|
|
|
 Re: فســـاد زوجة المشير(2)...منحة قطـرية....برعاية سفير النظـــام (Re: محمد على حسن)
|
Quote: يا لك من بائس
ومروج للاكاذيب والاشاعات
اتق الله في نفسك واعلم ان انك ستعرض يوم العرض
على من لا تخفى عليه خافية
اايقنت بانك قد كتبت عند الله من الكذابين
حسبنا الله ونعم الوكيل |
يعني انت ما مروج للاكاذيب والدجل
ويعني ان لا تتق الله ومعاوية يعمل
يعني حسبك والله نحن اللحسبنا الله فيكم
انت اغتنيت من الانقاذ وسرقت وزوجت بنتك
منهم يعني دا كلو الله يخليه ويسأل معاوية
الفقير لله المسكين دا يا ود الباوقة لاتقل
إلا ما تفعل انت احق بتقوى الله من معاوية
لانك اثريت وشبعت وبنيت العمارات دون وجه
حق يعني انت لص عديل ومنتفع معاوية لا ....
.......................................حجر.
| |
  
|
|
|
|
|
|
|
 Re: فســـاد زوجة المشير(2)...منحة قطـرية....برعاية سفير النظـــام (Re: abdelrahim abayazid)
|
Quote: آخر البدع : منح السفير القطري (2000) فدان من أراضي السودان
November 13, 2011
(حريات)
منحت حكومة المؤتمر الوطني السفير القطري بالخرطوم (2000) ألفي فدان شمال غرب ام درمان على بعد (7) كيلومترات غرب طريق ام درمان دنقلا .
وهذه آخر (المنح) الحكومية لجهات قطرية رسمية وخاصة .
وسبق ومنحت الحكومة (230) ألف متر مربع بمحاذاة النيل لشركة الديار القطرية التي أقامت عليها مشروع (مشيرب) وأبراجه السكنية التي أطلق عليها اسم البدع .
والقطعة التي أقيم عليها مشروع (مشيرب – البدع ) من أراضي النقل النهري وكانت تابعة للحكومة الاتحادية ، فحولت في تدبير مخطط الى ولاية الخرطوم ، والتي باعتها على عهد والي الخرطوم عبد الحليم المتعافي الى شركة الديار القطرية بمبلغ (60) مليون دولار فقط ! رغم انها من أهم المناطق في ولاية الخرطوم وتطل على النيل ( اطلالة ساحرة) كما يقول أصحاب (البدع) !!
وأبلغ مصدر مطلع وموثوق (حريات) بأن قيادات المؤتمر الوطني المتنفذة قد نالت أغلب الوحدات السكنية ببرج (البدع) .
ويضم البرج (49) وحدة سكنية ، نال غالبها قيادات المؤتمر الوطني ، ومن بينهم علي عثمان محمد طه ، وعبد الله حسن البشير (شقيق عمر البشير) ، ومصطفى عثمان اسماعيل ، وعلي كرتي ، وعبد الرحمن الخضر ، وعبد الحليم المتعافي ، وابراهيم الخواض ( مدير مكتب علي عثمان) .
وتم تسليم أول برج سكني في أغسطس 2011. وبحسب مسؤولي المشروع باستطاعة سكان (البدع) ( الاستفادة من عدد من وسائل الراحة المصممة لضمان بيئة معيشية مريحة وآمنة ، بما في ذلك مواقف السيارات الخاصة تحت الأرض ، وأنظمة الأمن المتكاملة) . وصمم بعناية فائقة ( لتوفير الحد الأقصى من الاطلالات على النيل ، ومساحات عامة ومفتوحة وخضراء ، وممرات سير آمنة ومريحة للمشاة ) .
هذا وتتعامل حكومة المؤتمر الوطني مع أراضي البلاد كاقطاعات خاصة تمنحها بأدنى الأسعار لقاء العمولات و(البدع) أو كهبات ورشاوى للجيران و(الأشقاء) والحكومات والشركات . |
شكراً الأخ العزيز ود الصايم على فضح نظام الفساد
وكل عام أنت واسرتك بالف خير ..
