|
|
 الصادق المهدى فى واشنطن يريد تغيير النظام وليس اسقاط النظام
|
نظم حزب الامة القومى بواشنطن ندوة كبرى تحدث فيها السيد الصادق المهدى عن ازمة النظام واصفا البلاد بانها مقدمة على خطر داهم كبير وعلى الجميع ضرورة التحرك لتغيير النظام
وقال انه يدعو الجميع لتغيير النظام وليس اسقاط النظام
بلور اشكال المعارضة المطروحة الان فى السودان الى ثلاث محاور الحركات الدارفورية المسلحة ثم اتفاق كاودالاسقاط النظام ثم الحركات الشبابية التى تنادى باسقاط النظام عن طريق الثورة الشعبية وبالخووج للشارع وبعد الاسهاب فى بلورة هذة المحاور الثلاث طرح بديل حزب الامة وهو تغيير النظام بالتحول الديمقراطى مستصحبا بعض التجارب العالمية والمحلية فى تغيير الانظمةالشمولية مثلما حدث فى البرازيل وارغوى واكتوبر
نبه الحضور كثيرا الى ضرورة الاسراع فى ايجاد مخرج لازمة البلاد التى تواجه خطرا محدقا بها خاصة بعد استصدار الادراة الامريكية قرار بحماية المدنيين فى السودان من جراء الحروبات الاخيرة وكل الذين تعرضوا للتشريد والتقتيل و القصف الجوى مذكرا بتجربةالناتو فى ليبيا وفرض الحظر الجوى على نظام القذافى ومن ثم التدخل العسكرى لاسقاط نظامه بدعم الثوار وهو بحديثه هذا يحذر من تكرار نفس التجربة فى السودان
استعرض بنود الاجندة الوطنية التى عرضها حزبه على المؤتمر الوطنى كشرط للمشاركة فى الحكومة القادمة هذا وقدذكر ان الحرب فى جنوب كردفان والنيل الازرق كانت حرب بالوكالة رد عليه فى ذلك السيد انور الحاج ممثل الحركة الشعبية بواشنطن مذكرا ان هذة الحرب لم تكن حربا بالوكالة انما حرب فرضت فرضا على الحركة الشعبية لنزع سلاحها بالقوة بعد خسارة المؤتمر الوطنى فى الانتخابات وعدم تنفيذ اتفاق الترتيبات الامنية
اهم ما خرجت به الندوة هو تصريح السيد الصادق المهدى باهمية العودة الى مقرارات اسمرا المصيرية والتى اتفقت عليها كل القوى السياسية المعارضة عام 1995 فى اسمرا حينئذن سالته شخصيا عن التناقض بين الاجندة الوطنية ومقررات اسمرا مذكرا له ان احد مقرارات اسمرا المصيرية المهمة ان تلغى قوانيين سبتمبر (قوانيين الشريعة) وان لا يستغل الدين فى السياسة وفى احدى بنود الاجندة الوطنية التى طرحها حزبه الاتفاق على دستور عريض تكون مصادر التشريع فية اوخلفيته اسلامية مما يتعارض مع مقرارات اسمرا التى يدعوا الى العودة اليها الان ؟!! رد على تساؤلى واجاب بانهم سوف لن يكرروا تجربة الصحوة الاسلامية وما تبعها من برامج انتخابية دينيةكما حدث فى فى 85
كما قال ان قوانيين سبتمبر لم تكن قوانيين اسلامية صحيحة وهو صاحب اشهر وصف لها يوما من الايام وقائلا عنها انها لا تساوى المدادا الذى كتبت به
ونواصل
|
|
 
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: ايمان بدر الدين)
|
كرر السيد الصادق ان هذا البديل الذى يطرحه متفق عليه من قواعد حزبه وقياداتها وانه مقترح يوصفه هو بالبديل الافضل ولا يفرضه على احد بالقوة
اكد فى معرض رده على بعض الاسئلة انهم لم ياخذوا مالا حراما من احد و لم يسرقوا مال الدولة او الشعب ولم تمتد آياديهم الى المال الحرام ولم يفسدوا ابدا حينما كانوا حكاما للسودان منتخبين غير غاصبين سلطة
| |
|
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: saif massad ali)
|
| Quote: وقال انه يدعو الجميع لتغيير النظام وليس اسقاط النظام |
شكرا ايمان على التلخيص المفيد
قلنا مرارا لناس حزب الامة انهم لا يفهمون الصادق المهدي فهو يقول كلاما عائما
بينهم ولكن خطواته العملية الحقيقية تخالف ما يقوله. يقول ما يخدر به حماسة الشباب
ثم رويدا رويدا يدخلهم حيث يريد.
لذلك سينتظروا كثيرا حتى يعرفوا ان الصادق متوافق تماما مع الانقاذ.
1. فهو يرفض اسقاط النظام عبر ثورة / مظاهرات
2. يرفض اسقاط النظام عبر حركات الهامش (هل تتذكرون الغيرة السياسية ضد اتفاق قرنق الميرغني و التردد
الذي صاحبه حتى اكتملت اركان الانقلاب).
3. يدعو لربيع سوداني خالص بالجلوس مع المؤتمر الوطني ليتنازلوا له عن الحكم بعد عام وهو بذلك
يهيء لعلاقة مع النظام ... تفاصيل هذه الصفقة ذكرها عرمان: يبقى النظام كما هو لمدة عام
ثم يتم استبداله بنظام ديمقراطي ........
اذا كان النظام مقتنع بالتغيير لم لا يبدأ فيه
اليوم. و ما هي ضمانات ان يفي المؤتمر الوطني والصادق جرب جيبوتي و نداء الوطن و ترجعون.
و الارنب الذي صار فيلا 0 (طبعا في الخيال فقط).
| |
|
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: Zoal Wahid)
|
ما تلاتة محاور ... تلاتة مداخل مختلفة لتناول القضية ...
واحد منها مدخل المؤتمر الوطني الطرح فيهو "حكومة قاعدة عريضة" كأساس للحوار مع الحكومة
وواحد منها مدخل الحركات المسلحة - ولم يخصص حركات دارفور - لإسقاط النظام بالعمل العسكري
وواحد منها مدخل الحركات الشبابية - قرفنا وآخرون - لإسقاط النظام بالتعبئة لإنتفاضة سلمية
عشان ما تمرقوا كلام الراجل من سياقو الأصلي ... وقال البيقدر يصل لى أهدافو بدون ما يسمع ويتفاهم اليصل ... (وذكر "وفي ذلك فليتنافس المتنافسون")
دا الأساس الطرح بيهو رؤية حزب الأمة في سبعة نقاط ... أذكر منها:
1. دستور توافقي
2. إعادة هيكلة الدولة
3. ضمان الحقوق والحريات على أساس المواطنة
4. حل مشكلة دارفور حلاً يتجاوز الدوحة ويصل لمطالب أهل دارفور الحقيقية
5. إعادة بناء الإقتصاد والتنمية
6. التعامل مع المحكمة الجنائية الدولية بعقلانية
7. شنو كدا ما عارف ...
قال دا راينا ... مطروح للتناول والتداول والحوار والتنقيح ... بهدف خلق إجماع في القوى السياسية لتغيير النظام لنظام يضمن هذه السبعة نقاط
والعندو راي تاني أو طريقة تانية يطرحها ... (طبعاً قرينا الإعلان السياسي بتاع تحالف الكاودا العسكري)
... المهم ....
| |
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: saif massad ali)
|
أختنا أيمان
سلامات
مع أحترامى الكامل للسيد الصادق كرئيس وزراء سابق وزعيم طائفة دينيه..
الأمام ليس عنده ما يقدمه من أجل أسقاط نظام الخرطوم ومواقفه وأقواله تصب فى أتجاه أطالة عمر النظام وتحييد شباب وأبناء طائفته من المساهمة بصورة فاعلة فى أسقاط النظام وهو الطريق الوحيد لأى مستقبل أيجابى للسودان شاء الأمام أم أبى..
الأمام وأمثاله جزء من المشكلة ولا يمكن أن يكون جزء من الحل.. هذه هى مقولة مصادر القرار فى أمريكا والأ مام يعرفها جيدا...ولن يستطع الألتفاف حولها بمشاركة الأنقاذ..
نتمنى ألا يفوت شباب حزب الأمة شرف المشاركة فى أسقاط النظام كما فات أمثالهم فى جامعة الخرطوم شرف ألمشاركة فى قيادة أنتفاضة أبريل عندما رفضت قيادة الحزب التحالف مع التنظيمات الأخرى فى أنتخابات أتحاد الأنتفاضة بدون سبب سوى مفاضلتهم للأسلاميين وأوهامهم بأنهم هم وحدهم من يقدر على أسقاط نميرى...
الأنقاذ ستسقط وبأيدى شباب السودان شاء ألامام أم أبى ..شارك الأنقاذ أم لم يشارك... مسألة زمن فقط...
