|
|
 مُشـــاط كيني & عمر الطيب الدوش . !
|
_________________
يمكنكـ الضغط للتشغيل إن أردت
........................
بيحكوا لامن كُنا في سنة تلاتين ، كان عندنا جامعة !
وفي سنة كم،عندنا مؤتمر خريجين !
وإستقلال ،
وسودنة وظائف
و
و
ومشينــا قدام
.
.
ونصل مرحلة وزير خارجية يخاطب العالم بلغة الفرنجة أسياد العالم فيقف له الكل " والأسياد " بالتصفيق والإحترام .
!
!
ونتعدى الكلام العادي
والغنا العادي
ويطلع زول زي عمر الطيب الدوش
ويهدينا : بناديها .
الود ،
والحزن القديم .
ويغني وردي بنغمات جديدة
تحكي الكلام في شكل تزاوج بين مشروع وردي الموسيقي ومشروع الدوش ( وآخرين ) في الكلام المختلف *
• والتعليق البين قوسين قالو د. كمال الجزولي في حلقة شغالة قبل شوية في قناة النيل الأزرق ، وأنا بثرثر معاكم بالكلام الفارغ الفوق ده عشان كدي .
الموسيقى الخلفية لكل الكلام الكان بتقال في الحلقة من الناس المُستضافين في الحلقة دي منهم إنسان آخر جميل يوصف الدوش بالفخم والضخم وهو ليس أقل منه قامة . " بريدكـ أنا ياخي يا قدال " .
ويا الدوش كلام زوجتك عنك حا يدخلك الجنَة
" ويا بت الدوش أقري كلام أبوكـ مثنى وثلاث ، يمكن الجينات تديك إحساس أبوك الفني وتقدري تقري كلامو "
ودموع صديقكـ عبد الله ستدخلك الجنة
أخذ يردد وانت مافي :
بداية الحفلة دلوكة
نهاية الحفلة متروكة
لاي صنم يشيل كرباج يجلد الحق
يخلي الحفلة مربوكة
وكلامكـ الكتبتو لينا حا يدخلك الجنة
البسوي فرح قدر ده في قلوب الناس ربنا بيجازيهو عليهو يا دوش ،
لهذا هو العادل .
..................................
أها نرجع لموضوع ترتيب " إرتقائنا " كشعب يجيد الأشياء
بما فيها المُشاط .
الآن في ظِل مشروعنا الأخير وصلنا إلى التطور الجديد بحكم الزمن العصري
عرض أزياء بثياب سوانية
عارضاته سودانيات
يمشين الهوينا كما يمشي الوجي الوحل أمام كاميرات المصورين
وموسيقى الديسكو الأمريكي خلفية موسيقية ( للمشي الهوينا ده )
وختام لسهرة مشاوير ** كان :
تويستي على أنغام إنصاف مدني
رقيص عروس بدلوكة خاااالصة
بتمايل جسدي لن تسطع " تحية كاريوكا " عليه طلبا
وبخور
وأهلا بيكم من العاصمة الإندونوسيا جاكرتــا
" برنامج آخر جديد " .
** مشاوير برنامج بعد حلقة الشاعر عمر الطيب الدوش
.............................................
.
.
الضل الوقف ما زاد كان كلامكـ
حسي بنفتش لي محل كنت بتصوُر " ضُلكم الوقف " يا دوش
بختكم بـ " محل " كنتوا واقفين.
حسي كان جيت راجع حا تلقى صوفيتكـ الكانت في سبحتكـ الشايلة في آخر ايامكـ راحت شمار في مرقة،
وعييييييييييييييييييكـ راحت .
بالمناسبة نسيت أقول ليكـ بعد جاء حميدة وزاد الوصف والقول ولخص لينا حالتنا بي " شمار في مرقة " رفعنا إيدنا .
_
_
_
_
________________________________________________________________________________
مشاط كيني إعلان متحركـ أسفل قناة النيل الأزرق ، خبيرة أجنبية من كينيا تمشِط الرأس النسائي السوداني العظيم بمبلغ يُكتب بالأحرف العربية هكذا " فقط خمسون ألف جنيه لا غير" .