هل هناك علاقة مابين منع السفير القطري 2000 فدان من
أراضي السودان التي أصبحت ملكاً لهم يوزعون فيها كما
يشأوؤن وهذا الخبر ؟!
| |
|
|
|
|
|
|
|
|
|
Re: فســـاد زوجة المشير(2)...منحة قطـرية....برعاية سفير النظـــام (Re: معاوية عبيد الصائم)
|
افتكر يا معاوية كان احسن ولد وداد ده يمشي ماليزيا
وطبعا ولد الرئيس من حقه ان ينال قسطا من التعليم
كمثله واي من ابناء الشعب السوداني
لكن الرئيس وزوجته وافراد حكومته
قرروا ان لاتعليم في السودان لذلك قرروا في
ابتعاث ابنائهم الي الخارج بالرغم من السياسة
العامة لنظام الانقاذ التي جاءت بالجامعات الكثيرة
التعليم بالداخل وعدم دعم التعليم بالخارج
كما سياسة توطين العلاج بالداخل التي فشلت فشلا زريعا
والولد امه كاي ام سودانية حرصت علي ابنها وشافت ليهو منحة
في الخارج برعاية سفير اكتر من كده شنو تاني؟
| |
|
|
|
|
|
|
|
|
|
Re: فســـاد زوجة المشير(2)...منحة قطـرية....برعاية سفير النظـــام (Re: abdelrahim abayazid)
|
بس ما تكون قاصد اني بطلع الحقيقة هنا عشان رزق لانه الكلام دا حينضاف لاكاذيبك الكثيرة في البورد
عايزة اعرف رزق شنو؟
امثالك هم كارثة هذه المعارضة والحمدلله الذي سخر لنا هذا البورد لنعرف المعارضة خارج الحكومة شكلها شنو
الا كنا على غبانا شايفنها بالصورة الشاعرية ديك
لكن لا فرق بين مجرمين الحكومة ومجرمين المعارضة الذين يستسهلون الكلام عن الناس
واعراضهم وذممهم..
ويارب لا تجلعنا في يدهم حتى لا تعذبنا مرتين مرة بالحكومة ومرة بالمعارضة.
لا يوجد فساد مادام الزول فتش منحة لولده بطريقته يكون الفساد اذا اعطيت هذه المنحة لحكومة السودان
ولم يتنافس فيها الطلاب..
في كم زول في البورد دا ولدو بقرأ بمنحة في قطر ولا غيرها؟
اسع حكومة الانقاذ دي بيرفكت بس بقت على طالب سوداني بدرس في منحة؟
ما قلنا ليكم ما محتاجين للكذب على الانقاذ لاثبات انها حكومة سيئة.
بالجد اعمى ومسكوه الباسورد
| |
|
|
|
|
|
|
|
|
|
Re: فســـاد زوجة المشير(2)...منحة قطـرية....برعاية سفير النظـــام (Re: محمد على حسن)
|
الاخ معاويه عبيد كل عام وانت بالف خير
وكذلك ضيوفك الكرام ، لست ناطقا باسم
اى جهة ‘ فعلى المستوى الشخصى ومن خلال
العلاقة الاسرية بابن الشهيد ابراهيم شمس
الدين فدعونى اقول ، إن فى دولة قطر ما
ما يسمى باكاديمية قطر للقادة ، يدخل لها
الطالب من الصف السادس ، بعد إجتيازه
إمتحانات اللغة الانجليزية و الرياضيات
ثم اللياقة البدنية ، وهى متاحة لكل
الطلاب حتى العاديين من ابناء المقيمين
فى البلد و المتفوقين خارجيا. وبها سكن
داخلى ، و ابن الشهيد يقيم بالسكن الداخلى
كان من المفترض ايضا ان يكون ابنى مجاهد
بهذه الاكاديميه ، إلاا انه فضل اتجاه اخر
وإذا امد الله فى الاجال فان( حسن هجو) فى
الطريق اليها .
هنالك العديد من ابناء السودان الشباب
الذين قدموا من السودان فى بعض الاكاديميات
هنا فى دولة قطر و بعض المبرزين ترعاهم دولة
قطر ، و ابناء اناس عاديين .