سؤال أخير... هل الناس ديل بيمشوا ندوات سيدى الصادق متوقعيين يسمعوا كلام مختلف؟؟؟... دا ما ياها طريقتو طيلة الخمسين سنة الماضية...
ياخى ما تضيعوا زمنكم وزمن أسركم... لو لمة ساكت... معليش أسمعوا كلامو وأتونسوا بيه لأنو بكرة بيقول ماقلتو أو ما قاصد كدة وطبعا فى كل الحالات أنتو اللى ما ممكن تستوعبوا كلام السيد الأمام...
دى سنة ألفين وحداشر فى العاصمة الأمريكية يا أخوانا.....
تحياتى
سيف مصطفى
| |
|
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: SAIF MUstafa)
|
ايمان سلام
طبعا كل سياتي ليغني علي ليلاه
ولنغني نحن علي ليلانا كذلك ..
| Quote: ومقررات اسمرا مذكرا له ان احد مقرارات اسمرا المصيرية المهمة ان تلغى قوانيين سبتمبر (قوانيين الشريعة) وان لا يستغل الدين فى السياسة وفى احدى بنود الاجندة الوطنية التى طرحها حزبه الاتفاق على دستور عريض تكون مصادر التشريع فية اوخلفيته اسلامية مما يتعارض مع مقرارات اسمرا |
من الاسباب الرئيسية لاعتقال المهدي في عهد السفاح نميري وصدور حكم بالاعدام ضده من السفاح هو معارضته لقوانين سبتمبر واحب ان اذكرك ان قوانين سبتمبر لا تمت للشريعة بصلة هي ليست قوانين شريعة بل قوانين طاغية اراد ان يتخذ من الدين حاميا لنظامه .. واخيرا اذكرك بتبرؤ الترابي على احدى القنوات المصرية من القوانين
لا ادري اين التناقض بين مقررات اسمرا وبين الغاء قوانين النميري ومن اين القول بان حزب الامة يؤيد قوانين سبتمبر ؟؟
عدم استغلال الدين في السياسة لا يتنقاض مع جعل الشريعة الاسلامية او اي دين اخر من مصادر التشريع فمن الطبيعي ان تشرع المجتمعات حسب افكارها واديانها ومعتقداتها وعادات وتقاليدها .. هنالك خلط كبير بين استلهام الدين لوضع البرامج السياسية وبين البرامج الدينية حزب الامة يرفض اي استغلال للدين بغض النظر عن نوع الدين من اجل حملة انتخابية او ادعاء قدسية دينية علي قرارات وسياسات بشرية
نحن في حزب الامة لا ندعو لدولة دينية ونرفض استغلال الدين من اجل السياسة ونقول بالدولة المدنية بل من اوائل من انتج فكر الدولة المدنية كبديل للغلاة من الطرفين العلمانيون والوصوليون الدينيون .. قلنا انه لا وجود في الواقع لما تسمى بالعلمانية وقلنا ان الدولة الدينية انتهت بانقطاع الوحي وان الاسلام لم يضع شكلا للحكم وبرامج سياسية واقتصادية وعلاقات دولية ثابتة بل وضع مبادي وقيم وموجهات عامة هي التي يجب ان تستلهم باجتهاد بشري في وضع الخطط والبرامج البشرية ..
| |
|
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: محمد حسن العمدة)
|
Quote: 1. دستور توافقي ( مع من واين؟)
2. إعادة هيكلة الدولة ( كيف؟ ببقاء الانقاذ ومشاركتها ام بعد اسقاطها؟ )
3. ضمان الحقوق والحريات على أساس المواطنة( كيف يتم بوجود المنتهك على سدة الحكم؟)
4. حل مشكلة دارفور حلاً يتجاوز الدوحة ويصل لمطالب أهل دارفور الحقيقية( من الذي سيقوم بذلك؟ )
5. إعادة بناء الإقتصاد والتنمية ( تحت اطار اي نوع من الحكومات؟ )
6. التعامل مع المحكمة الجنائية الدولية بعقلانية ( و ماذا عن البشير جلدنا وما نجر فيهو الشوك؟ وماذا عن الدعوات السابقة لاقامة محاكم كما حدث في جنوب افريقيا ؟ )
7. شنو كدا ما عارف ... |
| |
|
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: Zoal Wahid)
|
يا تبارك
كل سنة وأنت طيب..
أسمع أنت بقيت تشترى نوع الوهم اللى بيقول فيه الزول دا؟؟؟
يا تبارك المسألة واضحة ... هل الحكومة الحالية عندها أى شرعية عشان يكون فى أى مدخل للحل غير رحليها ومن ثم محاكمة كل من أرتكب أى جرم؟؟؟؟
دا هو المعيار الأخلاقى واللى حا يتبنى عليه التغيير ولو بعد قرن...
هل السيد الصادق وبقية السياسيين عندهم الحق أنو يعملو Morals Laundry لناس الأنقاذ بالأنابة عن ضحايا الأنقاذ من شهداء ومشرديين..وضحايا فساد و.و.؟؟؟
مين اللى فوض السيد الأمام يفتش مداخل أو مخارج لعصابة أنقلاب أسلأمى؟؟؟؟
مؤكد أن الباقى من السودان ليس هو حزب الأمة...ونحن ما فى كم وخمسين من القرن الماضى...
السيد الأمام قبل يعيش جوة السودان مع قاتل عمه السفاح نميرى حرا طليقا حتى رحيله رحمهما الله...
يجب علينا جميعا ألا نثق أطلاقا فى المعايير الأخلاقية للسيد الصادق وقيادات بعض الأحزاب... النظام يعرف معاييرهم ويتعامل معهم على أساسها ويريد أن يدخل كل المعارضين معهم فى سلة واحدة...
وبعدين ياخى لسة نحن فى لعبة... دولة مدنية... ويتعاملوا مع الجنائية بعقلانية....البيمنع حزب الأمة وغيره أنو ينشروا تفاصيل مسودات دساتيرهم شنوا....؟...لأنها حسب الطلب مش؟؟؟ ليه ما فيش حزب داير ينشر دستور ويلتزم بيه؟؟؟ وأى زول متضارى ورا ء وهمة الدولة المدنية؟؟؟
وضحوا للشعب السودانى نصوص دساتيركم بشأن الدولة والدين بعيدا عن التصريحات الضباببة....
خوفى كلهم يجبروا أنو يفكروا يتعاملوا بعقلانية مع حاجات كتيرة جاية من شباب السودان ومن يدعمهم.... قال الجنائية قال؟؟؟
تحياتى
سيف
| |
|
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: SAIF MUstafa)
|
| Quote: هذا وقدذكر ان الحرب فى جنوب كردفان والنيل الازرق كانت حرب بالوكالة رد عليه فى ذلك السيد انور الحاج ممثل الحركة الشعبية بواشنطن مذكرا ان هذة الحرب لم تكن حربا بالوكالة انما حرب فرضت فرضا على الحركة الشعبية لنزع سلاحها بالقوة بعد خسارة المؤتمر الوطنى فى الانتخابات وعدم تنفيذ اتفاق الترتيبات الامنية |
ايمان سلامات
انت برضك كنت مامركزه فى الندوه ولا شنو؟؟؟
ولا ما سمعتى الرد للاخ انور؟؟؟
السيد الصادق قال ان هنالك من يقول بان الحرب بالوكاله(راى المؤتمر الوطنى) وعشان كده المؤتمر الوطنى قدم شكوى لمجلس الامن بهذا الخصوص لو عاوزه تسمعى الندوه مره اخرى فهى مسجله بطرف احباب واشنطون
| |
|
|
|
|
|
|
|
|
 Re: الصادق المهدى فى واشنطن يريد تغيير النظام وليس اسقاط النظام (Re: SAIF MUstafa)
|
الاخوة المتداخلون تحية طيبة و من كتب البوست طبعا الذى كتب البوست سواءا كان رجل ام امرأة اراد ان
يوصل ما راه و سمعه من داخل الندوة لكل سودانى حادب على مصلحة الوطن لكى يدلى بدلوه ويوضح بشفافية
تامة ما يريده من صاحب الندوة مع اضافته للحلول التى يراها مناسبة لحل ازمة البلد الراهنة.
لكن للاسف الشديد لم اقرأ فى المداخلات حلول بل شتائم بطريقة مباشرة و غير مناسبة لصاحب الندوة
يعنى نفس كلام الراية و الوان فى الثمانينات مع اختلاف الزمن وهو يؤمن على كلام الشارع المشحون ضد هذا الرجل.
