|
|
|
 Re: الحزب الشيوعي الاسلامي (Re: Zoal Wahid)
|
هل ستجتمع اللجنة المركزية للحزب الشيوعي و تقرر طرد العضو
الحاج / محمد ابراهيم نقد لانه:
*صبأ
*استخدم افيون الشعوب
*حول ارث الحركة و نشاطها من اليسار الى اليمين
*ضحى بدماء الشهداء
*سيدفع بالثوار الى تبنى مصطلحات غير التي الفوها بل حاربوا عقودا من الزمان ضدها.
*يريد ان تكون الصلاة في الاوقات الخمسة اولى دلائل الانتماء للحزب
*ربما حدد لهم زيامعينا فالكيزان جلابية ناصعة البياض و عمة مزركشة و شال بنفس
الزركشة الغالية الثمن و مركوب يقول انا انا،، فكما لناس الاتحادي زيهم وكذلك الطرق الصوفية فسيحدد الحاج ازياء الجماعة ليكونوا مميزين.
*
*
*
*
| |
 
|
|
|
|
|
|
|
|
Re: الحزب الشيوعي الاسلامي (Re: Zoal Wahid)
|
سلامات يا زول وكل عام وانت بخير
اعاد بوستك لذاكرتي مقال جميل كتب احد كوادر الجبهة الاسلامية، وكان قد طرح فيه فكرة اهمية تقارب الجبهة الاسلامية والحزب الشيوعي، واذكر انه صاغة بلغة جميلة، وموضوعية عالية،
وغليان انا وقتها اعتبرته فرصة التهريج ومكاواة أصدقائي ناس الجبهة الديمقراطية....
واذكر ان المقال اثار كثيرا من الجدل، بس يا زول تخيل لو كان التقارب ده حصل كان على الاقل ما وصلنا لما وصلنا اليه، على الاقل ما كان الانقلاب المشؤوم حدث....
| |
|
|
|
|
|
|
|
|
|
Re: الحزب الشيوعي الاسلامي (Re: nadus2000)
|
| Quote: سلامات يا زول وكل عام وانت بخير |
الله يسلمك و يديك الصحة والعافية... و سالمين غانمين.
| Quote: واذكر ان المقال اثار كثيرا من الجدل، بس يا زول تخيل لو كان التقارب ده حصل كان على الاقل ما وصلنا لما وصلنا اليه، على الاقل ما كان الانقلاب المشؤوم حدث.... |
واحدة من مشاكلنا السياسية هي المماحكة. برضو لو الصادق المهدي قبل فورا باتفاق قرنق الميرغني.
| |
|
|
|
|
|
|
|
|
|
Re: الحزب الشيوعي الاسلامي (Re: Zoal Wahid)
|
Quote: الاخ الزول واحد التحية لك
لدينا شيوعين يواظبون علي الصلاة في المسجد
وبعضهم ينتمي الي الطرق الصوفية وعلي قول أخونا تبارك المهم |
يا محمد، الشيوعين بيقولوا الدين افيون الشعوب
يا ريت يطلعوا بيان انهم ضد الكلام دا و برضو يقنعونا ليه اختاروا الشيوعي.
تحياتي.
| |
|
|
|
|
|
|
|
|
|
Re: الحزب الشيوعي الاسلامي (Re: حيدر حسن ميرغني)
|
Quote: سلامات زول واحد
ما الغرابة ان يحج شيوعي الى بيت الله
ومتى كان الدين افيون شعوب عند الشيوعيين السودانيين
|
الله يسلمك يا حيدر
هل الفكر الشيوعي اصلا يتسق او يتماشى مع المنهج القرآني؟
| |
|
|
|
|
|
|
|
|
 Re: الحزب الشيوعي الاسلامي (Re: بدر الدين اسحاق احمد)
|
الإسلام ... المستقبل لهذا الدين!!
نعم الإسلام دين يجد القبول يومياً وعلى أعلى المستويات الاجتماعية في القارات السبعة...
قبولاً أخاف منه حتى السكان غير المسلمين في تلك القارات ...
لقد آن أوان البعث الإسلامي - وليس البعث العربي - مرة أخرى وعلى مستوى العالم ...
كل الشواهد تدل على اندياح الإسلام و تمدده وانتشاره في العالم اليوم ...
