة غير مفهومة
وتاوقت تاوقت
لقيت فى وسط الدائرة الضخمة زول قاعد فى كرسى وثير
كل مرة واحد ينسل من محيط الدائرة ويجرى ناحية المركز ويمشى يرفع يد الزول دا ويبوسها
منظر مقزز
كرهت الزول القاعد دا بدون ما أعرف دا منو ول شنو
المهم عرفت لاحقا أن هؤلاء كانوا تبع المراغنة وان الجالس كان أحد أبناء السيد على الميرغنى
وفيما بعد أصبح ممثل رئاسة السودان
.......
أما السيد الآخر السبد الصادق كجنتو لما قرأت كتاب المحجوب الديمقراطية فى الميزان
الزول دا أصر يبقى رئيس وزراء ويقلع المحجوب
المحجوب قال ليه فيما معناه:
دقيقة ياخى انا قعد أظبط فى حاجات مهمة كدا عشان تحفظ للبلد إستقرارها وديمقراطيها
دولة يكون تحكمها مؤسسات
وثم تانيا ونسبة لعمرك فالدستور ما بسمح ليك تبقى رئيس وزراء
الصادق اصر وقال لأ وإتتكنكش
الدستور نغيرو
وبعد وساطة من كبار النساء
الامور إتغيرت
والصادق مسكها وطبظها
وبعدين فكاها بعد خراب سوبا
والشغلانية جاطت
وقام نط فيها النميرى طبظ الباقى
اهن فى الديمقراطية التالتة الصادق طبظها تانى
وقال عايز تعويضات المهدى
وكانت الاولوية التى قسمت ظهر البعير
بعد ما الشباب كان فرحان بيهو زهج منو
الصادق سماحة كلام وتنظير سمح بس ساكت بس
.........
ديل ياهم
خليهم يطيروا يمشوا للكيزان
عشان نخمهم كلهم لى كوشة التاريخ فى ثورة واحدة
| |
|
|
|
|
|
|
|
|
|
Re: ثلاثة عصافير بثورة واحدة (Re: عبدالمنعم الرزوقي)
|
Quote: الاخ محمد النيل
كما قلت لك في رافد اخر يدنا معك ولكن البديل |
والله كلمة البديل ده قاعدة تغيظني غيظ..
أسى انت يا عبدالمنعم لو عندك أمجاد أديتا لي سواق. واكتشفت إنو السواق ده قاعد ياكل القروش و يهلك العريبة بتشغيلها ورديتين ليل و نهار و ما بيهتم بى صيانتها
تقووم تطرد السواق ده واللا تقول ياخى السواق ده ما كويس لكن مافي بديل عشان كده أنا حأخلى السواق ده يواصل
إذا حتخلى السواق يواصل الى أن " تتلحس " العربية تبقى ده مصيبة
قال مافى بديل قال
ياخي حواء والده
والسواقين راقدين
يعني هو الله ما خلق غير سواقين سفينة الإنقاذ الغرقوها ديل ؟!
| |
|
|
|
|
|
|
|
|
|
Re: ثلاثة عصافير بثورة واحدة (Re: Faisal Mohammed Abdalla)
|
يارزوقى الرزق على الله ياخى
حكاية البديل إتكلمنا عنها لامن صوتنا بح
وحتى من يقول ذلك لقد إتفقنا على ضمهم مع شلة الإنقاذ
ويكفيك رد الأخ فيصل Quote:
والله كلمة البديل ده قاعدة تغيظني غيظ..
أسى انت يا عبدالمنعم لو عندك أمجاد أديتا لي سواق. واكتشفت إنو السواق ده قاعد ياكل القروش و يهلك العريبة بتشغيلها ورديتين ليل و نهار و ما بيهتم بى صيانتها
تقووم تطرد السواق ده واللا تقول ياخى السواق ده ما كويس لكن مافي بديل عشان كده أنا حأخلى السواق ده يواصل
إذا حتخلى السواق يواصل الى أن " تتلحس " العربية تبقى ده مصيبة
قال مافى بديل قال
ياخي حواء والده
والسواقين راقدين
يعني هو الله ما خلق غير سواقين سفينة الإنقاذ الغرقوها ديل ؟! |
شكرا على مروركما الكريم
| |
|
|
|
|
|
|
|
|
|
Re: ثلاثة عصافير بثورة واحدة (Re: محمد النيل)
|
Quote: والله كلمة البديل ده قاعدة تغيظني غيظ..
أسى انت يا عبدالمنعم لو عندك أمجاد أديتا لي سواق. واكتشفت إنو السواق ده قاعد ياكل القروش و يهلك العريبة بتشغيلها ورديتين ليل و نهار و ما بيهتم بى صيانتها
تقووم تطرد السواق ده واللا تقول ياخى السواق ده ما كويس لكن مافي بديل عشان كده أنا حأخلى السواق ده يواصل
إذا حتخلى السواق يواصل الى أن " تتلحس " العربية تبقى ده مصيبة
قال مافى بديل قال
ياخي حواء والده
والسواقين راقدين
يعني هو الله ما خلق غير سواقين سفينة الإنقاذ الغرقوها ديل ؟! |
| |
|
|
|
|
|
|
| |
محمد النيل
فايزودالقاضي
Nagat Sid Ahmed Elshiekh
مهيرة
عبدالمنعم الرزوقي
Faisal Mohammed Abdalla
فيس بوك
تويتر
انستقرام
يوتيوب
بنتيريست