* المًشاط وعمر الدوش وأغاني السيرة ورسائل الدكتوراة " الحقيقية " على مقعد واحد
|
|
  
|
|
|
|
|
|
|
 Re: مُشـــاط كيني & عمر الطيب الدوش . ! (Re: باسط المكي)
|
مراحب أخي باسط دي مناحة ليلية يا باسط
في جو الرياض الفجأة صار 7 درجات ومطر مستمر لأكثر من عشرة ساعات
ويوم طويييييييييييييييل
يعني كان واصلت إلا أجيب فيديو رقيص العروس العملتو البت النضيفة بعد برنامج الدوش 
الأمر مُعقَد يا باسط
_______________________
إن شاء الله محترفي التوثيق يزورونــا هنا
| |
|
|
|
|
|
|
|
|
|
Re: مُشـــاط كيني & عمر الطيب الدوش . ! (Re: سفيان بشير نابرى)
|
ويا الله عليكـ إنت يا سفيان العايز حجوة النوم تكون من كلام القدال .
___________
يتحدث سمير عطا الله بمرارة كعادته عن :
( ماذا فعلنا حتى الآن ، كشعوب .
ماذا كانت النتيجة ؟
وبدأ يعدد في الحاجات من نسبة التقدم السالبة إلى زراعة وصناعة فاشلة وحرب العراق وحرورب الحدود وانقلابات و " تصحر سياسي في السودان " ) انتهى .
أسوأ صفات بسبب هذا التصحر صارت من كثرتها لا تُذكر، فالعنوان الأساسي هو الأعلى وباقي " الخيبات " تأتي بعده
http://www.aawsat.com/leader.asp?section=3&is...%E1%E1%E5&state=true
_______________________________________
وين المشكلة إنو يكون في إعلان عن وصول خبيرة كينية للمُشاط ؟
| |
|
|
|
|
|
|
|
|
|
Re: مُشـــاط كيني & عمر الطيب الدوش . ! (Re: عمران حسن صالح)
|
شاهدت الحلقة المرة الأولى ... و لم أستطع ان أشاهد الإعادة ... أرى ان المجهود الذي بذل في الحلقة أقل بكثييييير مما يستحقه الدوش ...
و ...
سحابات الهموم يا ليل بكن بين السكات و القول
و باقات النجوم الجن يعزن في المطر
فاتن عزاك رجعن ...
و نحن فاتنا أي شيء جميل في السودان...
شكراً ياخ ... شكراً كتير...
| |
|
|
|
|
|
|
|
|
|
Re: مُشـــاط كيني & عمر الطيب الدوش . ! (Re: Tayseer Elmobarak)
|
Quote: سحابات الهموم يا ليل بكن بين السكات و القول
و باقات النجوم الجن يعزن في المطر
فاتن عزاك رجعن ... |
والله العظيم لازم أعتذر أولاً يا Tayseer Elmobara
بصراحة البوست ده نسيتو
كان لحظة ألم في وكتها حبيت أشاركـ بيهو من يعرفون كلمات الدوش
مختلطة بإعلان عن المشاطة الكينية
شعرت بالإستفزاز بينما كان يفعل الدوش
وما وصل له حالنــا
اليوم الأخ نابري علَق على هذا البوست في بوست آخر : بالتميز
اندهشت لذاكرتي الراحت
وفوجئت بأن هنالكـ مُداخلة لم أراها .
لكـ العتبى حتى ترضى
| |
|
|
|
|
|
|
|
|
 Re: مُشـــاط كيني & عمر الطيب الدوش . ! (Re: عمران حسن صالح)
|
أماني أكان ختيتلنا الود كمان فشان نتم الكيف
الود يا عمران،
كلماته تنعد علي اللصابع
مراميها تفوت الأفق غادي
جننت وردي ولّا جنّنا وردي آبخبرو
لحّنا بالطنبور
مَحّن آندريا رايدر
قاموا، وردي ورايدر;
ساطو وخلتو الطمبور والكمان والبيانو
وعجنوهن معا كلام عمر الدوش
مَرقولنا بي دوا يعاجي كل الهموم
-
عليك دينك يا عمران إما جبتها هني
علي الأقل تزيلنا بيها حموضة المشاط الكيني ده، القرّب يتاورلي القرحه
-
سلام عليك يا عمر في عليائك
[المطرطش]
| |
|
|
|
|
|
|
| |
عمران حسن صالح
باسط المكي
سفيان بشير نابرى
محمد عبدالرحمن محمد
فيس بوك
تويتر
انستقرام
يوتيوب
بنتيريست