فهو دين ترتضيه الفطرة السليمة ويؤيده العلم الحديث بكل ما وصل إليه من تطور ...
ومن يرفض الإسلام ... يظلم نفسه و حزبه و جماعته و دولته و قارته...
من يرفض الإسلام ... يسبح عكس التيار ... تيار النهضة الإسلامية والبعث الإسلامي الذي انتظم كافة أرجاء المعمورة ....
وسوف لن يجد لنفسه وحزبه وجماعته ودولته وقارته أي موطئ قدم على سدة الحكم والحكام... بل سوف يكون تابع وليس قائد ...
فالقيادة والريادة للأفراد والجماعات والأحزاب والدول مرتكزة على العودة إلى الإسلام المتصالح مع نفسه والآخرين ....
والآخرين هم بلا شك عالم غير المسلمين .... فالوصول إلى صيغة توافقية معهم أصبح ضرورة ملحة للنهوض بواجبات الحكم والسلطة في بلدان العالم الإسلامي اليوم... وإلا فلا وصول لسلطة أو حكم...
فالاسلام المتطور ضرورة اليوم من أجل التواصل مع الغرب والشرق معاً ...
والإسلام الاشتراكي الذي ندعو إليه هو الصيغة التوافقية المطلوبة اليوم بين عالم الرأسمالية المتوحشة وعالم الشيوعية الملحدة التي لا تقيم للإسلام وزناً...
ندعو إلى اشتراكية الإسلام وليس عروبة الإسلام ..
فعوربة وقومنة الإسلام زمناها ولى ... كما ولى زمان الشيوعية الملحدة والاشتراكية الملحدة...
وكما سوف يولى زمان الرأسمالية المتوحشة التي تجعل المال دولة بين الأغنياء فحسب ... وتقذف بالمزيد من الفقراء إلى قارعة الطريق كل يوم.....
الإسلام ضرورة حياتية وعقلية وروحية ... لا يمكن تخطيه على الأقل في عالمنا الإسلامي - والسودان جزء من هذا العالم الإسلامي - لا يمكن تجاوزه و المرور به دون التوقف عنده ...
أجزم أن المسلمين السودانيين اليوم لن يتقبلوا أبداً فرد أو أسرة أو مجموعة أو حزب - داخل السودان - يؤسس بتجاهل الإسلام ... بل وإنكار دوره في الحياة ... وبالتحديد عندما يريد ذلك الفرد أو الأسرة أو المجموعة أو الحزب أن يعتلي سدة الحكم في السودان..............................والتاريخ شاهد.
إذن ضرورة التركيز على اشتراكية الإسلام والاعتراف بدور الإسلام في السودان هو منصة الانطلاق لتكوين الفرد والأسرة والجماعة والحزب ....بل الدولة والعالم ....
اشتراكية الإسلام هذه هي ما نفتقده اليوم في السودان...
في وقت يشهد السودان فيه ميلاً نحو الرأسمالية واقتصاد السوق الحر وسياسات الإفقار المتعمد والتجوع الإجباري ... في حين تقوم أقلية من رأسمالي المسلمين باكتناز المال بل وجبايته من أي مصدر وإعمال أدوات السلطة من أجله ... وانفاقه في البذخ والتباهي ... تحت ظل حكومة تدعي الإسلام ... أصبحت هي السمة البارزة اليوم في السودان وهي ما يقف خلف كل المشاكل الاقتصادية والاجتماعية والنفسية والاجتماعية والسياسية التي ألمت بالسودان... وأدت إلى حمل السلاح واقتلاع الحقوق من مركز السلطة في الخرطوم.............................
(إذا انتقل الفقر إلى بلد قال له الكفر احملني معك)
(وما اغتنى غني إلا بفقر فقير)
(وليس منا من بات شبعان وجاره جائع إلى جنبه وهو يعلم)
وللحديث بقية....
| |
|
|
|
|
|
|
|
|
|
Re: الحزب الشيوعي الاسلامي (Re: سيف الدين عبد الجبار)
|
انه لمن اسعد الأخبار في هذا اليوم خبر حج الاستاذ محمد ابراهيم نقد وبما ان الرجل اسمه محمد ولم يفكر يوما في تغييره فهو رجل طيب البذرة.