حيث عمل هذا الرجل من عمره18 سنة من اجل السودان و لم يجد سوى الاستهتار تارة و الاساءات تارة اخرى
ودا كله من ناس علماء و اتباعهم الى ان انقض هؤلاء الخونة على الحكم بقيادة رجل مريض لم يقدم للقوات
هذا جزء يسير من نوع المعاملات التى تعامل بها نظام البشير مع هذا الرجل الذى تصفونه بأنه يمد فى عمر النظام
لا يا سادة يا كرام الرجل قلبه على السودان لانه لو كان عايزسلطة لاستمر مع نميرى فى الحكم بعد مصالحة 1978
و ان يستمر كما استمر شيخ حسن الترابى و شيخ على عثمان طه لكن لا يا سادة يا كرام هذا الرجل ليس انانيا
و لا بتاع فرص عشان كدى انا بتمنى من الناس الا تتعامل بالسماع بل بالتجربة و تشارك مشاركة جادة.
المسلحة طيلة خدمته بها سوى خيانتها حيث ظهر ذلك جليا فى خيانته لقسمها وانقلاب على الشرعية
الدستورية تحت مسمى الانقاذ التى ضيعت السودان و شعبه.
يعنى على الاقل الناس البتلوم فى هذا الرجل بأنه يمد فى عمر هذا النظام بتحركاته هذه لا بد ان يفهموا الاتى
1- ان هذا النظام حاول اغتيال هذا الرجل عندما اخذه رجال من سجن كوبر دون علم مدير السجن
فى ساعة متأخرة من ليل بهيم داخل عربة الى منطقة الدروشاب ببحرى وفى طريقهم يتهامسون الليلة لازم نفسحوا
ونرميه فى البحر و عندما و صلوا المنطقة المحددة ادخلوه غرفة بها كرسى بثلاثة ارجل و نور احمر من لمبة واحدة .
| |
|
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: صديق مهدى على)
|
الأخ صديق
سلام
ماعندى شك فى أنى أحد المعنيين بمداخلتك. لأنى أنا اللى ذكرت أنو الأمام بيمدد فى عمر الأنقاذ بممارساته..
وعشان نكون واضحين وما نغلط فى بعض أوضح ليك الآتى
أولا أرفض تماما الردود الملتوية والمغلفة وتكويم الناس وأتهامهم بشتم الأمام ..
ثانيا أحترامى للأمام هو ماتمليه على الأصول لا أكثر ولا أقل وهى ثلاث فهو فى سن كبارنا وهو زعيم دينى له رمزيته وهو رئيس وزراء سابق منتخب ولها ما تمليه....
خلاف كدة ليس لى هناك ما يمنعنى من أنتقد ممارسة الأمام السياسة ومعاييره الأخلاقية لهذه الممارسة ولا أقبل أى أتهام بأنى أسأت للأمام أو غيره وبعتقد أنو دا أبتزاز لمن يريد أنتقاد الآمام أو حزب الأمة أو حتى الدولةالمهدية نفسها كمرجعية للأمام...
فلو أنت شايف أى أساءة فحقو توضحها وتوجها لى عشان يا أعتزرت ليك ولا أعتزرت أنت عن أتهامك...
أحسن نكون واضحين عشان لسه يادوب أنا بديت بشأن الأمام و دور الأحزاب فى تأخر الخلاص من الإنقاذ...
فحقو مانجدع الكلام ساكت يا أخ صديق ومن حقك أن تدبج ما شئت فى مناقب الأمام فقط أبتعد التعميم وما يمكن أن نفسره أبتزاز أو محاولات أسكات...
فيا أخ صديق اللولوة أنا مابعرف ليها وما بفوتها فدحين ورينا الأساءة وين؟؟؟؟...
تحياتى
سيف مصطفى
| |
|
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: SAIF MUstafa)
|
Quote: دعا السيد الصادق بواشنطن كل السودانيين المهاجرين الاصطفاف صفا واحدا
لصنع بدائل النظام وطرحها للنقاش واعداد الاوراق التى تعبر عن رؤى متباينة لكيف يحكم السودان
كما دعا الى وضع مقترح دستور يحكم به السودان مستقبلا
وتقديمه للاحزاب السودانية
والانتظار عليها
قبلته
او رفضته |
لي متييييين؟
ثاثنا:
لماذا يفصل الصادق بين عناصر المقاومة السودانية الثلاثة:
الأحزاب
الشباب
ثوار الهامش المسلحين
لماذا لا يرى أنهم يصدرون من دافع واحد
ولماذا لا يوظف حكمته ووزن حزبه في التنسيق والتقريب بينهم ليكون نجاحهم مؤكدا؟
هل هذا موقف كل الأحزاب؟
إذا تفهمنا مخاوفهم من ثوار الهامش
هل يتباعد كلهم عن شباب التغيير؟ ولماذا؟
لأن الأحزاب بجماهيرها ومؤيديها في كل المدن والقرى
لو نزلت وشاركت في حملة المظاهرات - مثل الأخيرة -
لما كان السودان الآن في هذا الوضع
أظن السؤال الحقيقي: هل ترغب الأحزاب في تغيير النظام؟
أم هل تفضل نظام الإنقاذ على التغيير الجذري الذي تحدثه مشاركة
ثوار الهامش في التغيير والسلطة
الباقر موسى
لا بد من حوار عميق وصريح بين ثوار الهامش وثوار المدن
| |
|
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: Elbagir Osman)
|
| Quote: وبعدين ياخى لسة نحن فى لعبة... دولة مدنية... ويتعاملوا مع الجنائية بعقلانية....البيمنع حزب الأمة وغيره أنو ينشروا تفاصيل مسودات دساتيرهم شنوا....؟...لأنها حسب الطلب مش؟؟؟ ليه ما فيش حزب داير ينشر دستور ويلتزم بيه؟؟؟ وأى زول متضارى ورا ء وهمة الدولة المدنية؟؟؟ |
من الحاجات البتغيظ لامن واحد يجي ينظر ويطلق احكام نهائية من راسو وهو ما مستعد يتعب نفسو شوية ويطلع ويثقف نفسو بما يقوله الاخرون !!!
من قال لك يا اخ سيف ان حزب الامة لا ينشر دستوره ؟؟!!
يا سيدي العيب فيك انت وليس في حزب الامة هل تصدق ان حزب الامة نشر كل دساتيره منذ دستوره التاسيسي وحتى اخر مؤتمر ؟؟!
يا رجل ؟!!!
| |
|
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: SAIF MUstafa)
|
Quote: البند السابع من الاجندة الوطنية التى طرحها حزب الامة وذكرها السيد الصادق فى الندوة كانت عن
ايجاد علاقة توافقية جديدة مع حكومة جنوب السودان |
Confederacy ...
شكراً يا إيمان ... براجع في الكلام من الصباح في راسي ... وانا متأكد انو النقطة السابعة مهمة ...
قال علاقة توأمة مع الجنوب ... ودستور توافقي ...
_________________________________
يا سيف انت وكت ختيت الأساس بتاع "إسقاط النظام" (ما عارفو جناح "قرفنا" ولاّ "تسلحنا") طيب ما تقول نقد موضوعي في المخرج دا ...
أو قول انت حا توصل للهدف (نفترض انو "نبيل" لأنك رشيت هتاف عن الـ Moral) كيف؟
والله شككتونا في انو طرح الكيزان احتمال يكون الأعقل والأكثر موضوعية وواقعية ... كان كدي النمشي نراجع مشروع "حكومة القاعدة العريضة" ...
لأنو انا زاتي اعجبت بترتيب وكثافة مبادرة الأمة لتعبئة جبهة وطنية عريضة على أسس واضحة ...
انتو ناس جايطين ساي ... رغم ادعاءاتكم لاكين لى هسي خايفين من صناديق الإقتراع ومتوقعين الفشل فيها .. ولى هسي مركزين على "من يحكم السودان" مش "كيف يحكم السودان" .... ولى هسي مؤملين في الشكرة ... إنو الحا يسقط النظام حا يكسب جمهور ... وحا يركّب في الباقين خازوق "الخيل يجقلبن والشكر لى حماد" ... بالهتاف والجعجعة ...
أنا امبارح كنت بصفق للكوميديا ... لاكين لو الزول تابع النقاط البتشد الجمهور وتدعوهو للتصفيق ... بلقى انو امبارح كان في صفقتين ... صفقة "مع" (تأتيك من اللأوساط العميقة) ... وصفقة "ضد" (تأتيك من الكتل الطرفية .. خصوصاً يسار القاعة وبعض الشلل الخلفية) .... وصفقة "سرحة" تهز ارجاء القاعة كلما وصف لهم الإمام واقعهم ... بأريجه وتهريجه ... واقعهم المضحك المبكي .... إذ ظل الإمام يردد مساوئ الإستقطاب ... وظل الجمهور في استقطابهم يعمهون ...
افتراءات ياسر عرمان على الصادق المهدي ... لا هي بالتحليل السياسي ... ولا هي بالتقرير الإستخباري ...
