|
أعدمو عبد المنعم رحمه، أقتلو محمد عثمان المرغنى، اقتلوا الصادق المهدى!
|
ماذا يريد الوطن من الشعراء؟
اعدموهم، فهم مرتكبى جريمة نظم الكلام كيفما إتفق!
ماذا يريد الوطن من محمد عثمان الميرغنى والصادق المهدى؟
اقتلهوهم فهم مرتكبى جريمة القحط الروحى وانسنة الجلاد!
ماذا سيكسب العالم من موت الشاعر منعم رحمه؟
أعوام بدون كلمات وضيئة وحلوة الطعم!
ماذا سيكسب العالم بدون حياة الصادق المهدى ومحمد عثمان الميرغنى؟
وطن أراحه الله من الاذى!
فاليذهبوا جميعا!
|
|
|
|
|
|
|
|
Re: أعدمو عبد المنعم رحمه، أقتلو محمد عثمان المرغنى، اقتلوا الصادق الم (Re: Khalid Kodi)
|
السيد المحترم الدكتور /خالد كودي
شيخ قبيلة الكوداب
بعد السلام عليكم
يا اخي خليك محضر خير...... كلهم ما يعدموهم.... لا يعدمو عبد المنعم ....ولا يعدمو الصادق..لا يعدمو الميرغني...... اصلو غير الاعدام ما عندك رأي أفو..انت راجلن ماك ساهل.....
ورقة تانية وملفوفة وختيتها ليك في جيبك من غير يشوفني زول:-
عليك الله اتوسط لي عن صاحبك بكري دا...ما يعدم لي بوصطاتي...... ديمة يعدم فيهن
باقي هو صاحبن ليكم وبي يريدكم
التوقيع
سجيمان ذو الكديسة
| |
|
|
|
|
|
|
Re: أعدمو عبد المنعم رحمه، أقتلو محمد عثمان المرغنى، اقتلوا الصادق الم (Re: سجيمان)
|
الدكتور أبوكديسه سجيمان،
فى هذا الزمن السيريالى توقع أن عارضت نظام هذا الانقاذ أن يأتوا بقطتك (بكديستك) الوحيده فيذبحوها أمام عينيك ثم يصنعوا منها بعض الحساء (الشوربه) ثم يصنعوا منها الفته ليطعموا سيدياى الميرغنى والمهدى وحواريهم على أن ياكلوا لحم القطه، قطتك الوحيده فتصبح سجيمان الماأبوكديس!
فى هذا الوقت ، والنظام فى قمة هوسه ولامعقوليته يتبختر زبانبته شمالا ويمينا يطاردون الناس ويقتلوهم ويصدرون الاحكام بإعدامات الشعراء والمبدعين هذا بعد أن أشبعوهم سجنا وتعذيبا وإعتصابا!
فى هذا الوقت يتبارى هؤلاء الاسياد فى مشاركة هذا الفاشى فى جرمه الصراح!!
ليعلن الشعراء والمثقفين دفاعهم عن أنفسهم وعن رفاقهم!
قاليموتوا غير مأسوف عليهم.
ويابكرى أبوبكر أترك لسجيمان بوستاته السجمانه .
مع التحية
| |
|
|
|
|
|
|
Re: أعدمو عبد المنعم رحمه، أقتلو محمد عثمان المرغنى، اقتلوا الصادق الم (Re: عزام حسن فرح)
|
طَيِب.. عبدالمنعم رحمه أكان وزير في حكومة "مالِك عقار" عضو الحركة الشعبِية لِتحرير السودان
Quote: { حصلت (الأهرام اليوم) على معلومات مؤكدة تفيد بأن الحسابات الشخصية للسيد «مالك عقار» الوالي المقال لولاية النيل الأزرق تحوي نحو (7) مليارات جنيه سوداني. فيما يمتلك نحو (18) منزلاً وقطعة أرض ومزرعة مساحتها (15) فداناً وتتوزع العقارات بين الخرطوم (أركويت، المعمورة) و«الدمازين» و«جوبا» فيما يمتلك (6) سيارات إحداها من طراز «همر»، وثانية ماركة «جي. أم. سي» في «جوبا»، إضافة إلى (3) سيارات تابعة لمركز «عقار» الثقافي، وأوصى «عقار» حسب وصيته في إقرار قانوني بتوزيع ثروته على أبنائه وبناته وزوجاته «الست» وأوصى عقار - طبقاً للوثيقة الصادرة بتاريخ 31/8/2009م - بمنح منزل وقطعة لكل ابن أو ابنة إضافة إلى زوجاته وفق تفصيل محدد، فمثلاً يوصي بمنح قطعة أرض بمدينة «جوبا» وأخرى بالدمازين لابنته «لوسي» وزوجته (الجنوبية) «ليليان روبن» مع تمليك «لوسي» السيارة «جي. ام. سي».. { ولا يعرف ما هي الأسباب التي دعت «عقار» إلى كتابة وصيته في أغسطس من