فى قطر العديد من المنح فى مختلف الجهات
تمنح للعديد من الناس ، الامر فى غاية البساطة
ربما ان وضعه الاسرى سهل له فرصة الالتحاق .
| |
|
|
|
|
|
|
|
|
|
Re: فســـاد زوجة المشير(2)...منحة قطـرية....برعاية سفير النظـــام (Re: د.نجاة محمود)
|
Quote: امثالك هم كارثة هذه المعارضة والحمدلله الذي سخر لنا هذا البورد لنعرف المعارضة خارج الحكومة شكلها شنو
|
يعنى يا نجاة انتى معترفة بالحكومة الانقلابية دى؟
بالمناسبة ..بتعرفى ديل؟
يحى فضل الله
السمانى لوال
مامون زروق
عبد الله عبد الوهاب
عبد الباقى مختار
عبد الجبار عبد الله
سمية خالد جبريل
ديل جزء قليل من معهد الموسيقى و المسرح
حبة من ناس المسرح
سمية من الموسيقى ...
| |
|
|
|
|
|
|
|
|
|
Re: فســـاد زوجة المشير(2)...منحة قطـرية....برعاية سفير النظـــام (Re: معاوية عبيد الصائم)
|
Quote: يعنى يا نجاة انتى معترفة بالحكومة الانقلابية دى؟
|
قرقرقررررقرر بالجد مبالغة يا معاوية
ما عندك شغلة بالاجابة بس العايز تكتبوا بتكتبوا ذكرتني زوجي عنده طالب دكتوراه تونسي
بيحضر الكلام الحيقولو ليه قبل يجي اها لو زوجي ما قاليه الكلام البجيب الكلام
المحضر برضو بيقولو ليه ويجب على اسئلة لم يتم طرحها
قام كلم صاحبو التونسي اها دا قاليه ايا اعرفه لما جيك قبل ما يبدا طوالي انت قوليه
ايش مخ الهدرة..
اسع انا بسالك يا معاوية ايش مخ الهدرة
وليه جايب بعض من اسماء اصحابي هنا؟
ديل كلهم لو اتكلمت معاهم عني حيوروك كلامك دا كلو فاضي ساي
دا طبعا لو قصدك خبيث عايز تثبت لعزيزي القاري انه بتعرف الناس ديل وكلموك
بحاجات عني. لو جبيتا سيرتي بكلام فاضي والله مونج دا يكتلك رسمي وشعبي.
فبالله سيب الحركات القرع دي..
ومنتظراك تثبت انو انابتكلم هنا عشان رزقي..
| |
|
|
|
|
|
|
|
|
|
Re: فســـاد زوجة المشير(2)...منحة قطـرية....برعاية سفير النظـــام (Re: د.نجاة محمود)
|
Quote: دا طبعا لو قصدك خبيث عايز تثبت لعزيزي القاري انه بتعرف الناس ديل وكلموك
|
يشهد الله يا دكتورة والله على ما اقوله شهيد
اخر زول فى الناس ديل اتكلمت معاهو قبل
سنتين
بس سااااى اتذكرتهم لله ...يعنى طلعوا اصحاب
مشتركين ...
ع المستوى الشخصى انا ما بعرف للطريقة
دى فى صراعى السياسى ..بمعنى اسال فلان
من فلان وللا فرتكان
لك احترامى رغم انك طلعتينى كضاب
اها ..وصل الاخ هجو الاقرع ..واكد انو الطالب
ده دخل الكلية الصعبة دى ولو ما وضعو الاجتماعى
يشهد الله ما يشمها...
فتك عافية ....
| |
|
|
|
|
|
|
|
|
|
Re: فســـاد زوجة المشير(2)...منحة قطـرية....برعاية سفير النظـــام (Re: معاوية عبيد الصائم)
|
Quote: لك احترامى رغم انك طلعتينى كضاب
اها ..وصل الاخ هجو الاقرع ..واكد انو الطالب
ده دخل الكلية الصعبة دى ولو ما وضعو الاجتماعى
يشهد الله ما يشمها...
|
يا معاويه يا خوى ما تمسك من النص
هل تعلم ان القبول يتم بعد الاعلان فى
الصحف المحليه ، يعنى الامر متاح للجميع
و الله الدخول اليها مش صعب .
