|
خروف العيد ابو كرتونة
|
و لله فى خلقه شئون----- هذه احدى ضرائب الاغتراب و التسكع فى مدن العالم ياتيك خروف العيد الذى يفترض ان تسمى اسم الله عليه و توجه نحو القبلة و تنحره بيديك فداء لك و لاسرتك ياتيك فى كرتونة زنة 15 كيلو. يتم الحجز لهذا الخروف قبل عدة ايام قبل العيد فى دكان ابو يمن و تستلمه عادة ثانى ايام العيد طرد لحمة و انت لا تدرى عنه شئيا انما الاعمال بالنيات هذا احدى الخيارت المتاحة لنا فى امريكا ,لا ام فت فت و لا اتى ولا كبدة نية. هنالك من تسمح له ظروفه بالذهاب للمزارع فى اطراف المدينة ليمارس الشعيرة كما يجب. اسال الله القبول و كل عام و الجميع بخير
|
|
|
|
|
|
|
|
Re: خروف العيد ابو كرتونة (Re: abedalhamied mamoun)
|
اخوي عبد الحميد كل عام وانت والاسرة بالف خير
يا زول برضو شيء احسن من لا شيء، وفعلاً هي ضريبة عالية نحنا في الرياض برضو عندنا الخروف ابو كرتونة عادة بنمشي صباح العيد نشتري الخروف ونوديهو المسلخ، يسلموك رقم وتستلمه في الجهة الاخرى بعد ساعات (خروف ابو كرتونة)
مرات يتآمروا عليك العيال ويصروا من قبل ايام " يا ابوي السنة دي دايرين خروف عديل، ما تجيبو لينا في كرتونة" طبعاً يلتزموا ليك بتنظيف السطوح ننصاع ونضطر نجيبه قبل يوم وتسمع الباع بااع والشفع يساهروا معاهو للصباح و يأكلوا فيهو ويشربوا فيهو ويلعبوا
ربنا يصلح الحال ويرجعنا لي بلدنا
تحياتي
| |
|
|
|
|
|
|
Re: خروف العيد ابو كرتونة (Re: عماد حسين)
|
مرحبتين اخونا عماد يا زول انت جنبنا بي هنا، انا كنت مفتكرك في السودان جوالي في البروفايل
Quote: بالمناسبة يا الشفيع.. هل أنت من الوراريق (دويم ود حاج/ أب دوم) |
نعم صحيح يا عماد اصولنا من ود حاج وجدودنا استقروا في شبا، الفقرا انا كنت دايرك تواصل موضوع الجينات واشجار العوائل، اصلو عندنا شجرة ماااكنة دايرين نأصلها
| |
|
|
|
|
|
|
Re: خروف العيد ابو كرتونة (Re: الشفيع وراق عبد الرحمن)
|
الاخ الشفيع و الاخ عماد شكرا على المداخلتين و اثراء البوست بتجارب ناس الرياض مع السيد الخروف. بعدين شايف البوست طلعكم اهل انت و الاخ عماد ربنا يديم المعرفة لكما التحية اخوانى الكرام و كل عام و انتم بخير
| |
|
|
|
|
|
|
|