العام 2009م!! هل كان يستشعر خطراً على حياته في ذلك الوقت.. أم أنه يؤمن بأهمية توزيع (الأملاك) على (الورثة) قبل الممات وفق رؤية خاصة، لا علاقة لها بالشرع؟! { في ما يلي تفاصيل الممتلكات (العقارية) للسيد «عقار»: (1) منزل بالقطعة رقم (153) مربع (61) حي أركويت - الخرطوم. (2) المنزل المشيد بالقطعة رقم (70) مربع (33) الملاصق لمركز مالك الثقافي. (3) منزل خاص به ووالدته. (4) المنزل بحي الطائف بالدمازين. (5) القطعة رقم (14) مربع (24) بالدمازين (غير مشيدة). (6) منزل بحي الربيع - مدينة الدمازين. (7) قطعة رقم (69) مربع (33) ملاصقة لمركز مالك الثقافي. (8) قطعة رقم (3) مربع (24) غير مشيدة. (9) قطعة رقم (683) مربع (3ك) (جوبا). (10) قطعة رقم (13) مربع (24) الدمازين. (11) منزل على القطعة رقم (212) مربع (69) المعمورة - الخرطوم. (12) منزل على القطعة رقم (211) مربع (69) المعمورة - الخرطوم. (13) قطعة رقم (100) مربع (4) الأزهري - الخرطوم. (14) مزرعة رقم (133) بمساحة (15) فداناً على النيل بها (200) شجرة ليمون وغيرها. (15) قطع بمربع (33) لصالح مركز مالك الثقافي. (16) منزل بمدينة «باو» يبقى مملوكاً للأسرة. (17) منزل بالكرمك للأسرة. (18) قطعة (بجوبا) بالرقم (850) مربع (3ك). (19) المبالغ النقدية يشارك فيها الأبناء. (20) المركبات التي تخص مركز مالك تبقى لخدمة المركز (3) سيارات: (2) تايوتا هارتوب ديزل، واحد بوكس تايوتا دبل كاب. (21) المركبات الخاصة: عربة «همر» لصالح ابنته «لينا»، وتايوتا هارتوب ديزل لصالح ابنه «عقار»، تايوتا هارتب أوصى بها لابنه «أبو لكيك»، تايوتا دبل كاب ديزل لصالح ابنته «شادية»، عربة «جي. إم. سي» لصالح ابنته «لوسي» في جوبا، تايوتا دبل كاب ديزل أوصى بها لصالح «سلوى». |
المصدر: http://www.alahramsd.com/ah_news/23782.html
في المصدر، صورة مِن وصِية مالِك عقار.. طَيِب حَيِجي زول يِقول "عبدالمنعم رحمه" شِن دخلو بِـ"مالِك عقار" بإفْتِراض إنو خبر الصحيفة صحيح؟! الدخلو هو الدخل "نافِع علي نافِع" مع "البشير".. الدخل رِقيص البشير مع أعمال القتل التي إقْترفتها الإنقاذ..
| |
|
|
|
|
|
|
Re: أعدمو عبد المنعم رحمه، أقتلو محمد عثمان المرغنى، اقتلوا الصادق الم (Re: عزام حسن فرح)
|
أنا في الحقيقة ما عارِف "عبدالمنعم رحمه" والمعاهو قبضوهم بالضبط في شنو.. والإنقاذ مُمْكِن تلفِق أي حاجة لأي زول في أي وقت، ده معلوم.. بس بإفْتِراض إنو "عبدالمنعم رحمه" والمعاهو مُنْتسِبين لِما يُعرف بِـ[الحركة الشعبِية لتحرير السودان/قطاع الشِمال] يبقى ديل أعداء لِلسودان زَيهُم وزي الإنقاذ وااااحد يعلم الله
تحرِرو لينا شنو يا ناس "الحركة الشعبِية لِتحرير السودان"؟! [البِحرِرك مِن سيدك، ببقى سيدك] مثل قطِع أخدر حرم في التَو واللحظة
| |
|
|
|
|
|
|
Re: أعدمو عبد المنعم رحمه، أقتلو محمد عثمان المرغنى، اقتلوا الصادق الم (Re: عزام حسن فرح)
|
إسترسل عزام فرح وتمخض ليصل الى أن الحكم بالاعدام على منعم رحمه لم يصدر عليه لشعره إنما لموقعه السياسى وإنتماءه ... الخ الاخ..
فمنعم رحمه شغل منصب المستشار الثقافى للسيد مالك عقار الحاكم المنتخب فى النيل الازرق!
ياعزام ياحسن يافرح،
الشعراء (الجد جد) ياتون بأقوالهم من مايؤمنون به ، فالشعر حاله حياتية يتداخل فيها الذاتى والموضوعى بدرجة لايمكن تمييزها ليذا يبشروا بفكرة (الغد إياه)!