سألت واحد انو لو كان عندو دلالات في الواقع بتوري انو الكلام دا ممكن يكون صحيح؟ قال ليّ "الأيام حا توريك" ... قلت ليهو وكت عندك راي ما عندك ليهو دليل ولا حاتقيم عليهو حجة؛ أحلف لي بالطلاق انو الصادق المهدي بكرة بتفق مع الكيزان وبلحس الكلام القالوا هنا دا ... انا بفهم الكلام البيدخل العقل ... ما عندك تبرير عاقل تشرحو ليّ ... على الأقل احلف طلاق ياخي ....
... المهم ....
| |
|
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: SAIF MUstafa)
|
تبارك
أولا الجايطين الله بيعلم بيهم... نحنا ما اتحركنا شبر من صباح الأنقلاب حتى يرجع المسروق أو نلقى ربنا على عهدنا لأنفسنا والآخرين. الجايطين اللى بيحاوروا وبيشاركوا ويفاوضو بأسم الغلابة أهل الحق..
ثانيا أيوة فى غياب دستور واضح البيحكم منو بيهمنا قبل الحكم كيف... لأننا تعلمنا كيف يحكم السيد والأمام وأمثاله فى ظل الدساتير اياها حتى وإن جاءوا عبر الصناديق اللى فيها الغردونى عندو صوتين... أتذكر مظاهرات السكر عندما هدد الراحل نور الدائم وعبر التلفزيون القومى المدنيين بطربهم بمليشات الأنصار....
قال دولة مدنية قال
فهنئا لك ولهم بعقلانيتهم
| |
|
|
|
|
|
|
|
|
 Re: الصادق المهدى فى واشنطن يريد تغيير النظام وليس اسقاط النظام (Re: SAIF MUstafa)
|
نقول لتجار الدين ...المستعربين المتأسلمين... في اللحظة التي تظنون فيها أنكم ربما تخلصتم من تبعة الأفريقانية بعد انفصال جنوب السودان، وأنكم على أعتاب دولة عروبية نقية... سوف تأتي الأحداث لتثبت لكم أنكم لا تزالون تخضعون للمعايير الأفريقية في التغيير وليس المعايير العروبية. فالتغيير حتمي وقادم... واضح كالشمس في السماء... وهو اقتلاع النظام الحاكم واقتلاع مؤسسة الدولة معاً بأيدي الحركات المسلحة في السودان وبمساعدة الدول الكبرى في العالم (المجتمع الدولي). قد هذا حدث في تشاد وأفريقيا الوسطى والكونغو الديمقراطية ورواندا وبوروندي وأوغندا وإثيوبيا وإريتريا والصومال، وليبيا ....وسيحدث في السودان! نتاج ما زرعتم ..فمن يزرع الشوك لا يجني العنب ..ومن يزرع الريح يحصد العاصفة.
وسوف تكون الثورة القادمة في السودان ملكاً لجماهير الهامش سواء في العاصمة القومية أو الأقاليم وليس لأي زعيم قديم مجرب في الحكم ابتداء من البشير مروراً بالترابي والصادق والميرغني و كل ديناصورات السياسة السودانية... أن يعتلى ظهرها ليأتي حاكماً على رقابنا مجدداً ... فلا أرى أي اختلاف بين هؤلاء جميعاً... هم فقط يختلفون في (كرسي السلطة) من يحكم السودان؟ ولا يختلفون عن المؤتمر الوطني في أي شيء آخر؟ ومن يخالفني الرأي عليه الإثبات؟ إذن... لابد من قيادات سودانوية جديدة تعبر عن جماهير الهامش وليس المركز ... الثورة ثورة سكان الهامش ... الجنوب .. الغرب ... الوسط .. الشرق ...فلن يسرقها... منا لصوص الثورات هؤلاء. فنحن لا نهز (الشجرة) ليأكل (ثمارها) الآخرون... فالأرض (لمن يفلحها) والحكم والسلطة لمن يدفع ثمن الحصول عليها دماً وتقتيلاً وتشريداً واضطهاداً... وللحرية الحمراء باب.. بكل يد مضرخة يدق.
وإنها لثورة حتى النصر وإنها لثورة حتى القصر...
| |
|
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: SAIF MUstafa)
|
Quote: الأخ معتصم
سلامات
لا تتغاظ ولا حاجة |
من الحاجات البتغيظ لامن واحد يجي ينظر ويطلق احكام نهائية من راسو وهو ما مستعد يتعب نفسو شوية ويطلع ويثقف نفسو بما يقوله الاخرون !!!
من قال لك يا اخ سيف ان حزب الامة لا ينشر دستوره ؟؟!!
يا سيدي العيب فيك انت وليس في حزب الامة هل تصدق ان حزب الامة نشر كل دساتيره منذ دستوره التاسيسي وحتى اخر مؤتمر ؟؟!
يا رجل ؟!!!
اولا حاجة الكلام ده ماقالو معتصم أيا كان (المعتصم) المعنى
ثانيا :نوفر عناء ومشقة البحث
هنا تقريبا ستجد كل ماتبحث عنه فى مقع الحزب
http://www.umma.org/umma/
| |
|
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: صديق مهدى على)
|
Quote: ايمان بدرالدين
كل سنة وانتي طيبة
الصادق المهدي ماعندو بديل غير الاشتراك مع ناس الانقاذ
لذلك كل مايحدث الان ماهو الا دليل لمشاركة الصادق المهدي في الايام القادمة |
الاخ سيف مساعد لك التحيات والسلام
و اقدم اعتذارى لعدم سرعة الرد لانشغالى ببعض المشغوليات
السيد الصادق المهدى بوضعه لهذة الاجندة كشرط لمفاوضة النظام والمشاركة فية يؤكد ان هنالك حوارا مشتركا بينهما ولكنة لم يؤدى الى اتفاق ولن يؤدى الى اتفاق الا
بقبول هذة الاجندة الوطنية من جانب الامؤتمر الوطنى ولان اجندته تختلف تماما من هذة الاجندة المطروحة من جانب حزب الامة فالنظام يبحث عن شريك يرمى فية اوزاره ويعلق علية اخطائه ويتحمل معه مسؤلية وضع دستور دولة الشمال العرقية والجهويةالدينية وبمعرفتنا لهذة الاجندة نتابع ما تاتى به الايام فكل المعطيات امامنا الان والمهم فى الامر ان لا مشاركة من حزب الامة الا بشرط قبول الاجندة الوطنية بالنسبة للطرفين واظنه غير وارد للاسباب اعلاه
| |
|
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: SAIF MUstafa)
|
Quote: نتمنى ألا يفوت شباب حزب الأمة شرف المشاركة فى أسقاط النظام كما فات أمثالهم فى جامعة الخرطوم شرف ألمشاركة فى قيادة أنتفاضة أبريل عندما رفضت قيادة الحزب التحالف مع التنظيمات الأخرى فى أنتخابات أتحاد الأنتفاضة بدون سبب سوى مفاضلتهم للأسلاميين وأوهامهم بأنهم هم وحدهم من يقدر على أسقاط نميرى...
|
الاخ سيف سلامات
اولا المعلومة دى منافية للواقع التاريخى لان الجامعات الفجرت إنتفاضة ابريل ماهى جامعة الخرطوم ..فأول جامعة طلعة هى جامعة أم درمان الاسلامية
بقيادة اتحاد قوى التضامن الاسلامى المكونه من حزب الامة والاتحادى والمستقلين وكان رئيس الاتحاد حينها محمد احمد سلامة (كادر حزب الامة والانصار)
ولما نقول التضامن الاسلامى فبديهيا يستثنى من هذا المكون القوى اليسارية وخلافها وكان لكوادر حزب الامة بجامعة الخرطوم بقيادة حمد السنارى
والفاضل ادم ود.صديق بولاد فالتعبئة وحشد التأييد لهذا الاتحاد وللخروج فى مظاهرات مارس ثم تبع جامعة الاسلامية فى الخروج للشارع معهد الكليات
التكنلوجية (جامعة السودان) وفي لجنته التنفيذية بشير على ادم ودفع الله عبدالله من حزب الامة ثم بعدها خرجت جامعة الفرع وفى الاخر اعقبتها جامعة
الخرطوم اللى كان دورها هامشى مقارنة بالاخرين ..وعندما اعلن الاطباء إضرابهم وانضمامهم للانتفاضة كان من المشاركيين الفعليين للمظاهرة د .عمر
نور الدائم عليه رحمة الله والجمعة الفاصة فى الانتفاضة اين كانت ؟ كانت فى ودنوباوى واعلن فيها وفاة النظام وخرج الانصار بعد الصلاة برغم حصار
جهاز امن نميرى لودنوباوى وميثاق الانتفاضة ذاته كتبه الصادق المهدى ...
اما بالنسبة لعدم مشاركة تنظيم الطلاب فى انتخابات جامعة الخرطوم فصحى هذه الحقيقة الوحيدة المذكورة فى الكلام فحزب الامة لم يشارك فى
قائمة موحدة مع الاخرين ولكن الحقيقة انه لم يتحالف مع الاسلاميين (الاسلاميين كانوا جزء من النظام) وآثر حزب الامة ان ينزل بقائمة
منفصلة لانه ماوصل لاتفاق مع بقية التنظيمات الطلابية الاخرى..
