في زمن سنوات الانقاذ العجاف 1993 عندما عدت الى السودان كنا نقيم في الحاج يوسف شارع واحد..اخبرتني امي التي طافت السودان مع ابي الله يرحمه..انها كانت تاتي بنساء من جبال النوبة مع اطفالهم في البيت كل جمعة ..وكانت احوالنا ميسورة حيث يعمل اخي في منظمة بلان سودان وقد ورث الكثير من رؤيته الانسانية من امي..واخبرنها النساء"يا يمة نحن ما عايزين قروش ..القروش نعمل بيها شنو اطعمي لنا اطفالنا"..كان النسوة يؤنسنها ويساعدنها في غسيل الملابس وترتيب اوضاع البيت..وتقوم امي بتحميم اطفالهم واطعامهم.. واخبرتني ان ذاك اننا عندما كنا في الدلنج وولدت شقيقتي الصغرى هناك..قامت نساء النوبة بحملها الى الخارج ورفعنها للشمس...الشيء الذى افزع امي كانت لا تعلم ان اهل الجبال بالفطرة عرفو فائدة اشعة الشمس في تحرير فيتامين دي الذى يقوى العظام..وفعلا نجت شقيقتي من شلل الاطفال لاحقا والذى افترس كثير من الاطفال في حي الداخلة في عطبرة..اخبرتني عن مريم التي كانت تسميني تيسو ادوما...كان والدي مدرس في معهد التربية الدلنج في الستينات...اخبرني عن اسماء لا استحضرها بوضوح مثل جردقون...منوفل من رشاد...رحال...
توفى والدي قبل ثلاث سنوات...ولم يرى جهوده تذهب ادراج الرياح..والحاكم بامر الله يقتلهم ليتسلى...كما قال الشاعر نزار قباني في يوميات سياف عربي... والحديث ذو شجون
وبعدين الصورة لسكان ابيى وهم هاربون من أجيتاح الجيش السودانى للمدينة.
بريمة
بريمة المنافق والكذاب وشوف العذر الاقبح من الذنب...القدامك دي جريمة حرب وقصف مدنيين شايفيني فضائية الجزيرة مباشر...عشان تحقق في الصورة والخبر... هذا ليس اجتياح هذا قصف جوي والجارين ديل نوبة وليس جنوبيين وكلهم عند الحاكم بامر الله في المركز يا حكامة المؤتمر الوطني (حشرات) بعدين سيرة مدينة دي سلسلة تداعايات بفهموها الاذكياء في البورد وهم عملة نادرة بس يا بتاع وول ستريت قاعد في امريكا دي سنين عددا بدل تمشي تشوف نهر كلفورنيا الصناعي عشان تساعد اهلك بمشاريع مماثلة بدل ما يحلفو بالمهدي وخليفتا وصابونتا وليفتا عارف ذي نوعك ده في الهامش بسموا حصان كاليجولا...مباري لي النسوان العريانات في وول ستريت...امشي المس واحدة عشان تدخل السجن الامريكي المعروف الناس بدخلو (خمسة) بطلعو منو( سبعة)....D: شهر 11 بجي ...وتجي قصة لو بقينا من بقر المسيرية الما بعرف ليه خارطة ولا في ايده جواز سفر... نشوفك انت وجماعتك ديل بتمشوا ورا البقر ده ولى بتموشا ورا الدرديري...وانا عارفك ما مسيري ولكن اختلاف مقدار ... انا كان ما طيرتك مني يا بريمة تشوف...
بعد ماساة اندلاع الحرب في جنوب كردفان والنيل والازرق بهذه الصورة الماساوية؟ دعونا نتساءل من الذى اوعز لقطاع الشمال...ان ينسحب من انتخابات 2010 على علاتها؟ ما الذى اوعز لقطاع الشمال ان ينسحب من انتخابات 2010 على علاتها واين كان الخيار الصحيح لقطاع الشمال التحالف مع الحزب الاتحادي الديموقراطي؟ ام التحالف مع (النخبة السودانية وادمان الفشل)؟ وما هو الاسوا الذى بثه المرجفون بان فوز قطاع الشمال ؟؟ ... اذا كل زول اتواضع واستحى من نفسه وراجع هذا الامر...كنا رسينا على بر
المرة الجاية بجي بالوثائق..عشان نجاوب الاسئلة الفوق دي فابقوا معنا....
الرسائل والمقالات و الآراء المنشورة في المنتدى بأسماء أصحابها أو بأسماء
مستعارة
لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