فمنعم شاعرا فى كامل التقويم، فإن إتخذ موقع (مستشارا ثقافيا) فى إحدى ولايات هامش السودان فى زمن جلاد شرس لايعرف للأنسانية طريقا... فالشاعر (راقدلو فوق راى)... وكما ترى قبل ان يرى رأيه النور كلمات منظومة ومشاريعا ثقافية راقية تنادى بالثورة والحب فى زمن القمع والقبح.. قبل هذا نادوا بإعدامه!!!
فإن صدر الحكم بإعدم الشاعر عبد المنعم رحمه لشعره او لموقفه السياسى كمستشار ثقافه ... هل أى من الموقعين يبرر إصدرا حكما بالاعدام بحق الاستاذ منعم رحمه؟
.
| |
|
|
|
|
|
|
Re: أعدمو عبد المنعم رحمه، أقتلو محمد عثمان المرغنى، اقتلوا الصادق الم (Re: Abdelmuhsin Said)
|
Quote: يا استاذ خالد كودي ممكن لو سمحت تعرض علينا نماذج من شعر عبد المنعم رحمة، عشان نقدر علي أساسها نحدد موقفنا: اعدام الشاعر او اطلاق سراحه. لأنو بصراحة كده اذا كان شعره بيشبه شعر ياسر عرمان انا افضل تأييد حكم الاعدام عليهم هم الاتنين. |
Abdelmuhsin Said طبعا، فى زمن تصدر فيه أحكام الاعدام على الشعراء والمثقفين لابد من وجود مستنقعين ليصفقواعلى أقذر الالاعيب..
| |
|
|
|
|
|
|
Re: أعدمو عبد المنعم رحمه، أقتلو محمد عثمان المرغنى، اقتلوا الصادق الم (Re: Khalid Kodi)
|
Quote: فى زمن تصدر فيه أحكام الاعدام على الشعراء والمثقفين لابد من وجود مستنقعين ليصفقوا |
يا استاذ خالد كودي النصيحة انا كلمة مستنقعين دي ما مرت علي قبل كده، لكين بصفتي واحد من المستنقعين حسب وصفك عايز اقول ليك حاجة.. حمل السلاح ضد الدولة واعلان الحرب عليها سواء كان من قبل مناضلين حقيقيين او مزيفين او حتي مهربي مخدرات شئ كبير جدا وتكلفته كبيرة جدا. والراجل ده قال حيحررنا وحمل السلاح ووقع في يد الحكومة والحكومة حكمت عليهو بالاعدام. سؤالي ليك هو نفس سؤال عزام: هو الراجل ده حاكموه عشان شعره ولا عشان حمل السلاح واعلن الحرب وداير يفتح نار علي الجيش؟ طيب موضوع الشعر دخله شنو هنا؟ وشنو حكاية سلطة تقتل الشعراء الطلعت لينا فى الكفر دي؟ يعني الزول ده لو ما كان شاعر وكان خفير فى المستشفي ما بفك الحرف كان ممكن يعدموه كده وخلاص .. طالما انه ما شاعر وما مبدع؟ وبعدين الشاعر بتاعكم ده حكموا عليه براه ولا حكموا علي غيره برضو؟ طيب التانين الحكموا عليهم بالاعدام وهم ما شعراء ديل ديل حيحصل عليهم شنو؟ يمشوا يتعلموا كتابه الشعر بسرعة عشان حملات المبدعين دي تقوم ليهم؟ و بعدين تعال نكلمك .. انت وانا والناس الهايصة دي كلها عارفة زي جوع بطونها انو الحكم ده ما حيتنفذ ولا حاجة. وناس عبد العزيز نور عشر الدخلوا العاصمة فعلا واقتحموها بالسلاح ومحكوم عليهم بالاعدام قبل سنين قاعدين جوه السجن فى امانة الله لي يوم الليلة وبمتحنوا للماجستيرات وما بعدها ومافي زول هبشهم .. وانت البوست بتاعك ده فتحتو عشان تنتهز الفرصة وتركب ليك موجة نضالية مجانية. مش كدة؟ وبعد ده كلو جاي تستعرض علي وتقول لي مستنقعين وما مستنقعين .. يا مستنقع.
| |
|
|
|
|
|
|
Re: أعدمو عبد المنعم رحمه، أقتلو محمد عثمان المرغنى، اقتلوا الصادق الم (Re: Abdelmuhsin Said)
|
عندى تعليق للاستاذ عبدالمحسن فى جزئية اليقين الذى عنده أن حكم الاعدام لن ينفذ .. وكنت قرأت للاخ أحمد موسي بوست بهذا المعنى تقريباً.. ونتمنى ذلك ولكن .. يحكى لنا التأريخ ذات المشهد فى يوليو 71 .. لم يتوقع أحد أن يعدم عبدالخالق والشفيع وصحبهم !.. ويحكى لنا التأريخ أن أكثر الناس تشاؤماً لم يتوقع تنفيذ حكم الاعدام الصادر فى حق الاستاذ والشيخ الثمانينى محمود محمد طه !.. ومن كان يتصور مجرد التصور أن يعدم العسكر ولو كانوا كمثل هذا البشير , 28 من زملاؤهم وفى رمضان ؟ هذا بالاضافة لمسألة مهمة جدا . وهى صدور حكم الإعدام فى ذاته .. وذلك يعنى إلزام تنفيذه ما رأى الناس حول اصدار احكام قضائية بسلب حياة الناس وتكون غير ملزمة فى ذات الوقت ؟! هل هذا نوع من العبث المتاح للدوله ولقضاءها ؟!!
