يا دي الدكترة وسقوط الفهم

Quote: من امبارح اي زول منزل بوست عن فديو رقيص الرئيس في عرس عائلي واحدين منزلين كم بوست كمان معجبين بفكرة القمرين ونحنا ناس معارضة شديدة وكأن الرقيص في السودان ممارسة شائنة من الله خلقني واكلت الكسر ودا ما قريب ما حصل شوفتا عرس الرجال ما رقصو فيه وترجع بي الذاكرة الى صورة من فترة الستينات زول مهم شديد في ذلك الزمن عنده صورة خاتي ليه كباية في جبهتو وبيرقص "توستي" واكيد سكران طبعا الزمن داك المعارضة واعية جدا وفاهمة وعندها موضوع ما ذي حقت اسع دي كملت اي حاجة بس فضل رقيص الرئيس ما علينا في الزمن داك زمن الف الطوب فيه الفين وجوز الحمام بتلاتة يا شباب ابواتكم كانوا بيرقصوا في اي عرس وبعضهم يشرب المريسة ويزغرد كمان اي رقصة رقصوها من السمبا الى "التوستي" الى الجيرك ديل طبعا ناس الخرطوم والمدن في كل القبائل توجد رقصات جماعية نساء ورجال (زمان كتبت بحث في الموضوع دا في مادة الادب الشعبي) يعني الرقيص دا مافي راجل يقول ما رقص ماخدين بالكم من الصوفية برضو برقصو باختصار ما عدا انصار السنة اي راجل برقص في السودان..عشان كدا كونكم تجو تعارضو برقيص ا الرئيس وانتو ذاتكم بترقصو واهلكم برقصو ما لافقة معاي. زمان ابو العروس بيدوه الابريق والسيرمس والبطارية والبطانية (اذا في شتاء) وينوم عند الجيران اها في الزمن الاسع دا بصعوبة تفرز ابو العروس من العريس نفسو وقاعد يرقص ويبشر وفي اباء بحضروا رقيص العروس الكان محرم زمان على ابو العروس بقت من المجاملة ان يرقص ابو العروس في عرس بتو ويجامل ضيوفه ويحضرني عرس زولا عزيز عنده 6 بنات مرقن الستة بالعروس وقعد يرقص لما قرب تجيه كومة سكري. في الزمن العلينا دا زمن الشناف الساي واي حاجلة تتحول لازمة سياسية والمنبر يطفح بالوستات بالعناوين الفاضحة المسيئة عشان فقط الرئيس ورا الجانب الانساني منه طيعا الناس الافقهم اضيق من قد الابرة حيفتكروا البوست دا صابي في الدفاع عن الانقاذ مع انه صابي في مصلحة ناس ساس "يسوسو" عشان ويقفوا القرف البعملو فيه دا موش غريبة انه موضوع رقيص الرئيس دا اهم من حروب الرئيس والموت المجاني للمدنين ؟!!! عشان تآمنوا يا الشعب الفضل المعارضة دي مافي فرق بينها وبين الانقاذ كلها لعب كراسي لا غير منو القاعد ومنو المرق ملوص. واقول قولي هذا وادعو الله ان يهدينا ويهديكم..