فعندما نتحدث عن التاريخ الحديث يجب ان نذكر حقائقه لان شهوده مازالوا احياء
ودى
| |
|
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: معتصم مصطفي الجبلابي)
|
| Quote: اهم ما خرجت به الندوة هو تصريح السيد الصادق المهدى باهمية العودة الى مقرارات اسمرا المصيرية والتى اتفقت عليها كل القوى السياسية المعارضة عام 1995 فى اسمرا حينئذن سالته شخصيا عن التناقض بين الاجندة الوطنية ومقررات اسمرا مذكرا له ان احد مقرارات اسمرا المصيرية المهمة ان تلغى قوانيين سبتمبر (قوانيين الشريعة) وان لا يستغل الدين فى السياسة وفى احدى بنود الاجندة الوطنية التى طرحها حزبه الاتفاق على دستور عريض تكون مصادر التشريع فية اوخلفيته اسلامية مما يتعارض مع مقرارات اسمرا التى يدعوا الى العودة اليها الان ؟!! |
الاخت ايمان سلامات
مقررات اسمرا لم تذكر الغاء قوانين سبتمبر ولم تورد كلمة سبتمبر مطلقا ..تحدثت عن تنظيم العلاقة بين الدين والدولة وان ترعى الدولة الاديان وتمنع فرض اوسيطرة ديانة او تغولها على الاديان والمعتقدات الاخريات ..وان لايقوم حزب سياسي على اساس دينى وان الدولة مبنية على المواطنة وليس الدين والقوانين مستمده من التشريع والعرف..والمواثيق الدولية المبنية على حفظ وحقوق المواطن ..
لم تطرق اسمرا لقوانين سبتمبر لافى الاجتماعات التحضيرية ولا فى القرارات والتوصيات لان الزمن تجاوزها وعندما نقول ان الدولة قائمة على المواطنة
وكفالة حقوق غير المسلمين واحترام التعدد بشتى اشكاله فضمنيا .. الكلام ده بينسف النقيض ليهو ..
ودى
| |
|
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: ABDALLAH ABDALLAH)
|
| Quote: بس ما تغلط وتفتكر أنو سيف دا ما عارف الأتحادات التانية فيها منو ودورها شنو ولا أتكونت كيف ذاتوا؟؟؟... ياخى لو أنت بتقيس دور الناس فى الأنتفاضة اللى أستمر التجهيز ليها قرابة العام واللى عمت كل السودان بمظاهرات العاصمة الختامية....فبختك... جامعة الخرطوم كانت مقفلة وناس الدقير فى السجن.... يعنى مافى دور ذاتو خليك من هامشى.... |
| Quote: نتمنى ألا يفوت شباب حزب الأمة شرف المشاركة فى أسقاط النظام كما فات أمثالهم فى جامعة الخرطوم شرف ألمشاركة فى قيادة أنتفاضة أبريل عندما رفضت قيادة الحزب التحالف مع التنظيمات الأخرى فى أنتخابات أتحاد الأنتفاضة بدون سبب سوى مفاضلتهم للأسلاميين وأوهامهم بأنهم هم وحدهم من يقدر على أسقاط نميرى... |
كلامك ينسف احدهم الاخر ..ركز شوية ياحبيب
راجع كلامك المشار اليه بالاحمر وشوف التناقض الموجود بين الحديثين
عموما لو الجامعة مقفلة فالحالة فى الخرطوم كلهاكانت واقفه
لكن برضو ناس حزب الامة الفى الخرطوم شاركوا وبالاسامى اذكر بعضهم
شككتنى والله قلت يمكن دى سقوط الخرطوم زمن المهدية ولا حاجة..
ده جر للحديث خارج اطار النقاش
وده شعرا ما في ليهو رقيبة
| |
|
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: ABDALLAH ABDALLAH)
|
Quote: الاخت ايمان سلامات
مقررات اسمرا لم تذكر الغاء قوانين سبتمبر ولم تورد كلمة سبتمبر مطلقا ..تحدثت عن تنظيم العلاقة بين الدين والدولة وان ترعى الدولة الاديان وتمنع فرض اوسيطرة ديانة او تغولها على الاديان والمعتقدات الاخريات ..وان لايقوم حزب سياسي على اساس دينى وان الدولة مبنية على المواطنة وليس الدين والقوانين مستمده من التشريع والعرف..والمواثيق الدولية المبنية على حفظ وحقوق المواطن ..
لم تطرق اسمرا لقوانين سبتمبر لافى الاجتماعات التحضيرية ولا فى القرارات والتوصيات لان الزمن تجاوزها وعندما نقول ان الدولة قائمة على المواطنة
وكفالة حقوق غير المسلمين واحترام التعدد بشتى اشكاله فضمنيا .. الكلام ده بينسف النقيض ليهو ..
ودى |
الجبلابى تحياتى
مقررات اسمرا لم تتعرض لقوانيين سبتمبر فى بيانها الختامى ولكن كانت من ضمن مداولاتها واتفق معى فيها السيد الصادق ثم اتت بعد ذلك صياغة المقرارات الختامية وهى عدم استغلال الدين فى السياسة وكلنا يعلم ان قوانيين سبتمبر كانت شرك وخازوق اذ لم يتم الغائها فى حكومة ما بعد الانتفاضة وتم الاتفاق على تجميدها فى اتفاقية الميرغنى قرنق وانكرها الترابى فى لقاء تلفزيونى وقال انه لم يقوم باعدادها ولكنه سير وجبهته الاسلامية المسيرات المليونية للدفاع عنها كما عابها السيد الصادق بقوله انها لا تساوى المداد الذى كتبت به ولكنه لم يلغيها و كرر ذلك فى الندوة وهذا يوضح انهاخازوق اريد به حكم السودان باستغلالا عاطفة اهله الدينية المهم اوعدك باننى ساتناول بعض جوانب استلهام البرامج الانتخابية من القيم الدينية والاخلاقية لاحقا باذن الله وارائى فى حديث السيد الصادق والذى كان مفيدا جدا ودسما اختلفنا معه فيه او اتفقنا المهم جاء حديثه وخطابه واضحا فمن حق كل فرد منا التعبير عن رايه فيه كماقال هو وبحرية كاملة كما اعجبتنى ادارة الندوة واداء ابوهريرة فى ضبط الزمن وعدالة الفرص بزمن محدد والنظام الجيد وظهر بجدية بادية وصارمة للحفاظ على هيبة الندوة ولى عودة
| |
|
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: ايمان بدر الدين)
|
هناك فرق كبير بين التغيير والاسقاط للنظام ففى البدء دعونى اعبر عن نجاح الندوة والنقاش المفيد و لقد احترمت راى السيد الصادق فى قوله ودعمه لرايه بانه يريد تغيير النظام وهو حق له ولحزبه يقبل النقد او الاتفاق حوله ولكن من وجهة نظرى لا يتم تغيير لنظام الا بموافقة اهله واهل نظام الخرطوم قال رئيسهم انه اخذ السلطة بالقوة والراجل ياخذها مننا بالقوة اذن يرفض التغيير والتسليم الا باالسلاح والقوة وهنا ياتى الاسقاط كبديل طبيعى ومناسب لمطالبه ولنا فى حمل سلاح الحركة الشعبية ضد النظام مثالا واضحا يحتذى به فهى لا تتحدث الا مع من حملوا السلاح واظن ان السيد الصادق حسب رائى يريد تحولا ديمقراطيا قائما على تسليم السلطة سلميا وهذا لا يتفق مع تاريخ النظام والانقاذ فى دعوتها للمعارضين واغرائها لهم بمنح حرية الرأى والعمل المعارض بالداخل ثم الانقضاض عليهم داخل اروقتها وتبديل وعودها وعدم تنفيذها للاتفاقيات معهم بعد استدراجهم اما التغيير ايجابى كان والاسقاط سلبى يكون فأن ذلك يعتمد على جاهزية الاطراف التى ترى الاسقاط او التغيير وسيلة مجدية ففى الحالتين لابد من احلال البديل وملا الفراغات بعد التغيير او الاسقاط والا فلا داعى للمحاولة من الاساس مع العلم ان الانقاذ اذا علمت بنوايا التغيير او الاسقاط ابطلت مفعولهما فورا وبكل السبل لذا تظل سرية العمل المعارض الجزئية امر لابد منه اذ لا يمكن اعلان التغير او الاسقاط والسلطة مكتوفة اليدين وفى هذا بيان واضح ان هناك ترتيبات تسبق التغيير اكثر منها الاسقاط والدليل على ذلك شرط قبول الاجندة الوطنية كبديل للتغيير
| |
|
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: ايمان بدر الدين)
|
الاخت الرائعة ايمان و المتداخلون الاعزاء
الامام القى بحجر فى بحر السياسة هنا فى امريكا
و لذلك سنظل نتحاور و نتناقش بقية الوصول الى راى موحد,
فخلونا اولا, نعيد ترتيب الاشياء, وناخد نفسنا و نهب هبة من جديد
اتمنيت كما تمنى الحبيب عبدالله لو حضرت لقاء القوى السياسية
نهار اليوم مع الامام, كان بجد لقاء مهم, فيهو تفصيل عن الاجندة الوطنية
وخلص الامام فى قوله ان الاجندة الوطنية تعنى اعادة هيكلة الدولة السودانية
ولذلك ناس الانقاذ ما قبلوها, وهو تعليق شبيه بالتعليق الذكر فيه الامام, اسحق احمد فضل الله
فى الندوة, و رايه فى طريقة تعامل الانقاذ مع حزب الامة, وهم فرحين يهللوا, فقال ليهم ما معناه, ان اراء حزب
الامة دى هى الوحيدة الحتوديكم التوج!!