بعدين الولد مش ساكن فى بيت السفير
ليه خليتو النقطة دى ، ما قلنا فى
السكن الداخلى .
العنوان صراحة مثير .
| |
|
|
|
|
|
|
|
|
|
Re: فســـاد زوجة المشير(2)...منحة قطـرية....برعاية سفير النظـــام (Re: معاوية عبيد الصائم)
|
Quote:
امثالك هم كارثة هذه المعارضة والحمدلله الذي سخر لنا هذا البورد لنعرف المعارضة خارج الحكومة شكلها شنو
الا كنا على غبانا شايفنها بالصورة الشاعرية ديك
لكن لا فرق بين مجرمين الحكومة ومجرمين المعارضة الذين يستسهلون الكلام عن الناس
واعراضهم وذممهم..
ويارب لا تجلعنا في يدهم حتى لا تعذبنا مرتين مرة بالحكومة ومرة بالمعارضة.
لا يوجد فساد مادام الزول فتش منحة لولده بطريقته يكون الفساد اذا اعطيت هذه المنحة لحكومة السودان
ولم يتنافس فيها الطلاب..
في كم زول في البورد دا ولدو بقرأ بمنحة في قطر ولا غيرها؟
اسع حكومة الانقاذ دي بيرفكت بس بقت على طالب سوداني بدرس في منحة؟
ما قلنا ليكم ما محتاجين للكذب على الانقاذ لاثبات انها حكومة سيئة.
بالجد اعمى ومسكوه الباسورد |
الدكتورة نجاة
اين الكذب هنا
لا السفارة نفت
ولا الحكومة نفت
ثانيا نعم هذه ليست قصة الفساد وحدها وكل يوم بتظهر
قصة فساد وتطفح علي السطح وكل ما نمتلك معلومة عن فساد
نفضحه حتي نحاربه
هل بتفتكري اذا في منحة دراسية اولي بها ابن الرئس او ابن مواطن عادي
وهذا ما قصدنا
بعدين مافي حد هنا اتعدي علي عرض
وارجو ان لاتتهمي الناس بالكذب ولا دليل لك علي ذلك
وللحديث بقية
| |
|
|
|
|
|
|
|
|
|
Re: فســـاد زوجة المشير(2)...منحة قطـرية....برعاية سفير النظـــام (Re: abdelrahim abayazid)
|
Quote:
هل بتفتكري اذا في منحة دراسية اولي بها ابن الرئس او ابن مواطن عادي
وهذا ما قصدنا |
اذا منحة دراسية عامة يتنافس فيها المتنافسين اذا منحة فتشتها بطريقتي ابقى اولى بيها ولدي
في الاف الطلاب يدرسون بمنح فتشوها بطريقتهم الخاصة
في العنوان يا ملك ولا من شدة بقيتو ما بتعرفو الكذب اي حاجة عندك عادية.
Quote:
ثانيا نعم هذه ليست قصة الفساد وحدها وكل يوم بتظهر
قصة فساد وتطفح علي السطح وكل ما نمتلك معلومة عن فساد
نفضحه حتي نحاربه |
لو البتعملوه دا محاربة فساد يبقى على محاربة الفساد السلام
لانه البتعملوه دا هو نفسو فساد وعمل غير قانوني
عندك دليل على ان هذه المنحة قدمت للشعب السوداني عن طريق مكتب القبول العام
واعطيت لابن وداد تبقى تجيب لينا الكلام دا مكتوب ومختوم من وزارة الخارجية والتعليم
يبقى كلام شمارات نحنا كمواطنين ما عايزين زول يتعدى على اخلاقياتنا وقوانينا ودينا
بنشر الاكاذيب والاشاعات والتشهير بالناس دون دليل
| Quote: ارجو ان لاتتهمي الناس بالكذب ولا دليل لك علي ذلك |
لا بالله وريني الحقيقة الوحدية هنا من العنوان لتعليقات الناس هنا..
بالجد اعودتو على الاكاذيب حتى بيقتو ما بتفرزوها..