| |
|
|
|
|
|
|
Re: أعدمو خالد كودي فلا فائدة منه (Re: محمد حيدر المشرف)
|
بالله شوف الزول دا ؟؟
منعم قعد في البلد وناضل من الداخل ما فكاالبيرق
وبقى مناضل من بوسطن.
انت عايزهم يعدموا منعم عشان يكون موضوع حقوق انسان وكم معرض وكم قنبرة في نجيلة في الويكند
منعم لازم يعيش عشان يميز بين المعارض الحقيقي والمعارض الوهم..
| |
|
|
|
|
|
|
Re: أعدمو خالد كودي فلا فائدة منه (Re: عزام حسن فرح)
|
مُصنف تحت بند "إسْترسال"
Quote: في شاعر بقتل ليهو مواطنين عزل ويصفي الناس بالسلاح؟
ده مستشار حكومة عقار للشئون الثقافية وشارك في القتال وقبض عليه وهو يحمل السلاح وشاهده الناس وهو يقتل ويأمر بالقتل واعترف الاسرى الذين معه بكل جرائمه
هو عضو بالحركة الشعبية التي روعت المواطنين في احداث النيل الازرق ومعاهو اخرين منهم واحد فتح النار في «7» مواطنين وارداهم قتلى في الأحداث الأخيرة من ضمنهم إمام مسجد منطقة اسمها مقذرة بولاية النيل الأزرق لانهم لم يستجيبوا لاوامر عقار والانضمام للتمرد
القتلة ديل مفتوحة فيهم بلاغات من اهل المواطنين المقتولين وقبضتهم القوات المسلحة وتم تقديمهم للمحاكمة بمدينة سنجة والمحاكمات كانت علنية ومفتوحة وشهدها اهل سنجة
واحد منهم اسمه «مِن الله عبد الله» هو جندي يتبع للحركة الشعبية وسجل اعترافاً قضائياً أمام قاضي المحكمة الجنائية بسنجة بالتهمة الموجهة إليه مبيناً أنه قد تم القبض عليه مع عدة متهمين آخرين منهم الشاعر (بتاع الرمادي) كانوا مشاركين في الأحداث الأخيرة |
المصدر: http://www.sudanforum.net/showthread.php?t=138904
| |
|
|
|
|
|
|
Re: أعدمو خالد كودي فلا فائدة منه (Re: عزام حسن فرح)
|
Quote: نداء للتضامن مع الأستاذ عبد المنعم رحمة الله تأكد اعتقال الأستاذ عبد المنعم رحمة الله بمدينة الدمازين منذ الثاني من سبتمبر الجاري . وهو شاعر وقاص ، ومعروف في الحياة الفكرية والثقافية السودانية، ساهم في إثراء المنتديات الأدبية بالعاصمة الخرطوم ومدني والحصاحيصا منذ الثمانينات، فضلاً عن مشاركاته وعضويته في الروابط الإقليمية العربية والإفريقية، وعضويته الفاعلة في إتحاد الكتاب السودانيين قبل انقلاب الإنقاذ وما بعد اتفاقية السلام الشامل. وهو رئيس منظمة ( سودانا) الثقافية . وأحد مؤسسي صحيفة ( أجراس الحرية) ، ساهم في صوغ رؤيتها وسياستها التحريرية، وعمل مديراً إدارياً لها، وتم تعيينه لاحقاً مستشارا ثقافياً بولاية النيل الأزرق في العام 2009م . وأسهم عبد المنعم رحمة الله في تأسيس أنشطة المسرح المتجول من أجل بناء السلام في مختلف مناطق السودان، واشرف على عدد من المهرجانات والفعاليات الثقافية والفنية بعد عمله مستشاراً ثقافياً بمدينة الدمازين. وظل طيلة انخراطه في العمل العام ناشطاً في العمل المدني والثقافي الأدبي. |
المصدر: http://www.sudanforum.net/showthread.php?t=138904
| |
|
|
|
|
|
|
Re: أعدمو خالد كودي فلا فائدة منه (Re: عزام حسن فرح)
|
خالد كودي
Quote: فمنعم رحمه شغل منصب المستشار الثقافى للسيد مالك عقار الحاكم المنتخب فى النيل الازرق!
|
بِالله! يا سلام!