وبالمناسبة يوم أجاب في حلقة التلفزيون ايام الحملة الانتخابية ( أنه الآن لا يصلي) شهد من كان في الاستديو انهم راوه يصلي قبل دخوله الاستديو بالتلفزيون.ولم يكذب فقال انا الآن اي في هذه اللحظة لا يصلي فهو صادق.
اللهم تقبل حجه وتقبل صالح اعمالنا جميعاً واهد ضال المسلمين آمين.
| |
|
|
|
|
|
|
|
|
Re: الحزب الشيوعي الاسلامي (Re: سيف الدين عبد الجبار)
|
اخوي سيف، الاسلام ما فيهو كلام. منهج رباني لكن المصيبة ما حدث في السودان
و طالبان و القاعدة باسم الاسلام.
ان يطرد المرء من وظيفته و يقطع رزقه اينما حل لانه ليس من التنظيم دي ما حصلت الا
في السودان باسم الاسلام.
| |
|
|
|
|
|
|
|
|
|
Re: الحزب الشيوعي الاسلامي (Re: Zoal Wahid)
|
Quote: بس يا زول تخيل لو كان التقارب ده حصل كان على الاقل ما وصلنا لما وصلنا اليه،
على الاقل ما كان الانقلاب المشؤوم حدث.... |
مالك على الشعب المسكين يلمو فيه الشيوعين والكيزان
كان تعدادنا بقى 3 مليون فقط
كنا وصلنا الى الاسوء اذا اتملى من علمهم السحر
انتو نسيتو ايام نميري الحمر؟
Quote: .
ان يطرد المرء من وظيفته و يقطع رزقه اينما حل لانه ليس من التنظيم دي ما حصلت الا
في السودان باسم الاسلام. |
وتقول انت من زمن التوستي؟
ما سمعت بالتطهير والرجعيةوالعدل الثوري؟
عبدالله الطيب رحمه الله ما فصلو الشيوعين ديل قالو رجعي وغيره من الاساتذة
الشيوعين ديل لو نميري خلاهم شوية وما عملو شلاقة الانقلاب داك ما كان في زول حيكون شغال
الا هم..وكنا عدمنا الزول الواحد
وحيكون السودان بقى حمام دم باسم محاربة الرجعية وحيكون في كل قرية في ضربة
ذي حقتود نوباوي و الجزيرة ابا.. وكانوا حيقتلوا كل ناس الطرق الصوفية ويصورو شرائط فيها زجاجات خمر
لزوم اغتيال الشخصية وتبديد الهالة
ذي ما عملو للامام الهادي رحمه الله
كل الافكار العقائدية المستوردة من الخارج دي لا تولد الى تعاسة للشعب
والاسلام ما عايز حزب عشان يتسمى بيه..
وبراء من فعايل الناس دي
| |
|
|
|
|
|
|
|
|
 Re: الحزب الشيوعي الاسلامي (Re: Zoal Wahid)
|
Quote: انه لمن اسعد الأخبار في هذا اليوم خبر حج الاستاذ محمد ابراهيم نقد وبما ان الرجل اسمه محمد ولم يفكر يوما في تغييره فهو رجل طيب البذرة.
وبالمناسبة يوم أجاب في حلقة التلفزيون ايام الحملة الانتخابية ( أنه الآن لا يصلي) شهد من كان في الاستديو انهم راوه يصلي قبل دخوله الاستديو بالتلفزيون.ولم يكذب فقال انا الآن اي في هذه اللحظة لا يصلي فهو صادق.
اللهم تقبل حجه وتقبل صالح اعمالنا جميعاً واهد ضال المسلمين آمين. |
اسأل الله ان يتقبل منه.
مرتكزات الشيويعة الفكرية تتناقض في اطروحاتها مع المرتكزات الاسلامية.
المسلم مرجعه الله قال و الرسول قال
الشيوعي يجعل ماركس ولينين و غيرهما مرجعيته الثورية
فان صلى و صام و جعل مرجعيته
الاسلام فهو هاهنا في محطة اخرى وهي محطة رضيت بالاسلام دينا و ليس افيونا.
اما ان يصلي و يصوم وهو يدين بالولاء للفكر الماركسي فهذه تحتها خطان.
| |
|
|
|
|
|
|
|
|
|
Re: الحزب الشيوعي الاسلامي (Re: Zoal Wahid)
|
يا قريبي ...
