السرقة الفنية القاضية .. (العنزة طارت فررر)

Quote: .. أول حاجة كلما تكتبه هنا سيستخدم ضدك وفي البوست دا زاتوو شفت كيف ؟؟ يعني لو مسكنا في الحتة بتاعت السـن دي .. بتتعب معاي .. تعب شديد ومع اني رجل حليم جدا ومؤمن بتاع الاثاثات إنو مسالة العمر دي حنكه عاضي .. وما هي مقياس يتداول بيهو الواحد في البورد دا .. وفي نفس الوقت .. عيب منك .. تقوم تجرح مشاعر مناضلين عديدين في المكان دا بي المسالة بتاعت السن .. انا أحمد الله عمري دا قدمت بيهو حاجات كتيرة مفيدة من ضمنها الحرامية الزيك ديل .. قاعد اطقطقم في المكان دا .. ولو شئت الدقة اكتر .. اها انا لسة الاربعين ما وصلتها رايك شنـو . لا انا لا اساسي صاحبي .. دا لو كان سن الاربعين فيهو ما يعيب .. واوعدك بعدما اقفله بالشكوكة والسكين .. ح اجيك تعمل لي رز بي لبـن في البورد دا .. يا تعمل لي فتة رز .. اللحمة فيها كتيرة وبي قدحة توووم .. بعدين تعال يا حرامي .. قووول كدا نا وصلت الاربعين هجرية أو اي من الاربعينات .. ما سرقته لي حاجة .. ولا عملته رواجات وجلكسات لكن انت ربنا امر بالستر .. وكتار من الاخوان ديل قالو يستروك .. لو دخلنا في برنامج الاعمار بيد الله .. بتتعب معاي لاني بجيب ليك نوعية الصبغة القاعد تصبغ بيها حواجبينك ظاطــووو يعني زي ما تقول كدا .. انا لسة اكان الله ادانا عمر في الدنيا دي .. عايز لي فترة طويلة جدا علشان ابتدي اللقط حبات الشيب الفي راسي واصبغه .. ولما اصل المرحلة بتاعت اشتري لي فتيل صبغة بي خمسة ريال إنت الوكت داك يا خدر بكون باقي حواجبينك (اتحته) .. وحقو تخليك زول عاقل .. وتصلح علاقتك مع بتاعين السعودية العامل ليهم فيها بطل ديل .. علشان يرسلو ليك موية صحة .. والايامات دي طلعت موية جديدة اسمه فيحا .. بتريحك وبتوقف ليك (الحت) بعدين في صبغة احسن من صبغة الطاؤؤس بتاعتك الوهمية الزماااان ديك .. برضو برسلوه ليك مع شوية حنة علشان تتجدع شوية .. يعني تحنن فرده شنب والفردة التانية تديها صبغة إنت دافع حاجة من عندك ..؟ نوعيتك دي يا حرامي حقو تحترم نفسها وما تتكلم في العمر .. وتطول لسانك .. لانو عارفني كويس لساني عامل كيف .. ولو كترتة وزدته والله العظيم الذي لا إله إلا هو .. تتعب معاي تعب .. واحتمال ما تدخل المكان دا إلا بي اذن مني وبي فاتحة كاربه .. قاعد اديها لي مناضلين كتار زيك في البورد دا .. مجرد ما الواحد فيهم رقم تلفونو يظهر لي في الشاشة . .. العمر يا حرامي ما شيتا بعيبو بيهو .. ولو جيت للمسالة دي .. حسع دي اي بوست ليك بدخل جواهو وبطلع ليك الناس الفيهو بالعدد واعمل ليك برنامجي احصائي .. واطلع ليك معدل اعمارم ومفروض الواحد يكتب شنو ويقول شنو .. لكن دي الله ودي حكمتو .. معظم البداخلوك من امثالك حقو تعمل ليهم خاطر وما تجيب حكاية العمر دي .. لانها صعبة عليك .. وعلى الناس القاعده تفتش ليك في مبررات لي سرقتك دي .. دا من ناحية من ناحية أخرى .. بيعجبني الواحد البستعرض في البورد .. ويعمل فيها ضبان ضكـــر ويتصل عليك يقعد يحنس ووالله انا ما قاصد وعليك الله خلني .. تتخيل يا خدر يا حرامي ما انت براك .. كتااار من الجماعة ديل بيعملو نفس حركتك دي .. بالمناسبة: ردك دا .. انا بفتش ليهو من زمان .. بديك فرصة بتاعت عشرة دقايق تعدل فوقو يا تحذفو يا تتصل بي صديق .. بعداك ما على الرسول إلا البلاغ ... عشرة دقايق بس ومرت منها الآن تلاتة دقايق .. لو ما شلته كلامك دا يا اعتذرته .. يا عدلته فوقو .. ح احضر ليك دكتوراة من ردك دا .. وطبعا إنت سيد العارفين .. ولو قمته طلعته من طوري اكتر .. احتمال كبير اجيب ليك شوية من حاجات الرياض .. ونشاطات خدر الطيب .. ومشيت لندن زاتو كيف بس عايز منك طلب .. اوووعك تزعلني كويس ..؟ والله ان كان زعلته .. اتعب ليك البورد دا جنس تعب