ودي ما كتبتها مِن التبادي مالك؟!
المعلومة دي أنا ده عزام فرح -الذي إسْترسل- الكتبتها..
السؤال: [إنت المعلومة دي، يعني كَوْنو "عبدالمعنم رحمه" مُسْتشار في حكومة مالِك عقار (والأخير مُرشح الحركة الشعبية لِتحرير السودان) ليه ما ذكرتها في معرض نِداءك الدرعت فوقو شاعِرِية "عبدالمنعم رحمه"]؟
عِندك إتْنين يا خوي: (1) ما كُنت عارِف المعلومة دي. (2) أخفَيت المعلومة عن قصد.
بِإفْتراض إنك حتختار الإجابة رقم (2) حيظهر لينا سؤال برضو: - إنت أخفيت المعلومة دي ليه؟
وفي سؤالين تانيات بِالله علشان الشفافِية وكِده: (1) إنت يا خالِد كودي "حركة شعبِية" ولا ما "حركة شعبِية"؟ (2) عبدالمنعم رحمه "حركة شعبِية" ولا ما "حركة شعبِية"؟
| |
|
|
|
|
|
|
Re: أعدمو خالد كودي فلا فائدة منه (Re: عزام حسن فرح)
|
يا عزام هسة كان كتبو ليك إعدام (المهندس) فلان .. كان عملت الغاغة دى ..
وبعدين المصدر بتاع فور أول .. كيف بتقدر مسؤليتو .. ياهو لنك جبتو .. هسة كلامك ده ما ممكن يطلع بى لنك .. ممكن يكون مصدر؟ رحمة كان قبضوهو بسلاحو .. يبقى أرجل منك ومنى .. بطل تحبيشات ياخ .. وحاول تبقى واضح ..
بتعلن أنك غير موافق على الحكومة .. وما عاجبك أسلوب المعارضة .. وقاعد ليهم فى حلقم .. على أى أساس ياخ .. ورينا أساس معارضتك أنت .. يمكن نسيبم ونتابعك ..
معقولة ياخ جايب ليك زابط يدين رحمة .. عشان تدحص كلام كودى .. طيب أنت رأيك شنو فى هجوم الحكومة؟؟
وبعدين قررت (خيانة) الحركة .. لإرتباطها بالجنوب (القديم) .. على أى أساس .. هل خان الجنوب لأنه نال إستقلاله .. أنفصال الجنوب لا يعنى إنتهاء الحركة الشعبية لتحرير السودان .. يعنى فقط إنفصال الحنوبيين عنها بعد الإستقلال .. ويبقى الشماليين على العهد والنضال .. أنت البزعلك شنو .,
يا عزام قل خير أو فأصمت .. أو أيد الإنقاذ نهاراً جهاراً وتكون صاحب حق رضينا أو أبينا ..
أو صح قول خالد
Quote: طبعا، فى زمن تصدر فيه أحكام الاعدام على الشعراء والمثقفين لابد من وجود مستنقعين ليصفقواعلى أقذر الالاعيب.. |
| |
|
|
|
|
|
|
Re: أعدمو خالد كودي فلا فائدة منه (Re: رأفت ميلاد)
|
رأفت ميلاد
Quote: في شاعر بقتل ليهو مواطنين عزل ويصفي الناس بالسلاح؟
ده مستشار حكومة عقار للشئون الثقافية وشارك في القتال وقبض عليه وهو يحمل السلاح وشاهده الناس وهو يقتل ويأمر بالقتل واعترف الاسرى الذين معه بكل جرائمه
هو عضو بالحركة الشعبية التي روعت المواطنين في احداث النيل الازرق ومعاهو اخرين منهم واحد فتح النار في «7» مواطنين وارداهم قتلى في الأحداث الأخيرة من ضمنهم إمام مسجد منطقة اسمها مقذرة بولاية النيل الأزرق لانهم لم يستجيبوا لاوامر عقار والانضمام للتمرد
القتلة ديل مفتوحة فيهم بلاغات من اهل المواطنين المقتولين وقبضتهم القوات المسلحة وتم تقديمهم للمحاكمة بمدينة سنجة والمحاكمات كانت علنية ومفتوحة وشهدها اهل سنجة
واحد منهم اسمه «مِن الله عبد الله» هو جندي يتبع للحركة الشعبية وسجل اعترافاً قضائياً أمام قاضي المحكمة الجنائية بسنجة بالتهمة الموجهة إليه مبيناً أنه قد تم القبض عليه مع عدة متهمين آخرين منهم الشاعر (بتاع الرمادي) كانوا مشاركين في الأحداث الأخيرة |
طالما أنا أرفقت مع الإقْتِباس "رابِط" يبقى ماف عندي أجِنْدة.. كان مُمْكِن أتبنى الكلام ده براي، وأسويهو رأي أنا ده.. وأنا كان بِهمني "إنْتِماء" عبدالمنعم رحمه + هل شارك في أعمال قتل ولا ما شارك ــــــــــــ وفي شأن وضوح مَوقِفي الأنت طالبتني بيهو، كتبت في تاريخ 13/ينايِر/2011م:
Quote: قِطاع الشِمال