اهم ما وجه به السيد الامام المعارضة فى الخارج, هو ان تتفق باعتبارهم الاكثر وعيا و تاهيلا
و الاكثر حرية, ان تتفق على تنظيم انفسها حتى تصبح نموذج للقوى السياسية
بالداخل لتحتزى بها, وان نستفيد من تواجدنا فى الغرب للدفع بهذه الاشياء, ايضا ذكر باننا يمكن ان نحجز
مساحة ساعة او ساعتين بالفضائيات المؤثرة على الراى العام السودانى , حتى نستطيع من توجيه خطاب و احد و متماسك يساعد فى تفعيل العمل المعارض وتوحيد الرؤى
كذلك من الاشياء المهمة التى ذكرها الامام, بان على قوى المعارضة المختلفة ان تقدم اطروحاتها وارائها حول التصور الذى تراه ينبقى ان يكون,
لا ان ناتى فقط و ننتقد تصورات و اراء الاخرين دون ان ناتى بالبديل, وفى هذا السياق ذكر باننا فقط قدمنا رؤيتنا و لم نفرضها على الناس بل ندعوهم
للتحاور حولها , وان محاولات الرجوع للماضى واثارة التهم الجزافية هو اسلوب يخدم الحكومة و يضر بالمعارضة, عن طريق انشغال المعارضة بنفسها .
هنالك الكثير المفيد قيل فى الندوة وسنعود قطعا من وقت لااخر لتسليط الضوء عليه.
________________________________
سعدنا بملاقاتكم ايمان و كان عيدنا عيدين.
| |
|
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: ايمان بدر الدين)
|
معتصم
بالدغرى كدا
أجيك من الآخر ياخى.... أنا ما اللى بيحكوا ليه تاريخ الأنتفاضة لأنى ببساطة من الناس اللى كتبوا شعاراتها بيدى ...
أنا بترييييق عليك..... وعلى حظى الخلاك تحكى لى عمايل ناسكم ... يشهد الله عبارات بولاد وبلول وأستهتارهم بينا وبالتحالف لسة فى أضانى... وكوادركم هى اللى خزلت الطلاب فى أحداث العنف اللى قفلت الجامعة ياخى لم تفاصيلك عليك وأ سأل الأخوان ناس بلول وبريمة الحايم هنا دا وغازى ودوكة وبقية كوادركم فى شمبات سيف دا منو...والمنبر دا مليان ناس وفيه أعضاءو رؤساء أتحادات من الفترة ديك....
وأكتر من كدة ما برد عليك فى الموضوع دا ؤبخليه لشهوده وأنت أكتب التاريخ بالصورة العايزا أصلوا هى خلاص وقفت على تاريخ دور جامع الخرطوم.... حيرتنا ذاتو...
| |
|
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: ايمان بدر الدين)
|
Quote: الأخ محمد
سلامات
لا تتغاظ ولا حاجة ... نزل لى نصوص دستوركم لحكم السودان اللى بتتطابق مع رؤية الدولة المدنية اللى بيطالب بيها الأمام وبيفاوض على أساسه حاليا كبديل للأنقاذ ولا شان لى بأى دساتير سابقة فالتحدى هو حل الأزمة الحالية وكيف يتم الحكم ...
أذا نزلت نصوص ومواد تفصيلية عن علاقة الدين والدولة حسب فهكم المطروح للدولة المدنية فسأعتزر عن جهلى ...وبعداك نشوف
مسألة الأمام والتزامه بما يطرح ودا الشق التانى من الجزء العملتو أحمر فوق دا...
تحياتى
سيف مصطفى |
اخونا سيف سلام
مع انو الموضوع بسيط وكان بامكانك الضغط علي الرابط الجابو ليك حبيبنا الجبلابي لتعرف عن حزب الامة ما لم تعرفه .. لكن ما مشكلة عشان انت تعرف والكان زيك بتكلم عن حزب الامة بانطباعات سابقة وغير حقيقية - في ناس بتتوارث الكراهية بدون اي دور للعقلانية - زي ناس سيف عبد الجبار ديل لا باس من انو الواحد يجيب ليك الرابط المباشر وكمان مقتبسات من اخر دستور للحزب في المؤتمر العام السابع لسنة 2009
اها ان شاء الله ما نكون قصرنا معاك واي عتالة تانية مستعدين بس انتو تهدوء وتفكرو بعقلانية بعيدا من الهتاف
اولا الرابط :
http://www.umma.org/umma/ar/page.php?page_id=218
ثانيا المقتبس :
بسم الله الرحمن الرحيم
حزب الأمة القومي
دستور حزب الأمة القومي لسنة 1945م
المعدل لسنة 2009م
الفصل الأول
أحكام تمهيدية
اسم الدستور وبدء العمل به
1. يسمى هذا الدستور دستور حزب الأمة القومي لسنة 1945 والمعدل لسنة 2009م ويعمل به من تاريخ إجازته في المؤتمر العام وتوقيع رئيس الحزب عليه.
تفسير
2. في هذا الدستور ، ما لم يقتضي السياق معنى آخر ، تكون للعبارات والألفاظ المعاني الموضحة أمام كل منها:
- المؤتمر العام: يقصد به المؤتمر المنعقد بموجب المادة (12) من هذا الدستور.
- الرئيس: يقصد به رئيس الحزب المنتخب وفق المادة (15) من الدستور.
- الهيئة المركزية: هي الهيئة المكونة بموجب المادة (17) من الدستور.
- المكتب السياسي: هو المكتب المكون بموجب المادة (20) من الدستور.
- الأمين العام: هو الشخص المنتخب بموجب المادة (21) من الدستور.
- الأجهزة اللامركزية "الإقليمية والولائية": هي الأجهزة التي يتم تكوينها وفق المادة (27) من الدستور.
الفصل الثاني
المبادئ والأهداف والوسائل
3. يستهدى الحزب بالمبادئ الآتية :-
أ- الديمقراطية والمؤسسية.
ب- المواطنة كأساس للحقوق والواجبات.
ج- كفالة الحريات والحقوق الأساسية للمواطنين وإقامة وتأمين حكم ديمقراطي ينبذ العنف ويعزز ويؤكد مبدأ التداول السلمي للسلطة.
د- الالتزام بحقوق الإنسان المضمنة في المواثيق الأساسية والمعاهدات الدولية.
هـ- الالتزام بروح المشاركة والمساءلة والمحاسبة والشفافية وسيادة حكم القانون.
و- الاعتراف بالتنوع الثقافي والديني والعرقي وحماية حقوق الأقليات والمجموعات الوطنية.
ز- الالتزام بالنهج القومي حيال قضايا الأمة السودانية.
ح- إقامة نظام حكم ديمقراطي لا مركزي قوامه التعددية الحزبية.
ط- تمتين نسيج البلاد الاجتماعي ووحدتها القومية.
ك- إعتماد مبدأ التمييز الإيجابي والنوعي والجغرافي.
ل- إعتماد مبدأ العدالة والتوازن في توزيع السلطة والثروة.
الأهداف
4. يسعى الحزب لتحقيق الأهداف الآتية :-
أ- صون سيادة واستقلال السودان.
ب- توطين الديمقراطية وحماية الحريات الأساسية والحقوق.
ج- التداول السلمي للسلطة وتحقيق المشاركة الشعبية الواسعة.
د- تحقيق التنمية الاقتصادية والاجتماعية المستدامة وضمان التوزيع العادل للثروة وتحقيق العدالة والرفاه الاجتماعي.
هـ- تأمين وتأكيد وحدة السودان الطوعية وصيانة أمنه القومي.
و- إعادة صياغة بناء الوطن على أسس المساواة والعدالة
الوسائل :-
5. يزاول الحزب نشاطه ومهامه عن طريق الوسائل الآتية:-
أ- تعبئة المواطنين من اجل تحقيق مبادئ الحزب ومصالح الوطن.