وتعال متل ما عايز واكتب متل ما عايز فانت في سوداينزاونلاين وعندك باسورد
المتلك منو؟
| |
|
|
|
|
|
|
|
|
|
Re: فســـاد زوجة المشير(2)...منحة قطـرية....برعاية سفير النظـــام (Re: ABUHUSSEIN)
|
د نجاة
تعرفي جيدا ان الفساد لايحارب الا باعلانه
ثانيا فلتذهب زوجة المشير وداد للقانون ولنري بعدها فعني لست خايفا ولا ابه باي تهديد
وداد او البشير لو لم يستغلوا وضعهم لما حصلوا علي تلك المنحة
يعني نحن بنتكلم عن رئيس دولة
والمسالة اصلا لم تكن شخصية
ما نفعل هنا هو اقل شي ممكن ان نفعل علي حسب فهمنا للمساهمة في خلاص شعبنا من هذا النظام
لكن طوال تواجدي في هذا المنبر لم اري لك طرحا لكيفية الخلاص او توجيه ايجابي للمعارضة
اي كانت فماهو طرحك فالمعارضة جبهة فضفاضة اين تقفين منها؟ وانت دوما رغم دفاعك عن النظام تبدين
انك معارضة له
مع كل احترامي لك كانسانة
| |
|
|
|
|
|
|
|
|
|
Re: فســـاد زوجة المشير(2)...منحة قطـرية....برعاية سفير النظـــام (Re: معاوية عبيد الصائم)
|
Quote: وانت دوما رغم دفاعك عن النظام تبدين
انك معارضة له |
يلا عاد جيب لي اي بوست ولا كلام كتبتوا بدافع عن النظام من سنة 1999 الى الان
انت مفتكر عشان ينقول للمعارضة احترمي نفسك وخلو الرجم والكذب وتجاوز الاعراف والتقاليد
معنها بندافع عن الانقاذ؟
المعارضة الاسفيرية دي عاملة لي طمام بطن ولو بقينا عليها معنها احسن ما يجي التغيير
لانه بنكون بدلنااحمد بحاج احمد
في اي قوت ينقلب النطام دا اذا في زول من الهنا ديل بقى وكيل وزارة انا طوالي حاطلب اللجوء السياسي
واحت جنسيتي ...
فبالله ما تقتلوا الامل جوانا بانكم تقلدوا من تدعون محاربتهم وانتو سيم سيم
عايزين معارضة ناضجة محترمة وعايزنها تشبه التقاليد والاعراف حقتنا
| |
|
|
|
|
|
|
|
|
|
Re: فســـاد زوجة المشير(2)...منحة قطـرية....برعاية سفير النظـــام (Re: abdelrahim abayazid)
|
| Quote: هو الدفاع عن النظام ده كيف؟ |
اها كيف؟ ورينا بالتفاصيل بالله
Quote: حاجة التانية نحن ذاتنا لما نشوف كلامك ده
ونشوف انك د كتورة بنحزن شديد جدا لشخص يحمل درجة علمية ويكون بيقول في مثل كلامك ده. |
بالله الدكاترة بقولو شنو عشان ما يحزنوكم؟
ولا الا ابقى عميلة وكذابة حتى ما احزنكم؟؟!!!؟؟؟؟
| Quote: وما زلت اسال عن طرحك وتصورك للمعارضة والحكومة |
اي حاجة عكسكم كويسة معاي,,,بس انتو لع ثم لع
| |
|
|
|
|
|
|
|
|
|
Re: فســـاد زوجة المشير(2)...منحة قطـرية....برعاية سفير النظـــام (Re: معاوية عبيد الصائم)
|
الله يرحم الزينين الاتوسدوا التراب
Quote: خلال تجوالي في الشبكة العالمية للمعلومات، شد انتباهي في صحيفة " صندي تليغراف" ما يلي: "دعت جهات مسؤولة، رئيس الوزراء البريطاني ديفيد كاميرون للكشف عن تفاصيل تجديد شقته في مكتب رئاسة الحكومة (10 داوننغ ستريت) بموجب قانون حرية المعلومات، وطلب مفوض المعلومات كريستوفر غرايم من كاميرون الكشف عن العمل الذي ادخله على حمام الشقة التي يقيم فيها مع زوجته وأطفالهما الثلاثة في داوننغ ستريت.