سمعنا في الأخبار إنو "ياسر عرمان" لازال يتكلم عن مكتب للحركة الشعبية في قِطاع الشِمال بعد الإنْفِصال، والله الكلام ده غريب جِدًا، على أساس شنو حيقوم ها المكتب؟ الجنوب حينذاك حيكون دَولة أجنبِية، كيف يِكون ليها مكتب وحِزب في بلد تانِية؟! على كِده برضو حيجي زول ويطلب فتح لينا مكتب في نواحي جامِع فاروق، لِحِزب "الوفد" المِصري، بإعْتِبار إنو مِصر والسودان كانو حِته واحدة.. وكِده! دي ياها زي دي، ياسِر عرمان إذا كان عاوِز كسِر رقبه يدرع في رقبتو نير السِياسة ويِحْرِد بيهو حواشة الوهم، حقو يسيب حِكاية "قِطاع الشِمال" دي نوهائي، ويِنْجِر ليهو مُسَمى تانِية، ياخ الصادِق المهدي هدا ناجِر لينا قريب عُشْرُمِية مُسمى، الحِكاية ساهلة، لامِن تدور تمرُق تقول "خارِجون" ولامِن تصُد تقول "عائِدون" هسِع دي دايرالا شي! لو قام مكتب "قِطاع الشِمال" والله ناس المُهندِس/ الطَيِب مُصطفى –خال البشير- البعرفو ده عِلا يخلي حجازو معاكم صقر الجو، وما تقول كمان بعد الإنْفِصال المُهندِس/ الطَيِب مُصطفى –خال البشير- حيبقى خالي مَوضوع، تاني في شنو عاد يتْعنصرو فوقو، أصْبحنا كُلنا أولاد بلد نقعد ونقوم على كيفنا هييييع أنا أخوك إتْ.
|
وكتبت في تاريخ 12/مارِس/2011م
Quote: في يوليو 2011م-مَوعِد إنْفِصال جنوب السودان رسمِيًا- ستُصنف "الجنوب" كدَولة قائِمة بِذاتِها، وأي أذرُع أو مؤيِدين لها في الجزء الشمالي من السودان، سَوف يُعْتبرون في حُكم "الطابور الخامِس" فقد كان بَين الطرفَين حرب دامت 55 سنة أُزْهِقت فيها [2] مليون إنسان وتشرد مثلهُم، عِند الإنفِصال سَوف تُعتبر "جنوب السودان" دَولة قائِمة بِذاتِها مثلها ومِثل "مِصر" و"تشاد" وسَوف تُولي "الإنقاذ" عِناية خاصة لِكِبار الساسة المحسوبين "حركة شعبية" مِثل عبدالعزيز الحلو وياسِر عرمان... إلخ وسَوف لن يقبل أغلب سُكان الشِمال بتنظيم وزعامات بِفِكر "حركة شعبية" وهذا الإتفاق النادِر بَين الكيزان والشعب، سَوف يكون بِمثابة إقرار شعبي للإنقاذ بِشرعِيتِها، فعِند الخطر تتَوحد المُخْتلِفين، وإبقاء فِكر "الحركة الشعبية" في شِمال السودان بعد قِيام دولة لهُم، مُثير.
تعَيين عبدالعزيز الحلو بِداية نِهاية رجُل قَوي، فعلت "الحركة الشعبِية" ذلِك مع رجلها القوي -حينذاك- ياسِر عرمان، عِند ترشيحِهِ لِسُدة الرئاسة بدلاً عن "سلفا كير" فإنتهى الحال بِالأخير رئيسًا ورمزًا لِدَولة "جنوب السودان" وإنتهى الحال بِياسِر عرمان، بِتلقي إتِهامات ضده مِن داخِل "الحركة الشعبِية" أدت إلى لفظِهِ، فأخذ بِنَجَر مُسميات لِمكتبِهِ في الشِمال، وتجميع فلول مؤيدي "الحركة الشعبِية" الذين تواروا.
|
المصدر: المَوقِف السياسي2
| |
|
|
|
|
|
|
Re: أعدمو خالد كودي فلا فائدة منه (Re: رأفت ميلاد)
|
شوف يا عزام .. أولاً شكراً على الرصيد .. وكان ما عندك عندى رصيد .. كان أهملتك مثل كثيرين هنا ., يا عزام أنت لخصت الحاصل بدون رتوش Quote: - الإنقاذ حكومة قتلت ونهبت وإغتصبت (حكم + بشر) وشردت، علشان كِده أنا مُعارِض ليها. - المُعارضة بقى خشُم بِيوت يا خوي:- - المُعارضة الإسفيرِية وديل ناس نِقه سااااي يعلم الله ورصيدُم مِن "الجِهاد" لامِن كانو في أرض الواقِع "صفر" - المُعارضة الواقعِية وديل أمس واليوم وغدًا مربوطين بالمهدي والميرغني والترابي ولا خَير فيهن البته. |
بإختصار رغم تحاملك .. أنت لخصت حال البلد كاملاً .. المعارضة للحكومة مفترض تكون فى جزب سياسى .. لكنها بقت فى من هب ودب .. الموضوع جلى ياخ .. دى معارضة .. دى ثورة .. ليه ياخ بتسبح عكس التيار ..
