|
الحمدلله الذى أذهب عنا هذا الأذى ..
|
و"عنا" هذه ضميرٌ يرجع لى كواحد من جماهير الشعب السودانى.. من ضمنهم فى هذا المنبر .. ايمان بدرالدين و ياسر طيفور ومحمد عبدالرحمن وعمر فضل المولى وملايين عددا ..
|
|
|
|
|
|
|
|
Re: الحمدلله الذى أذهب عنا هذا الأذى .. (Re: Afraa Sanad)
|
سيذهب الأذى وتبتل العروق بوطنية دافقة يا صديقتى السيده عفراء سند وما أجمل أن ننفى كما أباذر بين الله وبنو أمية .. وما أجمل أن نموت إنحيازا للجمال .. لله .. للوطن .. وقد مات كل أؤلئك القاعدون عن قومة الحق ضد لصوص الدين وهاهو أباذر باق فيك وبعد قرون ..
.. هو حسنى مبارك راح فين ؟!
| |
|
|
|
|
|
|
Re: الحمدلله الذى أذهب عنا هذا الأذى .. (Re: عبدالله شمس الدين مصطفى)
|
السيد عبدالله شمس الدين مصطفى وقد سبق أن أصدرنا مرسوما بخلع لقب السياده لكل الذين هم راحلون صوب الوطن .. فيا صديقى .. لو فى طريقه الناس تجمد فى هذا الموسم النشاط الحزبى .. ولنجعله موسما خالصا لوجه الوطن .. ويتلمو الناس من حاصف لى قاصف ونحو اقتلاع اللصوص .. وبعد ذاك .. سنجد جميعا فسحة للنشاط المعافى .. فى وطن معافى .. وشعب معافى .. و .. هذه الارض لنا ..
| |
|
|
|
|
|
|
Re: الحمدلله الذى أذهب عنا هذا الأذى .. (Re: أيمن الطيب)
|
يا أيمن .. وجميع الهاف كاست بطرفنا يسلمون عليك .. بعضهم تجاوز الروضه وبعضهم فيها .. وبعضهم ينتظر .. وما بدلوا تبديلاً ..
عاوزنهم لمن يكبروا يكونوا أسياد وفى أوطانهم .. وعندها لن يهمهم كثيرا منو الكان شيوعى ومنو حزب أمة ومنو اتحادى
المهم ما يقوموا يلقو نفسهم بلا وطن .. مع انو ابوهم بى حزبو يحمدالله وحيد يغالب غربتو !!!
دى الفكره .. الناس تتلم كلها صوب أن تكون هذه الارض لنا فليعش سوداننا .. لا سودان الساده والقتله واللصوص ..
| |
|
|
|
|
|
|
Re: الحمدلله الذى أذهب عنا هذا الأذى .. (Re: محمد حيدر المشرف)
|
ما غريبه طبعا يا محمد المشرف ان قوائم الوطنين بتاعتك هذه تخلوا من كل
اسحاق ومحمدين وأدروب وتيه ودينق وشول وعقار ادروتا وحواء
ليس غريبا انه ذهنك لم يستحضر ايا منهم لتضمه لقوائم شرافئك الوهمين؟!
الجنوب ذهب ولم تتعلموا شيئا على فكره ابناء الميرغني و المهدي هؤلاء افضل منكم! لانهم بس انتهازيه!
انتو اخطر لانكم عاملين فيها معارضه وانتو عنصرين اقصائين ودعني اضيف مفلسين!
انتم لا تملكون شيئا لتقدموهوا لهذا الشعب افضل منا ورغم كده مطنقيعن وعايز تواصوا اوهامكم انكم اهل الفهم.
طظ في فهمك وطظ في معارضتكم ذاتها!
الكيمان انفرزت بالجد ولكن ليس لهؤلاء فقط بل لكل المدعين من امثالكم.
اللهم اذهب هنا الاذى الحقيقي يا ربي من هذه المعارضه البائسه.
| |
|
|
|
|
|
|
Re: الحمدلله الذى أذهب عنا هذا الأذى .. (Re: محمد حيدر المشرف)
|
عجزت الاحزاب السودانية ومن خلال تحالفاتها المؤسسة على ما هو أدنى من الحد الأدنى المطلوب لانجاز الحراك الجماهيري الفاعل .. عجزت تماما عن تقديم مشروع سياسي بديل يلهم جماهيرها الثورة ويقدح فيهم شعلة النضال الوطنى ضد الشمولية والخراب الوطنى الشامل والذى حاق بالوطن ..
| |
|
|
|
|
|
|
Re: الحمدلله الذى أذهب عنا هذا الأذى .. (Re: محمد حيدر المشرف)
|
وعندما نتحدث عن الاحزاب السودانيه فاننا فى الواقع نتحدث عن هيئاتها القياديه .. ولربما أفرادا بعينهم فى حالة بعض الاحزاب .. اذن فنحن لا نتحدث عن مؤسسات حزبية تتمتع بعلاقات قيادية ناتجة عن تسلسل منطقى ومتدرج من القاعده الى قمة الهرم القيادى لتكون تعبيرا أمثل عن طموحات وأهداف الجماهير ..