م عارفك شايت علي وين لكن انا في رأي حجة نقد دي حاجة كويسة لانو الكيزان من زمان ماخدين الجنة دي حقتهم حلال و انو ناس نقد ديل كفار و ماشين النار.
هسي بعد الكتل و الخراب العملوهو الكيزان ده هل ما زالو عندهم امل في الجنة حتي لو حجو ليها 700 حجة؟
بالمقابل ... زول ذي نقد العمرو كلو فقير و بصلي صلواتو الخمس و في الاخر اهل الخير اتبرعو ليهو بتذكرة حج و ما تنسي انو الزول ما سمعناهو كتل زول و لا اكل مال زول و لا شتم زول و في الاخر جاء توش اداها ليك حجة.
يا اخي الزول ده فيهو كل مواصفات اهل الجنة.
حجا مبرورا ان شاءالله
| |
|
|
|
|
|
|
|
|
|
Re: الحزب الشيوعي الاسلامي (Re: Mahjob Abdalla)
|
Quote: وتقول انت من زمن التوستي؟
ما سمعت بالتطهير والرجعيةوالعدل الثوري؟ |
يا نجاة اختي، يعلم الله طريقة الانقاذ في الانتقام من الاخرين ما شفناها في
السودان من الاستقلال.
صحيح التطهير تم في اوئل مايو ولكن لا يمكن تشبيهه باي حال مع التمكين.
كان الواحد ( واعدادهم ما كبيرة و اغلبهم اخوان مسلمين) يطرد من وظيفته الحكوميةولكن اذا
لقا وظيفة في مصنع او بقى تاجر تاني ناس مايو ما عندهم بيهو شغلة.
لكن الانقاذ حاربت الناس حتى بعد ان تركوا لها الوظيفة الحكومية.... السوق احتلته الحكومة و حاربتهم.
الانقاذ لا تستحق ان يدافع عنها عاقل.
الجزيرة ابا و ودنوباوي و المرتزقة اوضحت لي شخصية الصادق المهدي فهو بيحب خناقو.
بعد مذابح مايو للانصار جاء راكضا وانضم للاتحاد الاشتراكي.
بعد المر الضاقو من الانقاذ يسعى حثيثا ليكون جزءا من نظام فتت السودان.
| |
|
|
|
|
|
|
|
|
|
Re: الحزب الشيوعي الاسلامي (Re: Zoal Wahid)
|
Quote: يا قريبي ...
م عارفك شايت علي وين لكن انا في رأي حجة نقد دي حاجة كويسة لانو الكيزان من زمان ماخدين الجنة دي حقتهم حلال و انو ناس نقد ديل كفار و ماشين النار.
هسي بعد الكتل و الخراب العملوهو الكيزان ده هل ما زالو عندهم امل في الجنة حتي لو حجو ليها 700 حجة؟
بالمقابل ... زول ذي نقد العمرو كلو فقير و بصلي صلواتو الخمس و في الاخر اهل الخير اتبرعو ليهو بتذكرة حج و ما تنسي انو الزول ما سمعناهو كتل زول و لا اكل مال زول و لا شتم زول و في الاخر جاء توش اداها ليك حجة.
يا اخي الزول ده فيهو كل مواصفات اهل الجنة.
حجا مبرورا ان شاءالله |
مشتاقون يا قريبي.
كيف حال السلطان؟؟؟ بالله شيلو فووق واديهو بوسه في راسو.
البعرفو ان الشيوعين انظف مليون مرة من الكيزان. و نقد سواء حج بماله او من صندوق او
من مال الخيرين فدعائي له بالقبول و حسن الخاتمة.
Quote: يا قريبي ...
م عارفك شايت علي وين |
كنت عايز الموضوع يسخن شوية لكن عشان خاطرك.
انا عايز اثبت ان كل الاحزاب - عندنا - ثوريها و رجعيها و مسلحها و عاجزها هي احزاب ون مان شو.
| |
|
|
|
|
|
|
| |
محمد المسلمي
nadus2000
حيدر حسن ميرغني
بدر الدين اسحاق احمد
سيف الدين عبد الجبار
Mahjob Abdalla
ود الخليفه
فيس بوك
تويتر
انستقرام
يوتيوب
بنتيريست