Quote: والاغتيالات التي تمت في مصر الجزائر العراق اليمن الصومال من جماعات اسلامية
السؤال هو: لماذا تري فقط ارهاب الجماعات الاسلامية. لماذا لاتفتح بوستات تفضح فيها الارهاب الذي تمارسه الجماعات غير الاسلامية .. لماذا تكتفي فقط بالقول : أدين ? وعندما يتعلق الامر بجماعة اسلامية تقيم البورد ولاتقعده ?,, نرجو ان تنزل لينا رابط لبوست كتبته بخصوص رفضك للارهاب الذي يقع من الجماعات غير الاسلامية.
لماذا تتبع وترصد اخطاء المسلمين فقط? ماذا تريد ان تقول? نريد اجابة واضحة حتي نفهمك .. أتريد ان تقول ان الجماعات الاسلامية ارهابية بسبب فهمها الخاطئ للاسلام? ام تريد ان تقول ان الاسلام نفسه دين ارهاب ? لاتوجد منطقة وسطي. والاجابات العمومية لاتفيد ,, نريد اجابة محددة ,, يا ابيض يا اسود. اللون الرمادي ده هو اللي بخلي الناس تقول تفسر كلامك علي قدر مايفهم منه. نحن معك لانقر العنف ايا كان مصدره ,, لكن كمان عاوزينك اذا قلت الاسلام دين ارهاب ان تقول هو دين ارهاب لكذا وكذا وكذا.. واذا كنت دائما تقول: عاوز تطور القرآن قول لينا كيف .. وحدد لينا الايات الـ ماعاجباك في القرآن وقول لينا نتصرف فيها كيف? نعمل طبعة جديدة للمصحف تخلو من تلك الايات ,, نقول للناس اقروها للتسلية ,, ورينا رايك واحد اتنين تلاتة ,, مش تجي ترفض لينا حاجة وماعندك حل ,, (انا هنامابتكلم عن البديل للقرآن) عارفك حا تجي تقول لي العلمانية ,, والاستاذ محمود قال ومش عارف ايه. انا بتكلم عن انك انت اطلقت دعوة لتطوير القرآن وانا بسألك ,, تقصد شنو وكيف? ماتبقي زي الزول اللي راح ليهو الدرب عند المخادة .. عاوز تقطع البحر ومابتعرف تعوم وماك عارف محل المخادة بي وين?
وهاك ده فوق البيعة ,, يمكن تشوف احترام حقوق الاطفال ,, عند اهلك العلمانيين ارباب حقوق الاطفال ,, واحترام النساء اللي انت عامل فيها بتدافع عنهن.. شوف الجنود الصهاينة ديل ارهبوا الاطفال ديل كيف ? ودي الدولة اللي بتدعي الديمقراطية وبتحترم حقوق الانسان. ما تجي تقول لي حكومة البشير فعلتها وتركتها ,, عواسة حكومة البشير لاتبرر لادعياء الديمقراطية والحرية وحقوق الانسان .. ارهاب الناس .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالعزيز الفاضلابى
فيس بوك
تويتر
انستقرام
يوتيوب
بنتيريست