| |
|
|
|
|
|
|
Re: الحمدلله الذى أذهب عنا هذا الأذى .. (Re: محمد حيدر المشرف)
|
وعند النصف من الدوامة, وعند النصف من الوطن .. تسسللت منا تلك القيادات وآثرت استمرار الحال كما هو عليه .. وطن منقوص يحكمه اللصوص .. وهو أفضل عندهم من ثورة تهز فى آخر المطاف اركان سيادتهم المزعومة على الشعب السودانى ؟!! ومن عجائب الامور أن هتف لهم من هم فى غيبوبتهم يعمهون : أن عاش ابو هاشم !!..
| |
|
|
|
|
|
|
Re: الحمدلله الذى أذهب عنا هذا الأذى .. (Re: محمد حيدر المشرف)
|
وطنا البى إسمك كتبنا ورطنا.... ما هو سودانا بنحبو ..وبنعشق تراب واطاطو,,لدرجة الهيام أخونا محمد حيدر المشرف الله يديك العافيه بس ما تلهلِب لينا نيران الشوق فى قلوبنا ونتذكر سودانا الزمان الكان مساحته مليون ميل مربع وجنيهو أبوجمل الكان بساوى :- 3.75 دولار أمريكى 12 ريا ل سعودى
تفتكر يا أخوى محمد , حبوبتى الله يرحمها مش ليها حق لمن كانت بتقول لى:- يا ولدى يا حليل الإنقليز!!!!!!!
| |
|
|
|
|
|
|
Re: الحمدلله الذى أذهب عنا هذا الأذى .. (Re: ABDALLAH ABDALLAH)
|
السيد عبدالله عبدالله
يا أستاذى
رزازاً يبلل أغانى الخليل أصدق كلامك حقيقه وبخاف أخاف الطريق اللى ما بودى ليك وأعاف الصديق اللى ما بهم بيك معاك انتظارى.. ولو بالكفاف
وجميع الأغانى اتكالن علينا نحن أولا, وحتى يكون لنا ذلك التراب ذاك التراب وزمانو الاجمل من زمان الانجليز ! وأجمل من ...
| |
|
|
|
|
|
|
Re: الحمدلله الذى أذهب عنا هذا الأذى .. (Re: Rahma Awad)
|
السيد محمد المشرف كتبت:
Quote: ولى رأى واضح فى لحاق جماهير الشمال الجغرافى بحركات الهامش .. وعلى ذلك نحاول لم الشتات الحاصل .. لنكون شركاء أصيلون فى التغيير .. لا أسرى للتاريخ الاجتماعى ..
شكرا .. |
جماهير الشمال الجغرافي وتعلم تماما انك لست ناطقا باسمها ولا تثملها وانها لا تنتمي جميعها لحزبك تحديدا بل رافضه له.
وسميت حركات التحرر التي تحرك البلاد حاليا بحركات الهامش!!
ونسيت انه بقبلها حركة تحرير كوش هذا اذا عملنا ما عارفين لاين ينتمي مؤتمر البجا!
لما قلنا مهمشين
ظليتوا تنبحوا بانه الشمال كله مهمش!!
في اول منعرج وصفتنا بحركات الهامش للتميز!!
شمالك الجغرافي الفي مخيلتك ده بالله حدد لينا حدوده.
امثالكم يصفهم اخوتي ثوار كوش بضحايا الاسلام عروبيه!!و الاستلاب!
عقلك الباطن يغلبك ويعبر عنك باكثر من كلماتك ونحمد الله ان منحنا القدره للقراءه ما بين السطور.
---------------- شايفه هاف كاس دي واجعاك لسه! نسيت اقول انه شعب شمال السودان المولد هذا كله هاف كاس ايضا! يعني ما تعتبرها مسبه!ياها واقع. وبرجع لك في بوست البندر بهدؤ.
| |
|
|
|
|
|
|
Re: الحمدلله الذى أذهب عنا هذا الأذى .. (Re: محمد حيدر المشرف)
|
طارق جبريل ..
ياخ والله فى اللحظة دى بالتحديد زهجان من شخصنة القضايا .. ومن ضيق الافق الكارثى .. ومن بعض الاشياء .. وتانى انا كويس مافى عوجه ..
كيفك يا الحبيب .. التقول ما صدقت زول قريب يسألنى مالك ؟! وبس ياها "الشكيه لى أب روحا ندية يا عزيزي "
| |
|
|
|
|
|
|
Re: الحمدلله الذى أذهب عنا هذا الأذى .. (Re: محمد حيدر المشرف)
|
طارق الجبلابى ..
وبذهاب هذا الاذى عنا .. آن أوان تمايز الصفوف تماما ما بين مشروعين, بين وطنين وطن بالفيهو نتساوى .. سودان شمالى متحد وديمقراطى, دولة مساواة وحرية وعدالة إجتماعيه أو سودان مرهون للاجندات الاقصائيه والثقافات الآحاديه والصراعات التأريخية .. فمن لا يريد السودان الأخير .. فليعمل من أجل تحقيق الأول ..
تحياتى
| |
|
|
|
|
|
|
Re: الحمدلله الذى أذهب عنا هذا الأذى .. (Re: محمد حيدر المشرف)
|
الأخ محمد
تحياتى لك يالحبيب وأنت تحلم بوطن خير ديموقراطى
Quote: اسحاق ومحمدين وأدروب وتيه ودينق وشول وعقار ادروتا وحواء
|
أطالب المهندس بكرى بأن يعطى هؤلاء الاخوة باسويرد حتى يكتمل تمثيل كل السودانيين بالمنبر
قلتوا لى الزولة ديك اسمها منو مرة تانية ؟
اظن اسمها عوضية ................ برضو ادوها باسويرد
| |
|
|
|
|
|
|
|