بحكى واحد فى مظاهرات أكتوبر بعد مقتل القرشى .. الناس بتهتف (مقتل طالب .. مقتل أمة) .. واحد فى النص بصرخ مع الهتاف (تقتل طالب ,, نقتل أمك) .. هل بساطة فهمو .. تعنى عدم ثوريتو ,,
بعدين ده توصل عجيب الحقائق Quote: الحركة الشعبِية بِالنسبة لي ولآخرين جسم غريب، والشِمالِيين لامِن يتحررو مِن "الإنقاذ" ما مفروض يسْتعينوا بِدَولة أجنبِية |
ده إستنتاج تقريرى .. جزء كبير من السودانيين أنضم للحركة الشعبية .. الجنوب أنفصل بإستفتاء .. لم تقتلعه الحركة .. الحركة لم تكن تمثل كل الجنوب .. أفراد الحركة فى الجنوب لهم الحق قى الإحتفاظ بأسمهم .. وفى الشمال أؤضاً
| |
|
|
|
|
|
|
Re: ما عايزين إعدامات عايزين ثورة حقيقية (Re: محمد النيل)
|
محمد النيل كيف حالك؟ علك طَيِب
Quote: هسع يردوا ليك على شنو ول يخلوا ليك شنو يا عزام |
أنا برُد على كلام "رأفت ميلاد" وبَينت ليهو بِوضوح الحاجات المؤمِن بيها حتى تاريخو.. إنت مُمْكِن ترُد على كلامي جُزء جُزء.. وعلى أقل مِن مهلك.. ماف إسْتعجال.. رُد على البِيليك
ــــــــــــــ
Quote: إنت أغرقت المنبر بالكتابة الكتيرة لتصعب للناس الرد على مداخلاتك |
بِكون قصدك "العمود" لأن "المنبر" أنا عندي فوقو عمودين بس لغاية هسع ــــــــــــــ
عاد نهمِل مُداخلة نُنْعت بِالهروب.. نعتني بيها تقولو "بالك طويل خلاس" وتكون ما شُكُر.. عاد شِنْ نسوو؟!
| |
|
|
|
|
|
|
Re: ما عايزين إعدامات عايزين ثورة حقيقية (Re: انعام حيمورة)
|
صباح الخير يا عزام
ياخ بصراحة طريقة نقاشك دى أستنفاد للطاقة .. يعنى الواحد مستنى منك رد .. يلقى نفسو هو البرد .. وتبقى طاحونة مدورة .. والمستفيد زول غيرنا .. من المفترض نكون يد واحدة ضدو .. وهو (الإنقاذ) .. الخسارة هى (تكسيح) المقاديف فى طريق الثورة ..
أنت بتقول: Quote: - أنا ضِد الإنقاذ. - أنا ضِد ما يُعرف بِالحركة الشعبِية لتحرير السودان - قطاع الشمال. - أنا ما ببِت في أمر "عبدالمنعم رحمه" لغاية ما أعرِف وأتأكد مِن إنو ما شارك في أي أعمال قتل في النيل الأزرق. - أنا ضِد كُل الأحزاب التي يرأس إدارتِها عُظاميين (الصادِق المهدي/الميرغني/نقد). - أنا بنادي بإنْفِصال غرب السودان أو على الأقل الكونفيدرالِية يِكون نِظامُمْ وده على مضض مِني. |
الوقت الحالى نحن تحت سيطرة (الإنقاذ) .. ده الواقع .. ممكن تكون ما (مع) الحركة الشعبية .. وما (مع) الأحزاب .. لكن ما (ضدهم) .. العدو واحد وبين .. أنت بتتحدث بالفردية .. وده ضد مبدأ الثورة .. وهو الإتفاق على الظلم .. والقرار اللاحق بكون قرار المجموعة .. ممكن تستعمل فيهو (الفردية) فى ارأى .. وسط المجموعة .. فى الوقت الما يكون هناك متسلط ..
وبعدين يا عزام .. أنت ما فى موقف تبت فى قضية رحمة بوجهة نظر خاصة .. عزام فى كيان معارض .. مثله مثلك .. ومافى متاجرة بى قاتل أو مقتول .. هى الحرب ووجود عدو يقبض مقاليد الحكم بالقوة والقتل والتنكيل .. نحن مافى حالة سلام عشان نقعد (نبت) فى الأمور بأريحية ..