و تبين في وقت سابق هذا العام أن كاميرون انفق كامل الميزانية السنوية المتاحة لرؤساء الوزراء البريطانيين البالغة 30 ألف جنيه إسترليني لأعمال الصيانة والتحسينات لمقر إقامتهم في داوننغ ستريت،وشدد المسؤولون عن الميزانية أن التكاليف التي تستوفى من دافعي الضرائب البريطانيين لا تشمل الأثاث والتجهيزات، بل أشياء مثل الكهرباء والسباكة والتعديلات الهيكلية والديكور. انتهى وسألتزم بعدم التعليق.
عدت إلى الذاكرة السودانية وسأورد نماذج بلا تعليق،فقد صادق مجلس الوزراء لوزير الداخلية حينها عبد الله عبد الرحمن نقد الله بملبغ 500 جنيه إسترليني من اجل السفر إلى بريطانيا للعلاج،ولدى وصوله هناك وجد صديقا له تكفل بعلاجه، ولدى عودته طلب من مدير مكتبه أن يرد إلى وزير المالية الشريف حسين الهندي 490 جنيها إسترلينيا، وقال إنه منح ماتبقى 10 جنيهات لمن حمل له حقائبه.
وزير الحكم المحلي ووكيل حزب الأشقاء الشهير محمد نور الدين الذي باع منزله في شارع الصناعات ليكون مقرا للسفارة المصرية ويصرفه على حزبه، أصابه مرض فرقد طريح الفراش في مستشفى الخرطوم الجنوبي، وعندما استرد عافيته طلبت منه إدارة المستشفى سداد 850 جنيها فعجز عن ذلك فرفضت الإدارة مغادرته إلا بعد سداد المبلغ،وسعى وكيل وزارته علي حسن عبد الله إلى مدير المستشفى الدكتور عبد الحليم محمد الذي أحاله إلى وزير الصحة، لكن الوزير قاله له إن هذه مسألة خارج سلطاته وصلاحياته، ونصحه بالتوجه إلى الرئيس إبراهيم عبود باعتباره رأس ا?دولة ،فسارع أحمد مجذوب البحاري إلى الفريق عبود لمعالجة المشكلة،غير أن عبود الذي كان متعاطفا مع حالة محمد نور الدين لم يقرر شطب المبلغ أو دفعه من المال العام ،فحرر صكا من ماله الخاص بمبلغ 50 جنيها وقال لصديقه البحاري، أكملوا ما تبقى من إخوانكم.
مثال آخر ،الشريف حسين الهندي كان لديه مكتب تجاري في عمارة التأمينات بالخرطوم، وعندما اختير وزيرا للمالية ترك المكتب لشقيقه الشريف زين العابدين الذي كان يتعامل مع تجار رسى عليهم عطاء لاستيراد فلنكات، ولدى مراجعة الوزير الهندي لملفات العطاءات رفض منح التجار العطاء،فجاءه شقيقه محتجا فسأله هل هو مكتبك أم مكتبي؟ فرد عليه مكتبك، فطلب من أن يأتيه بمفتاح المكتب وأغلقه شهورا قبل أن يمنحه إلى الرشيد الطاهر بكر الذي استخدمه مكتبا للمحاماة.
نجل الرئيس عبود (عمر)، قلت النسبة التي أحرزها في الامتحانات نحو 2 في المئة من النسبة المحددة لدخول كلية الطب في جامعة الخرطوم، وقرر مجلس الجامعة استثناءه وقبوله بالكلية، ولكن والده عندما علم بذلك رفض وابتعثه إلى مصر لدراسة الجامعة هناك.
هناك عشرات الأمثلة والنماذج التي يمكن أن تورد خلال مراحل تاريخية مختلفة من الحكم الوطني لتتحدث عن نفسها بلا شرح أو تفسير ..ولا تعليق |
المصدر
| |
|
|
|
|
|
|
| |
معاوية عبيد الصائم
محمد يوسف الزين
abdelrahim abayazid
معاوية عوض الكريم
محمد على حسن
الرفاعي عبدالعاطي حجر
بشير أحمد
قلقو
Amani Al Ajab
هجو الأقرع
ABUHUSSEIN
محمد إبراهيم علي
فيس بوك
تويتر
انستقرام
يوتيوب
بنتيريست