|
مُشـــاط كيني & عمر الطيب الدوش . !
|
_________________
يمكنكـ الضغط للتشغيل إن أردت ........................ بيحكوا لامن كُنا في سنة تلاتين ، كان عندنا جامعة ! وفي سنة كم،عندنا مؤتمر خريجين ! وإستقلال ، وسودنة وظائف و و ومشينــا قدام . . ونصل مرحلة وزير خارجية يخاطب العالم بلغة الفرنجة أسياد العالم فيقف له الكل " والأسياد " بالتصفيق والإحترام . ! ! ونتعدى الكلام العادي والغنا العادي ويطلع زول زي عمر الطيب الدوش ويهدينا : بناديها . الود ، والحزن القديم . ويغني وردي بنغمات جديدة تحكي الكلام في شكل تزاوج بين مشروع وردي الموسيقي ومشروع الدوش ( وآخرين ) في الكلام المختلف * • والتعليق البين قوسين قالو د. كمال الجزولي في حلقة شغالة قبل شوية في قناة النيل الأزرق ، وأنا بثرثر معاكم بالكلام الفارغ الفوق ده عشان كدي . الموسيقى الخلفية لكل الكلام الكان بتقال في الحلقة من الناس المُستضافين في الحلقة دي منهم إنسان آخر جميل يوصف الدوش بالفخم والضخم وهو ليس أقل منه قامة . " بريدكـ أنا ياخي يا قدال " . ويا الدوش كلام زوجتك عنك حا يدخلك الجنَة " ويا بت الدوش أقري كلام أبوكـ مثنى وثلاث ، يمكن الجينات تديك إحساس أبوك الفني وتقدري تقري كلامو " ودموع صديقكـ عبد الله ستدخلك الجنة أخذ يردد وانت مافي : بداية الحفلة دلوكة نهاية الحفلة متروكة لاي صنم يشيل كرباج يجلد الحق يخلي الحفلة مربوكة وكلامكـ الكتبتو لينا حا يدخلك الجنة البسوي فرح قدر ده في قلوب الناس ربنا بيجازيهو عليهو يا دوش ، لهذا هو العادل . ..................................
أها نرجع لموضوع ترتيب " إرتقائنا " كشعب يجيد الأشياء بما فيها المُشاط . الآن في ظِل مشروعنا الأخير وصلنا إلى التطور الجديد بحكم الزمن العصري عرض أزياء بثياب سوانية عارضاته سودانيات يمشين الهوينا كما يمشي الوجي الوحل أمام كاميرات المصورين وموسيقى الديسكو الأمريكي خلفية موسيقية ( للمشي الهوينا ده ) وختام لسهرة مشاوير ** كان : تويستي على أنغام إنصاف مدني رقيص عروس بدلوكة خاااالصة بتمايل جسدي لن تسطع " تحية كاريوكا " عليه طلبا وبخور وأهلا بيكم من العاصمة الإندونوسيا جاكرتــا " برنامج آخر جديد " . ** مشاوير برنامج بعد حلقة الشاعر عمر الطيب الدوش ............................................. . . الضل الوقف ما زاد كان كلامكـ حسي بنفتش لي محل كنت بتصوُر " ضُلكم الوقف " يا دوش بختكم بـ " محل " كنتوا واقفين. حسي كان جيت راجع حا تلقى صوفيتكـ الكانت في سبحتكـ الشايلة في آخر ايامكـ راحت شمار في مرقة، وعييييييييييييييييييكـ راحت . بالمناسبة نسيت أقول ليكـ بعد جاء حميدة وزاد الوصف والقول ولخص لينا حالتنا بي " شمار في مرقة " رفعنا إيدنا . _ _ _ _ ________________________________________________________________________________ مشاط كيني إعلان متحركـ أسفل قناة النيل الأزرق ، خبيرة أجنبية من كينيا تمشِط الرأس النسائي السوداني العظيم بمبلغ يُكتب بالأحرف العربية هكذا " فقط خمسون ألف جنيه لا غير" . * المًشاط وعمر الدوش وأغاني السيرة ورسائل الدكتوراة " الحقيقية " على مقعد واحد
|
|
|
|
|
|
|
العنوان |
الكاتب |
Date |
مُشـــاط كيني & عمر الطيب الدوش . ! | عمران حسن صالح | 11-29-11, 10:22 PM |
Re: مُشـــاط كيني & عمر الطيب الدوش . ! | باسط المكي | 11-30-11, 03:22 AM |
Re: مُشـــاط كيني & عمر الطيب الدوش . ! | عمران حسن صالح | 11-30-11, 12:18 PM |
Re: مُشـــاط كيني & عمر الطيب الدوش . ! | سفيان بشير نابرى | 11-30-11, 12:42 PM |
Re: مُشـــاط كيني & عمر الطيب الدوش . ! | عمران حسن صالح | 11-30-11, 08:12 PM |
Re: مُشـــاط كيني & عمر الطيب الدوش . ! | Tayseer Elmobarak | 12-01-11, 10:03 AM |
Re: مُشـــاط كيني & عمر الطيب الدوش . ! | عمران حسن صالح | 12-13-11, 09:08 PM |
Re: مُشـــاط كيني & عمر الطيب الدوش . ! | عمران حسن صالح | 12-13-11, 09:13 PM |
Re: مُشـــاط كيني & عمر الطيب الدوش . ! | محمد عبدالرحمن محمد | 12-13-11, 11:41 PM |
Re: مُشـــاط كيني & عمر الطيب الدوش . ! | عمران حسن صالح | 12-14-11, 09:53 PM |
Re: مُشـــاط كيني & عمر الطيب الدوش . ! | عمران حسن صالح | 12-17-11, 08:10 AM |
|
|
|