ب- تنظيم قواعد الحزب جغرافياً وقطاعياً والعمل على استقطاب الغير لعضوية الحزب.
ج- التنسيق والتعاون مع الكيانات السياسية والاجتماعية ومنظمات المجتمع المدني لتحقيق مصالح البلاد.
د- إعداد البرامج وإجراء الدراسات والبحوث وبناء قاعدة معلومات (ICT).
هـ- التنسيق والتعاون مع المراكز والمؤسسات والمنظمات الديمقراطية في العالم.
و- ارتياد العمل الإنساني والطوعي في مجالات الإغاثة وإعادة التأهيل والتنمية.
ز- تبني صياغة عقد اجتماعي يؤسس لعلاقة بين الأطراف المعادلة الثلاثة ("الحكومة – أصحاب العمل – العاملين).
الفصل الثالث:
العضوية
شروط العضوية
6. حزب الأمة حزب سياسي ديمقراطي لا مركزي مجتمعي عضويته متاحة لكل سوداني وسودانية يؤمن بأهدافه ومبادئه دون تمييز بسبب العرق أو الدين أو النوع أو الجهة ، ودون المسـاس بما تقدم ، يشترط في العضو :
أ- أن يبلغ من العمر 15 عاماً.
ب- أن يكون سليم العقل.
ج- الالتزام بالنهج القومي والمؤسسي في ممارسة العمل الحزبي.
د- ألا ينتمي لأي حزب سياسي سوداني آخر.
واجبات العضو :
7. يجب على كل عضو :
أ. الالتزام بمبادئ وقيم وسياسات الحزب والدفاع عنها.
ب. الالتزام بقرارات الحزب.
ج. الالتزام بالمؤسسية في ممارسة نشاطه الحزبي.
د. بذل الجهد فكرياً وتنظيمياً والوفاء بالتزاماته تجاه الحزب.
هـ. سداد التزاماته واشتراكاته المالية.
و. الالتزام بتنفيذ ما يكلف به من أجهزة الحزب.
ز. عدم إفشاء أية أسرار أو الكشف عن أية معلومات دون موافقة الحزب وعدم الإدلاء بأي تصريحات أو بيانات في أي من أجهزة الإعلام دون أن يكون مصرحاً له بذلك.
حقوق العضو :-
8. تكون للعضو الحقوق الآتية :
أ- تولي أي منصب في أجهزة الحزب متى ما استوفى الشروط المقررة لذلك.
ب- المشاركة في الاجتماعات التي تنظم في مستواه التنظيمي وإبداء رأيه في كافة القضايا الوطنية والحزبية أو غيرها من القضايا المطروحة فيها.
ج- الحصول على المعلومات والوثائق الحزبية اللازمة لتفعيل عضويته.
مسقطات العضوية :-
9. تسقط العضوية في أي من الحالات الآتية:
أ. الوفاة.
ب. الاستقالة بعد قبولها من الجهة المختصة.
ج. الفصل بموجب دستور ولوائح الحزب.
د. الانضمام لحزب سياسي سوداني آخر.
هـ. فقدان الأهلية القانونية.
و. إسقاط/سقوط الجنسية السودانية بأسباب قانونية.
ز. الإدانة بجريمة مخلة بالشرف أو الأمانة من قبل محكمة مختصة والحكم عليه بعقوبة تتجاوز خمس سنوات سجناً.
| |
|
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: محمد حسن العمدة)
|
الأخ محمد العمدة
سلام
عليك الله يامحمد أنت بالجد مفتكر أنا بسأل عن دستوركم الداخلى؟؟؟؟
ياخى أنا مالى ومال نظامكم الداخلى.
أنت يا صاحبى اللى فهمت غلط... أرجع لمداخلتى وأقراها فى السياق اللى وردت فيه... محمد يا أخوى أنا ما بكتب كلام والسلام ... أنا طلبى كان هو الدستور اللى حتكموا بيهو السودان ووضحتها ليك تماما ودى ما أول مرة نطالب الأحزاب تنشر لينا دساتيرها لحكم السودان...
ما بحتاج أسى بيك الظن زى ما عملت معاى وطلعتنى جاهل وشنو ما عارف بتسرعك... فقط أعد قراءة المداخلة الأصلية وشوف التانية اللى علقتها فوق كلامك دى..
وبعدين ياخى كلمة كراهية دى كلمة سيئه ما توصف بيها زول....
الله يدينا خيركم ياخى
تحياتى
| |
|
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: SAIF MUstafa)
|
Quote: أنا طلبى كان هو الدستور اللى حتكموا بيهو السودان ووضحتها ليك تماما ودى ما أول مرة نطالب الأحزاب تنشر لينا دساتيرها لحكم السودان...
|
مافي احزاب بتعمل ليها دساتير خاصة بيها لحكم دولة ما
اي حزب بقدم رؤيته لكيف يكون الدستور
لو عفصت الرابط وقريت الكلام بتلقى برنامج حزب الامة + البطاقة الفكرية لحزب الامة وبتلقى برضو ورش العمل العملا الحزب لشكل الدستور المفترض يتعمل بس زي ما قلت ليك المشكلة في انك تفرغ نفسك شوية وتقرا عن حزب الامة بعد كدا تجي تنتقدو
انت سالت عن رؤية الحزب حول شكل العلاقة بين الدين والدولة وانا اجبت ليك حسب الجزئية دي الباقي اجتهد في الموجود بين يديك
| |
|
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: محمد حسن العمدة)
|
| Quote: أنا بترييييق عليك..... |
طبعا ده ما طبعى وانا بقدر الناس مهما كان قدرهم ومقدارهم ..وما قاعد استخف باى حوار او محوار هذا ديدنى ..
غايتو اذا كان ده تعاملك ..فالعفو والعافية ..واذا ناقشتك بعدها انا البكون غلطان فى حقى قبل حق الاخرين..
عموما ..انت اذا كان الكلام الموجود قدامك فى البوست ده هنا مامركز فيهو وبتلخبط وبيتناقض كلامك فيهو
فما بالك بتاريخ..مره عليهو اكثر من ربع قرن ..اخشى لو مشيت معاك لقدام ..ان تقول لى انا استشهدته فى إنتفاضة ابريل
سلام
| |
|
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: ايمان بدر الدين)
|
الجبلابي انت البرميك في الكارثة الإسمو سيف مصطفى (سيف التعيس حسب أيام الإنتفاضة لو سمح المقام بذكر اللقب القديم ... متأكد انو اي زول حا يقول ليك: لا حولا ... سيف التعيس؟) شنو؟ انت جيتو بعد قرا زراعة وعمل ماستر في المانيا ... وبدا من الأول وقرا قانون ... وحالياً يحمل ترخيص ممارسة المحاماة في واشنطون دي سي ...
كان تعزل ليك اضينة مطرّف تغالتو في تاريخ الإنتفاضة في جامعة الخرطوم ... تقع في واحد من الكوارث النظموا تعبئة الحركة الطلابية والتجمع النقابي والإنتفاضة كلها؟
سيف مصطفى يا عزيزي الجبلابي ممكن تغالتو في تحليل وتوقعات المستقبل ... وفي دي زاتا لامن تغالتو تكون حريص انك تسمعو وتفهمو ... لأنو بيبني قراياتو على معرفة عميقة وغنية وتجربة حقيقية وثرّة ... وهو عندما يتحدث عن دستور منشور - للأخ العمدة - فهو يتحدّث عن دستور الدولة من ناحية قانونية ... وعموماً لا تعني آيديولوجيات الأحزاب الكثير أو القليل في موضوع الدولة العلمانية ... فالموضوع في منتهاه موضوع قانوني ... ومرجعيته النهائية هي نصوص الدستور الساري والمعلن عنه ... إمّا أن ينص الدستور على كفالة حرية الدين والتفكر والإعتقاد والبحث العلمي ... أو لا ينص عليها ويستبدلها بنصوص ضبابية معوّمة تشير لمرجعية دينية لهذه الحقوق والحريات ... يعني يا علمانية يا دينية ... مافي حاجة في النص ...
... المهم ...
| |
|
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: تبارك شيخ الدين جبريل)
|
معتصم
دى طريقتى فى النقاش ما عجبتك أنت حر..ومافيها أى شئ شخصى وما قاعد أسئ للناس رغم حدتى فلو ما بتستحمل ممكن تتخارج زى ماقلت لأنو كلامك الأخير دا ما فيهو أى أحترام زى ما بتدعى ولو سحبتو بيكون أكرم ليك وللناس اللى بتتكلم بأسمهم وبيعرفونى أكتر من معرفتك لى... ...
نقاشنا عن وقائع وأهو أنت حولته لنقاش شخصى أنى ممكن أقول ولا ما أقول اشنو؟؟؟
فدحين أعقل والله يسامحك فى أفتراءك على زول ما بتعرفه ...