غايتو كلو كوم .. تقريرك بتاع إنفصال الغرب كوم .. أجمل شيئ (على مضض منى) دى .. بتذكرنى موافقة غاندى بإنفصال باكستان .. ده ياهو المضض يا عزام .. وين أنت منو .. ده ما تقليل منك .. ولكن موافقتك تكون من ضمير أمة .. موش ونحن كلنا مستعمرين من فئة ..
ده يخلينى إرجع لإنفصال الجنوب .. وتحليلك السريع ليهو Quote: شوف يا سيدي ده فهمي: - الجنوب أكان بِحارِب الشِمال 55 سنة بِعدة مُسمَيات بدأت بأنانيا1 وإنتهت بالحركة الشعبِية لِتحرير السودان. - حرب جنوب السودان بدأت بِغبْن بِتاع مطالِب (تمرد 1955م) وإتدرجت إلى تحقير عرق (عرب/عبيد) وإنتهت بِحرب بين مسلِم وكافِر (جِهاد). - إنفصل الجنوب بِإتفاقِية "نيفاشا" الكانت بين الحركة الشعبِية لِتحرير السودان + المؤتمر الوطني. - جنوب السودان في يوليو 2011م أصبح دَولة تانية.
البِنود الفوق دي عِنْدك فوقا أي أعْتِراض يا رأفت ميلاد؟ |
البنود ياتا يا عزام .. أصل (الثورة) فى الجنوب .. وليس (التمرد) .. التمرد كلمة أبتكرتها حكومة عبود العسكرية .. الثورة بدأت بالتهميش الموروث من الأستعمار .. ومسئول عن إمتدادها كل من أجحف ذلك الحق .. ولاحت فرصة وقف النزيف والوحدة أكثر من مرة .. أضاعها مرة الصادق ثم نميرى وأخيراً ثلة لصوص الإنقاذ.. القضية محتاجة سرد أعمق فى التاريخ .. ما أعتقد هنا محلها ..
بس أحب ألفت نظرك للمسميات .. من متمردين الى جهاد .. دى لم يضعها الجنوبيين .. دى مسميات إستعدائية أبتكرها دكتاتور .. قديماً ولاحقاً
الفائدة يا عزام .. الإنقاذ ليست لها الشرعية لمحاكمة الناس وأعدامهم بأسم القانون .. لأنهم أول من أخترق القانون .. قتل رحمة لن يختلف عن أغتيال على فضل .. فالمجرم واحد .. سوى بمحاكمة أو بدون محاكمة .. فلماذا تريد أن تبت فى الأمر
| |
|
|
|
|
|
|
Re: ما عايزين إعدامات عايزين ثورة حقيقية (Re: رأفت ميلاد)
|
رأفت ميلاد صباح/مساء الخير
Quote: من المفترض نكون يد واحدة ضدو .. وهو (الإنقاذ) .. الخسارة هى (تكسيح) المقاديف فى طريق الثورة .. |
<الحركة الثورِية السودانِية> تضُم: (1) الحركة الشعبِية لِـتحرير السودان-قِطاع الشِمال (ياسِر عرمان) (2) العدل والمُساواة (د. خليل إبراهيم) (3) حركة تحرير السودان (مني مِناوي) (4) حركة تحرير السودان (عبدالواحِد)
إنْضِمام حركات تُنادي بِـ<تحرير السودان> يجعل قِطاع كبير مِن قبائِل النيل والبُطانة وشرق السودان، يلْتفوا حَول البشير، المفروض حركاتكُم دي لامِن تسووها، تمِدو هدفكُم ومطالبكُم قدُر لِحافكُم (إقْليمكُم/جِهتكُم)
وبعدين "كوش" لو في ليها وجود على الأرض، برضو ما بتمثلني وما عندها أي وزن في مناطِق المحس الرطانه.. وما يُسمى بِـ<الحركة الثورِية السودانِية> لو شعرت إنها بِتأوي إلى رُكْنٍ شديد، بنعصِر تااااااب على الإنقاذ أنا خوك.. جربنا فعايِل أولاد الغرِب في عهد الفونج وفي عهد التعايشي، ولِيوم الليلة الغبايِن ماشا بيناتُنا بِكِرْعينا حرم.. هيا ناس.. هيا ناس إنتو بتكضِبو على روحكُم ولا الحِكاية شِني!
| |
|
|
|
|
|
|
Re: ما عايزين إعدامات عايزين ثورة حقيقية (Re: عزام حسن فرح)
|
الأخ خالد كودى خلاصة القول لمن يفقه أينما وقف .
Quote: "نقول لرهط الشامتين إن السودانيين الجدد سيبقون، إن انفصل الجنوب، تحت خيمة ما تبقى من السودان، لا يقتلعون منه إلا يوم أن تقتلع الخيمة"
تكاثر الزعازع وتناقص الاوتاد دكتور منصور خالد 2010
|
| |
|
|
|
|
|
|
|