يا تبارك... كتير خيرك وأنا ما قدر كدا لكين شاركنا زينا وزى كل الناس وكل زول أدى دوره حسب ما كان شايف أنو صاح...وأهم شئ كنا شهود عيان..
بالمناسبة الماستر بتاعى عملتو فى متشجات وألمانيا طلعنا منها كيت بدون شهادات... سيف التعيس لقب بيعنى لى أحلى الأيام فمافيش مشكلة..
أهم شئ أنك شرحت للأخ العمدة قصة الدساتير دى وأنت شاركت فى البوست اللى أتعرضنا فيه للكلام دا وضربنا مثل بالحزب الليبرالى وسبقه فى المجال دا.. فكتر خير ياخى...
تحياتى
| |
|
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: SAIF MUstafa)
|
هذا .. الرجل مع كل الاحترام والتقدير الذي اكنه له...
فانه لم يأتي بجديد وهذه البضاعة التي يسوقها .. لا يوجد طلب عليها..
اذا كان يقصد ان يقوم اهل المؤتمر بالرضوخ لطلباته وتقديم التنازلات المرجوة ..
فهذا ضرب من انواع الخيال والوهم... هذا المؤتمر الوطني وقد خبرنا تعامله واقواله ..
فانه لن يفرط او حتي يفكر ان يتنازل او حتي يشاركه احد في الحكم ..
ما يحدث هنا لا يعدو ان يكون سوي مضيعة للوقت واطالة امد الحكم ..
حتي يفتح الله عليهم بمخارجة من ورطة الانفصال وما جرته عليهم من تبعات...
والي ذلك الحين ... لن ينفك السيد الامام بمدنا واتحفانا بدرره الكلامية...
| |
|
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: SAIF MUstafa)
|
الأخ العزيز مولاناعبدالله
سلامات
شكرا على حسن ظنك وبأمانة شديدة لاتعجبنى مواقف الأمام فى الفترة الأخيرة ولا أرى جدوى من نقاش رأى ومقولات نختلف مع قائلها فى المبدأ هل هو أسقاط أم غيره من مخارج كما يرى الأمام..
مثل هذه المقولات يجب تفنيدها من أساسها دون الحوجة للحوار حولها فى ندوة مربوطة بزمن وغيره...
بس فاتنا أستقبال الأمام وأكرامه بحضورنا كضيف فى المنطقة فلكم أعتذارنا
الأخت أيمان
أكرر أعتذارى لك ...
سأحاول أنشاء الله تحليل مقولات السيد ألأمام أعتمادا على سردك الوافى...
عليك الله أعفى لينا من حوارنا الجانبى
تحياتى
| |
|
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: ايمان بدر الدين)
|
Quote: الأخت أيمان
أكرر أعتذارى لك ...
سأحاول أنشاء الله تحليل مقولات السيد ألأمام أعتمادا على سردك الوافى...
عليك الله أعفى لينا من حوارنا الجانبى
تحياتى |
لاخ سيف مصطفى تحيات وسلامات
العفو يااخى وحقك مكفول فى ابداء رايك وفى كلام وحديث السيد الصادق واهلا بالتحليل وسبر اغوار الحقيقة فهذا حقك ونقاتل من اجل احترامه وسماعه اختلفنا معك فية ام اتفقنا ولكن لا داعى للردود الشخصية ولا للانتقاد بدون مبررات وانت لم تفعل ذلك ولكن مجرات الحديث اوجدت هذة الاشياء وكذا الاخ جبلابى له نفس الحق فى ابداء راية بنفس الضوابط فكلنا جئنا للحوار من اجل تحقيق العدل واسقاط وتغيير هذا النظام
وكفانا من نحن فيه الان من مشاكل وشعبنا يتجرع المرارات كل يوم ونحن شايلين هم اهلنا واسرنا وبلدنا نرسل لهم الاموال ليشتروا الماء والكهرباء والدوء ولقمة العيش ودفع مصاريف الاستشفاء والتعليم والسكن وكل شىء فمن منا لا يفعل ذلك حتى ولو لابناء الجيران والاصدقاء والاهل والاحباب فلولا المهاجرين وتحويلاتهم لمات اهللنا بالداخل ومنهم من يموت بالقصف والحرب والتشريد
فى المعسكرات
واصل حوارك بل كلاكما اهلا وسهلا بكما لاثراء الحوار
دعنا نمد الايادى لانقاذ بلدنا وعشان اهلنا من عذاب حكومة الانقاذ
| |
|
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: SAIF MUstafa)
|
شكرا الاخت ايمان
على التغطيه القويه و الشامله للندوة.
والتحيه للاخ سيف مصطفى
Quote: نتمنى ألا يفوت شباب حزب الأمة شرف المشاركة فى أسقاط النظام كما فات أمثالهم فى جامعة
الخرطوم شرف ألمشاركة فى قيادة أنتفاضة أبريل عندما رفضت قيادة الحزب التحالف مع التنظيمات الأخرى
فى أنتخابات أتحاد الأنتفاضة بدون سبب سوى مفاضلتهم للأسلاميين وأوهامهم بأنهم هم وحدهم من يقدر على أسقاط نميرى...
الأنقاذ ستسقط وبأيدى شباب السودان شاء ألامام أم أبى ..شارك الأنقاذ أم لم يشارك... مسألة زمن فقط.. |
ونتمنى ان يوصل التيار المستنير والصلب بحزب الامه رفض ان تنسيق مع الانقاذ.
| |
|
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: Tragie Mustafa)
|
Quote: سؤالى للجميع أذا كان السيد الأمام بيطلب من الناس تقديم دساتير مقترحة للأحزاب ترفضها أو تقبلها، فأيه المانع الناس يطالبوا الأحزاب دى ذاتها تقدم دساتيرها للناس والناس يرفضوها أو يقبلوها؟؟؟
الأحزاب هى اللى محتاجة للناخب وليس العكس كما يعتقد الأمام...
|
سيف سلامات
على ما اعتقد ان السيد الصادق يقصد ان كان المتقدمين من عضوية الاحزاب لأنه ناشد الاحزاب بلجانها المنتشرة فى المهاجر ان تفعل العمل المعارض ووضع البدائل ولو الاحزاب ما اهتمت بهذة الاوراق المقدمة يكون دا موضوع نقاش لمعرفة دور الاحزاب وهو كرئيس حزب من المفروض يناشد عضوية حزبه وبقية الاحزاب لكنه لم يذكر الجهات الاخرى واين تقدم مقترحاتها والطبيعى ان تكو ن هذة الاحزاب قد فرغت من تصوراتها استعداد لقيام مؤتمر دستورى وكلها مسألة زمن والانتفاضة قادمة قادمة وحتى لا نواجه بمصير ثورة مصر وتونس وليبيا فعلينا ان نكون جاهزين للانتخابات والتصويت على شكل الدستور
| |
|
|
|
|
|
|
|
|
|
Re: الصادق المهدى فى واشنطن يريد تغيير النظام وليس اسقاط النظام (Re: ايمان بدر الدين)
|
Quote: شكرا الاخت ايمان
على التغطيه القويه و الشامله للندوة.
والتحيه للاخ سيف مصطفى
Quote: نتمنى ألا يفوت شباب حزب الأمة شرف المشاركة فى أسقاط النظام كما فات أمثالهم فى جامعة
الخرطوم شرف ألمشاركة فى قيادة أنتفاضة أبريل عندما رفضت قيادة الحزب التحالف مع التنظيمات الأخرى
فى أنتخابات أتحاد الأنتفاضة بدون سبب سوى مفاضلتهم للأسلاميين وأوهامهم بأنهم هم وحدهم من يقدر على أسقاط نميرى...
الأنقاذ ستسقط وبأيدى شباب السودان شاء ألامام أم أبى ..شارك الأنقاذ أم لم يشارك... مسألة زمن فقط..
ونتمنى ان يوصل التيار المستنير والصلب بحزب الامه رفض ان تنسيق مع الانقاذ. |
الاخت تراجى مصطفى لك التحيات والسلامات
اشكرك على المداخلة والمتابعة واكيد شباب الامة شباب واعى وعلى اتصال بقياداته واكيد رأى الاغلبية هو عدم المشاركة والسعى لاسقاط او تغيير النظام فقد قابلت الكثيرين منهم وهم اشد عزيمة واصرار على اسقاط وتغيير نظام الخرطوم
| |
|
|
|
|
|
|
| |
ايمان بدر الدين
saif massad ali
معتصم مصطفي الجبلابي
تبارك شيخ الدين جبريل
SAIF MUstafa
Mohamed Doudi
صديق مهدى على
Elbagir Osman
عبدالمجيد صالح
سيف الدين عبد الجبار
ABDALLAH ABDALLAH
الصادق الزين
Tragie Mustafa
فيس بوك
تويتر
انستقرام
يوتيوب
بنتيريست